bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
1 Samuel 28
1 Samuel 28
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Aur unhíṉ dinoṉ meṉ aisá húá, ki Filistíoṉ ne apní faujeṉ jang ke liye jama‘ kíṉ, táki Isráíl se laṛeṉ. Aur Akís ne Dáúd se kahá, Tú yaqín ján, ki tujhe aur tere logoṉ ko lashkar meṉ hokar mere sáth jáná hogá.
2
Dáúd ne Akís se kahá, Phir jo kuchh terá ḳhádim karegá, wuh tujhe ma‘lúm bhí ho jáegá. Akís ne Dáúd se kahá, Phir to sadá ke liye tujh ko maiṉ apne sir ká nigahbán ṭhahráúṉgá.
3
Aur Samúel mar chuká thá, aur sab Isráílíoṉ ne us par nauha karke use us ke shahr Rámah meṉ dafn kiyá tha. Aur Sáúl ne jinnát ke áshnáoṉ aur afsúngaroṉ ko mulk se ḳhárij kar diyá thá.
4
Aur Filistí jama‘ húe, aur ákar Shúním meṉ ḍere ḍále, aur Sáúl ne bhí sab Isráílíoṉ ko jama‘ kiyá, aur wuh Jilbú‘a meṉ ḳhaimazan húe.
5
Aur jab Sáúl ne Filistíoṉ ká lashkar dekhá, to hirásán húá, aur us ká dil bahut káṉpne lagá.
6
Aur jab Sáúl ne Ḳhudáwand se suwál kiyá, to Ḳhudáwand ne use na to ḳhwáboṉ aur na Urím aur na nabíoṉ ke wasíle se koí jawáb diyá.
7
Tab Sáúl ne apne mulázimoṉ se kahá, Koí aisí ‘aurat mere liye talásh karo jis ká áshná jinn ho, táki maiṉ us ke pás jákar us se púchhúṉ. Us ke mulázimoṉ ne us se kahá, Dekh, ‘Ain Dor meṉ ek ‘aurat hai, jis ká áshná jinn hai.
8
So Sáúl ne apná bhes badalkar dúsrí poshák pahiní, aur do ádmíoṉ ko sáth lekar chalá, aur wuh rát ko us ‘aurat ke pás áe, aur us ne kahá, Zará merí ḳhátir jinn ke zarí‘e se merá fál khol, aur jis ká nám maiṉ tujhe batáúṉ, use úpar bulá de.
9
Tab us ‘aurat ne us se kahá, Dekh, tú jántá hai, ki Sáúl ne kyá kiyá, ki us ne jinnát ke áshnáoṉ aur afsúngaroṉ ko mulk se káṭ ḍálá hai; pas, tú kyúṉ merí ján ke liye phandá lagátá hai, táki mujhe marwá ḍále?
10
Tab Sáúl ne Ḳhudáwand kí qasam khákar kahá, ki Ḳhudáwand kí hayát kí qasam, is bát ke liye tujhe koí sazá nahíṉ dí jáegí.
11
Tab us ‘aurat ne kahá, Maiṉ kis ko tere liye úpar bulá dúṉ? Us ne kahá, Samúel ko mere liye bulá de.
12
Jab us ‘aurat ne Samúel ko dekhá, to baland áwáz se chilláí: aur us ‘aurat ne Sáúl se kahá, Tú ne mujh se kyúṉ dagá kí, kyúṉki tú to Sáúl hai?
13
Tab bádsháh ne us se kahá, Hirásán mat ho: tujhe kyá dikháí detá hai? Us ne Sáúl se kahá, Mujhe ek deotá zamín se úpar áte dikháí detá hai.
14
Tab us ne us se kahá, Us kí shakl kaisí hai? Us ne kahá, Ek buḍḍhá úpar ko á rahá hai, aur jubba pahine hai. Tab Sáúl ján gayá ki wuh Samúel hai, aur us ne muṉh ke bal girkar zamín par sijda kiyá.
15
Samúel ne Sáúl se kahá, Tú ne mujhe kyúṉ bechain kiyá, ki mujhe úpar bulwáyá? Sáúl ne jawáb diyá, Maiṉ saḳht pareshán húṉ, kyúṉki Filistí mujh se laṛte haiṉ, aur Ḳhudá mujh se alag ho gayá hai, aur na to nabíoṉ, aur na ḳhwáboṉ ke wasíle se mujhe jawáb detá hai; is liye maiṉ ne tujhe buláyá, táki tú mujhe batáe, ki maiṉ kyá karúṉ.
16
Samúel ne kahá, Pas, tú mujh se kis liye púchhtá hai, jis hál ki Ḳhudáwand tujh se alag ho gayá hai, aur terá dushman baná hai?
17
Aur Ḳhudáwand ne jaisá merí ma‘rifat kahá thá, waisá hí kiyá hai: Ḳhudáwand ne tere háth se saltanat chák kar lí, aur tere paṛausí Dáúd ko ‘ináyat kí hai:
18
is liye ki tú ne Ḳhudáwand kí bát nahíṉ mání, aur ‘Amálíqíoṉ se us ke qahr i shadíd ke muwáfiq pesh nahíṉ áyá; isí sabab se Ḳhudáwand ne áj ke din tujh se yih bartáo kiyá.
19
Másiwá is ke Ḳhudáwand tere sáth Isráílíoṉ ko bhí Filistíoṉ ke háth meṉ kar degá; aur kal tú aur tere beṭe mere sáth hoṉge; aur Ḳhudáwand Isráílí lashkar ko bhí Filistíoṉ ke háth meṉ kar degá.
20
Tab Sáúl fauran zamín par lambá hokar girá, aur Samúel kí bátoṉ ke sabab se niháyat ḍar gayá, aur us meṉ kuchh quwwat báqí na rahí, kyúṉki us ne us sáre din aur sárí rát roṭí nahíṉ kháí thí.
21
Tab wuh ‘aurat Sáúl ke pás áí, aur dekhá, ki wuh niháyat pareshán hai; so us ne us se kahá, Dekh, terí lauṉḍí ne terí bát mání, aur maiṉ ne apní ján apní hathelí par rakkhí, aur jo báteṉ tú ne mujh se kahín maiṉ ne un ko máná hai:
22
so ab maiṉ terí minnat kartí húṉ, ki tú apní lauṉḍí kí bát sun, aur mujhe ijázat de, ki roṭí ká ṭuḳṛá tere áge rakkhúṉ; tú khá, táki jab tú apní ráh le, to tujhe táqat mile.
23
Par us ne inkár kiyá, aur kahá, ki Maiṉ nahíṉ kháúṉgá; lekin us ke mulázim us ‘aurat ke sáth milkar us se bajidd húe; tab us ne un ká kahá máná, aur zamín par se uṭhkar palang par baiṭh gayá.
24
Us ‘aurat ke ghar meṉ ek moṭá bachhṛá thá; so us ne jaldí kí aur use zabh kiyá, aur áṭá lekar gúṉdhá, aur beḳhamírí roṭiyáṉ pakáíṉ,
25
aur un ko Sáúl aur us ke mulázimoṉ ke áge láí; aur unhoṉ ne kháyá. Tab wuh uṭhe, aur usí rát chale gaye.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31