bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 13
Ezekiel 13
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 14 →
1
Aur Ḳhudáwand ká kalám mujh par názil húá,
2
ki Ai ádamzád, Isráíl ke nabí jo nubuwwat karte haiṉ, un ke ḳhiláf nubuwwat kar, aur jo apne dil se bát banákar nubuwwat karte haiṉ, un se kah, Ḳhudáwand ká kalám suno.
3
Ḳhudáwand Ḳhudá yúṉ farmátá hai, ki Ahmaq nabíoṉ par afsos, jo apní hí rúh kí pairawí karte haiṉ, aur unhoṉ ne kuchh nahíṉ dekhá.
4
Ai Isráíl, tere nabí un lomṛiyoṉ kí mánind haiṉ jo wíránoṉ meṉ rahtí haiṉ.
5
Tum raḳhnoṉ par nahíṉ gaye, aur na baní Isráíl ke liye fasíl banáí, táki wuh Ḳhudáwand ke din janggáh meṉ khaṛe hoṉ.
6
Unhoṉ ne bátil aur jhúṭhá shugún dekhá hai jo kahte haiṉ ki Ḳhudáwand farmátá hai, agarchi Ḳhudáwand ne un ko nahíṉ bhejá: aur logoṉ ko ummed diláte haiṉ, ki un kí bát púrí ho jáegí.
7
Kyá tum ne bátil royá nahíṉ dekhí? kyá tum ne jhúṭhí g̣aibdání nahíṉ kí, kyúṉki tum kahte ho, ki Ḳhudáwand ne farmáyá hai, agarchi maiṉ ne nahíṉ farmáyá?
8
Is liye Ḳhudáwand Ḳhudá yúṉ farmátá hai, ki Chúṉki tum ne jhúṭh kahá hai, aur butlán dekhá, is liye Ḳhudáwand Ḳhudá farmátá hai, ki Maiṉ tumhárá muḳhálif húṉ.
9
Aur merá háth un nabíoṉ par jo butlán dekhte haiṉ aur jhúṭhí g̣aibdání karte haiṉ chalegá: na wuh mere logoṉ ke majma‘ meṉ shámil hoṉge, aur na Isráíl ke ḳhándán ke daftar meṉ likhe jáeṉge, aur na wuh Isráíl ke mulk meṉ dáḳhil hoṉge: aur tum ján loge ki maiṉ Ḳhudáwand Ḳhudá húṉ.
10
Is sabab se ki unhoṉ ne mere logoṉ ko yih kahkar warg̣aláyá hai, ki Salámatí hai, háláṉki salámatí nahíṉ; jab koí díwár banátá hai to wuh us par kachchí kahgil karte haiṉ:
11
tú un se jo us par kachchí kahgil karte haiṉ kah, Wuh gir jáegí; kyúṉki músaládhár bárish hogí, aur baṛe baṛe ole paṛeṉge, aur áṉdhí use girá degí.
12
Aur jab wuh díwár giregí, to kyá log tum se na púchheṉge, ki Wuh kahgil kaháṉ hai jo tum ne us par kí thí?
13
Is liye Ḳhudáwand Ḳhudá yúṉ farmátá hai, ki Maiṉ apne g̣azab ke túfán se use toṛ dúṉgá, aur mere qahr se jhamájham meṉh barsegá, aur mere qahr ke ole paṛeṉge, táki use nábúd kareṉ.
14
So maiṉ us díwár ko jis par tum ne kachchí kahgil kí hai toṛ ḍálúṉgá, aur zamín par giráúṉgá, yaháṉ tak ki us kí bunyád záhir ho jáegí; háṉ, wuh giregí, aur tum usí meṉ halák hoge, aur jánoge ki maiṉ Ḳhudáwand húṉ.
15
Maiṉ apná qahr us díwár par aur un par, jinhoṉ ne us par kachchí kahgil kí hai, púrá karúṉgá; aur tab maiṉ tum se kahúṉgá, ki Na díwár rahí, aur na wuh rahe jinhoṉ ne us par kahgil kí;
16
ya‘ní, Isráíl ke nabí, jo Yarúshalem kí bábat nubuwwat karte haiṉ, aur us kí salámatí kí royá dekhte haiṉ, háláṉki salámatí nahíṉ hai, Ḳhudáwand Ḳhudá farmátá hai.
17
Aur ai ádamzád, tú apní qaum kí beṭiyoṉ ki taraf jo apne dil se bát banákar nubuwwat kartí haiṉ mutawajjih hokar un ke ḳhiláf nubuwwat kar,
18
aur kah, Ḳhudáwand Ḳhudá yúṉ farmátá hai, ki Afsos tum par jo sab kuhniyoṉ ke níche kí gaddí sítí ho aur har ek qadd ke muwáfiq sir ke liye burqa‘ banátí ho ki jánoṉ ko shikár karo! Kyá tum mere logoṉ kí jánoṉ ká shikár karogí aur apní ján bacháogí?
19
Aur tum ne muṭṭhí bhar jau ke liye, aur roṭí ke ṭukṛoṉ ke liye mujhe mere logoṉ meṉ nápák ṭhahráyá, táki tum un jánoṉ ko már ḍálo jo marne ke láiq nahíṉ, aur un ko zinda rakkho jo zinda rahne ke láiq nahíṉ haiṉ, kyúṉki tum mere logoṉ se jo jhúṭh sunte haiṉ jhuṭh boltí ho?
20
Pas Ḳhudáwand Ḳhudá yúṉ farmátá hai, ki Dekho, maiṉ tumhárí gaddiyoṉ ká dushman húṉ, jin se tum jánoṉ ko parandoṉ kí mánind shikár kartí ho, aur maiṉ un ko tumhárí kuhniyoṉ ke níche se pháṛ ḍálúṉgá, aur un jánoṉ ko, jin ko tum parandoṉ kí mánind shikár kartí ho, ázád kar dúṉgá.
21
Aur maiṉ tumháre burqa‘oṉ ko bhí pháṛúṉgá, aur apne logoṉ ko tumháre háth se chhuṛáúṉgá, aur phir kabhí tumhárá bas na chalegá, ki un ko shikár karo; aur tum jánogí ki maiṉ Ḳhudáwand húṉ.
22
Is liye ki tum ne jhúṭh bolkar sádiq ke dil ko udás kiyá, jis ko maiṉ ne g̣amgín nahíṉ kiyá, aur sharír kí madad kí hai, táki wuh apní ján bacháne ke liye apní burí rawish se báz na áe:
23
is liye tum áge ko na batálat dekhogí, aur na g̣aibgoí karogí; kyúṉki maiṉ apne logoṉ ko tumháre háth se chhuṛáúṉgá: tab tum jánogí ki Ḳhudáwand maiṉ húṉ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48