bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 27
Ezekiel 27
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
Phir Ḳhudáwand ká kalám mujh par názil húá,
2
ki Ai ádamzád, tú Súr par nauha shurú‘ kar;
3
aur Súr se kah, Tú, jis ne samundar ke madḳhal meṉ jagah páí, aur bahut se bahrí mamálik ke logoṉ ke liye tijáratgáh hai, Ḳhudáwand Ḳhudá yúṉ farmátá hai, ki Ai Súr, tú kahtá hai, Merá husn kámil hai.
4
Terí sarhaddeṉ samundar ke darmiyán haiṉ: tere mi‘mároṉ ne terí ḳhushnumáí ko kámil kiyá hai.
5
Unhoṉ ne Sanír ke sarooṉ se tere jaházoṉ ke taḳhte banáe; aur Lubnán se deodár káṭkar tere liye mastúl banáe.
6
Basan ke balút se ḍáṉḍ banáe; aur tere taḳhte jazáir i Kittím ke sanaubar se háthídáṉt jaṛkar taiyár kiye gaye.
7
Terá bádbán Misrí munaqqash katán ká thá, táki tere liye jhanḍe ká kám de; terá shámiyána jazáir i Ilísah ke kabúdí o arg̣awání rang ká thá.
8
Saidá aur Arwad ke rahnewále tere malláh the; aur ai Súr, tere dánishmand tujh meṉ tere náḳhudá the.
9
Jabal ke buzurg aur dánishmand tujh meṉ the, ki raḳhnabandí kareṉ: samundar ke sab jaház aur un ke malláh tujh meṉ házir the, ki tere liye tijárat ká kám kareṉ.
10
Fárs aur Lúd aur Fút ke log tere lashkar ke jangí bahádur the: wuh tujh meṉ sipar aur ḳhod ko laṭkáte, aur tujhe raunaq baḳhshte the.
11
Arwad ke mard, terí hí fauj ke sáth chároṉ taraf terí shahrpanáh par maujúd the, aur bahádur tere burjoṉ par házir the: unhoṉ ne apní sipareṉ chároṉ taraf terí díwároṉ par laṭkáíṉ, aur tere jamál ko kámil kiyá.
12
Tarsís ne har tarah ke mál kí kasrat ke sabab se tere sáth tijárat kí; wuh chándí, aur lohá, aur ráṉgá, aur sísá lákar tere bázároṉ meṉ saudágarí karte the.
13
Yáwán, Túbal, aur Masak, tere tájir the; wuh tere bázároṉ meṉ g̣ulámoṉ aur pítal ke bartanoṉ kí saudágarí karte the.
14
Ahl i Tujarmah ne tere bázároṉ meṉ ghoṛoṉ aur jangí ghoṛoṉ aur ḳhachcharoṉ kí tijárat kí.
15
Ahl i Dadán tere tájir the; bahut se bahrí mamálik tijárat ke liye tere iḳhtiyár meṉ the; wuh háthídáṉt aur ábnús mubádale ke liye tere pás láte the.
16
Arámí terí dastkárí kí kasrat ke sabab se tere sáth tijárat karte the; wuh gauhar i shabchirág̣, aur arg̣awání rang, aur chikandozí, aur katán, aur múṉgá, aur la‘l lákar tujh se ḳharíd o faroḳht karte the.
17
Yahúdáh aur Isráíl ká mulk tere tájir the; wuh Minnít aur Pannag ká gehúṉ, aur shahd, aur raug̣an, aur balsán lákar tere sáth tijárat karte the.
18
Ahl i Damishq terí dastkárí kí kasrat ke sabab se, aur qism qism ke mál kí firáwání ke bá‘is Halbún kí mai aur safed ún kí tijárat tere yaháṉ karte the.
19
Widán aur Yáwán Úzál se taj, aur ábdár fúlád, aur agar tere bázároṉ meṉ láte the.
20
Didán terá tájir thá, jo sawárí ke chárjáme tere háth bechtá thá.
21
‘Arab aur Qídár ke sab amír tijárat kí ráh se tere háth meṉ the; wuh barre, aur meṉḍhe, aur bakriyáṉ lákar tere sáth tijárat karte the.
22
Sabá aur Ra‘máh ke saudágar tere sáth saudágarí karte the; wuh har qism ke nafís masálih, aur har tarah ke qímatí patthar, aur soná tere bázároṉ meṉ lákar ḳharíd o faroḳht karte the.
23
Harrán, aur Kannah, aur ‘Adan, aur Sabá ke saudágar, aur Asúr, aur Kilmad ke báshinde tere sáth saudágarí karte the.
24
Yihí tere saudágar the; jo lájwardí kapṛe aur kámḳhwáb aur nafís poshákoṉ se bhare deodár ke sandúq ḍorí se kase húe terí tijáratgáh meṉ bechne ko láte the.
25
Tarsís ke jaház terí tijárat ke kárwán the: tú ma‘múr, aur wasat i bahr meṉ niháyat shán o shaukat rakhtá thá.
26
Tere malláh tujhe gahre pání meṉ láe; mashriqí hawá ne tujh ko wasat i bahr meṉ toṛá hai.
27
Terá mál o asbáb, aur terí ajnás i tijárat, aur tere ahl i jaház o náḳhudá, tere raḳhnabandí karnewále, aur tere kár o bár ke gumáshte, aur sab jangí mard jo tujh meṉ haiṉ, us tamám jamá‘at ke sáth jo tujh meṉ hai, terí tabáhí ke din samundar ke wasat meṉ gireṉge.
28
Tere náḳhudáoṉ ke chilláne ke shor se tamám nawáhí tharthará jáegí.
29
Aur tamám malláh, aur ahl i jaház, aur samundar ke sab náḳhudá apne jaházoṉ par se utar áeṉge; wuh ḳhushkí par khaṛe hoṉge,
30
aur apní áwáz baland karke tere sabab se chilláeṉge, aur zár zár roeṉge, aur apne siroṉ par ḳhák ḍáleṉge, aur rákh meṉ loṭeṉge.
31
Wuh tere sabab se sir munḍáeṉge, aur ṭáṭ oṛheṉge; wuh tere liye dilshikasta hokar roeṉge, aur jángudáz nauha kareṉge.
32
Aur nauha karte húe tujh par marsiyaḳhwání kareṉge, aur tujh par yúṉ roeṉge, ki Kaun Súr kí mánind hai jo samundar ke darmiyán meṉ tabáh húá?
33
Jab terá mál i tijárat samundar par se játá thá, tab tujh se bahut sí qaumeṉ málámál hotí thíṉ; tú apní daulat aur ajnás i tijárat kí kasrat se rú e zamín ke bádsháhoṉ ko daulatmand banátá thá.
34
Par ab tú samundar kí gahráí meṉ pání ke zor se ṭúṭ gayá hai; terí ajnás i tijárat aur tere andar kí tamám jamá‘at gir gayí.
35
Bahrí mamálik ke sab rahnewále terí bábat hairatzada hoṉge, aur un ke bádsháh niháyat tarsán hoṉge, aur un ká chihra zard ho jáegá.
36
Qaumoṉ ke saudágar terá zikr sunkar suskáreṉge; tú já e ‘ibrat hogá, aur báqí na rahegá.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48