bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 43
Ezekiel 43
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
1
Phir wuh mujhe pháṭak par le áyá, ya‘ní us pháṭak par jis ká ruḳh mashriq kí taraf hai:
2
aur kyá dekhtá húṉ, ki Isráíl ke Ḳhudá ká jalál mashriq kí taraf se áyá, aur us kí áwáz sailáb ke shor kí sí thí, aur zamín us ke jalál se munawwar ho gayí.
3
Aur yih us royá kí numáish ke mutábiq thá, jo maiṉ ne dekhí thí, háṉ, us royá ke mutábiq, jo maiṉ ne us waqt dekhí thí, jab maiṉ shahr ko barbád karne áyá thá; aur yih royateṉ us royá kí mánind thíṉ, jo maiṉ ne nahr i Kibár ke kanáre par dekhí thí; tab maiṉ muṉh ke bal girá.
4
Aur Ḳhudáwand ká jalál us pháṭak kí ráh se jis ká ruḳh mashriq kí taraf hai, haikal meṉ dáḳhil húá.
5
Aur rúh ne mujhe uṭhákar andarúní sahn meṉ pahuṉchá diyá, aur kyá dekhtá húṉ, ki haikal Ḳhudáwand ke jalál se ma‘múr hai.
6
Aur maiṉ ne kisí kí áwáz suní, jo haikal meṉ se mere sáth báteṉ kartá thá; aur ek shaḳhs mere pás khaṛá thá.
7
Aur us ne mujhe farmáyá, Ai ádamzád, yih merí taḳhtgáh, aur mere páṉwoṉ kí kursí hai, jaháṉ maiṉ baní Isráíl ke darmiyán abad tak rahúṉgá; aur baní Isráíl, aur un ke bádsháh, phir kabhí mere muqaddas nám ko apní badkárí, aur apne bádsháhoṉ kí láshoṉ se un ke marne par nápák na kareṉge;
8
kyúṉki wuh apne ástáne mere ástánoṉ ke pás aur apní chaukhaṭeṉ merí chaukhaṭoṉ ke pás lagáte the, aur mere aur un ke darmiyán sirf ek díwár thí: unhoṉ ne apne un ghinaune kámoṉ se jo unhoṉ ne kiye mere muqaddas nám ko nápák kiyá: is liye maiṉ ne apne qahr meṉ un ko halák kiyá.
9
Pas ab wuh apní badkárí aur apne bádsháhoṉ kí lásheṉ mujh se dúr kar deṉ, to maiṉ abad tak un ke darmiyán rahúṉgá.
10
Ai ádamzád, tú baní Isráíl ko yih ghar dikhá, táki wuh apní badkirdárí se sharminda ho jáeṉ, aur is namúne ko nápeṉ.
11
Aur agar wuh apne sab kámoṉ se pashemán hoṉ, to us ghar ká naqsha, aur us kí tartíb, aur us ke maḳhárij o madáḳhil, aur us kí tamám shakl aur us ke kull ahkám, aur us kí púrí waza‘, aur tamám qawánín un ko dikhá, aur un kí áṉkhoṉ ke sámne is ko likh, táki wuh us ká kull naqsha, aur us ke tamám ahkám ko mánkar un par ‘amal kareṉ.
12
Is ghar ká qánún yih hai; ki us kí tamám sarhaddeṉ paháṛ kí choṭí par aur us ke girdágird niháyat muqaddas hoṉgí. Dekh, yihí is ghar ká qánún hai.
13
Aur háth ke náp se mazbah ke yih náp haiṉ: aur is háth kí lambáí ek háth chár ungal hai; páya ek háth ká hogá, aur chauṛáí ek háth aur us ke girdágird bálisht bhar chauṛá hashiya; aur mazbah ká páya yihí hai.
14
Aur zamín par ke is páye se lekar níche kí kursí tak do háth, aur us kí chauṛáí ek háth, aur chhoṭí kursí se baṛí kursí tak chár háth, aur chauṛáí ek háth.
15
Aur úpar ká mazbah chár háth ká hogá, aur mazbah ke úpar chár síṉg hoṉge.
16
Aur mazbah bárah háth lambá hogá, aur bárah háth chauṛá murabba‘.
17
Aur kursí chaudah háth lambí, aur chaudah háth chauṛí murabba‘; aur girdágird us ká kanára ádhá háth; aur us ká páya girdágird ek háth, aur us ká zína mashriqrú hogá.
18
Aur us ne mujh se kahá, ki Ai ádamzád, Ḳhudáwand Ḳhudá yúṉ farmátá hai, ki Mazbah ke yih ahkám us roz járí hoṉge, jab wuh use banáeṉge, táki us par soḳhtaní qurbání chaṛháeṉ, aur us par lahú chhiṛkeṉ.
19
Aur tú Láwí káhinoṉ ko, jo Sadoq kí nasl se haiṉ, jo merí ḳhidmat ke liye mere huzúr áte haiṉ, ḳhatá kí qurbání ke liye bachhṛá dená, Ḳhudáwand Ḳhudá farmátá hai.
20
Aur tú us ke ḳhún meṉ se lená, aur mazbah ke chároṉ síṉgoṉ par, us kí kursí ke chároṉ konoṉ par, aur us ke chaugird ke háshiye par lagáná: isí tarah kaffára dekar use pák o sáf karná.
21
Aur ḳhatá kí qurbání ke liye bachhṛá lená, aur wuh ghar kí muqarrarí jagah meṉ maqdis ke báhar jaláyá jáegá.
22
Aur tú dúsre din ek be‘aib bakrá ḳhatá kí qurbání ke liye chaṛháná, aur wuh mazbah ko kaffára dekar usí tarah pák kareṉge, jis tarah bachhṛe se pák kiyá thá.
23
Aur jab tú use pák kar chuke, to ek be‘aib bachhṛá aur galle ká ek be‘aib meṉḍhá chaṛháná.
24
Aur tú un ko Ḳhudáwand ke huzúr láná, aur káhin un par namak chhiṛkeṉ, aur un ko soḳhtaní qurbání ke liye Ḳhudáwand ke huzúr chaṛháeṉ.
25
Aur tú sát din tak har roz ek bakrá ḳhatá kí qurbání ke liye taiyár kar rakhná; wuh ek bachhṛá aur galle ká ek meṉḍhá bhí, jo be‘aib hoṉ, taryár kar rakkheṉ.
26
Sát din tak wuh mazbah ko pák o sáf kareṉge, aur us ko maḳhsús kareṉge.
27
Aur jab yih din púre hoṉge, to yúṉ hogá, ki áṭhweṉ din aur áyanda káhin tumhárí soḳhtaní qurbáníoṉ ko, aur tumhárí salámatí kí qurbáníoṉ ko mazbah par guzráneṉge; aur maiṉ tum ko qubúl karúṉgá, Ḳhudáwand Ḳhudá farmátá hai.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48