bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 33
Ezekiel 33
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
Phir Ḳhudáwand ká kalám mujh par názil húá,
2
ki Ai ádamzád, tú apní qaum ke farzandoṉ se muḳhátib ho aur un se kah, Jis waqt maiṉ kisí sarzamín par talwár chaláúṉ, aur us ke log apne baháduroṉ meṉ se ek ko leṉ, aur use apná nigahbán ṭhahráeṉ,
3
aur wuh talwár ko apní sarzamín par áte dekhkar narsingá phúṉke, aur logoṉ ko hoshyár kare;
4
tab jo koí narsinge kí áwáz sune aur hoshyár na ho, aur talwár áe, aur use qatl kare, to us ká ḳhún usí kí gardan par hogá:
5
us ne narsinge kí áwáz suní, aur hoshyár na húá: us ká ḳhún usí par hogá, háláṉki agar wuh hoshyár hotá, to apní ján bachátá.
6
Par agar nigahbán talwár ko áte dekhe, aur narsingá na phúṉke, aur log hoshyár na kiye jáeṉ, aur talwár áe aur un ke darmiyán se kisí ko le jáe, to wuh to apní badkirdárí meṉ halák húá, lekin maiṉ nigahbán se us ke ḳhún kí bázpurs karúṉgá.
7
So tú, ai ádamzád, is liye ki maiṉ ne tujhe baní Isráíl ká nigahbán muqarrar kiyá, mere muṉh ká kalám sun rakh, aur merí taraf se un ko hoshyár kar.
8
Jab maiṉ sharír se kahúṉ, Ai sharír, tú yaqínan maregá, us waqt agar tú sharír se na kahe, aur use us kí rawish se ágáh na kare, to wuh sharír to apní badkirdárí meṉ maregá; par maiṉ tujh se us ke ḳhún kí bázpurs karúṉgá.
9
Lekin agar tú us sharír ko jatáe ki wuh apní rawish se báz áe; aur wuh apní rawish se báz na áe, to wuh to apní badkirdárí meṉ maregá; lekin tú ne apní ján bachá lí.
10
Is liye, ai ádamzád, tú baní Isráíl se kah, Tum yúṉ kahte ho, ki Fi’lhaqíqat hamárí ḳhatáeṉ aur hamáre gunáh ham par haiṉ, aur ham un meṉ ghulte rahte haiṉ, pas ham kyúṉkar zinda raheṉge?
11
Tú un se kah, Ḳhudáwand Ḳhudá farmátá hai, Mujhe apní hayát kí qasam, sharír ke marne meṉ mujhe kuchh ḳhushí nahíṉ, balki is meṉ hai, ki sharír apní ráh se báz áe, aur zinda rahe; ai baní Isráíl, báz áo, tum apní burí rawish se báz áo; tum kyúṉ maroge?
12
Is liye, ai ádamzád, apní qaum ke farzandoṉ se yúṉ kah, ki Sádiq kí sadáqat us kí ḳhatákárí ke din use na bacháegí, aur sharír kí sharárat jab wuh us se báz áe, to us ke girne ká sabab na hogí, aur sádiq jab gunáh kare, to apní sadáqat ke sabab se zinda na rah sakegá.
13
Jab maiṉ sádiq se kahúṉ, ki Tú yaqínan zinda rahegá; agar wuh apní sadáqat par takiya karke badkirdárí kare, to us kí sadáqat ke kám farámosh ho jáeṉge; aur wuh us badkirdárí ke sabab se, jo us ne kí hai, maregá.
14
Aur jab sharír se kahúṉ, Tú yaqínan maregá; agar wuh apne gunáh se báz áe, aur wuhí kare jo jáiz o rawá hai;
15
agar wuh sharír girau wápas kar de, aur jo us ne lúṭ liyá hai wápas de de, aur zindagí ke áín par chale, aur nárástí na kare; to wuh yaqínan zinda rahegá, wuh nahíṉ maregá.
16
Jo gunáh us ne kiye haiṉ us ke ḳhiláf mahsúb na hoṉge; us ne wuhí kiyá jo jáiz o rawá hai, wuh yaqínan zinda rahegá.
17
Par terí qaum ke farzand kahte haiṉ, ki Ḳhudáwand kí rawish rást nahíṉ: háláṉki ḳhud un hí kí rawish nárást hai.
18
Agar sádiq apní sadáqat chhoṛkar badkirdárí kare, to wuh yaqínan usí ke sabab se maregá.
19
Aur agar sharír apní sharárat se báz áe, aur wuhí kare jo jáiz o rawá hai, to us ke sabab se zinda rahegá.
20
Phir bhí tum kahte ho, ki Ḳhudáwand kí rawish rást nahíṉ hai. Ai baní Isráíl, maiṉ tum meṉ se har ek kí rawish ke mutábiq tumhárí ‘adálat karúṉgá.
21
Hamárí asírí ke bárahweṉ baras ke dasweṉ mahíne kí páṉchwíṉ táríḳh ko yúṉ húá, ki ek shaḳhs jo Yarúshalem se bhág niklá thá mere pás áyá, aur kahne lagá, ki Shahr musaḳhḳhar ho gayá.
22
Aur shám ke waqt, us farárí ke pahuṉchne se peshtar, Ḳhudáwand ká háth mujh par thá, aur us ne merá muṉh khol diyá, us ne subh ko us ke mere pás áne se pahle merá muṉh khol diyá; aur maiṉ phir gúṉgá na rahá.
23
Tab Ḳhudáwand ká kalám mujh par názil húá,
24
ki Ai ádamzád, mulk i Isráíl ke wíránoṉ ke báshinde yúṉ kahte haiṉ, ki Abrahám ek hí thá, aur wuh is mulk ká wáris húá, par ham to bahut se haiṉ, mulk ham ko mírás meṉ diyá gayá hai.
25
Is liye tú un se kah de, Ḳhudáwand Ḳhudá yúṉ farmátá hai, ki Tum lahú samet kháte aur apne butoṉ kí taraf áṉkh uṭháte ho, aur ḳhúnrezí karte ho: kyá tum mulk ke wáris hoge?
26
Tum apní talwár par takiya karte ho, tum makrúh kám karte ho, aur tum meṉ se har ek apne hamsáye kí bíwí ko nápák kartá hai: kyá tum mulk ke wáris hoge?
27
Tú un se yúṉ kahná, ki Ḳhudáwand Ḳhudá yúṉ farmátá hai, ki Mujhe apní hayát kí qasam, wuh jo wíránoṉ meṉ haiṉ talwár se qatl hoṉge, aur use jo khule maidán meṉ hai darandoṉ ko dúṉgá ki nigal jáeṉ, aur wuh jo qil‘oṉ aur g̣ároṉ meṉ haiṉ wabá se mareṉge.
28
Kyúṉki maiṉ is mulk ko ujáṛ, aur bá‘is i hairat banáúṉgá, aur us kí quwwat ká ghamanḍ játá rahegá, aur Isráíl ke paháṛ wírán hoṉge, yaháṉ tak ki koí un par se guzar nahíṉ karegá.
29
Aur jab maiṉ un ke tamám makrúh kámoṉ ke sabab se jo unhoṉ ne kiye haiṉ, mulk ko wírán aur bá‘is i hairat banáúṉgá, to wuh jáneṉge ki maiṉ Ḳhudáwand húṉ.
30
Par ai ádamzád, fi’lhál terí qaum ke farzand díwároṉ ke pás aur gharoṉ ke ástánoṉ par terí bábat guftogú karte haiṉ, aur ek dúsre se kahte haiṉ, háṉ, har ek apne bháí se yúṉ kahtá hai, Chalo, wuh kalám suneṉ, jo Ḳhudáwand kí taraf se názil húá hai.
31
Wuh ummat kí tarah tere pás áte, aur mere logoṉ kí mánind tere áge baiṭhte, aur terí báteṉ sunte haiṉ, lekin un par ‘amal nahíṉ karte; kyúṉki wuh apne muṉh se to bahut mahabbat záhir karte haiṉ, par un ká dil lálach par dauṛtá hai.
32
Aur dekh, tú un ke liye niháyat marg̣úb sarodí kí mánind hai, jo ḳhushilhán aur máhir sáz bajánewálá ho; kyúṉki wuh terí báteṉ sunte haiṉ, lekin un par ‘amal nahíṉ karte.
33
Aur jab yih báteṉ wuqú‘ meṉ áeṉgí, (dekh, wuh jald wuqú‘ meṉ ánewálí haiṉ,) tab wuh jáneṉge ki un ke darmiyán ek nabí thá.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48