bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 48
Ezekiel 48
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
Aur qabíloṉ ke nám yih haiṉ. Intiháí shimál par Hatlún ke ráste ke sáth sáth Hamát ke madḳhal se hote húe, Hasar ‘Enán tak jo Damishq kí shimálí sarhadd par Hamát ke pás se mashriq se mag̣rib tak, Dán ke liye, ek hissa.
2
Aur Dán kí sarhadd se muttasil, mashriqí sarhadd se mag̣ribí sarhadd tak, Áshar ke liye ek hissa.
3
Aur Áshar kí sarhadd se muttasil, mashriqí sarhadd se mag̣ribí sarhadd tak, Naftálí ke liye ek hissa.
4
Aur Naftálí kí sarhadd se muttasil, mashriqí sarhadd se mag̣ribí sarhadd tak, Munassí ke liye ek hissa.
5
Aur Munassí kí sarhadd se muttasil, mashriqí sarhadd se mag̣ribí sarhadd tak, Ifráím ke liye ek hissa.
6
Aur Ifráím kí sarhadd se muttasil, mashriqí sarhadd se mag̣ribí sarhadd tak, Rúbin ke liye ek hissa.
7
Aur Rúbin kí sarhadd se muttasil, mashriqí sarhadd se mag̣ribí sarhadd tak, Yahúdáh ke liye ek hissa.
8
Aur Yahúdáh kí sarhadd se muttasil, mashriqí sarhadd se magribí sarhadd tak, hadye ká hissa hogá, jo tum waqf karoge, us kí chauṛáí pachchís hazár, aur lambáí báqí hissoṉ meṉ se ek ke barábar, mashriqí sarhadd se mag̣ribí sarhadd tak: aur maqdis us ke wasat meṉ hogá.
9
Hadye ká hissa, jo tum Ḳhudáwand ke liye waqf karoge, pachchís hazár lambá aur das hazár chauṛá hogá.
10
Aur yih muqaddas hadye ká hissa un ke liye, háṉ, káhinoṉ ke liye hogá; shimál kí taraf pachchís hazár us kí lambáí hogí, aur das hazár us kí chauṛáí mag̣rib kí taraf, aur das hazár us kí chauṛáí mashriq kí taraf, aur pachchís hazár us kí lambáí junúb kí taraf; aur Ḳhudáwand ká maqdis us ke wasat meṉ hogá.
11
Yih un káhinoṉ ke liye hogá jo Sadoq ke beṭoṉ meṉ se muqaddas kiye gaye haiṉ, jinhoṉ ne merí amánatdárí kí, aur gumráh na húe, jab baní Isráíl gumráh ho gaye, jaise baní Láwí gumráh húe.
12
Aur zamín ke hadye meṉ se baní Láwí ke hisse se muttasil, yih un ke liye hadya hogá, jo niháyat muqaddas ṭhahregá.
13
Aur káhinoṉ kí sarhadd ke muqábil baní Láwí ke liye ek hissa hogá pachchís hazár lambá, aur das hazár chauṛá; us kí kull lambáí pachchís hazár, aur chauṛáí das hazár hogí.
14
Aur wuh us meṉ se na becheṉ, aur na badleṉ, aur na zamín ká pahlá phal apne qabze se nikalne deṉ; kyúṉki wuh Ḳhudáwand ke liye muqaddas hai.
15
Aur wuh páṉch hazár kí chauṛáí ká báqí hissa us pachchís hazár ke muqábil bastí aur us kí nawáhí ke liye ‘ámm jagah hogí: aur shahr us ke wasat meṉ hogá.
16
Aur us kí paimáish yih hogí: shimál kí taraf chár hazár páṉch sau, aur junúb kí taraf chár hazár páṉch sau, aur mashriq kí taraf chár hazár páṉch sau, aur mag̣rib kí taraf chár hazár páṉch sau.
17
Aur shahr kí nawáhí shimál kí taraf do sau pachás, aur junúb kí taraf do sau pachás, aur mashriq kí taraf do sau pachás, aur mag̣rib kí taraf do sau pachás.
18
Aur muqaddas hadye ke muqábil báqí lambáí mashriq kí taraf das hazár, aur mag̣rib kí taraf das hazár hogí, aur wuh muqaddas hadye ke muqábil hogí aur us ká hásil un kí ḳhurák ke liye hogá jo shahr meṉ kám karte haiṉ.
19
Aur shahr meṉ kám karnewále Isráíl ke sab qabíloṉ meṉ se us meṉ káshtkárí kareṉge.
20
Hadye ke tamám hisse kí lambáí pachchís hazár, aur chauṛáí pachchís hazár hogí; tum muqaddas hadye ke hisse ko murabba‘ shakl meṉ shahr kí milkíyat ke sáth waqf karoge.
21
Aur báqí jo muqaddas hadye ká hissa aur shahr kí milkíyat kí donoṉ taraf jo hadye ke hisse ke pachchís hazár ke muqábil mashriq kí taraf, aur pachchís hazár ke muqábil mag̣rib kí taraf, farmánrawá ke hissoṉ ke muqábil hai, wuh farmánrawá ke liye hogá: aur wuh muqaddas hadye ká hissa hogá: aur muqaddas maskan us ke wasat meṉ hogá.
22
Aur baní Láwí kí milkíyat se, aur shahr kí milkíyat se jo farmánrawá kí milkíyat ke wasat meṉ hai, Yahúdáh kí sarhadd aur Binyamín kí sarhadd ke darmiyán farmánrawá ke liye hogí.
23
Aur báqí qabáil ke liye yúṉ hogá: ki mashriqí sarhadd se mag̣ribí sarhadd tak Binyamín ke liye ek hissa.
24
Aur Binyamín kí sarhadd ke muttasil, mashriqí sarhadd se mag̣ribí sarhadd tak, Shama‘ún ke liye ek hissa hogá.
25
Aur Shama‘ún kí sarhadd se muttasil, mashriqí sarhadd se mag̣ribí sarhadd tak, Ishkár ke liye ek hissa hogá.
26
Aur Ishkár kí sarhadd se muttasil, mashriqí sarhadd se mag̣ribí sarhadd tak, Zabúlún ke liye ek hissa hogá.
27
Aur Zabúlún kí sarhadd se muttasil, mashriqí sarhadd se mag̣ribí sarhadd tak, Jadd ke liye ek hissa hogá.
28
Aur Jadd kí sarhadd se muttasil, junúb kí taraf junúbí kanáre kí sarhadd Tamar se lekar Maríbot Qádis ke pání se nahr i Misr se hokar baṛe samundar tak hogí.
29
Yih wuh sarzamín hai, jis ko tum mírás ke liye qur‘a ḍálkar qabáil i Isráíl meṉ taqsím karoge, aur yih un ke hisse haiṉ, Ḳhudáwand Ḳhudá farmátá hai.
30
Aur shahr ke maḳhárij yih haiṉ, shimál kí taraf kí paimáish chár hazár páṉch sau:
31
aur shahr ke pháṭak qabáil i Isráíl se námzad hoṉge; tín pháṭak shimál kí taraf: ek pháṭak Rúbin ká, ek Yahúdáh ká, ek Láwí ká:
32
aur mashriq kí taraf kí paimáish chár hazár páṉch sau; aur tín pháṭak: ek pháṭak Yúsuf ká, ek Binyamín ká, aur ek Dán ká:
33
aur junúb kí taraf kí paimáish chár hazár páṉch sau; aur tín pháṭak: ek Shama‘ún ká, ek Ishkár ká, aur ek Zabúlún ká:
34
aur mag̣rib kí taraf kí paimáish chár hazár páṉch sau aur tín pháṭak; ek Jadd ká, ek Áshar ká, aur ek Naftálí ká.
35
Us ká muhít aṭhárah hazár: aur shahr ká nám usí din se yih hogá, ki Ḳhudáwand waháṉ hai.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48