bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 23
Ezekiel 23
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
1
Aur Ḳhudáwand ká kalám mujh par názil húá,
2
ki Ai ádamzád, do ‘aurateṉ ek hí máṉ kí beṭiyáṉ thíṉ.
3
Unhoṉ ne Misr meṉ badkárí kí; wuh apní jawání meṉ badkár baníṉ; waháṉ un kí chhátiyáṉ malí gayíṉ, aur wahíṉ un ke doshízagí ke pistán masale gaye.
4
Un meṉ se baṛí ká nám Aholah, aur us kí bahin ká Aholibah thá: aur wuh donoṉ merí ho gayíṉ, aur un se beṭe beṭiyáṉ paidá húe. Aur un ke yih nám; Aholah aur Aholibah, Sámariya o Yarúshalem haiṉ.
5
Aur Aholah jab ki wuh merí thí, badkárí karne lagí: aur apne yároṉ par, ya‘ní Asúríoṉ par jo hamsáye the, ‘áshiq húí,
6
wuh sardár aur hákim, aur sab ke sab dilpasand jawán mard, aur sawár the, jo ghoṛoṉ par sawár hote, aur arg̣awání poshák pahinte the.
7
Aur us ne un sab ke sáth jo Asúr ke barguzída mard the badkárí kí: aur wuh un sab ke sáth, jin se wuh ‘ishqbází kartí thí, aur un ke sab butoṉ ke sáth nápák húí.
8
Us ne jo badkárí Misr meṉ kí thí use tark na kiyá; kyúṉki us kí jawání meṉ wuh us se hamág̣osh húe, aur unhoṉ ne us ke doshízagí ke pistánoṉ ko masalá, aur apní badkárí us par unḍel dí.
9
Is liye maiṉ ne use us ke yároṉ ya‘ní Asúríoṉ ke hawále kar diyá, jin par wuh martí thí.
10
Unhoṉ ne us ko besatr kiyá, aur us ke beṭoṉ aur beṭiyoṉ ko chhín liyá, aur use talwár se qatl kiyá: pas wuh ‘auratoṉ meṉ angushtnumá húí, kyúṉki unhoṉ ne use ‘adálat se sazá dí
11
Aur us kí bahin Aholibah ne yih sab kuchh dekhá, par wuh shahwatparastí meṉ us se badtar húí, aur us ne apní bahin se baṛhkar badkárí kí.
12
Wuh Asúríoṉ par ‘áshiq húí, jo sardár, aur hákim, aur us ke hamsáye the, jo bhaṛkílí poshák pahinte aur ghoṛoṉ par sawár hote, aur sab ke sab dilpasand jawán mard the.
13
Aur maiṉ ne dekhá ki wuh bhí nápák ho gayí; un donoṉ kí ek hí rawish thí.
14
Aur us ne badkárí meṉ taraqqí kí: kyúṉki jab us ne díwár par mardoṉ kí súrateṉ dekhíṉ, ya‘ní Kasdíoṉ kí taswíreṉ jo shangarf se khiṉchí húí thíṉ,
15
jo paṭkoṉ se kamarbasta, aur siroṉ par rangín pagṛiyáṉ pahine the, aur sab ke sab dekhne meṉ umará ahl i Bábul kí mánind the, jin ká watan Kasdistán hai;
16
to dekhte hí wuh un par marne lagí, aur un ke pás Kasdistán meṉ qásid bheje.
17
Pas ahl i Bábul us ke pás ákar ‘ishq ke bistar par chaṛhe, aur unhoṉ ne us se badkárí karke use álúda kiyá, aur wuh un se nápák húí, to us kí ján un se bezár ho gayí.
18
Tab us kí badkárí ‘alániya húí, aur us kí barahnagí besatr ho gayí; tab merí ján us se bezár húí, jaisí us kí bahin se bezár ho chukí thí.
19
Taubhí us ne apní jawání ke dinoṉ ko yád karke, jab wuh Misr kí sarzamín meṉ badkárí kartí thí, badkárí par badkárí kí.
20
So wuh phir apne un yároṉ par marne lagí, jin ká badan gadhoṉ ká sá badan, aur jin ká inzál ghoṛoṉ ká sá inzál thá.
21
Is tarah tú ne apní jawání kí shahwatparastí ko, jab kí Misrí terí jawání kí chhátiyoṉ ke sabab se tere pistán malte the, phir yád kiyá.
22
Is liye, ai Aholibah, Ḳhudáwand Ḳhudá yúṉ farmátá hai, ki Dekh, maiṉ un yároṉ ko, jin se terí ján bezár ho gayí hai, ubhárúṉgá ki tujh se muḳhálafat kareṉ, aur un ko bulá láúṉgá ki tujhe chároṉ taraf se gher leṉ.
23
Ahl i Bábul, aur sab Kasdíoṉ ko Fiqod, aur Shoa‘, aur Qoa‘, aur un ke sáth tamám Asúríoṉ ko, sab ke sab dilpasand jawán mardoṉ ko, sardároṉ aur hákimoṉ ko, aur baṛe baṛe amíroṉ aur námí logoṉ ko, jo sab ke sab ghoṛoṉ par sawár hote haiṉ, tujh par chaṛhá láúṉgá.
24
Aur wuh asliha e jang, aur rathoṉ, aur chhakṛoṉ, aur ummatoṉ ke amboh ke sáth tujh par hamla kareṉge; aur ḍhál aur pharí pakaṛkar aur ḳhod pahinkar chároṉ taraf se tujhe gher leṉge: maiṉ ‘adálat un ke supurd karúṉgá, aur wuh apne áín ke mutábiq terá faisala kareṉge.
25
Aur maiṉ apní g̣airat ko terí muḳhálif banáúṉgá, aur wuh g̣azabnák hokar tujh se pesh áeṉge, aur terí nák aur tere kán káṭ ḍáleṉge, aur tere báqí log talwár se máre jáeṉge: wuh tere beṭoṉ aur beṭiyoṉ ko pakaṛ leṉge, aur terá baqiya ág se bhasam hogá.
26
Aur wuh tere kapṛe utár leṉge, aur tere nafís zewar lúṭ le jáeṉge.
27
Aur maiṉ terí shahwatparastí aur terí badkárí jo tú ne mulk i Misr meṉ síkhí mauqúf karúṉgá, yaháṉ tak ki tú un kí taraf phir áṉkh na uṭháegí, aur phir Misr ko yád na karegí.
28
Kyúṉki Ḳhudáwand Ḳhudá yúṉ farmátá hai, ki Dekh, maiṉ tujhe un ke háth meṉ, jin se tujhe nafrat hai, háṉ, un hí ke háth meṉ, jin se terí ján bezár hai, de dúṉgá:
29
aur wuh tujh se nafrat ke sáth pesh áeṉge, aur terá sab mál, jo tú ne mihnat se paidá kiyá hai, chhín leṉge, aur tujhe ‘uryán o barahna chhoṛ jáeṉge, yaháṉ tak ki terí shahwatparastí o ḳhabásat aur terí badkárí fásh ho jáegí.
30
Yih sab kuchh tujh se is liye hogá, ki tú ne badkárí ke liye dígar aqwám ká píchhá kiyá, aur un ke butoṉ se nápák húí.
31
Tú apní bahin kí ráh par chalí; is liye maiṉ us ká piyála tere háth meṉ dúṉgá.
32
Ḳhudáwand Ḳhudá yúṉ farmátá hai, ki Tú apní bahin ke piyále se, jo gahrá aur baṛá hai, píegí: terí haṉsí hogí; aur tú ṭhaṭṭhoṉ meṉ uṛáí jáegí; kyúṉki us meṉ bahut sí samáí hai.
33
Tú mastí aur sog se bhar jáegí, wírání aur hairat ká piyála terí bahin Sámariya ká piyála hai.
34
Tú use píegí aur nichoṛegí, aur us kí ṭhíkriyáṉ bhí chabá jáegí, aur apní chhátiyáṉ nochegí; kyúṉki maiṉ hí ne yih farmáyá hai, Ḳhudáwand Ḳhudá farmátá hai.
35
Pas Ḳhudáwand Ḳhudá yúṉ farmátá hai, ki Chúṉki tú mujhe bhúl gayí, aur mujhe apní píṭh ke píchhe pheṉk diyá, is liye apní badzátí aur badkárí kí sazá uṭhá.
36
Phir Ḳhudáwand ne mujhe farmáyá, Ai ádamzád, kyá tú Aholah aur Aholibah par ilzám na lagáegá? tú un ke ghinaune kám un par záhir kar:
37
kyúṉki unhoṉ ne badkárí kí, aur un ke háth ḳhúnálúda haiṉ; háṉ, unhoṉ ne apne butoṉ se badkárí kí, aur apne beṭoṉ ko jo mujh se paidá húe ág par guzráná ki butoṉ kí nazr hokar halák hoṉ.
38
Is ke siwá unhoṉ ne mujh se yih kiyá, ki usí din unhoṉ ne mere maqdis ko nápák kiyá, aur mere sabtoṉ kí behurmatí kí.
39
Kyúṉki jab wuh apní aulád ko butoṉ ke liye zabh kar chukíṉ, to usí din mere maqdis meṉ dáḳhil húíṉ, táki use nápák kareṉ; aur dekh, unhoṉ ne mere ghar ke andar aisá kám kiyá.
40
Balki tum ne dúr se mard buláe, jin ke pás qásid bhejá, aur dekh, wuh áe: jin ke liye tú ne g̣usl kiyá, aur áṉkhoṉ meṉ kájal lagáyá, aur banáosingár kiyá.
41
Aur tú nafís palang par baiṭhí, aur us ke pás dastarḳhwán taiyár kiyá, aur us par tú ne merá baḳhúr aur merá ‘itr rakkhá.
42
Aur ek ‘aiyásh jamá‘at kí áwáz us ke sáth thí, aur ‘ámm logoṉ ke ‘aláwa biyábán se sharábíoṉ ko láe; aur unhoṉ ne un ke háthoṉ meṉ kangan, aur siroṉ par ḳhushnumá táj pahináe.
43
Tab maiṉ ne us kí bábat, jo badkárí karte karte buṛhiyá ho gayí thí, kahá, Ab yih log us se badkárí kareṉge, aur wuh un se karegí.
44
Aur wuh us ke pás gaye; jis tarah kisí kasbí ke pás játe haiṉ, usí tarah wuh un badzát ‘auratoṉ Aholah aur Aholibah ke pás gaye.
45
Lekin sádiq ádmí un par wuh fatwá deṉge, jo badkár aur ḳhúní ‘auratoṉ par diyá játá hai, kyúṉki wuh badkár ‘aurateṉ haiṉ, aur un ke háth ḳhúnálúda haiṉ.
46
Kyúṉki Ḳhudáwand Ḳhudá yúṉ farmátá hai, ki Maiṉ un par ek guroh chaṛhá láúṉgá, aur un ko chhoṛ dúṉgá, ki idhar udhar dhakke khátí phireṉ, aur g̣árat hoṉ.
47
Aur wuh guroh un ko saṉgsár karegí, aur apní talwároṉ se un ko qatl karegí, un ke beṭoṉ aur beṭiyoṉ ko halák karegí, aur un ke gharoṉ ko ág se jalá degí.
48
Yúṉ maiṉ badkárí ko mulk se mauqúf karúṉgá, táki sab ‘aurateṉ ‘ibratpazír hoṉ, aur tumhárí mánind badkárí na kareṉ.
49
Aur wuh tumháre fisq o fujúr ká badla tum ko deṉge, aur tum apne butoṉ ke gunáhoṉ kí sazá ká bojh uṭháoge; táki tum jáno ki Ḳhudáwand Ḳhudá maiṉ hí húṉ.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48