bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 47
Ezekiel 47
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 48 →
1
Phir wuh mujhe haikal ke darwáze par wápas láyá, aur kyá dekhtá húṉ, ki haikal ke ástáne ke níche se pání mashriq kí taraf nikal rahá hai, kyúṉki haikal ká sámná mashriq kí taraf thá, aur pání haikal kí dahiní taraf ke níche se mazbah ke junúbí jánib se bahtá thá.
2
Tab wuh mujhe shimálí pháṭak kí ráh se báhar láyá, aur mujhe us ráh se, jis ká ruḳh mashriq kí taraf hai, berúní pháṭak par wápas láyá, ya‘ní mashriq rúya pháṭak par, aur kyá dekhtá húṉ ki dahiní taraf se pání járí hai.
3
Aur us mard ne, jis ke háth meṉ paimáish kí ḍorí thí, mashriq kí taraf baṛhkar hazár háth nápá, aur mujhe pání meṉ se chaláyá, aur pání ṭaḳhnoṉ tak thá.
4
Phir us ne hazár háth âur nápá, aur mujhe pání meṉ se chaláyá, aur pání ghuṭnoṉ tak thá; phir us ne ek hazár âur nápá, aur mujhe us meṉ se chaláyá, aur pání kamar tak thá.
5
Phir us ne ek hazár âur nápá, aur wuh aisá daryá thá, ki maiṉ use ‘ubúr nahíṉ saktá thá: kyúṉki pání chaṛhkar tairne ke darje ko pahuṉch gayá, aur aisá daryá ban gayá jis ko ‘ubúr karná mumkin na thá.
6
Aur us ne mujh se kahá, Ai ádamzád, kyá tú ne yih dekhá? Tab wuh mujhe láyá, aur daryá ke kanáre par wápas pahuṉcháyá.
7
Aur jab maiṉ wápas áyá, to kyá dekhtá húṉ, ki daryá ke kanáre donoṉ taraf bahut se daraḳht haiṉ.
8
Tab us ne mujhe farmáyá, ki Yih pání mashriqí ‘iláqe kí taraf bahtá hai, aur maidán meṉ se hokar samundar meṉ já miltá hai, aur samundar meṉ milte hí us ke pání ko shírín kar degá.
9
Aur yúṉ hogá, ki jaháṉ kahíṉ yih daryá pahuṉchegá, har ek chalne phirnewálá jándár zinda rahegá, aur machhliyoṉ kí baṛí kasrat hogí; kyúṉki yih pání waháṉ pahuṉchá, aur wuh shírín ho gayá, pas jaháṉ kahíṉ yih daryá pahuṉchegá zindagí baḳhshegá.
10
Aur yúṉ hogá ki máhígír us ke kanáre khaṛe raheṉge; ‘Ain Jaddí se, ‘Ain ‘Ajlaím tak jál bichháne kí jagah hogí; us kí machhliyáṉ apní apní jins ke mutábiq baṛe samundar kí machhliyoṉ kí mánind kasrat se hoṉgí.
11
Lekin us kí kích kí jagaheṉ aur daldaleṉ shírín na kí jáeṉgí; wuh namakzár hí raheṉgí.
12
Aur daryá ke qaríb, us ke donoṉ kanároṉ par har qism ke mewadár daraḳht ugeṉge, jin ke patte kabhí na murjháeṉge, aur jin ke mewe kabhí mauqúf na hoṉge; wuh har mahíne naye mewe láeṉge, kyúṉki un ká pání maqdis meṉ se járí hai; aur un ke mewe kháne ke liye, aur un ke patte dawá ke liye hoṉge.
13
Ḳhudáwand Ḳhudá yúṉ farmátá hai, ki Yih wuh sarhadd hai, jis ke mutábiq tum zamín ko taqsím karoge, táki Isráíl ke bárah qabíloṉ kí mírás ho. Yúsuf ke liye do hisse hoṉge.
14
Aur tum sab yaksáṉ use mírás meṉ páoge, jis kí bábat maiṉ ne qasam kháí ki tumháre bápdádá ko dúṉ; aur yih zamín tumhárí mírás hogí.
15
Aur zamín kí hudúd yih hoṉgí: shimál kí taraf baṛe samundar se lekar Hatlún se hotí húí Sidád ke madḳhal tak;
16
Hamát, Bírútah, Sibraim jo Damishq kí sarhadd aur Hamát kí sarhadd ke darmiyán hai; aur Hasarhattikún jo Haurán ke kanáre par hai.
17
Aur samundar se sarhadd yih hogí, ya‘ní Hasar ‘Enán, Damishq kí sarhadd, aur shimálí atráf, Hamát kí sarhadd. Shimálí jánib yihí hai.
18
Aur mashriqí sarhadd Haurán, aur Damishq, aur Jili‘ád ke darmiyán se, aur Isráíl kí sarzamín ke darmiyán se Yardan par hogí; shimálí sarhadd se mashriqí samundar tak nápná. Mashriqí jánib yihí hai.
19
Aur junúb kí taraf junúbí sarhadd yih hai, ya‘ní Tamar se, Maríbot ke Qádis ke pání se, aur nahr i Misr se hokar baṛe samundar tak. Junúbí jánib yihí hai.
20
Aur usí sarhadd se Hamát ke madḳhal ke muqábil baṛá samundar mag̣ribí sarhadd hogá. Mag̣ribí jánib yihí hai.
21
Isí tarah tum qabáil i Isráíl ke mutábiq zamín ko ápas meṉ taqsím karoge.
22
Aur yúṉ hogá ki tum apne aur un begánoṉ ke darmiyán, jo tumháre sáth baste haiṉ, aur jin kí aulád tumháre darmiyán paidá húí jo tumháre liye desí baní Isráíl kí mánind hoṉge, mírás taqsím karne ke liye qur‘a ḍáloge; wuh tumháre sáth qabáil i Isráíl ke darmiyán mírás páeṉge.
23
Aur yúṉ hogá ki jis jis qabíle meṉ koí begána bastá hogá, usí meṉ tum use mírás doge, Ḳhudáwand Ḳhudá farmátá hai.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 48 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48