bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 32
Ezekiel 32
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
1
Bárahweṉ baras ke bárahweṉ mahíne kí pahlí táríḳh ko Ḳhudáwand ká kalám mujh par názil húá,
2
ki Ai ádamzád, sháh i Misr Fir‘aun par nauha uṭhá, aur use kah, Tú qaumoṉ ke darmiyán jawán sher i babar kí mánind hai, aur tú daryáoṉ ke ghaṛiyál sá hai; tú apní nahroṉ meṉ se nágáh nikal átá hai, aur tú ne apne páṉwoṉ se pání ko tah o bálá kiyá, aur un kí nahroṉ ko gadlá kar diyá.
3
Ḳhudáwand Ḳhudá yúṉ farmátá hai, ki Maiṉ ummatoṉ ke amboh ke sáth tujh par apná jál ḍálúṉgá, aur wuh tujhe mere hí jál meṉ báhar nikáleṉge.
4
Tab maiṉ tujhe ḳhushkí meṉ chhoṛ dúṉgá, aur khule maidán par tujhe pheṉkúṉgá, aur hawá ke sab parandoṉ ko tujh par biṭháúṉgá, aur tamám rú e zamín ke darandoṉ ko tujh se ser karúṉgá.
5
Aur terá gosht paháṛoṉ par ḍálúṉgá, aur wádíoṉ ko terí balandí se bhar dúṉgá.
6
Aur maiṉ us sarzamín ko, jis ke pání meṉ tú tairtá thá, paháṛoṉ tak tere lahú se tar karúṉgá; aur nahreṉ tujh se labrez hoṉgí.
7
Aur jab maiṉ tujhe nábúd karúṉgá, to ásmán ko tárík aur us ke sitároṉ ko benúr karúṉgá, súraj ko bádal se chhipáúṉgá, aur chánd apní raushní na degá.
8
Aur maiṉ tamám núrání ajrám i falak ko tujh par tárík karúṉgá, aur merí taraf se terí zamín par táríkí chhá jáegí, Ḳhudáwand Ḳhudá farmátá hai.
9
Aur jab maiṉ terí shikastahálí kí ḳhabar ko qaumoṉ ke darmiyán un mulkoṉ meṉ jin se tú náwáqif hai pahuṉcháúṉgá, to ummatoṉ ká dil ázurda karúṉgá.
10
Balki bahut sí ummatoṉ ko tere hál se hairán karúṉgá, aur un ke bádsháh tere sabab se saḳht tarsán hoṉge, jab maiṉ un ke sámne apní talwár chamkáúṉgá; to un meṉ se har ek apní ján kí ḳhátir tere girne ke din har dam thartharáegá.
11
Kyúṉki Ḳhudáwand Ḳhudá yúṉ farmátá hai, ki Sháh i Bábul kí talwár tujh par chalegí.
12
Maiṉ terí jam‘iyat ko zabardastoṉ kí talwár se, jo sab ke sab qaumoṉ meṉ haibatnák haiṉ, halák karúṉgá; aur wuh Misr kí shaukat ko mauqúf, aur us kí tamám jam‘iyat ko nest kareṉge.
13
Aur maiṉ us ke sab jánwaroṉ ko áb i kasír ke pás se nábúd karúṉgá; aur áge ko na insán ke páṉw use gadlá kareṉge, na haiwán ke sum.
14
Tab maiṉ un ká pání sáf kar dúṉgá, aur un kí nadiyáṉ raug̣an kí tarah járí hoṉgí, Ḳhudáwand Ḳhudá farmátá hai.
15
Jab maiṉ mulk i Misr ko wírán aur sunsán karúṉgá, aur wuh apní ma‘múrí se ḳhálí ho jáegá, jab maiṉ us ke tamám báshindoṉ ko halák karúṉgá, tab wuh jáneṉge ki Ḳhudáwand maiṉ húṉ.
16
Yih wuh nauha hai jis se us par mátam kareṉge; qaumoṉ kí beṭiyáṉ is se mátam kareṉgí; wuh Misr aur us kí tamám jam‘iyat par isí se mátam kareṉgí, Ḳhudáwand Ḳhudá farmátá hai.
17
Phir bárahweṉ baras meṉ mahíne ke pandrahweṉ din Ḳhudáwand ká kalám mujh par názil húá,
18
ki Ai ádamzád, Misr kí jam‘iyat par wáwailá kar, aur us ko aur námdár qaumoṉ kí beṭiyoṉ ko pátál meṉ utarnewáloṉ ke sáth zamín ke asfal meṉ girá de.
19
Tú husn meṉ kis se baṛhkar thá? utar, aur námaḳhtúnoṉ ke sáth paṛá rah.
20
Wuh un ke darmiyán gireṉge jo talwár se qatl húe; wuh talwár ke hawále kiyá gayá hai; use aur us kí tamám jam‘iyat ko ghasíṭ le já.
21
Wuh jo zoráwaroṉ meṉ sab se tawáná haiṉ, pátál meṉ us se aur us ke madadgároṉ se muḳhátib hoṉge; wuh pátál meṉ utar gaye, wuh behiss paṛe haiṉ, ya‘ní wuh námaḳhtún jo talwár se qatl húe.
22
Asúr aur us kí tamám jam‘iyat waháṉ haiṉ; us kí chároṉ taraf un kí qabreṉ haiṉ; sab ke sab talwár se qatl húe haiṉ,
23
jin kí qabreṉ pátál kí tah meṉ haiṉ, aur us kí tamám jam‘iyat us kí qabr ke girdágird hai; sab ke sab talwár se qatl húe, jo zindoṉ kí zamín meṉ haibat ká bá‘is the.
24
‘Ailám aur us kí tamám guroh, jo us kí qabr ke girdágird haiṉ, waháṉ haiṉ: sab ke sab talwár se qatl húe haiṉ, wuh zamín ke asfal meṉ námaḳhtún utar gaye, jo zindoṉ kí zamín meṉ haibat ká bá‘is the; aur unhoṉ ne pátál meṉ utarnewáloṉ ke sáth ḳhajálat uṭháí hai.
25
Unhoṉ ne us ke liye aur us ke tamám guroh ke liye maqtúloṉ ke darmiyán bistar lagáyá hai; us kí qabreṉ us ke girdágird haiṉ; sab ke sab námaḳhtún talwár se qatl húe haiṉ: wuh zindoṉ kí zamín meṉ haibat ká bá‘is the, aur unhoṉ ne pátál meṉ utarnewáloṉ ke sáth ruswáí uṭháí; wuh maqtúloṉ meṉ rakkhe gaye.
26
Masak, aur Túbal, aur us kí támam jam‘iyat waháṉ haiṉ; us kí qabreṉ us ke girdágird haiṉ; sab ke sab námaḳhtún, aur talwár ke maqtúl haiṉ, agarchi zindoṉ kí zamín meṉ haibat ká bá‘is the.
27
Kyá wuh un baháduroṉ ke sáth jo námaḳhtúnoṉ meṉ se qatl húe, jo apne jang ke hathyároṉ samet pátál meṉ utar gaye, paṛe na raheṉge? un kí talwáreṉ un ke siroṉ ke níche rakkhí haiṉ, aur un kí badkirdárí un kí haḍḍiyoṉ par hai, kyúṉki wuh zindoṉ kí zamín meṉ baháduroṉ ke liye haibat ká bá‘is the.
28
Aur tú námaḳhtúnoṉ ke darmiyán toṛá jáegá, aur talwár ke maqtúloṉ ke sáth paṛá rahegá.
29
Waháṉ Adom bhí hai, us ke bádsháh, aur us ke sab umará, jo báwujúd apní quwwat ke talwár ke maqtúloṉ meṉ rakkhe gaye haiṉ; wuh námaḳhtúnoṉ aur pátál meṉ utarnewáloṉ ke sáth paṛe raheṉge.
30
Shimál ke tamám umará, aur tamám Saidání jo maqtúloṉ ke sáth pátál meṉ utar gaye, báwujúd apne ru‘b ke apní zoráwarí se sharminda húe; wuh talwár ke maqtúloṉ ke sáth námaḳhtún paṛe raheṉge, aur pátál meṉ utarnewáloṉ ke sáth ruswáí uṭháeṉge.
31
Fir‘aun un ko dekhkar apní tamám jam‘iyat kí bábat tasallípazír hogá: háṉ, Fir‘aun aur us ká tamám lashkar, jo talwár se qatl húe, Ḳhudáwand Ḳhudá farmátá hai.
32
Kyúṉki maiṉ ne zindoṉ kí zamín meṉ us kí haibat qáim kí: aur wuh talwár ke maqtúloṉ ke sáth námaḳhtúnoṉ meṉ rakkhá jáegá, háṉ, Fir‘aun aur us kí jam‘iyat, Ḳhudáwand Ḳhudá farmátá hai.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48