bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 44
Ezekiel 44
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 45 →
1
Tab wuh mujh ko maqdis ke berúní pháṭak kí ráh se jis ká ruḳh mashriq kí taraf hai wápas láyá, aur wuh band thá.
2
Aur Ḳhudáwand ne mujhe farmáyá, ki Yih pháṭak band rahegá, aur kholá na jáegá, aur koí insán is se dáḳhil na hogá, chúṉki Ḳhudáwand, Isráíl ká Ḳhudá, us se dáḳhil húá hai, is liye yih band rahegá.
3
Magar farmánrawá, is liye ki farmánrawá hai, Ḳhudáwand ke huzúr roṭí kháne ko us meṉ baiṭhegá: wuh is pháṭak ke ástáne kí ráh se andar áegá, aur isí ráh se báhar jáegá.
4
Phir wuh mujhe shimálí pháṭak kí ráh se haikal ke sámne láyá: aur maiṉ ne nigáh kí, aur kyá dekhtá húṉ, ki Ḳhudáwand ke jalál ne Ḳhudáwand ke ghar ko ma‘múr kar diyá, aur maiṉ muṉh ke bal girá.
5
Aur Ḳhudáwand ne mujhe farmáyá, Ai ádamzád, ḳhúb g̣aur kar, aur apní áṉkhoṉ se dekh, aur jo kuchh Ḳhudáwand ke ghar ke ahkám o qawánín kí bábat tujh se kahtá húṉ apne kánoṉ se sun, aur ghar ke madḳhal ko aur maqdis ke sab maḳhrajoṉ ko ḳhayál meṉ rakh.
6
Aur tú baní Isráíl ke bág̣í logoṉ se kahná, ki Ḳhudáwand Ḳhudá yúṉ farmátá hai, ki Ai baní Isráíl, tum apní tamám makrúhát ko apne liye káfí samjho,
7
chunáṉchi, jab tum merí roṭí aur charbí aur lahú guzránte the, to dil ke námaḳhtún aur jism ke námaḳhtún ajnabízádoṉ ko mere maqdis meṉ láe, táki wuh mere maqdis meṉ ákar mere ghar ko nápák kareṉ, aur unhoṉ ne tumháre tamám nafratangez kámoṉ ke sabab se mere ‘ahd ko toṛá.
8
Aur tum ne merí muqaddas chízoṉ kí hifázat na kí, balki tum ne g̣airoṉ ko apní taraf se mere maqdis meṉ nigahbán muqarrar kiyá.
9
Ḳhudáwand Ḳhudá yúṉ farmátá hai, ki Un ajnabízádoṉ meṉ se jo baní Isráíl ke darmiyán haiṉ koí dil ká námaḳhtún, yá jism ká námaḳhtún ajnabízáda mere maqdis meṉ dáḳhil na hogá.
10
Aur baní Láwí, jo mujh se dúr ho gaye jab ki Isráíl gumráh húá, kyúṉki wuh apne butoṉ kí pairawí karke mujh se gumráh húe, wuh bhí apní badkirdárí kí sazá páeṉge.
11
Taubhí wuh mere maqdis meṉ ḳhádim hoṉge, aur mere ghar ke pháṭakoṉ par nigahbání kareṉge, aur mere ghar meṉ ḳhidmatguzárí kareṉge: wuh logoṉ ke liye soḳhtaní qurbání aur zabíha zabh kareṉge, aur un ke sámne un kí ḳhidmat ke liye khaṛe raheṉge.
12
Chúṉki unhoṉ ne un ke liye butoṉ kí ḳhidmat kí, aur baní Isráíl ke liye badkirdárí meṉ ṭhokar ká bá‘is húe; is liye maiṉ ne un par háth chaláyá, aur wuh apní badkirdárí kí sazá páeṉge, Ḳhudáwand Ḳhudá farmátá hai.
13
Aur wuh mere nazdík na á sakeṉge, ki mere huzúr kahánat kareṉ, na wuh merí muqaddas chízoṉ ke pás áeṉge, ya‘ní páktarín chízoṉ ke pás; balki wuh apní ruswá uṭháeṉge, aur apne ghinaune kámoṉ kí, jo unhoṉ ne kiye haiṉ, sazá páeṉge.
14
Taubhí maiṉ un ko haikal kí hifázat ke liye, aur us kí tamám ḳhidmat ke liye, aur us sab ke liye jo us meṉ kiyá jáegá nigahbán muqarrar karúṉgá.
15
Lekin Láwí káhin, ya‘ní baní Sadoq jo mere maqdis kí hifázat karte the jab baní Isráíl mujh se gumráh ho gaye, merí ḳhidmat ke liye mere nazdík áeṉge, aur mere huzúr khaṛe raheṉge, táki mere huzúr charbí aur lahú guzráneṉ, Ḳhudáwand Ḳhudá farmátá hai.
16
Wuhí mere maqdis meṉ dáḳhil hoṉge, aur wuhí ḳhidmat ke liye merí mez ke pás áeṉge, aur mere amánatdár hoṉge.
17
Aur yúṉ hogá, ki jis waqt wuh andarúní sahn ke pháṭakoṉ se dáḳhil hoṉge, to katání poshák se mulabbas hoṉge, aur jab tak andarúní sahn ke pháṭakoṉ ke darmiyán aur maskan meṉ ḳhidmat kareṉge, koí úní chíz na pahineṉge.
18
Wuh apne siroṉ par katání ‘amáma, aur kamaroṉ par katání pájáma pahineṉge, aur jo kuchh pasíne ká bá‘is ho, use apní kamar par na báṉdheṉ.
19
Aur jab berúní sahn meṉ, ya‘ní ‘awámm ke berúní sahn meṉ, nikal áeṉ, to apní ḳhidmat kí poshák utárkar muqaddas hujroṉ meṉ rakkheṉge, aur dúsrí poshák pahineṉge; táki apne libás se ‘awámm kí taqdís na kareṉ.
20
Aur wuh na sir munḍáeṉge, aur na bál baṛháeṉge, wuh sirf apne siroṉ ke bál katráeṉge.
21
Aur jab andarúní sahn meṉ dáḳhil hoṉ, to koí káhin mai na piye.
22
Aur wuh bewa, yá mutallaqa se biyáh, na kareṉge, balki baní Isráíl kí nasl kí kuṉwáriyoṉ se, yá us bewa se jo kisí káhin kí bewa ho.
23
Aur wuh mere logoṉ ko muqaddas aur ‘ámm meṉ farq batáeṉge, aur un ko najis aur táhir meṉ imtiyáz karná sikháeṉge.
24
Aur wuh jhagṛoṉ ke faisale ke liye khaṛe hoṉge: aur mere ahkám ke mutábiq ‘adálat kareṉge: aur wuh merí tamám muqarrara ‘ídoṉ meṉ merí sharí‘at aur mere áín par ‘amal kareṉge, aur mere sabtoṉ ko muqaddas jáneṉge.
25
Aur wuh kisí murde ke pás jáne se apne áp ko nápák na kareṉge, magar faqat báp, yá máṉ, yá beṭe, yá beṭí, yá bháí, yá kuṉwárí bahin ke liye wuh apne áp ko nápák kar sakte haiṉ.
26
Aur wuh us ke pák hone ke ba‘d us ke liye âur sát din shumár kareṉge.
27
Aur jis roz wuh maqdis ke andar andarúní sahn meṉ ḳhidmat karne ko jáe, to apne liye ḳhatá kí qurbání guzránegá, Ḳhudáwand Ḳhudá farmátá hai.
28
Aur un ke liye ek mírás hogí: maiṉ hí un kí mírás húṉ: aur tum Isráíl meṉ un ko koí milkíyat na dená: maiṉ hí un kí milkíyat húṉ.
29
Aur wuh nazr kí qurbání, aur ḳhatá kí qurbání, aur jurm kí qurbání kháeṉge, aur har ek chíz jo Isráíl meṉ maḳhsús kí jáe un hí kí hogí.
30
Aur sab pahle phaloṉ ká pahlá, aur tumhárí tamám chízoṉ kí har ek qurbání káhin ke liye hoṉ; aur tum apne pahle guṉdhe áṭe se káhin ko dená, táki tumháre ghar par barakat ho.
31
Par wuh jo áp hí mar gayá ho, yá darandoṉ ká pháṛá húá, kyá parand, kyá charand, káhin use na kháeṉ.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48