bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezekiel 39
Ezekiel 39
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
Pas, ai ádamzád, tú Júj ke ḳhiláf nubuwwat kar, aur kah, Ḳhudáwand Ḳhudá yúṉ farmátá hai, Dekh, ai Júj, Rosh aur Masak aur Túbal ke farmánrawá, maiṉ terá muḳhálif húṉ:
2
aur maiṉ tujhe phirá dúṉgá, aur tujhe liye phirúṉgá, aur shimál kí dúr atráf se chaṛhá láúṉgá, aur tujhe Isráíl ke paháṛoṉ par pahuṉcháúṉgá:
3
aur terí kamán tere báeṉ háth se chhuṛá dúṉgá, aur tere tír tere dahine háth se girá dúṉgá.
4
Tú Isráíl ke paháṛoṉ par apne sab lashkar, aur himáyatíoṉ samet gir jáegá; aur maiṉ tujhe har qism ke shikárí parandoṉ aur maidán ke darandoṉ ko dúṉgá ki khá jáeṉ.
5
Tú khule maidán meṉ giregá: kyúṉki maiṉ hí ne kahá, Ḳhudáwand Ḳhudá farmátá hai.
6
Aur maiṉ Májúj par, aur un par jo bahrí mamálik meṉ amn se sukúnat karte haiṉ, ág bhejúṉgá; aur wuh jáneṉge ki maiṉ Ḳhudáwand húṉ.
7
Aur maiṉ apne muqaddas nám ko apní ummat Isráíl meṉ záhir karúṉgá; aur phir apne muqaddas nám kí behurmatí na hone dúṉgá, aur qaumeṉ jáneṉgí ki maiṉ Ḳhudáwand Isráíl ká Quddús húṉ.
8
Dekh, wuh pahuṉchá, aur wuqú‘ meṉ áyá, Ḳhudáwand Ḳhudá farmátá hai: yih wuhí din hai, jis kí bábat maiṉ ne farmáyá thá.
9
Tab Isráíl ke shahroṉ ke basnewále nikleṉge, aur ág lagákar hathyároṉ ko jaláeṉge, ya‘ní siparoṉ aur phariyoṉ ko, kamánoṉ aur tíroṉ ko, aur bháloṉ aur barchhiyoṉ ko, aur wuh sát baras tak un ko jaláte raheṉge;
10
yaháṉ tak ki wuh maidán se lakṛí na láeṉge, aur na jangaloṉ se káṭeṉge, kyúṉki wuh hathyár hí jaláeṉge; aur wuh apne lúṭnewáloṉ ko lúṭeṉge, aur apne g̣árat karnewáloṉ ko g̣árat kareṉge, Ḳhudáwand Ḳhudá farmátá hai.
11
Aur usí din yúṉ hogá, ki Maiṉ waháṉ Isráíl meṉ Júj ko ek goristán dúṉgá, ya‘ní ráhguzaroṉ kí wádí, jo samundar ke mashriq meṉ hai: us se ráhguzaroṉ kí ráh band hogí: aur waháṉ Júj ko, aur us kí tamám jam‘iyat ko dafn kareṉge: aur jam‘iyat i Júj kí wádí us ká nám rakkheṉge.
12
Aur sát mahínoṉ tak baní Isráíl un ko dafn karte raheṉge, táki mulk ko sáf kareṉ;
13
háṉ, us mulk ke sab log un ko dafn kareṉge; aur yih un ke liye námwarí ká sabab hogá, jis roz merí tamjíd hogí, Ḳhudáwand Ḳhudá farmátá hai.
14
Aur wuh chand ádmíoṉ ko chun leṉge, jo is kám meṉ hamesha mashg̣úl raheṉge, aur wuh zamín par guzarte húe ráhguzaroṉ kí madad se un ko, jo sath i zamín par paṛe rah gaye hoṉ, dafn kareṉge, táki use sáf kareṉ; púre sát mahínoṉ ke ba‘d talásh kareṉge.
15
Aur jab wuh mulk meṉ se guzreṉ, aur un meṉ se koí kisí ádmí kí haḍḍí dekhe, to us ke pás ek nishán khaṛá karegá, jab tak dafn karnewále jam‘iyat i Júj kí wádí meṉ use dafn na kareṉ.
16
Aur shahr bhí Jam‘iyat kahláegá. Yúṉ wuh zamín ko pák kareṉge.
17
Aur, ai ádamzád, Ḳhudáwand Ḳhudá farmátá hai, har qism ke parande aur maidán ke har ek jánwar se kah, Jama‘ hokar áo, mere uszabíhe par, jise maiṉ tumháre liye zabh kartá húṉ, háṉ, Isráíl ke paháṛoṉ par, ek baṛe zabíhe par har taraf se jama‘ ho, táki tum gosht kháo aur ḳhún piyo.
18
Tum baháduroṉ ká gosht kháoge, aur zamín ke umará ká ḳhún píoge, háṉ, meṉḍhoṉ, barroṉ, aur bakroṉ, aur bailoṉ ká; wuh sab ke sab Basan ke farbih haiṉ.
19
Aur tum mere zabíhe kí, jise maiṉ ne tumháre liye zabh kiyá, yaháṉ tak charbí kháoge ki ser ho jáoge, aur itná ḳhún píoge ki mast ho jáoge.
20
Aur tum mere dastarḳhwán par ghoṛoṉ aur sawároṉ se aur baháduroṉ aur tamám jangí mardoṉ se ser hoge, Ḳhudáwand Ḳhudá farmátá hai.
21
Aur maiṉ qaumoṉ ke darmiyán apní buzurgí záhir karúṉgá, aur tamám qaumeṉ merí sazá ko jo maiṉ ne dí, aur mere háth ko jo maiṉ ne un par rakkhá, dekheṉgí.
22
Aur baní Isráíl jáneṉge ki us din se lekar áge ko maiṉ hí Ḳhudáwand un ká Ḳhudá húṉ.
23
Aur qaumeṉ jáneṉgí ki baní Isráíl apní badkirdárí ke sabab se asírí meṉ gaye; chúṉki wuh mujh se bág̣í húe, is liye maiṉ ne un se muṉh chhipáyá, aur un ko un ke dushmanoṉ ke háth meṉ kar diyá; aur wuh sab ke sab talwár se qatl húe.
24
Un kí nápákí aur ḳhatákárí ke mutábiq maiṉ ne un se sulúk kiyá, aur un se apná muṉh chhipáyá.
25
Lekin Ḳhudáwand Ḳhudá yúṉ farmátá hai, ki Ab maiṉ Ya‘qúb ki asírí ko mauqúf karúṉgá, aur tamám baní Isráíl par rahm karúṉgá, aur apne muqaddas nám ke liye g̣aiyúr húṉgá,
26
aur wuh apní ruswáí aur tamám ḳhatákárí, jis se wuh mere gunahgár húe, bardásht kareṉge, jab wuh apní sarzamín meṉ amn se búd o básh kareṉge, to koí un ko na ḍaráegá;
27
jab maiṉ un ko ummatoṉ meṉ se wápas láúṉgá, aur un ke dushmanoṉ ke mulkoṉ se faráham karúṉgá, aur bahut sí qaumoṉ kí nazaroṉ meṉ un ke darmiyán merí taqdís hogí;
28
tab wuh jáneṉge ki maiṉ Ḳhudáwand un ká Ḳhudá húṉ, is liye ki maiṉ ne un ko aqwám ke darmiyán asírí meṉ bhejá, aur maiṉ hí ne un ko un ke mulk meṉ jama‘ kiyá, aur un meṉ se ek ko bhí waháṉ na chhoṛá.
29
Aur maiṉ phir kabhí un se muṉh na chhipáúṉgá; kyúṉki maiṉ ne apní rúh baní Isráíl par názil kí hai, Ḳhudáwand Ḳhudá farmátá hai.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48