bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Proverbs 12
Proverbs 12
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
Jo tarbiyat ko dost rakhtá hai wuh ‘ilm ko dost rakhtá hai: Lekin jo tambíh se nafrat rakhtá hai wuh haiwán hai.
2
Nek ádmí Ḳhudáwand ká maqbúl hogá: Lekin bure mansúbe báṉdhnewále ko wuh mujrim ṭhahráegá.
3
Ádmí sharárat se páedár nahíṉ hogá: Lekin sádiqoṉ kí jaṛ ko kabhí jumbish na hogí.
4
Nek ‘aurat apne shauhar ke liye táj hai: Lekin nadámat lánewálí us kí haḍḍiyoṉ meṉ bosídagí kí mánind hai.
5
Sádiqoṉ ke ḳhayálát durust haiṉ: Lekin sharíroṉ kí mashwarat makr hai.
6
Sharíroṉ kí báteṉ yihí haiṉ, ki ḳhún karne ke liye ták meṉ baiṭheṉ: Lekin sádiqoṉ kí báteṉ un ko riháí deṉgí.
7
Sharír pichháṛ kháte aur nest hote haiṉ: Lekin sádiqoṉ ká ghar qáim rahegá.
8
Ádmí kí ta‘ríf us kí ‘aqlmandí ke mutábiq kí játí hai: Lekin be‘aql haqír hogá.
9
Jo chhoṭá samjhá játá hai lekin us ke pás ek naukar hai, Us se bihtar hai jo apne áp ko baṛá jántá aur roṭí ká muhtáj hai.
10
Sádiq apne chaupáye kí ján ká ḳhayál rakhtá hai: Lekin sharíroṉ kí rahmat bhí ‘ain zulm hai.
11
Jo apní zamín meṉ káshtkárí kartá hai roṭí se ser hogá: Lekin batálat ká pairau be‘aql hai.
12
Sharír badkirdároṉ ke dám ká mushtáq hai: Lekin sádiqoṉ kí jaṛ phaltí hai.
13
Laboṉ kí ḳhatákárí meṉ sharír ke liye phandá hai: Lekin sádiq musíbat se bach niklegá.
14
Ádmí ke kalám ká phal us ko nekí se ásúda karegá: Aur us ke háthoṉ ke kiye kí jazá us ko milegí.
15
Ahmaq kí rawish us kí nazar meṉ durust hai: Lekin dáná nasíhat ko suntá hai.
16
Ahmaq ká g̣azab fauran záhir ho játá hai: Lekin hoshyár nadámat ko chhipátá hai.
17
Rástgo sadáqat záhir kartá hai, Lekin jhúṭhá gawáh dag̣ábází.
18
Beta’ammul bolnewále kí báteṉ talwár kí tarah chhedtí haiṉ: Lekin dánishmand kí zabán sihhatbaḳhsh hai.
19
Sachche hoṉṭh hamesha tak qáim raheṉge: Lekin jhúṭhí zabán sirf dam bhar kí hai.
20
Badí ke mansúbe báṉdhnewaloṉ ke dil meṉ dag̣á hai: Lekin sulh kí mashwarat denewáloṉ ke liye ḳhushí hai.
21
Sádiq par koí áfat nahíṉ áegí: Lekin sharír balá meṉ mubtalá hoṉge.
22
Jhúṭhe laboṉ se Ḳhudáwand ko nafrat hai: Lekin rástkár us kí ḳhushnúdí haiṉ.
23
Hoshyár ádmí ‘ilm ko chhipátá hai: Lekin ahmaq ká dil hamáqat kí manádí kartá hai.
24
Mihnatí ádmí ká háth hukmrán hogá: Lekin sust ádmí bájguzár banegá.
25
Ádmí ká dil fikrmandí se dab játá hai; Lekin achchhí bát se ḳhush hotá hai.
26
Sádiq apne hamsáye kí rahnumáí kartá hai: Lekin sharíroṉ kí rawish un ko gumráh kar detí hai.
27
Sust ádmí shikár pakaṛkar kabáb nahíṉ kartá: Lekin insán kí giráṉbahá daulat mihnatí pátá hai.
28
Sadáqat kí ráh meṉ zindagí hai, Aur us ke ráste meṉ hargiz maut nahíṉ.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31