bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Proverbs 23
Proverbs 23
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Jab tú hákim ke sáth kháne baiṭhe, To ḳhúb g̣aur kar ki tere sámne kaun hai;
2
Agar tú kháú hai, To apne gale par chhurí rakh de.
3
Us ke mazadár khánoṉ kí tamanná na kar; Kyúṉki wuh dag̣ábází ká kháná hai.
4
Máldár hone ke liye pareshán na ho; Apní is dánishmandí se báz á.
5
Kyá tú us chíz par áṉkh lagáegá jo hai hí nahíṉ? Kyúṉki daulat yaqínan ‘uqáb kí tarah par lagákar Ásmán kí taraf uṛ játí hai.
6
Tú tangchashm kí roṭí na khá, Aur us ke mazadár khánoṉ kí tamanná na kar.
7
Kyúṉki jaise us ke dil ke andeshe haiṉ wuh waisá hí hai; Wuh tujh se kahtá hai, Khá aur pí; Lekin us ká dil terí taraf nahíṉ.
8
Jo nawála tú ne kháyá hai tú use ugal degá, Aur terí míṭhí báteṉ besúd hoṉgí.
9
Apní báteṉ ahmaq ko na suná, Kyúṉki wuh tere dánáí ke kalám kí tahqír karegá.
10
Qadím hudúd ko na sarká, Aur yatímoṉ ke khetoṉ meṉ daḳhl na kar.
11
Kyúṉki un ká riháí baḳhshnewálá zabardast hai, Wuh ḳhud hí tere ḳhiláf un kí wakálat karegá.
12
Tarbiyat par dil lagá, Aur ‘ilm kí báteṉ sun.
13
Laṛke se tádíb ko dareg̣ na kar; Agar tú use chhaṛí se máregá to wuh mar na jáegá.
14
Tú use chhaṛí se máregá, Aur us kí ján ko pátál se bacháegá.
15
Ai mere beṭe, agar tú dánádil hai, To merá dil, háṉ, merá dil ḳhush hogá.
16
Aur jab tere laboṉ se sachchí báteṉ nikleṉgí To merá dil shádmán hogá.
17
Terá dil gunahgároṉ par rashk na kare, Balki tú din bhar Ḳhudáwand se ḍartá rah.
18
Kyúṉki ajr yaqíní hai, Aur terí ás nahíṉ ṭúṭegí.
19
Ai mere beṭe, tú sun aur dáná ban, Aur apne dil kí rahbarí kar.
20
Tú sharábíoṉ meṉ shámil na ho, Aur na harís kabábíoṉ meṉ.
21
Kyúṉki sharábí aur kháú kaṉgál ho jáeṉge, Aur níṉd un ko chithṛe pahináegí.
22
Apne báp ká jis se tú paidá húá shanawá ho, Aur apní máṉ ko us ke buṛhápe meṉ haqír na ján.
23
Sachcháí ko mol le, aur use bech na ḍál; Hikmat aur tarbiyat aur fahm ko bhí.
24
Sádiq ká báp niháyat ḳhush hogá; Aur dánishmand ká báp us se shádmání karegá.
25
Apne máṉ báp ko ḳhush kar, Apní wálida ko shádmán rakh.
26
Ai mere beṭe, apná dil mujh ko de, Aur merí ráhoṉ se terí áṉkheṉ ḳhush hoṉ.
27
Kyúṉki fáhisha gahrí ḳhandaq hai; Aur begána ‘aurat tang gaṛhá hai.
28
Wuh ráhzan kí tarah ghát meṉ lagí hai; Aur baní Ádam meṉ badkároṉ ká shumár baṛhátí hai.
29
Kaun afsos kartá hai? kaun g̣amzada hai? kaun jhagṛálú hai? Kaun shákí hai? kaun besabab gháyal hai? Aur kis kí áṉkhoṉ meṉ surḳhí hai?
30
Wuhí jo der tak mainoshí karte haiṉ: Wuhí jo miláí húí mai kí talásh meṉ rahte haiṉ.
31
Jab mai lál lál ho, Jab us ká ‘aks jám par paṛe, Aur jab wuh rawání ke sáth níche utre, to us par nazar na kar.
32
Kyúṉki anjámkár wuh sáṉp kí tarah káṭtí, Aur afa‘í kí tarah ḍas játí hai.
33
Terí áṉkheṉ ‘ajíb chízeṉ dekheṉgí, Aur tere muṉh se ulṭí sídhí báteṉ nikleṉgí.
34
Balki tú us kí mánind hogá, jo samundar ke darmiyán leṭ jáe; Yá us kí mánind jo mastúl ke sire par so rahe.
35
Tú kahegá, Unhoṉ ne to mujhe márá hai, par mujh ko choṭ nahíṉ lagí; Unhoṉ ne mujhe píṭá hai, par mujhe ma‘lúm bhí nahíṉ húá. Maiṉ kab bedár húṉgá? maiṉ phir us ká tálib húṉgá.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31