bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Proverbs 15
Proverbs 15
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
1
Narm jawáb qahr ko dúr kar detá hai: Par karaḳht báteṉ g̣azabangez haiṉ.
2
Dánáoṉ kí zabán ‘ilm ká durust bayán kartí hai: Par ahmaqoṉ ká muṉh hamáqat ugaltá hai.
3
Ḳhudáwand kí áṉkheṉ har jagah haiṉ, Aur nekoṉ aur badoṉ kí nigrán haiṉ.
4
Sihhatbaḳhsh zabán hayát ká daraḳht hai: Par us kí kajgoí rúh kí shikastagí ká bá‘is hai.
5
Ahmaq apne báp kí tarbiyat ko haqír jántá hai: Par tambíh ká liház rakhnewálá hoshyár ho játá hai.
6
Sádiq ke ghar meṉ baṛá ḳhazána hai: Par sharír kí ámadaní meṉ pareshání hai.
7
Dánáoṉ ke lab ‘ilm phailáte haiṉ: Par ahmaqoṉ ke dil aise nahíṉ.
8
Sharíroṉ ke zabíhe se Ḳhudáwand ko nafrat hai: Par rástkár kí du‘á us kí ḳhushnúdí hai.
9
Sharíroṉ kí rawish se Ḳhudáwand ko nafrat hai: Par wuh sadáqat ke pairau se mahabbat rakhtá hai.
10
Ráh se bhaṭaknewále ke liye saḳht tádíb hai: Aur tambíh se nafrat karnewálá maregá.
11
Jab pátál aur jahannam Ḳhudáwand ke huzúr khule haiṉ, To baní Ádam ke dil ká kyá zikr?
12
Ṭhaṭṭhebáz tambíh ko dost nahíṉ rakhtá; Aur dánáoṉ kí majlis meṉ hargiz nahíṉ játá.
13
Ḳhushdilí ḳhandarúí paidá kartí hai: Par dil kí g̣amgíní se insán shikastaḳhátir hotá hai.
14
Sáhib i fahm ká dil ‘ilm ká tálib hai: Par ahmaqoṉ kí ḳhurák hamáqat hai.
15
Musíbatzada ke tamám aiyám bure haiṉ: Par ḳhushdil hamesha jashan kartá hai.
16
Thoṛá jo Ḳhudáwand ke ḳhauf ke sáth ho Us baṛe ganj se jo pareshání ke sáth ho bihtar hai.
17
Mahabbatwále ghar meṉ zará ságpát, ‘Adáwatwále ghar meṉ pale húe bail se bihtar hai.
18
G̣azabnák ádmí fitna barpá kartá hai: Par jo qahr meṉ dhímá hai jhagṛá miṭátá hai.
19
Káhil kí ráh káṉṭoṉ kí áṛ sí hai: Par rástkároṉ kí rawish sháhráh kí mánind hai.
20
Dáná beṭá báp ko ḳhush rakhtá hai: Par ahmaq apní máṉ kí tahqír kartá hai.
21
Be‘aql ke liye hamáqat shádmání ká bá‘is hai: Par sáhib i fahm apní rawish ko durust kartá hai.
22
Saláh ke bag̣air iráde púre nahíṉ hote: Par saláhkároṉ kí kasrat se qiyám páte haiṉ.
23
Ádmí apne muṉh ke jawáb se masrúr hotá hai; Aur bámauqa‘ bát kyá ḳhúb hai!
24
Dáná ke liye zindagí kí ráh úpar ko játí hai, Táki wuh pátál meṉ utarne se bach jáe.
25
Ḳhudáwand mag̣rúroṉ ká ghar ḍhá detá hai: Par wuh bewa ke siwáne ko qáim kartá hai.
26
Bure mansúboṉ se Ḳhudáwand ko nafrat hai: Par pák logoṉ ká kalám pasandída hai.
27
Nafa‘ ká lálachí apne gharáne ko pareshán kartá hai: Par wuh jis ko rishwat se nafrat hai zinda rahegá.
28
Sádiq ká dil sochkar jawáb detá hai: Par sharíroṉ ká muṉh burí báteṉ ugaltá hai.
29
Ḳhudáwand sharíroṉ se dúr hai: Par wuh sádiqoṉ kí du‘á suntá hai.
30
Áṉkhoṉ ká núr dil ko ḳhush kartá hai; Aur ḳhushḳhabarí haḍḍiyoṉ meṉ farbihí paidá kartí hai.
31
Jo zindagíbaḳhsh tambíh par kán lagátá hai, Dánáoṉ ke darmiyán sukúnat karegá.
32
Tarbiyat ko radd karnewálá apní hí ján ká dushman hai: Par tambíh par kán lagánewálá fahm hásil kartá hai.
33
Ḳhudáwand ká ḳhauf hikmat kí tarbiyat hai: Aur sarfarází se pahle firotaní hai.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31