Proverbs 19

Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

← Chapter 18 Jump to: Chapter 20 →

1Rástrau miskín Kajgo aur ahmaq se bihtar hai.

2Yih bhí achchhá nahíṉ ki rúh ‘ilm se ḳhálí rahe; Jo chalne meṉ jaldbází kartá hai, bhaṭak játá hai.

3Ádmí kí hamáqat use gumráh kartí hai, Aur us ká dil Ḳhudáwand se bezár hotá hai.

4Daulat bahut se dost paidá kartí hai: Par miskín apne hí dost se begána hai.

5Jhúṭhá gawáh besazá na chhúṭegá: Aur jhúṭh bolnewálá riháí na páegá.

6Bahutere log faiyáz kí ḳhushámad karte haiṉ, Aur har ek ádmí in‘ám denewále ká dost hai.

7Jab miskín ke sab bháí hí us se nafrat karte haiṉ, To us ke dost kitne ziyáda us se dúr bhágeṉge. Wuh bátoṉ se un ká píchhá kartá hai, par un ko nahíṉ pátá.

8Jo hikmat hásil kartá hai apní ján ko ‘azíz rakhtá hai: Jo fahm kí muháfizat kartá hai fáida uṭháegá.

9Jhúṭhá gawáh besazá na chhúṭegá; Aur jo jhúṭh boltá hai faná hogá.

10Jab ahmaq ke liye náz o ni‘mat zebá nahíṉ, To ḳhádim ká sháhzádoṉ par hukmrán honá âur bhí námunásib hai.

11Ádmí kí tamíz us ko qahr karne meṉ dhímá banátí hai, Aur ḳhatá se darguzar karne meṉ us kí shán hai.

12Bádsháh ká g̣azab sher kí garaj kí mánind hai, Aur us kí nazar i ‘ináyat ghás par shabnam kí mánind.

13Ahmaq beṭá apne báp ke liye balá hai, Aur bíwí ká jhagṛá ragṛá sadá ká ṭapká.

14Ghar aur mál to bápdádá se mírás meṉ milte haiṉ: Lekin dánishmand bíwí Ḳhudáwand se miltí hai.

15Káhilí níṉd meṉ g̣arq kar detí hai: Aur káhil ádmí bhúká rahegá.

16Jo farmán bajá látá hai apní ján kí muháfizat kartá hai: Par jo apní ráhoṉ se g̣áfil hai maregá.

17Jo miskínoṉ par rahm kartá hai Ḳhudáwand ko qarz detá hai, Aur wuh apní nekí ká badla páegá.

18Jab tak ummed hai apne beṭe kí tádíb kiye já, Aur us kí barbádí par dil na lagá.

19Shadídu’l g̣azab ádmí sazá páegá, Kyúṉki agar tú use riháí de to tujhe bár bár aisá hí karná hogá.

20Mashwarat ko sun aur tarbiyatpazír ho, Táki tú áḳhirkár dáná ho jáe.

21Ádmí ke dil meṉ bahut se mansúbe haiṉ; Lekin sirf Ḳhudáwand ká iráda hí qáim rahegá.

22Ádmí kí maqbúlíyat us ke ihsán se hai; Aur kaṉgál jhúṭhe ádmí se bihtar hai.

23Ḳhudáwand ká ḳhauf zindagíbaḳhsh hai, Aur ḳhudátars ser hogá, Aur badí se mahfúz rahegá.

24Sust ádmí apná háth thálí meṉ ḍáltá hai, Aur itná bhí nahíṉ kartá ki phir use apne muṉh tak láe.

25Ṭhaṭṭhá karnewále ko már, is se sádadil hoshyár ho jáegá: Aur sáhib i fahm ko tambíh kar, wuh ‘ilm hásil karegá.

26Jo apne báp se badsulúkí kartá aur máṉ ko nikál detá hai, Ḳhijálat ká bá‘is aur ruswáí lánewálá beṭá hai.

27Ai mere beṭe, agar tú ‘ilm se bargashta hotá hai, To ta‘lím sunne se kyá fáida?

28Ḳhabís gawáh ‘adl par haṉstá hai, Aur sharír ká muṉh badí ngaltá rahtá hai.

29Ṭhaṭṭhá karnewáloṉ ke liye sazáeṉ ṭhahráí játí haiṉ; Aur ahmaqoṉ kí píṭh ke liye koṛe haiṉ.

← Chapter 18 Jump to: Chapter 20 →

Recommended Reading

Commentary Proverbs Commentaries → Devotional Proverbs Devotional Guide → Get This Bible URDR55 (Kitáb i Muqaddas (Tauret, Zabúr, Ambiyá ke Sahífa, aur Injíl)) Study Bible →