bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Proverbs 21
Proverbs 21
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 22 →
1
Bádsháh ká dil Ḳhudáwand ke háth meṉ hai, Wuh us ko pání ke náloṉ kí mánind jidhar cháhtá hai phertá hai.
2
Insán kí har ek rawish us kí nazar meṉ rást hai: Par Ḳhudáwand diloṉ ko jáṉchtá hai.
3
Sadáqat aur ‘adl Ḳhudáwand ke nazdík qurbání se ziyáda pasandída haiṉ.
4
Balandnazarí aur dil ká takabbur, Aur sharíroṉ kí iqbálmandí gunáh hai.
5
Mihnatí kí tadbíreṉ yaqínan firáwání ká bá‘is haiṉ: Lekin har ek jaldbáz ká anjám muhtájí hai.
6
Darog̣goí se ḳhazáne hásil karná beṭhikáná buḳhárát kí mánind hai, Aur us ke tálib maut ke tálib haiṉ.
7
Sharíroṉ ká zulm un ko uṛá le jáegá, Kyúṉki unhoṉ ne insáf karne se inkár kiyá hai.
8
Gunáhálúda ádmí kí ráh bahut ṭeṛhí hai: Par jo pák hai us ká kám ṭhík hai.
9
Ghar kí chhat par ek kone meṉ rahná, Jhagṛálú bíwí ke sáth kusháda ghar meṉ rahne se bihtar hai.
10
Sharír kí ján buráí kí mushtáq hai, Us ká hamsáya us kí nigáh meṉ maqbúl nahíṉ hotá.
11
Jab ṭhaṭṭhá karnewále ko sazá dí játí hai to sádadil hikmat hásil kartá hai; Aur jab dáná tarbiyat pátá hai to ‘ilm hásil kartá hai.
12
Sádiq sharír ke ghar par g̣aur kartá hai; Sharír kaise girkar barbád ho gaye haiṉ.
13
Jo miskín ká nála sunkar apne kán band kar letá hai, Wuh áp bhí nála karegá aur koí na sunegá.
14
Poshídagí meṉ hadya dená qahr ko ṭhanḍá kartá hai, Aur in‘ám bag̣al meṉ de dená g̣azab i shadíd ko.
15
Insáf karne meṉ sádiq kí shádmání hai, Lekin badkirdároṉ kí halákat.
16
Jo fahm kí ráh se bhaṭaktá hai, Murdoṉ ke g̣ol meṉ paṛá rahegá.
17
Aiyásh kaṉgál rahegá; Jo mai aur tel ká mushtáq hai máldár na hogá.
18
Sharír sádiq ká fidya hogá, Aur dag̣ábáz rástbázoṉ ke badle meṉ diyá jáegá.
19
Biyábán meṉ rahná, Jhagṛálú aur chiṛchiṛí bíwí ke sáth rahne se bihtar hai.
20
Qímatí ḳhazána aur tel dánáoṉ ke ghar meṉ haiṉ, Lekin ahmaq un ko uṛá detá hai.
21
Jo sadáqat aur shafaqat kí pairawí kartá hai, Zindagí aur sadáqat o ‘izzat pátá hai.
22
Dáná ádmí zabardastoṉ ke shahr par chaṛh játá hai, Aur jis quwwat par un ká i‘timád hai use girá detá hai.
23
Jo apne muṉh aur apní zabán kí nigahbání kartá hai, Apní ján ko musíbatoṉ se mahfúz rakhtá hai.
24
Mutakabbir o mag̣rúr shaḳhs, jo ṭhaṭṭhebáz kahlátá hai, Bahut takabbur se kám kartá hai.
25
Káhil kí tamanná use már ḍáltí hai, Kyúṉki us ke háth mihnat se inkár karte haiṉ.
26
Wuh din bhar tamanná meṉ rahtá hai; Lekin sádiq detá hai aur dareg̣ nahíṉ kartá.
27
Sharír kí qurbání nafratangez hai, Ḳhusúsan jab wuh badníyatí se látá hai.
28
Jhúṭhá gawáh halák hogá: Lekin jis shaḳhs ne bát suní hai wuh ḳhámosh na rahegá.
29
Sharír apne chihre ko saḳht kartá hai: Lekin sádiq apní ráh par g̣aur kartá hai.
30
Koí hikmat koí fahm aur koí mashwarat nahíṉ Jo Ḳhudáwand ke muqábil ṭhahr sake.
31
Jang ke din ke liye ghoṛá to taiyár kiyá játá hai, Lekin fathyábí Ḳhudáwand kí taraf se hai.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31