John 15

Xhosa 2024 (ITestamente Entsha)

← Chapter 14 Jump to: Chapter 16 →

1Mna ndingumdiliya wenyaniso, umlimi wawo ke nguBawo.

2Amasebe onke akum angavelisi siqhamo, uyawasusa;

3Nina nihlambulukile, ngenxa yelizwi endilithethileyo kuni.

4Hlalani kum, mna ndihlale kuni. Njengokuba isebe lingenako ukuthwala isiqhamo ngokwalo, lingahlalanga emdiliyeni; aninako ukuphinda nina, ukuba anihlalanga kum.

5Umdiliya ndim, nina ningamasebe; lowo uhleli kum, ndibe mna ndihleli kuye, yena uthwala isiqhamo esininzi; ngokuba, ningekum, aninakwenza nto.

6Ukuba umntu uthe akahlala kum, ulahlelwa phandle njengesebe, ome; bazibuthe abantu, baziphose emlilweni, zitshiswe.

7Ukuba nithe nahlala kum, namazwi am ahlala kuni, nocela into enisukuba niyithanda, niyenzelwe.

8Uzukiswa uBawo ngale nto, yokuba nithwale isiqhamo esininzi; niya kuba ngabafundi bam ngokunjalo.

9Njengoko uBawo wandithandayo, nam ndanithanda; hlalani ke eluthandweni lwam.

10Ukuba nithi niyigcine imithetho yam, hlalani eluthandweni lwam; njengokuba mna ndayigcinayo imithetho kaBawo, ndahlala eluthandweni lwakhe.

11Ezi zinto ndizithethile kuni, ukuze uvuyo lwam luhlale kuni, luthi novuyo lwenu luzaliseke.

12Nguwo lo umthetho wam, wokuba nithandane, njengoko ndanithandayo nina.

13Akukho namnye unalo uthando olungaphezu kolu, lokuba ubomi bakhe abuncamele izihlobo zakhe.

14Nizizihlobo zam nina, ukuba nithi nikwenze konke endinimisela khona mna.

15Ngoku ke andinibize ngokuba ningabakhonzi; ngokuba umkhonzi akakwazi okwenziwa yinkosi yakhe; ke mna ndithe nizizihlobo; ngokuba zonke izinto endaziva kuBawo, ndanazisa zona.

16Aninyula mna; ndim owanyula nina, ndanimisela ukuba nihambe nithwale isiqhamo, size nesiqhamo senu sihlale; ukuze oko enithe nakucela kuBawo egameni lam, aninike.

17Ndiniwisela lo mthetho wokuba nithandane.

18Ukuba ihlabathi linithiyile, yazini ukuba lindithiye kuqala kunani.

19Ukuba beningabehlabathi, ihlabathi linge likuthanda okwalo; ke ngokuba ningengabehlabathi, ndaninyulayo mna kulo ihlabathi, ngenxa yoko linithiyile ihlabathi.

20Likhumbuleni ilizwi endalithethayo mna kuni, elithi, Akukho mkhonzi umkhulu kunenkosi yakhe. Ukuba banditshutshisile mna, bonitshutshisa nani; Ukuba ilizwi lam baligcina, nelenu boligcina.

21Ezo zinto ke baya kuzenza kuni ngenxa yegama lam, ngokuba bengamazi owandithumayo.

22Ukuba bendingezanga ndathetha kubo, ngebengabanga nasono; ngoku abanasikhuselo sesono sabo.

23Lowo uthiyileyo mna uthiye noBawo.

24Ukuba bendingenzanga phakathi kwabo imisebenzi engenziwanga mntu wumbi, ngebengabanga nasono; ngoku ke babonile; noko bandithiyile mna noBawo.

25Kwenzeke ukuze lizaliseke ilizwi elibhaliweyo emthethweni wabo, elithi, Bandithiya kungekho sizathu.

26Kodwa akufika uMthetheleli, endiya kumthuma mna kuni evela kuBawo, uMoya wenyaniso ophuma kuBawo, wongqina ngam.

27Nani ke niyangqina, ngokuba beninam kwasekuqalekeni.

← Chapter 14 Jump to: Chapter 16 →