bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Samuel 22
2 Samuel 22
Zande
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Dawidi ki gumba agu apai nga ga gi bia re fu Yekova, ni gu rago Yekova abatasi ko be avurako dunduko, na be Saura.
2
Ko ki ya, “Yekova nga gi mbia, nga gi nyanyaki gbata, nga gi batasi,
3
Mbori nga gi mbia, ko mi akída kuti ko; nga gi vurakube, nga ome gi bata, nga gi sosono kirikiri gbata, nga gi bagbuko; nga batasire; mo nabatasa re be airazuu.
4
Mi nakpara fu Yekova, rengbe na tambua aboro ko; si du bati mi ti ni be avurare.
5
“Bambiko agiri kpio atapa re kirikiri, gu yasika ima nga ga basapambori nagundesi re;
6
agiri Baatoro kpikpi aboro ake pati re kirikiri, agbina kpio aidi ka zia re.
7
“Mi akpari fu Yekova rago gi fudifudipai; mi apoi ku ari fu gi Mbori. Ko ki gi fugore rogo gako yekaru yo, gi kpe ku ari ki ye ki ti ku tuko yo.
8
“Kpotosende ki wo ki nikio, amburu ngbangbaturũ ki nigbisi ki du ni zigizozigizo ho, bambiko ko azingi.
9
Ngime ki nikuru õko yo, we ngbako ki niriti ahe; kingiriwe ki nirungudi be he.
10
Ko anuga angbangbaturũ a, ki nizorõ; ndundundu bitimo ki du tii nduko.
11
Ko ki oro ri keruba, ki gu; i ki bi ko ri apupo yuge.
12
Ko asa bitimo ni gako basura pati ko kirikiri, na nanaga mai angbangbaturũ yo wa dunguradungura aime.
13
Kingiriwe ki nirungudi be gu imaima imarago naadu barangba ko.
14
Yekova asu ngbangbaturũ yo, gu Ko nga Bahe ki susi, ki poi.
15
Ko ki zumudi aguanza, ki gbandaka yo; aikpira gumba akĩ, ki nimángi yo gbegberẽ.
16
Agene baaime adu ni kusikusi he, mburu zegino ki du ni ku he, be ga Yekova zahe, be gu utura onga nakuru õko yo.
17
“Ko akedi sunge ngbangbaturũ yo, ki di re; ko agbe re rogo dungu aime yo.
18
Ko abatasi re be nyanyaki vurare, be agu yo naasoga re; bambiko i adu na ome ki susi re.
19
I aye fuo re rago gi gberãngbi; ono Yekova adu ni songodi re.
20
Ko akusi re ku rogo bakere rago a; ko abatasi re, bambiko mi angba ti ko.
21
“Yekova amangi pai fere rengbe na gi rurupai; ko afu mosoro fere a wa bere adu ni gigiri he.
22
Bambiko mi aka kuti agu apai nga ga Yekova, ka mi aguari nga pati gi Mbori nimángi gbegberẽ ya.
23
Bambiko gako asarangbanga dunduko adu ku bangire, ono tipa gako rugapai, mi ambu nga ha wa sa te.
24
Mi azanga pai bara bangiriko, mi ki banda tire ti irairapai.
25
Si du Yekova afu mosoro fere ti ni rengbe na gi rurupai, wa giri mi agira bangiriko.
26
“Mo nayugo tiro ni boro inapai fu boro inapai; mo nayugo tiro ni ruru ro fu ruru boro;
27
mo nayugo tiro ni gigiri ro fu gigiri boro, mo ki yugu tiro ni keretukeretu boro fu boro vura.
28
Ono mo nabatasa rungorungo aboro, ono bangiro du kuti aboro ruka, ka umbasi yo.
29
Ako Yekova, bambiko mo ni tiro nga gi tara, ii, gi Mbori nasa gi bitimo ni imarago.
30
Ni rengo mi nasusa dagba rikavura mbiko ro, mi nagu ri ngapa mbiko gi Mbori.
31
Ono tipa Mbori ― gako pai dũ ziazia; gu pai nga ga Yekova, i wisigi he si da ti rengo; ko nga vurakube fu agu yo dunduko nafu tiyo ku be ko.
32
“Bambiko da du ni Mbori, fuo kina Yekova sa? Da du ni mbia, fuo kina gaani Mbori?
33
Mbori nga gi nyanyaki gbata, ko nangbe ku mbata yo fu ziazia yo rogo gako pai.
34
Ko naipisa ndure si ipi wa ndu ngbiimo, ko namaa re ku ari ri tumbatumba arago.
35
Ko nayugo pa vura fu bere, bere ki gbe mboto sirigi.
36
Mo fu vurakube ga bata fere a, ga undahe asa re ni bakere boro.
37
Mo akiisi ba ndure tii re yo, kpendure azerenga nga te;
38
mi ado fuo avurare, ki gbarasi yo, mi akaraga nga tire te daho mi anyasi yo ni.
39
Mi ki nyasi yo; ki hogi yo puu, ka i arengba nga na ka guari ya; ii, i atiwi ku tii ndure yo.
40
Bambiko mo aukadi re na ngarã tipa so vura; mo amangi agu yo naaguari kuti re i nugadi barangba re.
41
Mo amangi avurare a i sa giiyo fere, mi anyasi agu yo naasoga re.
42
I angere, ono boro adu nga ho sa ka batasi yo te; koyo du Yekova ni a, ono ko akaraga nga pai fu yo te.
43
Mi asa yo tubutubu wa nvutu sende, mi asimbi yo wa birikobiriko he bangiri agene, ki gbandaka yo tuturũ.
44
“Mo nabatasi re a be gu zuba nga ga gimi aboro; mo abanda re mi du ni ri arikaaboro; agu aboro mi aina nga yo ya i ara fere.
45
Auro aye ka ra fere na goyo; ho i agi pa re ni, i agi sangbare.
46
Auro apaya dũ, i akuru rogo gayo kisikisi rago nikio be gunde.
47
“Yekova du ni ungako; sambuahe dú fu gi mbia; i kiisi pa gi Mbori, nga gi mbia bata,
48
nga Mbori naira gi bape, ki ye na aboro ni zogozogo yo yo ku tii re,
49
nga gu ko nakusi re be avurare; mo natumba re ku ari ku ri agu yo naaguari kuti re, mo natuka re be airazuu.
50
“Ako Yekova, si du mi afú atambuahe foro dagba arikaaboro yo, ki nibi bia tambuahe ti rimoro.
51
Ko nafu bakere bata fu gako bakindo, ki niyugu weneringise fu gako mbedimbedi boro, fu Dawidi na angbatungako nye anye kindi.”
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24