bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Samuel 23
2 Samuel 23
Zande
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
Were agi apai re nga ga Dawidi yangara fugo: Dawidi wiri Yisai naya nga gu kumba i akiisi pa ko gbe, nga gu mbedimbedi boro nga ga gu Mbori nga ga Yakoba ko, nga gu bawene babibia tambuahe nga ga aYisaraere ko:
2
“Ga Yekova Toro nafurarogo re yo, gako pai dũ ti mirãre.
3
Mbori nga ga aYisaraere ko gumba ha, gu Mbia nga ga aYisaraere gumba ha fere: Ho boro nazoga aboro ni ni rurupai, nizogo aboro rogo gunde ti Mbori,
4
ko du wa gu imarago nga ga wiso, ho uru nakura ni ni gu wiso zanga dubo, ho fogo nvuo nakura ni sende yo be imaima harago fuo na mai.
5
Ni rengo angbatungare wo fu Mbori, te? Ono ko mangi nyenye zungahe na mi, ni rugurugu he rogo apai dunduko, ni ndikidi he. A nga gi bata na gu pai dunduko mi akpi nyemu he, ka ko kiisi nga pa ha, te?
6
Ono gbegberẽ sino aboro dunduko adu wa agu akiwe i nabafa ha ku sa yo; bambiko ka i rogo nga yo ni be te;
7
ono gu boro nazada yo ni ka voda tini na marã na para baso; i nazokoda yo kpakaya na we kina ku rogo gu ba yo.”
8
Gere nga rimo agu airanyaka nangia ga Dawidi yo: Yoseba-basebeta boro Takemona, ko adu ni barumbatayo fu agu yo 30; kina ko nga Adino boro Esene, ko aimi aboro 800 ni gako baso ni kina gu uru sa.
9
Fuo ko Erazara ki du nangia wiri Dodo, Dodo ki ngia wiri Awoa. Erazara naadu dagba agu airanyaka biata nadu na Dawidi, ho i apayasi pa aFereseto ni nga agu yo naadungura tiyo sa vura, akumba aYisaraere ki guari ku sa yo.
10
Ko tigako aguari, ki mangi aFereseto daho beko ambu ni, beko ki dika tihe kuti pene basape. Yekova afu bakere diabese fu yo ni gu uru re. Aboro ki karaga tiyo fuo ko ka gbu kina ahe.
11
Fuo ko Sama ki du nangia wiri Age boro Arara. AFereseto adungura tiyo ni rikavura ku Rei yo, yo dagba rago adu ni, abakpa arengbe na ni dũ. Aboro ki oro be aFereseto.
12
Ono ko ki ru kina bebere gu dagba rago yo re, ka banda ha, ki imi aFereseto. Yekova ki fu bakere diabese fu yo.
13
Abaakumba biata dagba agu abaakumba 30 ki zorõ ki ye koyo du Dawidi ni ti regbo ke ahe sa gu simbia nga Adurama. Gu rikavura nga ga aFereseto ki zi bataya rogo gu ngboongboorago du Refaima yo.
14
Dawidi ki du kina rogo nyanyaki ba, gu gbata abanzengere nga ga aFereseto ki du Betereme yo.
15
Dawidi akpi nyemu ka mbira ime, ko ki ya, “Ako ka boro fu gu ime fere mi mbiri he nga ga guga Betereme, nga gu du pa ngbadimo bakporo!”
16
Si du agu airanyaka biata re ki gbiriwo rogo ga aFereseto rimbasa, ki gbe ime rogo guga Betereme, nga gu naadu pa ngbadimo bakporo, ki di he, ki ye na ni fu Dawidi. Ono ko akpi nga nyemu ka mbira ha te; ko ki uka ha fu kina Yekova.
17
Ko ki ya, “Ako Yekova, si arengba nga fere mi mangi gi pai te re. Mi mbiri kure agu aboro fu ungayo ku ngba pai yo?” Si du ko akpi nga nyemu ka mbira ha ti ni ya. Agi apai re agu airanyaka biata re amangi he.
18
Abisai unvurua Yoaba, nangia wiri Seruya, adu ni barumbatayo fu agu yo naadu biata. Ko ki di gako baso kuti aboro 300 ki imi yo, ko ki du na worimo dagba agu yo naadu biata.
19
Ko adu ni irisiirisi boro dagba yo ki susi agu yo 30, si du i asa ko ti ni ni gayo barutirivura. Ono ko arengba nga na gu bambata yo naadu biata te.
20
Benaya wiri Yoyada adu ni eerẽ kumba nangia boro Kabasere, namangi baiiriwo apai, ko aimi agu airanyaka ue nga ga aMoabo yo. Boro ko andu a ki imi bahu due yo rago kere zere.
21
Ko ki imi boro Ezipeta, ni bawene kumba. Gu boro Ezipeta re adu na baso be ko ono Benaya ki ndu sa ko na kina ngbondo, ko ki gbe baso be boro Ezipeta, ki imi ko na kina gako baso.
22
Agi apai re Benaya wiri Yoyada amangi, ki du na worimo dagba agu airanyaka biata.
23
Ko adu ni irisiirisi boro ki susi dagba agu yo naadu 30, ono ko arengba nga na gu bambata yo naadu biata te. Dawidi ki moi ko ku ri ababandako.
24
Asaere tame Yoaba adu dagba agu yo yo naadu 30; na Eranana wiri Dodo boro Betereme;
25
na Asama boro Aroda na Erika boro Aroda;
26
na Erese boro Parati, na Ira wiri Ikese boro Tekua;
27
na Abiezere boro Anatota, na Mebunai boro Usa;
28
na Saremona boro Awoa, na Marai boro Netofa;
29
na Erebe wiri Bana boro Netofa, na Itai wiri Ribai boro Giba dagba ngbatunga Benyamina yo;
30
na Benaya boro Piratona, na Idai nga boro gu ringara wiriadi du Gasayo,
31
na Abi-arabonaboro Aruba, na Azemaveta boro Baruma;
32
na Eriaba boro Sarebona nangia awiri Yasena, na Yonatana;
33
na Sama boro Arara, na Aiyama wiri Sarara boro Arara,
34
na Eriperete wiri Asabai boro Maka, na Eriama wiri Aitofere boro Girona;
35
na Esero boro Karumera, na Parai boro Aruba;
36
na Yigara wiri Natana boro Soba, na Bani boro Gada;
37
na Sereke boro Amona, na Narai boro Berota, nangia ga Yoaba batindi aũvura nangia wiri Seruya;
38
na Ira boro Yetere, na Gareba boro Yetere;
39
na Uria boro Eto: i dunduko adu wa aboro 37.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24