bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Judges 10
Judges 10
Zande
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
Fuo Abimereke kura boro ki mo ka batasa aYisaraere nangia Tora wiri Pua, Pua nangia wiri Dodo, ni ngbatunga Yisasakara. Ko ki niraki Samira yo rogo gu ringara abaagangara Efuraima.
2
Ko ki zogo aYisaraere tipa garã 13, ko ki kpi, i ki kpisidi ko Samira yo.
3
Fuo ko Yaira ki du, ni ngbatunga Girada. Ko ki zogo aYisaraere tipa garã 22.
4
Awiriko adu 30 ni akumba nandu ri awiri adongi 30. I adu na abaakporo 30 be yo, i nayamba ha Avota-Yaira daku areme, nadu ringara Girada yo.
5
Yaira ki kpi, i ki kpisidi ko Kamona yo.
6
Awiri aYisaraere ki mangi gu pai berewe nadu ni gbigoita ha bangiri Yekova, ki nimángi pa aBara, na Asetorete, na pa ga aSurio ambori, na ga aSidono ambori, na ga aMoabo ambori, na ga aAmono ambori, na ga aFereseto ambori. I ki mbu Yekova ka i amanga nga pako ya.
7
Ga Yekova zinga ki rungudi kuti aYisaraere, ko ki fu yo ku be aFereseto, na ku be aAmono.
8
I ki nimbusi awiri aYisaraere ni gu garã re k, nimángi yo. I ki nimángi agu awiri aYisaraere dunduko naadu mbiti Yaradene yo tipa garã 18, naadu rogo ga aAmoro ringara, nga Girada.
9
AAmono ki si Yaradene ka so vura kuti Yuda, na kuti Benyamina, na kuti ngbatunga Efuraima a; si du aYisaraere adu na rungo gbe ki susi.
10
Awiri aYisaraere ki nikpari fu Yekova, ki ya, “Ani aingi pai kuti ro, bambiko wa ani ambu gaani Mbori, ki nimángi pa aBara.”
11
Yekova ki ya fu awiri aYisaraere. “Mi abatasa nga roni be aEzipeto te? na be aAmoro te, be aAmono te, be aFereseto a te?
12
ASidono amangi roni na aAmareko a, na aMaono a. Oni akpari fere, mi ki batasi roni be yo.
13
Ono oni tigaoni ambu re, ki nimángi pa kura ambori. Si du ka mi abátasa nga roni ti ni berewe ya.
14
Oni ndú ki kpari fu agu ambori oni asia yo; i bátasi roni rago gaoni rungo.”
15
Awiri aYisaraere ki ya fu Yekova, “Ani aingi pai; mo mángi gu pai fu rani ngba bangiro; ono mo bátasi rani, ani nazungadi ro ni gi uru re.”
16
I ki bafu gu kungba ambori ku sa yo ti yo naadu be yo, ki nimángi pa Yekova; ko ki nirungo tipa gu pai nafudi aYisaraere.
17
Were aAmono ki dungura tiyo sa vura, ki zi bataya Girada yo. Awiri aYisaraere ki dungura tiyo, ki zi bataya Misipa yo.
18
Aboro ki ya dagba yo, nga abazogo Girada, “Gini boro nikatona pa so vura kuti aAmono? Ni adú ku ri agu aboro nanaraka Girada yo dunduko.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21