bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Judges 18
Judges 18
Zande
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
Ni gu rago re bakindo adu nga Yisaraere yo te. Ni gu rago re ngbatunga Dana agbata gayo ringara ka raka rogo; bambiko dati gu rago re i abi nga ngbi ni gayo dagba angbatunga aYisaraere yo te.
2
ADano akedi akumba bisue dagba ngbatungayo, nangia nyanyaki akumba, Sora yo na Esetaora yo, ka maa ringara, ka makia pa ha; i ki ya fu yo, “Oni ndú, ki makia pa ringara.” I ki ye ku ringara abaagangara Efuraima yo, ku Mika yo, ki ra yo.
3
Ho i adu ni pati ga Mika bambu, i aini fugo gu paranga kumba re nangia boro Revi; i ki kpara koyo, ki ya fu ko, “Da naye na mo ku erẽ? Mo namanga waĩ rogo gi rago re? Ga pai nga gine erẽ?”
4
Ko ki ya fu yo, “Were Mika namanga na mi, na were: ko angbe re, mi ki du ni gako boromotumo.”
5
I ki ya fu ko, “Ani zungadi ro, mo sána he tipa sangba Mbori, ani íni pa gaani gene ani andu ngba ha tigaani, si ngia si angbá angba.”
6
Boromotumo ki ya fu yo, “Oni ndú zezeredi. Gaoni gene oni nandu ngba ha si ku bara bangiri Yekova.”
7
Agu akumba re bisue, i ki guari, ki ye ku Raisa yo. I ki bi agu aboro naadu yo, ya i naraka zezeredi, a wa sino aSidono nidu, na zera zanga fudifudi apai. A nga boro sa adu ringara yo i aasia pa zoga yo fu ni te, ni ka manga yo rogo agu apai. I aturũ na aSidono gbe, i adu nga na aboro rogo kura apai yo wa sa te.
8
Agi yo bisue re ki yega koyo du awirinayo ni ku Sora yo na ku Esetaora yo. Awirinayo ki ya fu yo, “Oni naya waĩ?”
9
I ki ya, “Ani gúari ku ari, ka ndu sa yo; bambiko ani bi ringara, oni ngére, si ni wene he gbe. Sungu ani asunga zaa? Ka oni nyómoro nga tipa ndu koyo ka rima koyo ka dia ringara ni gaoni ya.
10
Ho oni ka ndu ni, oni ayé koyo du agu aboro ni naadu zezeredi. Ringara ni bakikii he gbe; bambiko Mbori afu he ku be roni, nga gu rago adu nga na gu zingohe rogo ho nga ga zegino wa sa ya.”
11
Were akumba 600 ki guari yo navodi ũvura dagba ngbatunga Dana, Sora yo na Esetaora yo.
12
I ki ndu ki zi bataya Kiriyata-yarima Yuda yo. Si du i ayambu gu rago ti ni re Mane-dana ki da ku areme; si du gii Kiriyata-yarima yo.
13
I ki susi yo ku ringara abaagangara Efuraima yo, ki da ku Mika yo.
14
Agu akumba re bisue naandu ka maa rago Raisa yo, i ki karaga pai, ki ya fu awirinayo, “Oni aina nga ya rogo agi abambu re efoda du na terafima, na sese kpiahe, na gu kpiahe i amangi na zaragasizaragasi marã, te? Awere oni mákia pa gu pai oni ka manga ha.”
15
I ki kpara koyo, ki ye ku gu paranga kumba re nangia boro Revi, kina ku Mika yo, ki sana he tipa ko.
16
Agu akumba 600 naavodi gayo ũvura, nangia aDano, i ki ru ba rima ngbadimo yo.
17
Agu akumba re bisue naandu ka maa rago, i ki rimi koyo, ki di gu sese kpiahe re, na efoda, na terafima, na gu kpiahe i amangi na zaragasizaragasi marã a. Boromotumo ki ru pati ba rima ku ngbadimo yo na agu akumba re 600 naavodi ũvura.
18
Ho agi yo re arimi ni ku rogo ga Mika bambu yo, ki ye na sese kpiahe, na efoda, na terafima, na gu kpiahe i amangi na zaragasizaragasi marã, boromotumo ki ya fu yo, “Oni namanga waĩ?”
19
I ki ya fu ko, “Mo óngo kii, mo mói bero ti ngbaro, ki ndu na ani, ki du ni ba fu rani ni boromotumo a. Si angba nga tipa ro ka du ni boromotumo fu kumba sa na gako aborokporo, watadu ka du ni boromotumo fu gu ngbatunga aboro na gu rika sa Yisaraere yo te?”
20
Kpoto boromotumo yo ki wasa, ko ki di efoda, na terafima, na sese kpiahe, ki ndu ku dagba aboro yo.
21
I ki aria tiyo ki guari, ki moi rukutu yo ku mbata yo na abagara na ahe.
22
Ho i aturũ ni na ga Mika bambu, agu akumba naadu rogo abambu mbembedi na ga Mika, i ki dungura tiyo, ki do fuo aDano.
23
I ki yambu aDano, aDano ki aria tiyo, ki ya fu Mika, “Gini pai namanga ro, wa ye mo na rikaaboro were?”
24
Ko ki ya, “Oni di gimi ambori ku sa yo, nga gu mi ambakadi, na boromotumo, ki guari, gini he du be re berewe? Tipagine ya oni ti ni fere, ‘Gini pai namanga ro?’ ”
25
ADano ki ya fu ko, “Ka i gí nga fugoro dagba rani ya, aboro imisiringbaduse ka ti ku auru ro, ki imi ro, na gamo aborokporo.”
26
ADano ki ndu gayo nduge. Ho Mika abi yo ni ya i nyanyaki ki susi ko, ko ki aria tiko ki ga ku kpuko yo.
27
ADano adi gu he Mika ambakadi, na gu boromotumo naadu fuo ko, ki ye ku Raisa yo, koyo du agu aboro ni naadu zezeredi zanga fudifudipai. I ki imi yo na basape, ki zo bakporo ni we.
28
Batasi adu nga ho te, bambiko i aturũ na Sidona, i adu nga na aboro rogo kura apai yo wa sa te. Si adu rogo ngboongboorago pati Bete-roba yo. I ki dua bakporo, ki niraki yo.
29
I ki yambu rimo gu bakporo re nga Dana, wa rimo bayo adu, nangia gu ko i abatika ko fu Y isaraere. Ono rimo gu bakporo re nangia Raisa mbata.
30
ADano ki dua gu sese kpiahe re tipa yo; Yonatana nangia wiri Gerusoma na awiriko adu ni aboromotumo fu ngbatunga Dana dati rago zia yo yo ni zizi vo rogo ringara; Gerusoma nangia wiri Mose.
31
Si du i adua ga Mika sese kpiahe ka irisa ha, nangia gu ko ambakadi, ni agu arago dunduko bambu Mbori adu Siro yo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21