bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Judges 8
Judges 8
Zande
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
1
Aboro Efuraima ki ya fu Gidona, “Tipagine mangi mo rani ti ni were, ka mo ayamba nga rani ya, ho mo andu ni ka so vura na aMidiano?” I ki poi na ko gbe.
2
Ko ki ya fu yo, “Gini pai mangi mi ringbisi he na gaoni? A nga ga Efuraima futu rindi kakue ngba susi ga Abiezere boro rindi kakue te?
3
Mbori afu abazogo aMidiano ku be roni, nangia Orebe na Zeeba. Gine mi arengbe ka manga ha tigimi ringbisi he na gaoni?” Ho ko agumba gi pai ni re, gayo zinga kuti ko ki zeredi.
4
Gidona ki ye ku Yaradene yo, ki si ku mbiti yo, ko na agu aboro 300 naadu na ko, wa i avura du rurungbura ono i ado fuo yo kindi.
5
Ko ki ya fu aboro Sukota. “Mi nazungadi roni, oni fú udiudi kpokuta fu agu aboro napeka re; bambiko he namaka yo, mi nado fuo Zeba na Saremuna, na abakindo aMidiano.”
6
Abazogo Sukota ki ya. “Zeba na Saremuna du be ro awere, ka ani fu kpokuta fu gamo arimbasa aborosovura?”
7
Gidona ki ya, “Ono ho Yekova ka fu Zeba ni ku be re na Saremuna, mi atá bororoni na agu akiwe du ngbakungba yo na sakokoso a.”
8
Ko ki guari yo ki ndu ku Penuere yo, ki gumba pai fu yo a wo; aboro Penuere ki karaga pai a wa aboro Sukota akaraga ha.
9
Ko ki gumba pai fu aboro Penuere a, ki ya, “Ho mi ka yega ni na zereda, mi akuadi gi kirikiri gbata re ku sande.”
10
AZeba na Saremuna adu Karukora yo, na gayo rimbasa aborosovura na yo, wa aboro 15,000, nga agu yo nanye dagba gu rimbasa aborosovura nangia awiri aboro ku Uroyo; bambiko i akpiki wa aboro 120,000 nga agu yo nanamo basape.
11
Gidona ki ndu ngba gu gene du pati araki rogo abamburoko pati Noba na Yogeba ku uroyo, ki mangi rimbasa aborosovura; bambiko rimbasa aborosovura aberẽ he tigayo i oko tiyo wenengaĩ.
12
AZeba ki oro na Saremuna; ko ki do fuo yo, ki zi agu abakindo aMidiano ue re, nga Zeba na Saremuna, ki mangi rimbasa aborosovura gbe dunduko.
13
Gidona wiri Yoasa ki yega gene vura yo ti ba dakpa ku Erese yo.
14
Ko ki zi paranga kumba nangia boro Sukota, ki sana ko; ko ki ke rimo abazogo Sukota fu ko, na abaakumba bakporo a, wa aboro 77.
15
Ko ki ye koyo du aboro Sukota ni, ki ya, “Oni bí nga Zeba na Saremuna, nga agu yo oni auma re tipa yo, niya, ‘AZeba na Saremuna be ro awere, ka ani fu kpokuta fu gamo aboro nga agu yo nambu?’ ”
16
Ko ki rogo abaakumba kporo, ki rogo akiwe du ngbakungba yo na sakokoso, ki ta aboro Sukota na ni.
17
Ko ki kuadi gu kirikiri gbata naadu Penuere yo ku sande, ki imi aboro bakporo.
18
Ko ki ya fu Zeba na fu Saremuna. “Agu aboro oni aimi yo Tabora yo i adu ni gini ngbatunga aboro?” I ki karaga ha, “Wa du mo, wo i adu a, i dunduko; i awiri kina awiri bakindo.”
19
Ko ki ya, “I adu ni awirinami, nikinaawirinina. Wa du Yekova ni ungako, ka oni abatasi yo ni ungayo, ka mi imi nga roni te.”
20
Ko ki ya fu Yetere nangia bambata wiriko, “Mo mó ku ari, ki imi yo.” Ono paranga amo nga gako basape te, bambiko ko agunde, bambiko wa ko adu ni paranga.
21
Zeba na Saremuna ki ya, “Mo mó ku ari tigamo, ki imi rani, bambiko wa du pa kumba, kina wo du pa gani ngarã.” Gidona ki mo ku ari, ki imi Zeba na Saremuna, ki rogo agu aũfongo re naadu gorõ gayo akameri naadu wa kpia fogo diwi.
22
Aboro aYisaraere ki ya fu Gidona tie. “Mo zógo rani tigamo awere, mo, na wiro, na titaro a; bambiko mo batasi rani be aMidiano.”
23
Gidona ki ya fu yo. “Mi azóga nga roni tigimi te, wire azóga nga roni a te; kina Yekova nikazoga roni.”
24
Gidona ki ya fu yo, “Mi nakpi nyemu ka sana roni tipa he; oni nga akumba dunduko ni ba sa sa, oni fúku gu gaoni atongo fere nangia ga ũgbuahe.” Bambiko atongo dahabu adu be yo, bambiko i adu ni aYisamaere.
25
I ki karaga ha, “Ani afú he afu foro na nyemuhe.” I ki gbaragi remu sande, akumba ni ba sa sa dunduko ki ba gayo gbugbu atongo.
26
Barõa atongo dahabu nga gu ko asana yo tipa ha, si adu wa asekere dahabu 1,700; gbiakuti aũfongo ni kpia fogo diwi, na aufongo gose, na gu ngungungu remu naadu ti abakindo aMidiano, na agu aufongo gose naadu ti gorõ gayo akameri.
27
Gidona ki mbakadi efoda na ni tipa irisa ha, ki moi he rogo gako bakporo nga Ofura. AYisaraere dunduko ki ndu koyo fuo ho ki mangi pai ni sino pa bari fu he, si ki du ni ũkota fu Gidona, na fu gako aborokporo.
28
Si du aMidiano adu ti ni ni zogozogo yo fu awiri aYisaraere, ka i atúmba nga riyo berewe ku ari ya. Ringara ki du zezeredi ti rago Gidona tipa garã 40.
29
Yerubara wiri Yoasa andu ki ga ku kpuko yo.
30
Awiri Gidona adu 70, nangia agu yo ko avungu yo; bambiko adiako adu ni dungu yo.
31
Gu de badia naadu Sekeme yo, ri abatika kumbagude a fu ko, ko ki yambu rimoko nga Abimereke.
32
Gidona ki kpi nangia wiri Yoasa wa ko aima gbe garãko ki nge ange ki susi, i akpisidi ko ku rogo ga Yoasa murã nangia bako, naadu Ofura yo nangia ga aAbiezere bakporo.
33
Si ki ta du wa gere, ho Gidona akpi ni, awiri aYisaraere ki sa tiyo berewe ni ba sa, ki ndu fuo aBara ki mangi pai ni sino pa bari, i ki sa Bara-berita ni gayo mbori.
34
Were, ka awiri aYisaraere atingida nga pa Yekova gayo Mbori berewe ya, nga gu ko nanabatasa yo be avurayo dunduko nanidu nati yo kirikiri;
35
ka i ayugo nga weneringise fu ngbatunga Yerubara, nangia Gidona, wa gu weneringise ko anayugo fu aYisaraere a ya.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21