bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Judges 3
Judges 3
Zande
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Were gere nga agu arikaaboro re Yekova ambu yo, ka asada aYisaraere ku be yo. I nga agu aYisaraere dunduko naaina nga pa gu sovura naadu Kanana yo ya.
2
Si du arika ngbatunga aYisaraere ka ina pa sovura ti ni, Yekova yugu pa sovura fu agu yo aina nga pa ha mbata ya.
3
Agu arikaaboro re du re: agbia bisue nangia ga aFereseto yo, na aKanano dunduko, na aSidono, na agu aIvo nanaraka Bagangara Rebanona yo, tona ti Bagangara Bara-erumona ki da ti ba rima ku Amata yo.
4
I ki du tipa asada aYisaraere ku be yo, ka ina ha si ngia aYisaraere agia ga Yekova arugute, nga gu ko arugu abayo kuti ni ku ngba Mose.
5
Si du awiri aYisaraere ki niraki dagba aKanano, na afifo, na aAmoro, na aPereso, na aIvo, na aYebuso a;
6
i ki nirogo awiriyo i du ni adiayo, ki nifuku awiriyo nangia ade fu agu awiriyo nangia akumba. I ki nimangi pa gayo ambori.
7
Awiri aYisaraere ki nimangi gu pai nadu ni gbigbita ha bangiri Yekova, bangiriyo ki go ti Yekova gayo Mbori. I ki nimangi pa a Bara na pa a Asera nga ngbama.
8
Si du ga Yekova zinga arungudi ti ni kuti aYisaraere, ko ki fu yo ku be Kusanarisataima nangia bakindo Mesopotamia. Awiri aYisaraere ki ra fu Kusana-risataima garã ki du muambi.
9
Ho awiri aYisaraere akpari ni fu Yekova, Yekova ki fu batasi fu yo, nangia Oteniere wiri Kenaza nabatasi yo. Kenaza ki ngia tame Kareba.
10
Ga Yekova Toro ki ye ku ri ko, ko ki nisápu ngbanga dagba aYisaraere. Ko ki ndu ka so vura, Yekova ki fu Kusanarisataima bakindo Mesopotamia ku be ko; ko ki di be Kusana-risataima.
11
Si du ringara ki zeredi tipa garã 40. Oteniere ki kpi nangia wiri Kenaza.
12
Awiri aYisaraere ki nimangi gu pai berewe nadu ni gbigbita ha bangiri Yekova. Yekova ki nyakasi Egerone bakindo Moaba kuti aYisaraere, bambiko i amangi gu pai nadu ni gbigbita ha bangiri Yekova.
13
Ko ki dungura awiri aAmono fuo ko na aAmareko; ki ndu ki di be aYisaraere. I ki di bakporo ambiro.
14
Awiri aYisaraere ki ra fu Egerone bakindo Moaba garã ki du 18.
15
Ono ho awiri aYisaraere akpari ni fu Yekova, Yekova ki fu batasi fu yo nangia Euda wiri Gera, ni ngbatunga Benyamina, ni iragare. Awiri aYisaraere ki kedi rũhe fu Egerone bakindo Moaba ku be ko.
16
Euda ki mbakadi basape na rindi he ue, bagizaha ki du wa bagiza mbiribe sa. Ko ki vo ho ku pa dimoko ku tii gako roko yo ku kumbabeko yo.
17
Ko ki fu gu rũhe re fu Egerone bakindo Moaba. Egerone adu ni bakikii ko.
18
Ho Euda anyasi pa fu rũhe ni, ko ki kedi agu yo natindi he ku sa yo.
19
Ko ki karaga tiko pati gu sese kpiahe naadu Girigara yo, ki ya, “Ako bakindo, mi ye na wiri pa rondo foro.” Ko ki ya, “Mo óngo mbata.” Agu aboro naru pati ko i ki guari bara bangiriko dunduko.
20
Euda ki ndu koyo du ko ni wa ko asungu ni sa ko vuru umba bambuzere yo. Euda ki ya, “Sangba Mbori ngbare foro.” Ko ki guari auru gako basunga.
21
Euda ki taĩ garebeko, ki mo gako basape dimoko ku kumbabeko yo, ki rũ vuko na ni.
22
Basape ki ga aga na penehe dũ, pasioko ki fu auru rindihe, mbiko ko amo nga basape vuko yo te; si ki kuru ku giiko yo.
23
Euda ki kuru ku ngbadimo yo, ki kisi angbadimo gu bambu re fuo ko, ki tapa ha.
24
Ho ko akuru ni ku zegi yo, ga bakindo amoyambu ki da. I ki bi angbadimo ni kisikisi he ni tapatapa ha. I ki berẽ he, “Si wa ko nabatasa tiko ku vuru bambuzere yo.”
25
I ki sungu daho zee azi yo ni; ka ko aza nga angbadimo bambuzere ya, si du i adi rifungura ti ni, ki za ha. I ki bi kina kangba gayo gbia si pi sande.
26
Wa i aima na sunga, Euda ki merẽ ki susi sese kpiahe, ki da ku Sira yo ki bati.
27
Ho ko ada ni, ko ki vu nambongo rogo ringara abaagangara Efuraima. Awiri aYisaraere ki zorõ na ko ringara abaagangara yo, ko ki ngbe ku mbata yo fu yo.
28
Ko ki ya fu yo, “Oni péke fuo re, bambiko Yekova fu aMoabo ku be roni nga avuraroni.” I ki zorõ fuo ko, ki di ga aMoabo basigo be yo ti Yaradene, ka si adu nga wa ka boro si sa ku mbiti no ya.
29
Ti gu rago re i ki imi aMoabo wa aboro 10,000, aboro nguru dunduko na nyanyaki aooro ni ngangarã yo a, a nga boro sa namerẽ te.
30
Si du ni gu uru re aMoabo ki ra fu aYisaraere. Ringara ki du zezeredi tipa garã 80.
31
Fuo Euda Samagara ki du nangia wiri Anata. Ko aimi aFereseto wa aboro 600 na ngbondo marã ruga abagara; Samagara ki batasi aYisaraere a.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21