bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Dagbani
/
Dagbani Bible (Naawuni Kundi Kasi)
/
Ezekiel 48
Ezekiel 48
Dagbani Bible (Naawuni Kundi Kasi)
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
Izraɛl zuliya maa yuya m-bɔŋɔ: Di pilila nuzaa polo tintariga Hɛtilɔn soli zuɣu n-zaŋ Lɛbɔhamat hal ni Hazarɛnɔn (din be Damaskus tintariga la ka chɛ Hamat bahi nuzaa polo) n-yi nimaani wulimpuhili polo zaŋ labi wulinluhili polo, Dan zuliya ni su tiŋgban’ yini.
2
Dan zuliya tiŋgbani maa wulimpuhili polo zaŋ labi wulinluhili polo, Asha zuliya ni su tiŋgban’ yini.
3
Asha zuliya tiŋgbani wulimpuhili polo zaŋ labi wulinluhili polo, Naftali zuliya ni su tiŋgban’ yini.
4
Naftali zuliya tintariga wulimpuhili polo zaŋ labi wulinluhili polo, Manaasa zuliya ni su tiŋgban’ yini.
5
Manaasa zuliya tiŋgbani maa wulimpuhili polo zaŋ labi wulinluhili polo, Ifriim zuliya ni su tiŋgban’ yini.
6
Ifriim zuliya tintariga wulimpuhili polo zaŋ labi wulinluhili polo, Rubin zuliya ni su tiŋgban’ yini.
7
Rubin zuliya tintariga wulimpuhili polo zaŋ labi wulinluhili polo, Juda zuliya ni su tiŋgban’ yini.
8
Juda zuliya tiŋgbani wulimpuhili polo zaŋ labi wulinluhili polo ni ti nyɛla luɣ’ shɛli yi ni yɛn yihi zali, ka di wɔɣilim nyɛ kilomita pinaayi ni pirigili, ka di yɛliŋ nyɛ kilomita pinaayi ni pirigili, ka di mini yi ni pirigi tiŋgbani maa shɛm ti zuliya kam la ti saɣisi taba, zaŋ wulimpuhili polo hal ni wulinluhili polo, ka chɛ ka Naawuni jɛmbu duu be di sunsuuni.
9
Yi ni yɛn zaŋ tiŋgban’ shɛli ti Yawɛ maa wɔɣilim ni ti nyɛla kilomita pinaayi ni pirigili, ka di yɛliŋ nyɛ kilomita pia.
10
Yi ni ti yɛn pirigi luɣ’ kasi shee shɛm m-bɔŋɔ: yi ni ti zaŋ di nuzaa polo ti maligumaaniba, ka di wɔɣilim ti nyɛ kilomita pinaayi ni pirigili. Di wulinluhili polo yɛliŋ ni ti nyɛla kilomita anu, ka di wulimpuhili polo yɛliŋ gba ti nyɛ kilomita anu. Di nudirigu polo wɔɣilim ni ti nyɛla kilomita pinaayi ni pirigili, ka Yawɛ jɛmbu duu be di sunsuuni.
11
Di ni ti nyɛla bɛ ni mali maligumaaniba shɛba ka bɛ be kasi, ka nyɛ Zadok zuliya bɛn doli n zaligu la dini. Bɛna n-daa bi birigi kaman Lɛvinim’ ni daa niŋ shɛm saha shɛli Izraɛlnim’ ni daa birigi la.
12
Di ni ti nyɛla bɛ ni su shɛli, ka nyɛ luɣ’ gahindili luɣ’ kasi shee tiŋgbani maa ni. Di ni ti nyɛla luɣ’ kasi zaa luɣ’ kasi shee n-tuɣi Lɛvinim’ tiŋgbani.
13
Lɛvinim’ tiŋgbani ni ti do m-baɣi maligumaaniba tiŋgbani maa, ka di wɔɣilim nyɛ kilomita pinaayi ni pirigili, ka di yɛliŋ nyɛ kilomita anu. Di wɔɣilim zaa ni ti nyɛla kilomita pinaayi ni pirigili, ka di yɛliŋ nyɛ kilomita pia.
14
Bɛ di ti zaŋ li kɔhi bee n-zaŋ li taɣi so dini. Bɛ di ti zaŋ tiŋgbani kasi maa taɣi ti so. Dama di nyɛla tiŋgban’ kasi Yawɛ sani.
15
Palo shɛli din kpalim ka di yɛliŋ nyɛ kilomita ayi ni pirigili, ka di wɔɣilim nyɛ kilomita pinaayi ni pirigili la ni ti nyɛla tiŋ’ maa palo. Bɛ ni ti tooi me yiya nimaani bee n-chɛ ka di nyɛ palo doya, tiŋ’ maa ni ti be di sunsuuni.
16
Yi ni ti yɛn buɣisi li shɛm m-bɔŋɔ: Nuzaa polo, di ni ti nyɛla mita tusaayi ni kɔbisiyi ni pihinu, ka nudirigu polo nyɛ mita tusaayi ni kɔbisiyi ni pihinu, ka di wulimpuhili polo ti nyɛ mita tusaayi ni kɔbisiyi ni pihinu, ka di wulinluhili polo ti nyɛ mita tusaayi ni kɔbisiyi ni pihinu.
17
Tiŋ’ maa ni ti mali pal’ yaɣu. Nuzaa polo, di ni ti nyɛla mita kɔbiga ni pisinaanu, ka nudirigu polo nyɛ mita kɔbiga ni pisinaanu, ka wulimpuhili polo nyɛ mita kɔbiga ni pisinaanu, ka wulinluhili polo gba nyɛ mita kɔbiga ni pisinaanu.
18
Di wɔɣilim din ti yɛn kpalim dolisi luɣ’ kasi shee la ni ti nyɛla kilomita anu wulimpuhili polo, ka nyɛ kilomita anu wulinluhili polo. Di ni ti do m-baɣila luɣ’ kasi shee. Di ni atam ni ti nyɛla tiŋ’ maa ni tumtumdiba bindirigu.
19
Tiŋ’ maa ni tumtumdiba bɛn yi Izraɛl zuliya kam ni na ni ti kɔri bɛ puri nimaani.
20
Yi ni yɛn zaŋ tiŋgban’ shɛli zali maa zaa ni ti nyɛla kilomita pinaayi ni pirigili gili. Dina n-nyɛ luɣ’ kasi shee zaŋ tabili tiŋ’ maa tiŋgban’ la.
21
Ka palo shɛli din kpalim luɣ’ kasi shee yaɣa ayi zuɣu mini tiŋ’ maa tiŋgbani maa ni ti nyɛla naa ni su shɛli. Di ni ti kpuɣila luɣ’ kasi shee maa zaŋ labi wulimpuhili polo tintariga zaŋ chaŋ wulinluhili polo tintariga, ka di nyɛ kilomita pinaayi ni pirigili. Ka di zaŋ kpa wulimpuhili polo hal ni wulinluhili polo tintariga ni ti nyɛla kilomita pinaayi ni pirigili. Di mini zuliyanim’ maa tiŋgbana maa ni ti do’ n-saɣisila taba. Di ni ti nyɛla naa ni su shɛli. Luɣ’ kasi shee la mini Naawuni jɛmbu duu din be di sunsuuni la
22
ni Lɛvinim’ ni su tiŋ’ shɛli la ni ti bela naa tiŋgbani maa sunsuuni. Naa tiŋgbani maa ni ti dola Juda zuliya tiŋgbani mini Bɛnjamin zuliya tiŋgbani sunsuuni.
23
Zuliya bɛn kpalim mi: Wulimpuhili polo zaŋ labi wulinluhili polo, Bɛnjamin zuliya ni su tiŋgban’ yini.
24
Bɛnjamin zuliya tiŋgbani maa tariga wulimpuhili polo zaŋ labi wulinluhili polo, Simiɔn zuliya ni su tiŋgban’ yini.
25
Simiɔn zuliya tiŋgban’ maa tariga wulimpuhili polo zaŋ labi wulinluhili polo, Isaka zuliya ni su tiŋgban’ yini.
26
Isaka zuliya tiŋgbani maa tariga wulimpuhili polo zaŋ labi wulinluhili polo, Zɛbulɔn zuliya ni su tiŋgban’ yini.
27
Zɛbulɔn zuliya tiŋgbani maa tariga wulimpuhili polo zaŋ labi wulinluhili polo, Gaad zuliya ni su tiŋgbani yini.
28
Gaad zuliya tiŋgbani maa tariga nudirigu polo, yi tiŋgbani maa tintariga yɛn pilila Tama zaŋ hal ni Mɛribatikadɛshi kulibɔŋ ni n-zaŋ nimaani doli Ijipti tintariga hal ni Mɛditirɛniɛn Teeku ni.
29
Yi ni yɛn pirigi tiŋgban’ shɛli ti Izraɛlnim’ maa m-bala, ka di leei bɛ ni su shɛli. Yawɛ ŋun nyɛ ti Duuma ŋɔ n-yɛli lala maa.”
30
Fɔntiŋ’ maa dunoya ni ti yɛn nyɛ shɛm m-bɔŋɔ: Nuzaa polo din buɣisibu ti yɛn nyɛ kilomita ayi ni mita kɔbisiyi ni pihinu la ni ti mali
31
dunɔdaya ata. Rubin zuliya dunɔdali mini Juda zuliya dunɔdali ni Lɛvi zuliya dunɔdali. Bɛ ti yɛn zaŋla Izraɛl zuliya maa yuya boli tiŋ’ maa dunɔdaya.
32
Wulimpuhili polo din ti yɛn nyɛ kilomita ayi ni mita kɔbisiyi ni pihinu la ni ti malila dunɔdaya ata. Yisifu zuliya dunɔdali mini Bɛnjamin zuliya dunɔdali ni Dan zuliya dunɔdali.
33
Nudirigu polo din buɣisibu ti yɛn nyɛ kilomita ayi ni mita kɔbisiyi ni pihinu la ni ti malila dunɔdaya ata. Simiɔn zuliya dunɔdali mini Isaka zuliya dunɔdali ni Zɛbulɔn zuliya dunɔdali.
34
Wulinluhili polo din ti yɛn nyɛ mita tusaayi ni kɔbisiyi ni pihinu la gba ni ti malila dunɔdaya ata. Gaad zuliya dunɔdali mini Asha zuliya dunɔdali ni Naftali zuliya dunɔdali.
35
Gooni din ti yɛn gili fɔntiŋ’ maa zaa wɔɣilim ni ti nyɛla kilomita awɛi. Ka fɔntiŋ’ maa yuli ni ti boonila, “Yawɛ Beni.”
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48