Judges 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1أَنَانً بَايَنْدَ يُواْشُوَ يَمُتُ، مُتَنٜىٰنْ إِسْرَٰٓءِيلَ سُكَ تَمْبَيِ يَهْوٜىٰهْ سُكَثٜىٰ «وَثٜىٰ ذُرِيَ ذَاتَ ڢَارَ ڢَاطُواْ وَ كَنْعَنِيَاوَا دَيَاڧِ؟»

2سَيْ يَهْوٜىٰهْ يَثٜىٰ «ذُرِيَرْ يَهُودَ ثٜىٰ ذَاتَ ڢَارَ كَيْ يَاڧِ، غَاشِ كُوَ نَبَادَ ڧَسَرْ أَ حَنُّنْكُ؞»

3مُتَنٜىٰنْ يَهُودَ سُكَثٜىٰ وَیَنْعُوَنْسُ مُتَنٜىٰنْ ذُرِيَرْ سِمٜىٰيُوانْ «كُذُواْ تَرٜىٰدَمُو ذُوَا ثِكِنْ يَنْكِنْ رَبُوانْ غَادُوانْمُ، دُواْمِنْ مُيَاڧِ كَنْعَنِيَاوَنَّنْ؞ حَكَ مُو مَا ذَامُ تَڢِے تَرٜىٰدَكُو ذُوَا ثِكِنْ يَنْكِنْ رَبُوانْ غَادُوانْكُ؞» ذُرِيَرْ سِمٜىٰيُوانْ كُوَ سُكَ تَڢِے تَرٜىٰدَسُو؞

4سَعَدَّ ذُرِيَرْ يَهُودَ سُكَ ڢَارَ يَاڧِ، يَهْوٜىٰهْ كُوَ يَبَادَ كَنْعَنِيَاوَا دَ ڢٜىٰرِظِّيَاوَا أَ حَنُّنْسُ؞ سُكَ كَكَّشٜىٰ مُتُمْ دُبُو غُواْمَ دَغَ ثِكِنْسُ أَ بٜىٰظٜىٰكْ؞

5عَثَنْ سُكَ سَامِ سَرْكِے أَدُواْنِبٜىٰظٜىٰكْ سُكَ يَاڧٜىٰشِ، سُكَ كُمَثِ كَنْعَنِيَاوَا دَ ڢٜىٰرِظِّيَاوَا دَ يَاڧِ؞

6أَدُواْنِبٜىٰظٜىٰكْ يَغُدُ، عَمَّا سُكَبِيشِ، سُكَ كَامَ شِ؞ سُكَ يَيَّنْكٜىٰ مَنْيَنْ يَڟُنْ حَنُّنْسَ دَ نَڧَڢَرْسَ؞

7أَدُواْنِبٜىٰظٜىٰكْ يَثٜىٰ «سَرَاكُنَ سَبَعِنْ وَطَنْدَ عَكَ يَيَّنْكٜىٰ مَنْيَنْ يَڟُنْسُ نَهَنُّ دَ نَڧَڢَ، عَڧَرْڧَشِنْ تٜىٰبُرِنَ سُكَيِ كَالَنْ عَبِنْثِنْسُ؞ يَوْ اللَّهْ يَيِ مِنِ كَمَرْ يَدَّ نَيِمُسُ؞» سُكَ كَٰوُاْشِ أَ عُرُوشَلِيمَ أَنَنْ كُوَ يَمُتُ؞

8أَنَانً سَيْ مُتَنٜىٰنْ يَهُودَ سُكَ يَاڧِ عُرُوشَلِيمَ، سُكَثِتَ دَ يَاڧِ؞ سُكَ كَكَّشٜىٰ مُتَنٜىٰنْتَ سُكَ كُمَ سَا وَبِرْنِنْ وُتَا؞

9بَايَنْ وَنَّنْ، مُتَنٜىٰنْ يَهُودَ سُكَ غَنْ‌غَرَ دُواْمِنْ سُيَاڧِ كَنْعَنِيَاوَنْ دَسُكٜىٰ ظَوْنٜىٰ عَثِكِنْ يَنْكِنْ تُدَّيْ دَ يَنْكِنْ نٜىٰغٜىٰبْ دَ يَنْكِنْ ڧأَنَانً تُدَّيْ؞

10سُكَ كُمَ يَاڧِ كَنْعَنِيَاوَنْ دَسُكٜىٰ ظَوْنٜىٰ عَثِكِنْ هٜىٰبْرُوانْ، وَدَّ دَا عَكٜىٰ كِرَنْتَ دَ سُونَ كِرِيَتْ أَرْبَ؞ سُكَ كَكَّشٜىٰ شٜىٰشَيْ دَ أَهِمَنْ دَ تَلْمَيْ؞

11دَغَ ثَنْ مُتَنٜىٰنْ يَهُودَ سُكَ تَڢِے سُكَ يَاڧِ مَذَوْنَنْ غَرِنْ دٜىٰبِرْ وَدَّ دَا عَكٜىٰ كِرَنْتَ دَ سُونَ كِرِيَتْ سٜىٰڢٜىٰرْ؞

12سَيْ كَلٜىٰبْ يَثٜىٰ «دُكْ وَنْدَ يَيَاڧِ كِرِيَتْ سٜىٰڢٜىٰرْ يَكُوَ ثِتَ، ذَنْبَاشِ یَتَ عَكْسَ تَذَمَ مَاتَرْسَ؞»

13سَيْ عُواتْنِيٜىٰلْ طَنْ كٜىٰنَظْ، ڧَنٜىٰنْ كَلٜىٰبْ يَثِ غَرِنْ دَيَاڧِ، كَلٜىٰبْ كُوَ يَبَا شِ یَرْسَ عَكْسَ تَذَمَ مَاتَرْسَ؞

14دَتَذُواْ وُرِنْسَ، سَيْ تَظُغَ عُواتْنِيٜىٰلْ يَضُواْڧِ بَابَنْتَ ڢِيلِنْ غُواْنَ؞ عِتَ كُوَ دَ تَسَوْكَ دَغَ كَنْ جَاكِنْتَ، سَيْ كَلٜىٰبْ يَتَمْبَيٜىٰتَ «مٜىٰ كِكٜىٰسُواْ؟»

15سَيْ تَأَمْسَ مَسَ تَثٜىٰ «بَابَ، إِنَ سُواْ كَيِمِنِ أَلْحٜىٰرِ نَمُسَمَّنْ؞ تُنْدَيَكٜىٰ كَا بَانِ ڢِيلِنْ ذَمَ عَثِكِنْ ڧَسَرْ نٜىٰغٜىٰبْ عِنْدَ بَابُ ضُوَ، تُواْ، كَهَطَ مِنِ دَ وُرِنْ مَٻُٻُّغَرْ ضُوَ؞» كَلٜىٰبْ كُوَ يَبَاتَ مَٻُٻُّغَرْ ضُوً دَتَكٜىٰ عَتُدُ دَ تَݣُورِ؞

16سَيْ مُتَنٜىٰنْ ذُرِيَرْ كٜىٰنِ، بَابَنْ مَاتَرْ مُوسَٰى، سُكَ تَڢِے تَرٜىٰدَ مُتَنٜىٰنْ يَهُودَ دَغَ يٜىٰرِكُواْ، وَتُواْ بِرْنِنْ عِتَتُوَنْ دَبِينُواْ، ذُوَا دَاجِنْ يَهُودَ وَنْدَ يَكٜىٰ عَثِكِنْ نٜىٰغٜىٰبْ كُدُ دَ أَرَدْ؞ عَثَنْ سُكَ ذَوْنَ كُسَدَ أَمَلٜىٰكَاوَا؞

17مُتَنٜىٰنْ يَهُودَ تَرٜىٰدَ یَنْعُوَنْسُ مُتَنٜىٰنْ ذُرِيَرْ سِمٜىٰيُوانْ، سُكَ تَڢِے سُكَثِ كَنْعَنِيَاوَنْ دَسُكٜىٰ دَ ذَمَ أَ ظٜىٰڢَتْ دَ يَاڧِ؞ سُكَ كٜىٰٻٜىٰ غَرِنْ دُواْمِنْ هَلَّكَرْوَ، سُكَ هَلَّكَ شِ؞ سَبُواْدَ حَكَنٜىٰ سُكَ ثَنْجَ وَ غَرِنْ سُنَ، سُكَ كِرَا شِ هُوارْمَ، وَتُواْ هَلَّكَرْوَ؞

18مُتَنٜىٰنْ يَهُودَ سُكَ كُمَثِ غَاظَ دَ أَشْكٜىٰلُوانْ دَ عٜىٰكْرُوانْ، دُكَنْسُ تَرٜىٰدَ يَنْكُنَنْ دَ سُكَ كٜىٰوَيٜىٰسُ؞

19يَهْوٜىٰهْ كُوَ يَنَ تَرٜىٰدَ مُتَنٜىٰنْ يَهُودَ؞ سُو كُوَ سُكَ مَلَّكِ يَنْكِنْ تُدَّيْ، عَمَّا بَسُ عِيَ كُواْرَرْ مَذَوْنَنْ ڢِيلِ بَ، سَبُواْدَ مُتَنٜىٰنْ سُنَدَ كٜىٰكُنَنْ دُواْكِنْ يَاڧِ نَڧَرْڢٜىٰ؞

20عَكَ بَا كَلٜىٰبْ هٜىٰبْرُوانْ كَمَرْ يَدَّ مُوسَٰى يَيِ مَسَ أَلْڧَوَرِ؞ شِے كُوَ يَكُواْرِ دُكَنْ ذُرِيَرْ یَیَ عُكُ نَ أَنَكْ وَطَنْدَ سُكٜىٰ ذَمَ عَڧَسَرْ؞

21عَمَّا مُتَنٜىٰنْ ذُرِيَرْ بِلِيَامِنُ بَسُ عِيَ كُواْرَرْ يٜىٰبُسِيَاوَنْ دَسُكٜىٰ ظَوْنٜىٰ أَ عُرُوشَلِيمَ بَ؞ سَبُواْدَ حَكَنٜىٰ يٜىٰبُسِيَاوَا سُكَيِ ذَمَنْسُ تَرٜىٰدَ مُتَنٜىٰنْ بِلِيَامِنُ أَ عُرُوشَلِيمَ هَرْوَيَوْ؞

22مُتَنٜىٰنْ ذُرِيَرْ يُوسُڢَ كُوَ سُكَ هَوْرَ دُواْمِنْ سُكَيْوَ غَرِنْ بٜىٰتٜىٰلْ يَاڧِ؞ يَهْوٜىٰهْ كُوَ يَنَ تَرٜىٰدَسُو؞

23سَيْ سُكَ عَيْكَرْ دَ یَنْ لٜىٰڧٜىٰنْ أَسِيرِ ذُوَا بٜىٰتٜىٰلْ، وَدَّ دَا عَكٜىٰ كِرَنْتَ لُظْ؞

24دَ سُكَذُواْ كُسَدَ بٜىٰتٜىٰلْ، سَيْ یَنْ لٜىٰڧٜىٰنْ أَسِيرِنْ سُكَغَ وَنِ مُتُمْ يَنَ ڢِتُواْوَ دَغَ غَرِنْ، سُكَثٜىٰ مَسَ «كَنُونَ مَنَ حَنْيَرْ شِغَ ثِكِنْ وَنَّنْ غَرِ، مُو كُوَ ذَامُيِ مَكَ أَلْحٜىٰرِ؞»

25شِے كُوَ يَنُونَ مُسُ حَنْيَرْ شِغَ بِرْنِنْ، سُكَ شِغَ سُنْ كَكَّشٜىٰ دُكَنْ مُتَنٜىٰنْ غَرِنْ، عَمَّا سُكَبَرْ وَنَّنْ مُتُمْ دَ دُكَنْ عِيَلِنْسَ سُكَ تَڢِے؞

26سَيْ مُتُمِنْ يَتَڢِے ڧَسَرْ هِتِّيَاوَا عِنْدَ يَغِنَ وَنِ غَرِ، يَسَا مَسَ سُونَ لُظْ؞ حَكَنٜىٰ عَكٜىٰ كِرَنْ غَرِنَّنْ هَرْوَيَوْ؞

27ذُرِيَرْ مَنَسّٜىٰ بَسُ كُواْرِ مَذَوْنَنْ بٜىٰتْ شَنْ دَ نَ تَعَنَكْ دَ نَ دُوارْ دَ نَ إِبْلٜىٰيَمْ دَ نَ مٜىٰغِدُّواْ دَ ڧَوْيُكَنْ دَسُكٜىٰ كٜىٰوَيٜىٰ دَسُوبَ؞ كَنْعَنِيَاوَنْ كُوَ سُكَ نَاثٜىٰ سُذَوْنَ عَثِكِنْ ڧَسَرْ؞

28سَعَدَّ مُتَنٜىٰنْ إِسْرَٰٓءِيلَ سُكَيِ ڧَرْڢِے، سُكَسَا كَنْعَنِيَاوَا سُيِمُسُ عَيْكِنْ دُواْلٜىٰ كَمَرْ بَايِ، عَمَّا بَسُ كُواْرٜىٰسُبَ؞

29ذُرِيَرْ إِڢْرَيِمْ كُمَ بَسُ كُواْرِ كَنْعَنِيَاوَنْ دَسُكٜىٰ ظَوْنٜىٰ أَغَرِنْ غٜىٰظٜىٰرْ بَ، عَمَّا كَنْعَنِيَاوَنْ سُكَيِ ذَمَنْسُ تَرٜىٰدَسُو أَ غٜىٰظٜىٰرْ؞

30ذُرِيَرْ ظٜىٰبُلُنْ كُمَ بَسُ كُواْرِ مَذَوْنَنْ غَرُضُوً كِتْرُوانْ دَ مَذَوْنَنْ نَهَلُوالْ بَ؞ عَمَّا كَنْعَنِيَاوَنْ سُكَيِ ذَمَنْسُ تَرٜىٰدَسُو؞ مُتَنٜىٰنْ ظٜىٰبُلُنْ سُكَسَا سُيِ مُسُ عَيْكِنْ دُواْلٜىٰ كَمَرْ بَايِ؞

31ذُرِيَرْ أَشٜىٰرْ كُمَ بَسُ كُواْرِ مَذَوْنَنْ غَرُضُوً عَكُّواْ دَ سِدُوانْ دَ أَلَبْ دَ عَكْظِبْ دَ هٜىٰلْبَ دَ أَڢٜىٰكْ دَ رٜىٰهُوابْ بَ؞

32مُتَنٜىٰنْ أَشٜىٰرْ كُوَ سُكَيِ ذَمَنْسُ تَرٜىٰدَ مَذَوْنَنْ ڧَسَرْ كَنْعَنَ، غَمَا بَسُ كُواْرٜىٰسُ دَغَ ڧَسَرْ بَ؞

33ذُرِيَرْ نَڢْتَلِ كُمَ بَسُ كُواْرِ مَذَوْنَنْ غَرُضُوً بٜىٰتْ شٜىٰمٜىٰشْ دَ نَ بٜىٰتَنَتْ بَ؞ سُكَيِ ذَمَنْسُ تَرٜىٰدَ مَذَوْنَنْ ڧَسَرْ كَنْعَنَ، عَمَّا سُكَسَا مَذَوْنَنْ بٜىٰتْ شٜىٰمٜىٰشْ دَ نَ بٜىٰتَنَتْ سُيِ مُسُ عَيْكِنْ دُواْلٜىٰ كَمَرْ بَايِ؞

34أَمُواْرِيَاوَا سُكَ مَڟَا وَمُتَنٜىٰنْ ذُرِيَرْ دَنْ لَمْبَ، سُكَ تُورَسُ ثِكِنْ يَنْكِنْ تُدَّيْ، بَسُ كُوَ يَرْدَ مُسُ سُسَوْكَ سُذَوْنَ عَيَنْكِنْ ڢِيلِ نَڧَسَرْبَ؞

35أَمُواْرِيَاوَنْ كُوَ سُكَ نَاثٜىٰ سُذَوْنَ أَ هٜىٰرٜىٰسْ دَ أَيَلُوانْ دَ كُمَ ثِكِنْ شَعَلْبِمْ؞ عَمَّا ذُرِيَرْ مَنَسّٜىٰ دَ إِڢْرَيِمْ سُكَ مَلَّكٜىٰسُ ڧَرْڢِے دَ يَجِ، سُكَسَا سُيِمُسُ عَيْكِنْ دُواْلٜىٰ كَمَرْ بَايِ؞

36إِيَاكَرْ يَنْكِنْ أَمُواْرِيَاوَا تَبِے دَغَ مَشِغِنْ عَكْرَبِّمْ تَوُثٜىٰ غَبَ دَ سٜىٰلَ؞

Jump to: Chapter 2 →