Judges 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to: Chapter 5 →

1بَايَنْ مُتُوَرْ عٜىٰهُدْ، مُتَنٜىٰنْ إِسْرَٰٓءِيلَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ ؞

2يَهْوٜىٰهْ كُوَ يَسَا يَبِنْ، سَرْكِنْ كَنْعَنِيَاوَا وَنْدَ يَكٜىٰ مُلْكٍ بِرْنِنْ حَزُوارْ، يَشَا ڧَرْڢِنْسُ؞ شُوغَبَنْ سُواْجُواْجِنْسَ شِينٜىٰ سِسٜىٰرَ، وَنْدَ يَكٜىٰ ظَوْنٜىٰ أَ هَرُواْشٜىٰتْ تَ أَلْعُمَّيْ؞

3يَبِنْ يَنَدَ كٜىٰكٜىٰنْ دُواْكِنْ يَاڧِ نَڧَرْڢٜىٰ غُدَا طَرِے تَرَ، يَكُمَ ڟَنَنْتَ وَمُتَنٜىٰنْ إِسْرَٰٓءِيلَ، يَوُلَڧَنْتَاسُ حَرْ شٜىٰكَرَا عَشِرِنْ؞ سَيْ مُتَنٜىٰنْ إِسْرَٰٓءِيلَ سُكَيِ كُوكَا غَ يَهْوٜىٰهْ دُواْمِنْ يَتَيْمَكٜىٰسُ؞

4دٜىٰبُواْرَ، مَاتَرْ لَڢِدُواتْ، عِتَ أَنَّبِيَ ثٜىٰ؞ أَ لُواْكَثِنَّنْ كُوَ عِتَثٜىٰ تَكٜىٰيِ وَمُتَنٜىٰنْ إِسْرَٰٓءِيلَ شَرِيعَ؞

5تَكَنْ ذَوْنَ عَڧَرْڧَشِنْ وَنِ إِتَاثٜىٰ مَيْ سُونَ إِتَاثٜىٰنْ دَبِينُوانْ دٜىٰبُواْرَ ڟَكَانِنْ رَمَ دَ بٜىٰتٜىٰلْ عَثِكِنْ يَنْكِنْ تُدَّيْ نَ إِڢْرَيِمْ؞ مُتَنٜىٰنْ إِسْرَٰٓءِيلَ سُكَنْ هَوْرَ ذُوَا وُرِنْتَ دُواْمِنْ تَيِ مُسُ شَرِيعَ؞

6أَنَانً وَتَرَانَ تَعَيْكَ عَكِرَا بَرَكْ، طَنْ أَبِنُواْوَمْ دَغَ غَرِنْ كٜىٰدٜىٰشْ عَيَنْكِنْ ذُرِيَرْ نَڢْتَلِ؞ سَيْ تَثٜىٰ مَسَ، « يَهْوٜىٰهْ اللَّهْ نَ إِسْرَٰٓءِيلَ يَبَاكَ وَنَّنْ عُمَرْنِ، يَثٜىٰ، ‹كَتَڢِے كَتَتَّارَ مُتَنٜىٰ دُبُو غُواْمَ دَغَ ذُرِيَرْ نَڢْتَلِ دَ تَ ظٜىٰبُلُنْ، كَكُمَ جَغُواْرَنْثٜىٰسُ ذُوَا بَبَّنْ تُدُنْ تَبُوارْ؞

7نِے كُوَ ذَنْ جَٰوُاْ سِسٜىٰرَ، شُوغَبَنْ سُواْجُواْجِنْ يَبِنْ، تَرٜىٰدَ كٜىٰكُنَنْ دُواْكِنْسَ نَيَاڧِ دَ ڧُنْ‌غِيُواْيِنْ سُواْجُواْجِنْسَ يَيِ يَاڧِ دَكَيْ أَ كُواْغِنْ كِشُوانْ، ذَنْ كُوَ بَادَشِ أَ حَنُّنْكَ؞› »

8سَيْ بَرَكْ يَثٜىٰ مَتَ «عِدَنْ ذَاكِ تَڢِے تَرٜىٰدَنِ، ذَنْ تَڢِے، عَمَّا عِدَنْ بَذَاكِ تَڢِے تَرٜىٰدَنِيبَ، بَذَنْ تَڢِے بَ؞»

9دٜىٰبُواْرَ كُوَ تَثٜىٰمَسَ «حَڧِيڧَ، ذَنْ تَڢِے تَرٜىٰدَكَيْ؞ عَمَّا سَبُواْدَ مَتَاكِنْدَ كَطَوْكَ دَرَجَرْ نَصَرَا بَذَاتَ ذَمَ تَاكَبَ، غَمَا يَهْوٜىٰهْ ذَيْبَادَ سِسٜىٰرَ أَ حَنُّنْ مَثٜىٰ؞» سَيْ دٜىٰبُواْرَ تَتَاشِ تَتَڢِے تَرٜىٰدَ بَرَكْ ذُوَا كٜىٰدٜىٰشْ؞

10بَرَكْ يَكِرَوُاْ سُواْجُواْجِنْ ذُرِيَرْ ظٜىٰبُلُنْ دَ تَ نَڢْتَلِ ذُوَا كٜىٰدٜىٰشْ؞ مُتُمْ دُبُو غُواْمَ سُكَبِيُواْ شِ؞ دٜىٰبُواْرَ كُوَ تَتَڢِے تَرٜىٰ دَشِ؞

11هٜىٰبٜىٰرْ مُتُمِنْ كٜىٰنِ كُوَ يَا رِغَا يَا وَارٜىٰ كَنْسَ دَغَ سَوْرَنْ كٜىٰنِيَاوَا، ذُرِيَرْ هُواْبَبْ بَابَنْ مَاتَرْ مُوسَٰى؞ يَكَڢَ تٜىٰنْتِنْسَ ثَنْ كُسَدَ إِتَاثٜىٰنْ ڟَاڢِ أَ ذَاعَنَنِّمْ وَنْدَ يَكٜىٰ كُسَدَ كٜىٰدٜىٰشْ؞

12عَكَ ڢَطَا وَ سِسٜىٰرَ ثٜىٰوَ بَرَكْ طَنْ أَبِنُواْوَمْ يَهَوْرَ ذُوَا بَبَّنْ تُدُنْ تَبُوارْ؞

13دَجِنْ وَنَّنْ، سَيْ سِسٜىٰرَ يَتَتَّارُواْ دُكَنْ كٜىٰكُنَنْ دُواْكِنْ يَاڧِنْسَ نَڧَرْڢٜىٰ غُدَا طَرِے تَرَ دَ دُكَنْ سُواْجُواْجِنْ دَسُكٜىٰ تَرٜىٰ دَشِ؞ يَجَغُواْرَنْثٜىٰسُ دَغَ هَرُواْشٜىٰتْ تَ أَلْعُمَّيْ حَرْ ذُوَا كُواْغِنْ كِشُوانْ؞

14دٜىٰبُواْرَ تَثٜىٰ وَ بَرَكْ «تَاشِ! غَمَا يَوْ نٜىٰ رَانَرْ دَ يَهْوٜىٰهْ يَبَادَ سِسٜىٰرَ أَ حَنُّنْكَ، غَمَا ذَيْ يِيَاڧِ دُواْمِنْكَ؞» سَيْ بَرَكْ يَغَنْ‌غَرُواْ دَغَ بَبَّنْ تُدُنْ تَبُوارْ تَرٜىٰدَ مُتُمْ دُبُو غُواْمَ؞

15دَ بَرَكْ يَڢَاطَوَ سِسٜىٰرَ دَ يَاڧِ، سَيْ يَهْوٜىٰهْ يَسَا سِسٜىٰرَ يَضِكِثِے دَ دُكَنْ كٜىٰكُنَنْ دُواْكِنْسَ نَيَاڧِ دَ ڧُنْ‌غِيَرْ سُواْجُواْجِنْسَ؞ سَيْ سِسٜىٰرَ يَسَوْكَ دَغَ كٜىٰكٜىٰنْ دُواْكِنْسَ نَيَاڧِ يَغُدُ دَ ڧَڢَا؞

16عَمَّا بَرَكْ يَكُواْرِ كٜىٰكُنَنْ دُواْكِ نَيَاڧِ دَ سُواْجُواْجِنْ حَرْ ذُوَا هَرُواْشٜىٰتْ تَ أَلْعُمَّيْ؞ عَكَ كَكَّشٜىٰ دُكَنْ سُواْجُواْجِنْ سِسٜىٰرَ دَ تَكُواْبِے، بَاوَنْدَ يَڟِيرَا؞

17أَنَانً سَيْ سِسٜىٰرَ يَغُدُ ذُوَا تٜىٰنْتِنْ يَيٜىٰلْ مَاتَرْ هٜىٰبٜىٰرْ مُتُمِنْ كٜىٰنِ، غَمَا أَݣَويْ ذَمَنْ لَاڢِيَ ڟَكَانِنْ سَرْكِے يَبِنْ نَ حَزُوارْ دَ دَنْ‌غِنْ هٜىٰبٜىٰرْ؞

18سَيْ يَيٜىٰلْ تَڢِتُواْ، تَمَرَبْثٜىٰشِ، تَثٜىٰمَسَ «كَذُواْ نَنْ، يَا مَيْغِرْمَ، كَشِغَ ثِكِنْ تٜىٰنْتِنَ؞ كَدَ كَجِڟُواْرُواْ؞» شِے كُوَ يَبِتَ ذُوَا ثِكِنْ تٜىٰنْتِنْتَ، سَيْ تَرُڢٜىٰشِ دَبَرْغُواْ؞

19يَثٜىٰ مَتَ «إِنَ ضُواْڧُوانْكِ، كِبَانِ ضُوَ إِنْ شَا، غَمَا إِنَ جِنْ ڧِشِ؞» عِتَ كُوَ تَجٜىٰ تَبُوطٜىٰ سَلْكَرْ مَدَرَ، تَبَاشِ يَشَا، تَسَاكٜىٰ رُڢٜىٰشِ؞

20سَيْ يَثٜىٰمَتَ «كِڟَيَ عَبَاكِنْ ڧُواْڢَرْ تٜىٰنْتِنْ؞ عِدَنْ وَنِ يَذُواْ يَتَمْبَيٜىٰكِ ثٜىٰوَ ‹كُواْ أَݣَويْ وَنِ أَنَنْ؟› سَيْ كِثٜىٰ مَسَ، ‹بَابُ؞› »

21سِسٜىٰرَ كُوَ يَغَجِ سُواْسَيْ، بَرْثِ مَيْ نَوْيِ يَكَامَ شِ؞ سَيْ يَيٜىٰلْ مَاتَرْ هٜىٰبٜىٰرْ تَطَوْكِ غُدُمَ دَ ڧُوسَرْ كَڢَ تٜىٰنْتِ، تَجٜىٰ وُرِنْسَ أَ حَنْكَلِ، تَكَڢَ مَسَ ڧُوسَرْ عَكَنْسَ، ڧُوسَرْ تَبِے تَثِكِنْ كَنْسَ حَرْ تَوُثٜىٰ ثِكِنْ ڧَسَا، سَيْ سِسٜىٰرَ يَمُتُ؞

22بَرَكْ كُوَ يَنَ ڢَامَرْ بِنْ سِسٜىٰرَ؞ دَ يَيٜىٰلْ مَاتَرْ هٜىٰبٜىٰرْ تَغَنْ شِ، تَاڢِتَ تَاسَامٜىٰشِ تَثٜىٰمَسَ «كَذُواْ نَنْ! ذَنْ نُونَ مَكَ عِنْدَ مُتُمِنَّنْ دَ كَكٜىٰ نٜىٰمَ يَكٜىٰ؞» سَيْ يَبِتَ ذُوَا ثِكِنْ تٜىٰنْتِنْ، يَتَرَرْ دَ جِكِنْ سِسٜىٰرَ ݣُونْثٜىٰ عَڧَسَا غَاوَا، تَرٜىٰدَ ڧُوسَرْ كَڢَ تٜىٰنْتِ عَثِكِنْ كَنْسَ؞

23أَوَنَّنْ رَانَ اللَّهْ يَبَا مُتَنٜىٰنْ إِسْرَٰٓءِيلَ نَصَرَا عَكَنْ يَبِنْ سَرْكِنْ كَنْعَنِيَاوَا؞

24إِسْرَٰٓءِيلَاوَا سُكَيِ تَڧَارَ ڧَرْڢِے سُكَيِ تَڟَنَنْتَاوَ يَبِنْ سَرْكِنْ كَنْعَنِيَاوَا حَرْ سُكَ هَلَكَاشِ؞

← Chapter 3 Jump to: Chapter 5 →