Judges 19

Hausa Arabic 2020 (أَتَّوْرَتْ دَ أَنَّبَاوَا)

← Chapter 18 Jump to: Chapter 20 →

1عَݣُونَكِنْنَنْ بَابُ سَرْكِے عَ إِسْرَٰٓءِيلَ؞ أَݣَويْ وَنِ مُتُمْ دَغَ ذُرِيَرْ لَوِ يَنَ ذَمَ عَثِكِنْ ڧَوْيٜىٰنْ يَنْكِنْ تُدَّيْ نَ إِڢْرَيِمْ؞ وَتَرَانَ كٜىٰنَنْ يَطَوْكُواْ وَتَ مَثٜىٰ دَغَ بَيْتَلَحْمِ تَ يَهُودَ تَذَمَ مَثٜىٰنْدَ يَأَجِيٜىٰ؞

2عَمَّا مَثٜىٰنَّنْ تَايِ رَشِنْ أَمِنْثِ؞ تَا كُواْمَ غِدَنْ بَابَنْتَ أَ بَيْتَلَحْمِ تَ يَهُودَ، تَذَوْنَ عَثَنْ حَرْ وَتَا حُطُ؞

3سَعَنً مِجِنْتَ يَتَاشِ تَرٜىٰدَ بَاوَنْسَ دَ جَاكِ بِيُ سُكَ تَڢِے بَيْتَلَحْمِ دُواْمِنْ يَلَلَّشٜىٰتَ تَدَاوُاْ وُرِنْسَ؞ دَ يَ إِسُواْ غِدَنْ بَابَنْتَ، سَيْ تَمَرَبْثٜىٰشِ تَشِغَرْ دَشِ ثِكِنْ غِدَا، بَابَنْتَ كُمَ يَكَرْٻٜىٰشِ دَ ڢَضٍ ثِكِ؞

4بَابَنْتَ يَنَاثٜىٰ مَسَ يَذَوْنَ تَرٜىٰدَسُو نَطَنْ لُواْكَثِ؞ شِے كُوَ يَذَوْنَ حَرْ ݣُونَ عُكُ، سُكَثِ سُكَشَا تَرٜىٰ؞

5أَ رَانَ تَهُطُ سُكَتَاشِ دَ سَسَّڢٜىٰ سُكَيِ شِرِنْ تَڢِيَ، عَمَّا بَابَنْ مَثٜىٰنْ يَثٜىٰ مَسَ «دَكَتَ كَطَنْ، يَا كَمَاتَ كَثِ عَبِنْثِ كَاڢِنْ كَيِ تَڢِيَرْكَ؞»

6سَيْ مُتَنٜىٰ بِيُ طِنَّنْ سُكَ ذَوْنَ سُكَثِ سُكَشَا تَرٜىٰ؞ سَعَنً بَابَنْ مَثٜىٰنْ يَثٜىٰ مَسَ «إِنَ ضُواْڧُوانْكَ كَݣُونَ كَجِوَ رَنْكَ دَاطِے؞»

7مُتُمِنْ يَتَاشِ ذَيْ تَڢِے عَمَّا بَابَنْتَ يَنَاثٜىٰ مَسَ يَذَوْنَ؞ عَڧَرْشٜىٰ يَيَرْدَ يَسَاكٜىٰ ݣُونَ كُمَ؞

8دَ سَسَّڢٜىٰ وَشٜىٰغَرِ رَانَ تَبِيَرْ يَتَاشِ ذَيْ تَڢِے، عَمَّا بَابَنْ مَثٜىٰنْ يَثٜىٰ مَسَ «إِنَ ضُواْڧُوانْكَ، كَثِ عَبِنْثِ تُكُنَ، سَعَنً كَيِ تَڢِيَرْكَ أَنْجِمَ ثَنْ إِنْ رَانَ تَايِ سَنْيِ؞» سَيْ سُو بِيُ طِنْ سُكَ ذَوْنَ سُكَثِ عَبِنْثِ تَرٜىٰ؞

9سَعَدَّ مُتُمِنْ دَ مَثٜىٰنْ دَ بَاوَنْسَ سُكَتَاشِ دُواْمِنْ سُيِ تَڢِيَرْسُ، سَيْ بَابَنْتَ يَثٜىٰ «دُوبَ، لُواْكَثِ يَتَڢِے، رَانَ تَكُسَنْ ڢَاطُوَ؞ إِنَ ضُواْڧُوانْكَ كَسَاكٜىٰ ݣُونَ كَجِوَ رَنْكَ دَاطِے؞ غُواْبٜىٰ سَيْ كَتَاشِ دَ سَسَّڢٜىٰ كَكَامَ حَنْيَرْكَ ذُوَا غِدَا؞»

10عَمَّا مُتُمِنْ يَڧِ ݣُونَ كُمَ؞ يَتَاشِ يَكَامَ حَنْيَ يَكَيْ كُسَدَ بِرْنِنْ يٜىٰبُسْ، وَتُواْ عُرُوشَلِيمَ؞ يَنَ تَرٜىٰدَ جَاكُنَنْسَ بِيُ دَ مَثٜىٰنْ؞

11رَانَ تَكُسَنْ ڢَاطُوَ سَعَدَّ سُكَيِ كُسَدَ يٜىٰبُسْ؞ سَيْ بَاوَنْسَ يَثٜىٰ «رَنْكَيَدَطٜىٰ، لُواْكَثِ يَڧَارٜىٰ دَ ذَامُ ثِيغَبَدَ تَڢِيَ؞ إِنَ ضُواْڧُوانْكَ مُرَڟٜىٰ ثِكِنْ وَنَّنْ بِرْنِنْ يٜىٰبُسِيَاوَا مُݣُونَ؞»

12عَمَّا مَيْغِدَنْسَ يَثٜىٰ «أَعَ، بَذَامُ شِغَ بِرْنِنْ بَڧِبَ، وَتُواْ بِرْنِنْ دَ مُتَنٜىٰنْ بَ إِسْرَٰٓءِيلَاوَا بَنٜىٰ؞ ذَامُ وُثٜىٰ ذُوَا غِبٜىٰيَ؞

13ذَامُ ڧَارَ طَنْ نِيسَ مُنٜىٰمِ وُرِنْ ݣُونَ أَ غِبٜىٰيَ كُواْ أَ رَمَ؞»

14سَيْ سُكَ ثِيغَبَدَ تَڢِيَرْسُ، سُكَ وُثٜىٰ يٜىٰبُسْ؞ رَانَ تَڢَاطِ سَعَدَّ سُكَ إِسَ غِبٜىٰيَ عَيَنْكِنْ ذُرِيَرْ بِلِيَامِنُ؞

15سُكَ رَڟٜىٰ دُواْمِنْ سُݣُونَ أَ غِبٜىٰيَ؞ دَ سُكَ شِغَ ثِكِنْ غَرِنْ، سُنْ جٜىٰ سُنْ ذَوْنَ أَ ڢِيلِ نَثِكِنْ غَرِنْ، عَمَّا بَابُوَنْدَ يَغَيَّثٜىٰسُ غِدَنْسَ سُݣُونَ؞

16ثَنْ دَ دَرٜىٰ يَڢَارَيِ، سَيْغَا وَنِ ڟُواْهُواْ يَنَ دَاوُاْوَ دَغَ غُواْنَرْسَ ذُوَا غِدَا؞ شِ مُتُمِنْ إِڢْرَيِمْ نٜىٰ، عَمَّا يَنَ ذَمَ أَ غِبٜىٰيَ عَيَنْكِنْ ذُرِيَرْ بِلِيَامِنُ؞

17دَ ڟُواْهُواْنَّنْ يَدُوبَ سَيْ يَغَ مَاسُ تَڢِيَرْ نَنْ ظَوْنٜىٰ أَ ڢِيلِ نَثِكِنْ غَرِنْ، سَيْ يَتَمْبَيٜىٰسُ يَثٜىٰ «دَغَ إِنَا نٜىٰ كُكَ ذُواْ؟ إِنَا نٜىٰ كُمَ ذَاكُ تَڢِے؟»

18مُتُمِنْ يَثٜىٰ مَسَ «مُنْ ڢِتُواْ نٜىٰ دَغَ بَيْتَلَحْمِ تَ يَهُودَ، ذَامُ تَڢِے غِدَنْمُ عَڧَوْيٜىٰنْ تُدَّنْ إِڢْرَيِمْ عِنْدَ نَڢِتُواْ؞ نَجٜىٰ بَيْتَلَحْمِ تَ يَهُودَ، يَنْذُ كُوَ إِنَ كُواْمُواْوَ غِدَا؞ بَاوَنْدَ يَبُوطٜىٰ مَنَ غِدَنْسَ دُواْمِنْ مُݣُونَ؞

19غَاشِ كُوَ مُنَدَ كُواْمٜىٰ نَامُ، مُنَدَ ثِيَوَ دُواْمِنْ جَاكُنَنْمُ، مُنَدَ غُرَاسَ دَ ضُوً إِنَبِنْمُ؞»

20ڟُواْهُوانْ يَثٜىٰ «نِے نَا مَرَبْثٜىٰكُ؞ نِے ذَنْبَاكُ أَبِنْدَ كُكٜىٰ بُڧَاتَ؞ عَمَّا كَدَ كُݣُونَ أَ ڢِيلِ نَثِكِنْ غَرِنَّنْ؞»

21سَيْ يَطَوْكٜىٰسُ يَكَيْسُ غِدَنْسَ، يَثِيَرْدَ جَاكُنَنْسُ؞ بَايَنْدَ عَكَ وَنْكٜىٰ وَبَڧِنْ ڧَڢَاڢُ، سُكَثِ سُكَشَا تَرٜىٰ؞

22سَعَدَّ سُكٜىٰجِوَ رَنْسُ دَاطِے، سَيْغَا وَطَنْسُ یَنْ إِسْكَ دَغَ ثِكِنْ غَرِنْ سُكَ كٜىٰوَيٜىٰ غِدَنْ؞ سُكَيِ تَبُبُّغَ ڧُواْڢَرْ؞ سُكَثٜىٰ وَڟُواْهُوانْ، وَتُواْ مَيْغِدَنْ «كَڢِتَرْدَ مُتُمِنَّنْدَ يَشِغَ غِدَنْكَ، دُواْمِنْ مُيِ جِمَاعِ نَمَظَا دَشِ!»

23ڟُواْهُوانْ كُوَ يَڢِتُواْ وَجٜىٰ يَثٜىٰ مُسُ «أَعَ، یَنْعُوَنَ، كَدَ كُيِ وَنَّنْ مُوغُنْ أَبُ حَكَ! غَمَا وَنَّنْ مُتُمْ بَڧُواْنَ نٜىٰ، كَدَ كُيِ وَنَّنْ ڧَظَامِنْ أَبِنْ كُنْيَا؞

24غَا یَتَ بُدُرْوَ دَ كُمَ مَثٜىٰنْ نَاسَ، بَرِ إِنْ ڢِتَرْ مُكُ دَسُو، كُيِ دُكْ أَبِنْدَ كُنْ غَ دَامَ دَسُو؞ عَمَّا كَدَ كُيِ وَنَّنْ ڧَظَامِنْ أَبِنْ كُنْيَا غَ وَنَّنْ مُتُمْ!»

25عَمَّا یَنْ إِسْكَنْ بَسُ سَوْرَرِ ڟُواْهُواْنَّنْبَ؞ سَيْ مُتُمِنْ لَوِنَّنْ يَڢِتَرْدَ مَثٜىٰنَّنْ غَرٜىٰسُ؞ یَنْ إِسْكَنَّنْ سُكَيِ تَݣُونَ دَ عِتَ عَكَنْ دُواْلٜىٰ، تَشَا وُلَڧَنْثِ دُكَنْ دَرٜىٰ حَرْ كُسَنْ وَايٜىٰوَرْ غَرِ؞ سَعَنً سُكَ بَرْتَ تَتَڢِے؞

26دَ غَرِ يَوَايٜىٰ، سَيْ مَثٜىٰنْ تَكُواْمَ غِدَنْ ڟُواْهُواْنَّنْ عِنْدَ مِجِنْتَ يَكٜىٰ، تَڢَاطِ عَبَاكِنْ ڧُواْڢَرْ تَݣُونْتَ أَوُرِنْ حَرْ حَصْكٜىٰ يَيِ؞

27سَعَدَّ مِجِنْتَ يَتَاشِ دَ سَڢٜىٰ يَبُوطٜىٰ ڧُواْڢَ دُواْمِنْ يَثِيغَبَدَ تَڢِيَرْسَ، يَتَرَرْ دَ مَثٜىٰنْ عَݣُونْثٜىٰ عَبَاكِنْ ڧُواْڢَرْ غِدَنْ دَ حَنُّوَنْتَ عَكَنْ دَٻٜىٰنْ ڧُواْڢَرْ؞

28يَثٜىٰ مَتَ «كِتَاشِ، مُتَڢِے!» عَمَّا بَابُ أَمْسَ؞ سَيْ يَطَوْكِ جِكِنْتَ يَݣُونْتَرْ عَكَنْ جَاكِنْسَ؞ سَعَنً يَكَامَ حَنْيَ ذُوَا غِدَا؞

29دَ يَ إِسُواْ غِدَا، يَطَوْكِ وُڧَ يَيَيَّنْكَ جِكِنْ مَثٜىٰنَّنْ سَاشٜىٰ سَاشٜىٰ حَرْ غُواْمَشَا بِيُ؞ سَعَنً يَعَيْكَ دَ كُواْوَنٜىٰ سَاشٜىٰ طَيَ ذُوَا كُواْوَنٜىٰ يَنْكِنْ ذُرِيَرْ إِسْرَٰٓءِيلَ؞

30دُكْ وَنْدَ يَغَنِ سَيْيَثٜىٰ «وَنَّنْ إِرِنْ أَبُ بَيْتَٻَ ڢَرُوَبَ؞ بَمُ تَٻَ غَنِنْسَ كُمَبَ تُنْ رَانَرْ دَ مُتَنٜىٰنْ إِسْرَٰٓءِيلَ سُكَ ڢِتُواْ دَغَ ڧَسَرْ مَصَرْ حَرْ ذُوَا يَوْ؞ سَيْ كُيِ تُنَانِ! كُيِ شَوَرَا، كُيِ مَغَنَ مُجِ أَبِنْدَ ذَامُيِ غَمٜىٰدَ وَنَّنْ أَلْعَمَرِ؞»

← Chapter 18 Jump to: Chapter 20 →