Judges 20

Hausa Arabic 2020 (أَتَّوْرَتْ دَ أَنَّبَاوَا)

1سَيْ دُكَنْ مُتَنٜىٰنْ إِسْرَٰٓءِيلَ سُكَ ڢِتُواْ، تُنْدَغَ دَنْ عَ أَرٜىٰوَ حَرْ ذُوَا بٜىٰيٜىٰرْشٜىٰبَ عَكُدُ دَ كُمَ دَغَ غِلٜىٰيَدْ أَغَبَسْ؞ سُكَ تَتَّارُ غَبَاطَيَ أَغَبَنْ يَهْوٜىٰهْ أَ مِظْڢَ؞

2دُكَنْ شُوغَبَنِّنْ ذُرِيَرْ إِسْرَٰٓءِيلَ سُكَ ظَظْذَوْنَ عَثِكِنْ تَارُوانْ جَمَعَرْ اللَّهْ ؞ يَوَنْ سُواْجُواْجِنْ ڧَڢَا سُنْ كَيْ وَجٜىٰنْ دُبُو طَرِے حُطُ مَاسُ رِڧٜىٰ دَ تَكُواْبِے؞

3مُتَنٜىٰنْ ذُرِيَرْ بِلِيَامِنُ كُوَ سُكَجِ ثٜىٰ وَدُكَنْ سَوْرَنْ مُتَنٜىٰنْ إِسْرَٰٓءِيلَ سُنْ تَتَّارُ أَ مِظْڢَ؞ سَيْ مُتَنٜىٰنْ إِسْرَٰٓءِيلَ سُكَ تَمْبَيِ مُتُمِنْ لَوِنَّنْ سُكَثٜىٰ «كَڢَطَا مَنَ يَيَ وَنَّنْ مُوغُنْ أَبُ يَڢَرُ؟»

4سَيْ مُتُمِنْ لَوِنَّنْ وَنْدَ مَثٜىٰنْ دَ يَأَجِيٜىٰ عَكَ كَشٜىٰ يَأَمْسَ يَثٜىٰ «نِے دَ مَثٜىٰنْدَ نَأَجِيٜىٰ مُنْ ذُواْ غِبٜىٰيَ عَيَنْكِنْ بِلِيَامِنُ دُواْمِنْ مُݣُونَ؞

5عَثِكِنْ دَرٜىٰنْ، سَيْ وَطَنْسُ مَذَنْ غَرِنْ غِبٜىٰيَ سُكَذُواْ سُكَ كٜىٰوَيٜىٰ غِدَنْدَ نَسَوْكَ سُنْ نٜىٰمَ سُكَشٜىٰنِ؞ سُكَ ݣُونَ دَ مَثٜىٰنْ عَكَنْ دُواْلٜىٰ حَرْ يَكَيْتَ غَ مُتُوَ؞

6سَيْ نَطَوْكِ جِكِنْتَ، نَيَيَّنْكَ سَاشٜىٰ سَاشٜىٰ، نَاكُوَ عَيْكَ دَ كُواْوَنٜىٰ سَاشٜىٰ طَيَ ذُوَاغَ كُواْوَنٜىٰ يَنْكِنْ غَادُواْ نَظُرِيَرْ إِسْرَٰٓءِيلَنْ نَنْ غُواْمَشَا بِيُ؞ غَمَا وَطَنَّنْ مُتَنٜىٰ سُنْ عَيْكَتَ مُوغُنْ أَبُ دَ كُمَ أَبِنْ ڨَمَ عَثِكِنْمُ؞

7يَنْذُ، بَرِ دُكَنْكُ مُتَنٜىٰنْ إِسْرَٰٓءِيلَ، كُيِ مَغَنَ غَمٜىٰدَ أَبِنْدَ ذَاعَيِ عَكَنْ وَنَّنْ أَلْعَمَرِ؞»

8دُكَنْ مُتَنٜىٰ كُوَ سُكَتَاشِ غَبَاطَيَ سُكَثٜىٰ «بَا وَنِنْمُ دَ ذَيْ كُواْمَ تٜىٰنْتِنْسَ كُواْ كُوَ غِدَنْسَ؞

9وَنَّنْ شِينٜىٰ أَبِنْدَ ذَامُيِ وَمُتَنٜىٰنْ غِبٜىٰيَ؞ مُجٜىٰڢَ ڧُرِعَ، مُذَاٻِ وَطَنْدَ ذَاسُ ڢَاطَ مُسُ دَ يَاڧِ؞

10ذَامُ طَوْكِ كَشِ طَيَ دَغَ ثِكِنْ كُواْوَنٜىٰ كَشِ غُواْمَ دَغَ ثِكِنْ كُواْوَثٜىٰ ذُرِيَ سُبَادَ عَبِنْثِ غَ سَوْرَنْ سُواْجُواْجِنْ؞ سَوْرَنْ سُواْجُواْجِنْ ذَاسُ حُكُنْتَ غِبٜىٰيَ يَدَّ يَثَنْثَنْتَ سَبُواْدَ أَبِنْ كُنْيَرْ دَسُكَ عَيْكَتَ عَثِكِنْ إِسْرَٰٓءِيلَ؞»

11سَبُواْدَ حَكَ دُكَنْ سُواْجُواْجِنْ إِسْرَٰٓءِيلَ سُكَ تَارُ دَ ذُوثِيَا طَيَ دُواْمِنْ سُيِ يَاڧِ دَ غَرِنْ؞

12مُتَنٜىٰنْ إِسْرَٰٓءِيلَ سُكَ تُورَ یَنْ عَيْكَ دَ سَڧُواْ ذُوَاغَ ذُرِيَرْ بِلِيَامِنُ مَيْثٜىٰوَ «وَنٜىٰ إِرِنْ مُوغُنْ أَبُ كٜىٰنَنْ كُكَ عَيْكَتَ؟

13يَنْذُ ڢَا، سَيْ كُڢِتَرْدَ وَطَنَّنْ یَنْ إِسْكَرْ نَ غِبٜىٰيَ وَطَنْدَ سُكَيِ وَنَّنْ أَبُ دُواْمِنْ مُكَشٜىٰسُ، مُكَوَرْدَ مُغُنْتَارْ نَنْ دَغَ ثِكِنْ إِسْرَٰٓءِيلَ؞» عَمَّا مُتَنٜىٰنْ بِلِيَامِنُ بَسُ كُلَ دَ مَغَنَرْ سَوْرَنْ یَنْعُوَنْسُ مُتَنٜىٰنْ إِسْرَٰٓءِيلَ بَ؞

14مُتَنٜىٰنْ ذُرِيَرْ بِلِيَامِنُ سُكَ ڢِتُواْ دَغَ غَرُرُوَنْسُ غَبَاطَيَ، دُواْمِنْ سُيَاڧِ سَوْرَنْ مُتَنٜىٰنْ إِسْرَٰٓءِيلَ؞

15أَ رَانَرْ نَنْ مُتَنٜىٰنْ بِلِيَامِنُ سُكَ تَتَّارَ مَاسُ عِيَ يَاڧِ دَغَ غَرُرُوَنْسُ وَجٜىٰنْ مُتُمْ دُبُو عَشِرِنْ دَ شِدَ، بَنْدَ مَذَوْنَنْ غِبٜىٰيَ، وَتُواْ مُتُمْ دُبُو بَݣَويْ مَڢِيَ عِيَ يَاڧِ؞

16دَغَ ثِكِنْ دُكَنْ وَطَنَّنْ یَنْ يَاڧِ، أَݣَويْ مُتُمْ طَرِے بَݣَويْ مَڢِيَ عِيَ يَاڧِ دَ حَنُّنْ هَغُ؞ كُواْوَنّٜىٰنْسُ يَ عِيَ جٜىٰڢَ دُوڟٜىٰنْ مَجَجَّوَ يَهَرْبِے غَاشِنْ كَيْ طَيَ بَابُ كُسْكُرٜىٰ؞

17سَوْرَنْ مُتَنٜىٰنْ إِسْرَٰٓءِيلَ، بَنْدَ ذُرِيَرْ بِلِيَامِنُ كٜىٰنَنْ، سُكَ تَتَّارَ سُواْجُواْجِ وَجٜىٰنْ مُتَنٜىٰ دُبُو طَرِے حُطُ، دُكَنْسُ مَڢِيَ عِيَ يَاڧِ نٜىٰ؞

18كَاڢِنْ مُتَنٜىٰنْ إِسْرَٰٓءِيلَ سُشِغَ يَاڧِنْ، سُنْ تَڢِے بٜىٰتٜىٰلْ تُكُنَ دُواْمِنْ سُنٜىٰمِ نُڢِنْ اللَّهْ سُكَثٜىٰ «وَثٜىٰ ذُرِيَ ثٜىٰ ذَاتَ ڢَارَ كَيْ يَاڧِ عَكَنْ ذُرِيَرْ بِلِيَامِنُ؟» يَهْوٜىٰهْ يَأَمْسَ يَثٜىٰ «ذُرِيَرْ يَهُودَ ثٜىٰ ذَاتَ ڢَارَ؞»

19سَيْ مُتَنٜىٰنْ إِسْرَٰٓءِيلَ سُكَتَاشِ دَ سَسَّڢٜىٰ وَشٜىٰغَرِ، سُكَ كَڢَ سَنْسَنِنْ يَاڧِ كُسَدَ غَرِنْ غِبٜىٰيَ؞

20سُواْجُواْجِنْ إِسْرَٰٓءِيلَ سُكَ ڢِتَ دُواْمِنْ سُڢَارَ يَاڧِ دَ سُواْجُواْجِنْ بِلِيَامِنُ؞ إِسْرَٰٓءِيلَاوَا سُكَجٜىٰرَ كَنْسُ دُواْمِنْ يَاڧِ كُسَدَ غَرِنْ غِبٜىٰيَ؞

21سَيْ مُتَنٜىٰنْ بِلِيَامِنُ سُكَ ڢِتُواْ دَغَ غَرِنْ غِبٜىٰيَ سُكَ كَشٜىٰ إِسْرَٰٓءِيلَاوَا مُتُمْ دُبُو عَشِرِنْ دَ دُبُو بِيُ؞

22عَمَّا مُتَنٜىٰنْ إِسْرَٰٓءِيلَ سُكَسَاكٜىٰ تَارُوَ أَوُرِنْ كُمَ سُكَ ڧَرْڢَڢَ جُونَنْسُ سُكَسَاكٜىٰ جٜىٰرَ كَنْسُ دُواْمِنْ يَاڧِ؞

23غَمَا سُنْ رِغَا سُنْ تَڢِے وُرِنْ سُجَّدَ أَ بٜىٰتٜىٰلْ سُكَيِ كُوكَا أَغَبَنْ يَهْوٜىٰهْ حَرْ يَمَّ؞ أَوُرِنْ سُكَسَاكٜىٰ تَمْبَيَرْ يَهْوٜىٰهْ سُكَثٜىٰ «مُسَاكٜىٰ تَڢِيَ مُيِ يَاڧِ دَ یَنْعُوَنْمُ مُتَنٜىٰنْ بِلِيَامِنُ؟» يَهْوٜىٰهْ يَأَمْسَ مُسُ يَثٜىٰ «عِ، كُجٜىٰ كُيَاڧٜىٰسُ؞»

24سَيْ سُواْجُواْجِنْ إِسْرَٰٓءِيلَ سُكَ ڢِتُواْ دُواْمِنْ سُسَاكٜىٰيِنْ يَاڧِ دَ سُواْجُواْجِنْ بِلِيَامِنُ سَوْ نَبِيُ؞

25عَمَّا سُواْجُواْجِنْ بِلِيَامِنُ سُكَسَاكٜىٰ ڢِتُواْوَ دَغَ غِبٜىٰيَ سُكَ كَشٜىٰ سُواْجُواْجِنْ إِسْرَٰٓءِيلَاوَا مَاسُ عِيَ يَاڧِ مُتُمْ دُبُو غُواْمَشَا تَݣُوسْ؞

26سَيْ دُكَنْ مُتَنٜىٰنْ إِسْرَٰٓءِيلَ سُكَ هَوْرَ ذُوَا بٜىٰتٜىٰلْ سُكَ يِنِ سُنَ كُوكَا تَرٜىٰدَ أَظُمِ أَغَبَنْ يَهْوٜىٰهْ حَرْ يَمَّ؞ سُكَ مِيڧَ هَدَايَ تَڧُواْنَاوَا دَ هَدَايَ تَڠَرَنْ زُمُنْثِ أَغَبَنْ يَهْوٜىٰهْ ؞

27سَيْ مُتَنٜىٰنْ إِسْرَٰٓءِيلَ سُكَسَاكٜىٰ نٜىٰمَنْ نُڢِنْ يَهْوٜىٰهْ غَمٜىٰدَ يَاڧِ دَ ذُرِيَرْ بِلِيَامِنُ؞ عَݣُونَكِنْنَنْ كُوَ عَݣُوتِنْ يَرْجٜىٰجٜىٰنِيَرْ يَهْوٜىٰهْ يَنَ أَ بٜىٰتٜىٰلْ؞

28ڢِنٜىٰهَسْ طَنْ عٜىٰلٜىٰيَظَرْ جِيكَنْ هَٰرُونَ كُمَ يَنَ يِنْ عَيْكِنْ ڢِرِسْتِ؞ سَيْ مُتَنٜىٰنْ إِسْرَٰٓءِيلَ سُكَ تَمْبَيِ يَهْوٜىٰهْ «مُسَاكٜىٰ تَڢِيَ مُيِ يَاڧِ دَ یَنْعُوَنْمُ مُتَنٜىٰنْ بِلِيَامِنُ نٜىٰ، كُواْ كُوَ مُبَرِ؟» يَهْوٜىٰهْ يَأَمْسَ مُسُ يَثٜىٰ «كُتَڢِے! غُواْبٜىٰ ذَنْبَادَسُو أَ حَنُّنْكُ؞»

29سَيْ سُواْجُواْجِنْ إِسْرَٰٓءِيلَ سُكَسَا وَطَنْسُ سُواْجُواْجِ سُكَيِ ݣُونْتُوانْ ٻَوْنَ سُكَ كٜىٰوَيٜىٰ غِبٜىٰيَ؞

30سَعَنً سُكَ تَڢِے دُواْمِنْ سُيَاڧِ سُواْجُواْجِنْ بِلِيَامِنُ سَوْ نَعُكُ كٜىٰنَنْ؞ سُكَ تَارُ أَوُرَارٜىٰنْسُ نَدَا طِنْ دُواْمِنْ سُسَاكٜىٰيِنْ يَاڧِ دَ غِبٜىٰيَ؞

31سَعَدَّ سُواْجُواْجِنْ بِلِيَامِنُ سُكَ ڢِتُواْ دُواْمِنْ سُيِ يَاڧِ، عَكَ جَاسُ دَغَ بِرْنِنْ؞ كَمَرْ يَدَّ سُنْ سَابَايِ، سُكَ ڢَارَ كَكَّشٜىٰ وَطَنْسُ سُواْجُواْجِنْ إِسْرَٰٓءِيلَ؞ سُنْ كَشٜىٰ سُواْجُواْجِنْ إِسْرَٰٓءِيلَ وَجٜىٰنْ مُتُمْ تَلَاتِنْ أَ ڢِيلِ دَ كُمَ عَكَنْ حَنْيَرْ دَ تَبِے ذُوَا بٜىٰتٜىٰلْ دَ وَدَّ تَبِے ذُوَا غِبٜىٰيَ؞

32سَيْ سُواْجُواْجِنْ بِلِيَامِنُ سُكَثٜىٰ «مُنَ ثِنْ نَصَرَا عَكَنْسُ كَمَرْ دَا؞» عَمَّا شِرِنْ مُتَنٜىٰنْ إِسْرَٰٓءِيلَ نٜىٰ سُجَاسُ نٜىٰسَ دَ غَرِنْسُ، غَمَا سُنْ ثٜىٰ وَجُونَ «مُغُدُ، دُواْمِنْ مُجَاسُ دَغَ غَرِنْ ذُوَا حَنْيَ أَ ڢِيلِ؞»

33سَعَدَّ ڧُنْ‌غِيَرْ مُتَنٜىٰنْ إِسْرَٰٓءِيلَ سُكَ كَيْ بَعَلْ تَمَرْ، سَيْ سُكَ جُويَا دُواْمِنْ سُڢُسْكَنْثِ مُتَنٜىٰنْ بِلِيَامِنُ؞ سَيْ مُتَنٜىٰنْ إِسْرَٰٓءِيلَ دَ سُكَيِ ݣُونْتُوانْ ٻَوْنَ سُكَ ڢِتُواْ تَيَمَّ دَ غِبٜىٰيَ؞

34سُواْجُواْجِ مَڢِيَ عِيَ يَاڧِ نَ إِسْرَٰٓءِيلَ دُبُو غُواْمَ سُكَ ڢَاطَوَ غِبٜىٰيَ دَ يَاڧِ؞ يَاڧِنْ كُوَ يَيِ ذَاڢِ سُواْسَيْ، مُتَنٜىٰنْ بِلِيَامِنُ كُوَ بَسُسَنْ مَسِيڢَ تَنَ غَبْ دَسُوبَ؞

35يَهْوٜىٰهْ كُوَ يَثِ نَصَرَا عَكَنْ مُتَنٜىٰنْ بِلِيَامِنُ دُواْمِنْ إِسْرَٰٓءِيلَاوَا؞ سُواْجُواْجِنْ إِسْرَٰٓءِيلَ سُكَ كَكَّشٜىٰ سُواْجُواْجِنْ بِلِيَامِنُ دُبُو عَشِرِنْ دَ بِيَرْ دَ طَرِے طَيَ؞ دُكَنْسُ مَاسُ عِيَ يَاڧِ نٜىٰ؞

36مُتَنٜىٰنْ بِلِيَامِنُ سُكَ غَانٜىٰ أَنْثِسُ دَ يَاڧِ؞ سُواْجُواْجِنْ إِسْرَٰٓءِيلَ كُوَ سُكَجَا دَ بَايَ دَغَ وُرِنْ سُواْجُواْجِنْ بِلِيَامِنُ دُواْمِنْ سُبَا وَطَنْدَ سُكَيِ ݣُونْتُوانْ ٻَوْنَ ڢِيلِ، غَمَا سُنْ دُواْغَضَ غَ سُواْجُواْجِنْ دَ سُكَيِ ݣُونْتُوانْ ٻَوْنَ كٜىٰوَيٜىٰ دَ غِبٜىٰيَ؞

37سَيْ سُواْجُواْجِنْ دَ سُكَيِ ݣُونْتُوانْ ٻَوْنَ، سُكَيِ سَوْرِ سُكَ شِغَ ثِكِنْ غَرِنْ غِبٜىٰيَ سُكَ بَظُو سُكَ كَكَّشٜىٰ دُكَنْ مُتَنٜىٰنْ دَسُكٜىٰ عَثِكِ؞

38عَلَمَرْ دَ عَكَ شِرْيَ ڟَكَانِنْ سُواْجُواْجِنْ إِسْرَٰٓءِيلَ دَ مَاسُ ݣُونْتُوانْ ٻَوْنَ عِتَثٜىٰ بَبَّنْ هَيَاڧِے دَغَ غَرِنْ؞

39دَ ڧُنْ‌غِيَرْ سُواْجُواْجِنْ إِسْرَٰٓءِيلَ سُنْ غَا هَيَاڧِنْ، سَيْ سُجُويَا سُڢَاطَوَ سُواْجُواْجِنْ بِلِيَامِنُ دَ يَاڧِ؞ عَمَّا كَاڢِنْ عَلَمَرْ هَيَاڧِے تَتَاشِ، سُواْجُواْجِنْ بِلِيَامِنُ سُنْ رِغَا سُنْ كَشٜىٰ سُواْجُواْجِنْ إِسْرَٰٓءِيلَ وَجٜىٰنْ مُتُمْ تَلَاتِنْ؞ سُكَيِ إِيهُ سُكَثٜىٰ «أَيْ! مُنَ ثِنْ نَصَرَا عَكَنْسُ كَمَرْ دَا!»

40عَمَّا سَعَدَّ عَلَمَرْ هَيَاڧِے تَڢَارَ هَوَنْ سَمَ دَغَ غَرِنْ، سَيْ سُواْجُواْجِنْ بِلِيَامِنُ سُكَ جُويَا بَايَ سُكَغَ غَرِنْسُ يَنَ ثِنْ وُتَا، غَ هَيَاڧِے يَنَ هَوْرَ سَمَ؞

41دَ ڧُنْ‌غِيَرْ سُواْجُواْجِنْ إِسْرَٰٓءِيلَ سُكَ جُويَا سُكَ ڢَاطَ مُسُ، سَيْ سُواْجُواْجِنْ بِلِيَامِنُ سُكَ ضِكِثِے؞ أَوَنَّنْ لُواْكَثِ نٜىٰ ڢَا سُكَ غَانٜىٰ مَسِيڢَ تَسَامٜىٰسُ؞

42دَ سُكَغَ حَكَ، سَيْ سُكَجَا بَايَ، سُكَ كَامَ غُدُ سُكَ نُڢِ دَاجِ، عَمَّا بَسُ ڟِيرَبَ؞ سَوْرَنْ مُتَنٜىٰنْ إِسْرَٰٓءِيلَ وَطَنْدَ سُكَ ڢِتُواْ دَغَ غَرُرُوَ سُكَ كَكَّشٜىٰسُ، سُكَ هَلَّكَرْ دَسُو؞

43إِسْرَٰٓءِيلَاوَا سُكَيِ وَمُتَنٜىٰنْ بِلِيَامِنُ تَرْكُواْ، سُكَ بِيسُ بَا ڟَيَاوَا تُنْدَغَ مٜىٰنُهَ حَرْ ذُوَا غِبٜىٰيَ أَغَبَسْ؞

44أَوَنَّنْ رَانَ عَكَ كَكَّشٜىٰ مَاسُ عِيَ يَاڧِ نَ بِلِيَامِنُ مُتُمْ دُبُو غُواْمَشَا تَݣُوسْ؞

45سَوْرَنْ سُكَ جُويَا سُكَ كَامَ غُدُ ذُوَا دَاجِ سُكَ نُڢِ دُوڟٜىٰنْ رِمُّوانْ؞ عَكَنْ هَنْيُواْيِ مُتَنٜىٰنْ إِسْرَٰٓءِيلَ سُكَ كَكَّشٜىٰ مُتُمْ دُبُو بِيَرْ؞ عَكَثِيغَبَدَ بِنْ سَوْرَنْ حَرْ ذُوَا غِدُوامْ، عَكَ كُمَ كَشٜىٰ مُتُمْ دُبُو بِيُ؞

46أَ رَانَرْ نَنْ دَيْ مُتَنٜىٰنْ بِلِيَامِنُ دَ عَكَ كَشٜىٰ سُنْ كَيْ مُتُمْ دُبُو عَشِرِنْ دَ بِيَرْ، دُكَنْسُ سُواْجُواْجِ نٜىٰ مَاسُ ذُوثِيَا، كُمَ مَاسُ عِيَ يَاڧِ؞

47عَمَّا مُتُمْ طَرِے شِدَ سُكَ جُويَا سُكَ غُدُ ذُوَا ثِكِنْ دَاجِ، سُكَ كَيْ دُوڟٜىٰنْ رِمُّوانْ عِنْدَ سُكَ ذَوْنَ حَرْ وَتَا حُطُ؞

48مُتَنٜىٰنْ إِسْرَٰٓءِيلَ سُكَ كُواْمَ، سُكَ كَكَّشٜىٰ كُواْوَنٜىٰ أَبُ مَيْ رَيْ وَنْدَ يَكٜىٰ ثِكِنْ غَرُرُوَ دَ مُتَنٜىٰ دَ دَبُّواْبِے دَ دُكَنْ أَبِنْدَ سُكَ سَامُ؞ سُكَ ڧُواْڧُّواْنٜىٰ دُكَنْ غَرُضُوً دَ سُكَ شِغَ ثِكِ أَوَنَّنْ يَنْكِنْ ڧَسَرْ؞

← Chapter 19 Jump to: Chapter 21 →