Judges 18

Hausa Arabic 2020 (أَتَّوْرَتْ دَ أَنَّبَاوَا)

← Chapter 17 Jump to: Chapter 19 →

1عَݣُونَكِنْنَنْ كُوَ بَا سَرْكِے عَ إِسْرَٰٓءِيلَ؞ أَوَنَّنْ لُواْكَثِ كُمَ ذُرِيَرْ دَنْ تَنَ نٜىٰمَنْ يَنْكِنْ دَ ذَاتَ مَلَّكَ تَذَوْنَ عَثِكِ؞ غَمَا حَرْ لُواْكَثِنْ بَتَسَامِ نَاتَ غَادُوانْ ڧَسَا بَعَ ثِكِنْ سَوْرَنْ ذُرِيَرْ إِسْرَٰٓءِيلَ؞

2سَيْ مُتَنٜىٰنْ دَنْ سُكَ ذَاٻِ مُتُمْ بِيَرْ مَاسُ ڧَرْڢِنْ ذُوثِيَا دَغَ دَنْ‌غُواْغِنْ ذُرِيَرْسُ؞ عَكَ كُوَ عَيْكٜىٰسُ دَغَ غَرُضُوً ذُواْرَ دَ عٜىٰشْتَوُالْ سُتَڢِے سُلٜىٰڧِ أَسِيرِنْ ڧَسَرْ؞ سَعَدَّ سُكَ إِسُواْ يَنْكِنْ تُدَّيْ نَ إِڢْرَيِمْ، سَيْ سُكَ سَوْكَ أَغِدَنْ مِيكَ؞

3سَعَدَّ سُكَ إِسُواْ دَبْ دَ غِدَنْ مِيكَ، سَيْ سُكَجِ مُرْيَرْ سَوْرَيِنَّنْ نَظُرِيَرْ لَوِ، سُكَ ڟَيَ وُرِنْسَ سُكَجَا شِ غٜىٰڢٜىٰ سُكَ تَمْبَيٜىٰشِ «وَ يَكَٰوُاْكَ أَنَنْ؟ مٜىٰ كُمَ كَكٜىٰيِ أَنَنْ؟ دُوانْمٜىٰ كَكٜىٰ أَنَنْ؟»

4شِے كُوَ يَثٜىٰ مُسُ «مِيكَ يَيِ مِنِ كَاظَا دَ كَاظَا، يَطَوْكٜىٰنِ هَيَ إِنْيِ مَسَ عَيْكِنْ ڢِرِسْتِ؞»

5سَيْ سُكَثٜىٰ مَسَ «إِنْ كَا يَرْدَ، بَرِ كَنٜىٰمِ نُڢِنْ اللَّهْ دُواْمِنْ مُسَنِ كُواْ ذَامُيِ نَصَرَا عَثِكِنْ تَڢِيَرْمُ؞»

6ڢِرِسْتِ طِنْ كُوَ يَأَمْسَ مُسُ يَثٜىٰ «كُيِ تَڢِيَرْكُ ثِكِنْ سَلَمَ، غَمَا يَهْوٜىٰهْ يَنَ تَرٜىٰدَكُو؞»

7سَيْ مُتَنٜىٰ بِيَرْ طِنَّنْ سُكَتَاشِ، سُكَ ثِيغَبَدَ تَڢِيَ حَرْ سُكَكَيْ بِرْنِنْ لَيِشْ؞ سُكَ غَ يَدَّ مُتَنٜىٰنْ سُكٜىٰ ذَمَ أَ سَكٜىٰ، كَمَرْ مُتَنٜىٰنْ سِدُوانْ سُكٜىٰيِنْ رَايُوَرْسُ ثِكِنْ ݣُونْثِيَرْ حَنْكَلِ سُكٜىٰ كُمَيِنْ ذَمَنْسُ أَ سَكٜىٰ؞ بَسُ كُوَ رَسَ كُواْمٜىٰبَ عَدُونِيَا، سُنَ تَرٜىٰدَ أَرْزِڧِ؞ سُكَيِ ذَمَنْسُ نٜىٰسَ دَ سِدُوانْ، بَسُ كُمَيِنْ شَعَنِنْ كُواْمٜىٰ دَ كُواْوَبَ؞

8سَعَدَّ مُتَنٜىٰ بِيَرْ طِنَّنْ سُكَ كُواْمَ ذُواْرَ دَ عٜىٰشْتَوُالْ، سَيْ یَنْعُوَنْسُ سُكَ تَمْبَيٜىٰسُ لَابَرِنْ تَڢِيَرْسُ؞

9سُكَ أَمْسَ مُسُ سُكَثٜىٰ «كُهَوْرُواْ كَوَيْ، مُجٜىٰ مُڢَاطَ مُسُ! غَمَا مُنْ غَا ڧَسَرْ تأَنَانً دَݣَوْ؞ كَدَ كُذَوْنَ أَنَنْ كُنَ ٻَاتَ لُواْكَثِ، كُيِ سَوْرِ، كُشِغَ كُمَلَّكٜىٰتَ!

10سَعَدَّ كُكَ إِسُواْ ثَنْ، ذَاكُسَامِ مُتَنٜىٰنْ دَسُكٜىٰيِنْ ذَمَنْسُ أَ سَكٜىٰ؞ ڧَسَرْ كُوَ مَيْ ڢَاطِ ثٜىٰ، تَنَ كُمَ دَ دُكَنْ أَبُبُوَنْ دَ طَنْ أَدَمْ يَكٜىٰ بُڧَاتَ، كُمَ اللَّهْ يَبَادَ عِتَ أَ حَنُّنْكُ؞»

11سَيْ مُتَنٜىٰ طَرِے شِدَ دَغَ ذُرِيَرْ دَنْ سُكَتَاشِ دَغَ ذُواْرَ دَ عٜىٰشْتَوُالْ أَشِرْيٜىٰ دُواْمِنْ يَاڧِ؞

12سُكَ هَوْرُواْ سُكَ كَڢَ سَنْسَنِ عَيَمَّثِنْ كِرِيَتْ يٜىٰيَرِمْ عَيَنْكِنْ يَهُودَ؞ شِيَسَا هَرْوَيَوْ عَكٜىٰ كِرَنْ وُرِنْ سَنْسَنِنْ دَنْ؞

13دَغَ ثَنْ سُكَتَاشِ، سُكَ هَوْرُواْ ذُوَا يَنْكِنْ تُدَّيْ نَ إِڢْرَيِمْ، سُكَ إِسُواْ غِدَنْ مِيكَ؞

14مُتُمْ بِيَرْ طِنَّنْ وَطَنْدَ دَا سُكَ تَڢِے سُكَيِ لٜىٰڧٜىٰنْ أَسِيرِنْ يَنْكِنْ لَيِشْ سُكَثٜىٰ وَ أَبُواْكَنْسُ «كُواْ كُنْ سَنِ ثٜىٰوَ عَثِكِنْ طَيَ دَغَ غِدَاجٜىٰنَّنْ، أَݣَويْ غُنْكِ نَ إِتَاثٜىٰنْ دَ عَكَ شَاڢَ دَ أَظُرْڢَا؟ أَݣَويْ كُمَ وَطَنْسُ غُمَكَ دَ كُمَ عٜىٰڢُوادْ نَنٜىٰمَنْ سَنِنْ نُڢِنْ اللَّهْ ؞ مٜىٰ يَا كَمَاتَ مُيِ؟»

15سَيْ سُكَ جُويَا سُكَ شِغَ ثِكِنْ غِدَنْ مِيكَ، عِنْدَ سَوْرَيِ نَظُرِيَرْ لَوِنَّنْ يَكٜىٰ ذَمَ، سُكَ غَيْشٜىٰشِ؞

16سُواْجُواْجِ طَرِے شِدَ دَغَ ذُرِيَرْ دَنْ كُوَ سُكَ ڟَيَ تَرٜىٰدَ كَايَنْ يَاڧِنْسُ عَبَاكِنْ ڧُواْڢَرْ؞

17مُتُمْ بِيَرْ طِنَّنْ وَطَنْدَ سُكَيِ لٜىٰڧٜىٰنْ أَسِيرِ سُكَ شِغَ ثِكِ، سُكَ طَوْكِ غُنْكِنَّنْ دَ عَكَ سَسَّڧَ عَكَ شَاڢَ دَ أَظُرْڢَا دَ عٜىٰڢُوادْ نَنٜىٰمَنْ نُڢِنْ اللَّهْ دَ سَوْرَنْ غُمَكَ نَغِدَا؞ ڢِرِسْتِ طِنْ كُوَ يأَنَانً ڟَيٜىٰ عَبَاكِنْ ڧُواْڢَ تَرٜىٰدَ سُواْجُواْجِ طَرِے شِدَنَّنْ دَسُكٜىٰ أَشِرْيٜىٰ دُواْمِنْ يَاڧِ؞

18سَعَدَّ مُتَنٜىٰنْ سُكَ شِغَ ثِكِنْ غِدَنْ مِيكَ، سُكَ طَوْكِ غُنْكِنَّنْ دَ عَكَ سَسَّڧَ عَكَ شَاڢَ دَ أَظُرْڢَا دَ عٜىٰڢُوادْ نَنٜىٰمَنْ نُڢِنْ اللَّهْ دَ سَوْرَنْ غُمَكَ؞ سَيْ ڢِرِسْتِ طِنْ يَتَمْبَيٜىٰسُ «مٜىٰ كٜىٰنَنْ كُكٜىٰيِ؟»

19سُكَثٜىٰ مَسَ «كَيِ شِضُ، كَكَمٜىٰ بَاكِنْكَ! كَبِيُواْمُ، كَذَمَ مَيْ بَادَ شَوَرَا دَ ڢِرِسْتِ أَغَرٜىٰمُ؞ بَيْڢِے مَكَ كَذَمَ ڢِرِسْتِ نَظُرِيَرْ إِسْرَٰٓءِيلَ غَبَاطَيَ بَ دَاعَثٜىٰ كَذَمَ ڢِرِسْتِ نَغِدَنْ مُتُمْ طَيَ كَوَيْ؟»

20سَيْ ڢِرِسْتِ طِنْ يَيَرْدَ، يَطَوْكِ عٜىٰڢُوادْ نَنٜىٰمَنْ نُڢِنْ اللَّهْ دَ غُمَكَنْ غِدَنْ دَ غُنْكِنْ دَ عَكَ سَسَّڧَ يَتَڢِے تَرٜىٰدَسُو؞

21سَيْ سُكَ جُويَا، سُكَ كَامَ تَڢِيَرْسُ سُكَ تُورَ یَیَنْسُ دَ دَبُّواْبِنْسُ دَ دُكَنْ كَايَنْسُ أَغَبَ؞

22سَعَدَّ مُتَنٜىٰ دَغَ ذُرِيَرْ طَنْ سُكَيِ تَڢِيَ دَنِيسَ كَطَنْ دَغَ غِدَنْ مِيكَ، سَيْ مِيكَ يَكِرَا مُتَنٜىٰنْ دَسُكٜىٰ ذَمَ كُسَدَشِ؞ سُكَ تَارُ سُكَبِے مُتَنٜىٰنْ دَنْ طِنْ؞

23سُكَ طَغَ مُرْيَ سُكَ كِرَا مُتَنٜىٰنْ دَنْ؞ مُتَنٜىٰنْ دَنْ كُوَ سُكَ جُويَا سُكَ تَمْبَيِ مِيكَ «مٜىٰكَكٜىٰسُواْ؟ مٜىٰيَسَا كَذُواْ مَنَ دَ مُتَنٜىٰ مَاسُيَوَ حَكَ؟»

24مِيكَ يَأَمْسَ مُسُ يَثٜىٰ «مٜىٰكُكٜىٰ نُڢِ دَ مٜىٰ نَكٜىٰسُواْ؟ كُنْ ݣُوشٜىٰ مِنِ دُكَنْ غُمَكَنَ دَ ڢِرِسْتِ طِنْ! مٜىٰ كُمَ يَضَغٜىٰ مِنِ؟»

25سَيْ مُتَنٜىٰنْ دَنْ سُكَثٜىٰ «كَلُورَ دَ أَبِنْدَ كَكٜىٰ ڢَطَا! إِنْ بَهَكَبَ ڢَا، وَطَنْسُ مُتَنٜىٰ عَثِكِنْمُ، مَاسُ ذَاڢِنْ رَيْ نٜىٰ، ذَاسُ ڢَاطُواْ مَكَ، كَيْ دَ عِيَلِنْكَ حَرْ كُرَسَ رَايُكَنْكُ؞»

26سَيْ مُتَنٜىٰنْ دَنْ سُكَ ثِيغَبَدَ تَڢِيَرْسُ؞ دَ مِيكَ يَغَ سُنْڢِے ڧَرْڢِنْسَ، سَيْ يَجُويَ يَكُواْمَ غِدَا؞

27بَايَنْدَ مُتَنٜىٰنْ دَنْ سُكَ طَوْكِ غُمَكَنْ دَ مِيكَ يَيِ، تَرٜىٰدَ ڢِرِسْتِ طِنْ، سَيْ سُكَ تَڢِے بِرْنِنْ لَيِشْ، عِنْدَ مُتَنٜىٰنْ سُكٜىٰ ذَمَنْسُ أَ سَكٜىٰ رَيْ عَݣُونْثٜىٰ؞ سُكَ ڢَاطَ مُسُ دَ يَاڧِ سُكَ كَكَّشٜىٰ دُكَنْ مُتَنٜىٰنْ، سُكَ ڧُواْنٜىٰ بِرْنِنْ ڧُرْمُسْ؞

28بَا وَنِنْدَ يَ عِيَ ثٜىٰتُوانْ مُتَنٜىٰنْ دَسُكٜىٰ ظَوْنٜىٰ أَ لَيِشْ، غَمَا سُنَ دَنِيسَ دَ سِدُوانْ، كُمَ بَسُ دَ شَعَنِ دَ كُواْوَ؞ بِرْنِنْ كُوَ يَنَ ثِكِنْ ݣُورِ كُسَدَ بٜىٰتْ رٜىٰهُوابْ؞ مُتَنٜىٰنْ دَنْ سُكَسَاكٜىٰ غِنَا بِرْنِنْ، سُكَ ذَوْنَ عَثِكِ؞

29سُكَ كُوَ ثَنْجَ سُونَنْ بِرْنِنْ دَغَ لَيِشْ ذُوَا دَنْ، بِسَغَ سُونَنْ كَكَنْسُ دَنْ وَنْدَ يَكٜىٰ طَنْ يَعْڧُوبَ؞

30مُتَنٜىٰنْ دَنْ سُكَ كَڢَ وَنَّنْ غُنْكِنْ دَ عَكَ سَسَّڧَ دُواْمِنْ عَيِ مَسَ سُجَّدَ؞ مُتُمِنْ لَوِنَّنْ، يُواْنَتَنْ طَنْ غٜىٰرْشُوامْ دَغَ ذُرِيَرْ مُوسَٰى، يَذَمَ ڢِرِسْتِ نَاسُ؞ وَنَّنْ عِيَلِ سُنْثِيغَبَدَ ذَمَنْ ڢِرِسْتُواْثِنْ ذُرِيَرْ دَنْ حَرْ لُواْكَثِنْ دَ عَكَ ݣُوشٜىٰسُ ذُوَا ڧَسَرْ بَوْتَا؞

31حَكَ ڢَا ذُرِيَرْ دَنْ سُنَيِ وَ غُنْكِنْ دَ مِيكَ يَيِ سُجَّدَ دُكْ لُواْكَثِنْ دَ تٜىٰنْتِنْ سُجَّدَ نَ يَهْوٜىٰهْ يَكٜىٰ أَ شِلُواْ؞

← Chapter 17 Jump to: Chapter 19 →