Judges 6

Hausa Arabic 2020 (أَتَّوْرَتْ دَ أَنَّبَاوَا)

1أَنَانً مُتَنٜىٰنْ إِسْرَٰٓءِيلَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ ؞ سَيْ يَهْوٜىٰهْ يَسَا مُتَنٜىٰنْ مَدْيَنَ سُكَ مَلَّكٜىٰسُ شٜىٰكَرَا بَݣَويْ؞

2مِدِيَنَاوَا كُوَ سُكَشَا ڧَرْڢِنْ مُتَنٜىٰنْ إِسْرَٰٓءِيلَ؞ دُواْمِنْ حَكَ مُتَنٜىٰنْ إِسْرَٰٓءِيلَ سُكَ غُدُ سُكَ سَامُواْ وَكَنْسُ وُرَارٜىٰنْ ٻُيَ عَثِكِنْ تُدَّيْ دَ كُواْڠُونِّ دَ رَامُكَ؞

3دُكْ لُواْكَثِنْ دَ مُتَنٜىٰنْ إِسْرَٰٓءِيلَ سُكَيِ شُوكَ، سَيْ مِدِيَنَاوَا سُذُواْ تَرٜىٰدَ أَمَلٜىٰكَاوَا دَ وَطَنْسُ ڧَبِيلُ دَغَ غَبَسْ سُڢَاطَ مُسُ دَ يَاڧِ؞

4سُكَنْ ذُواْ سُكَڢَ سَنْسَنِنْ يَاڧِ عَڧَسَرْ، سُهَلَّكَرْ دَ أَمْڢَانِنْ غُواْنَكِ نَڧَسَرْ حَرْ ذُوَا يَنْكِنْ غَاظَ عَكُدُ؞ سُكَنْ ݣُوشٜىٰ مُسُ دُكَنْ عَبِنْثِ دَ تُمَكِ دَ شَانُو دَ جَاكُنَ، بَسُ بَرِنْ كُواْمٜىٰ دُواْمِنْ مُتَنٜىٰنْ إِسْرَٰٓءِيلَ، وَنْدَ ذَاسُثِ سُرَايُ؞

5غَمَا مُتَنٜىٰنْ سُكَنْ ذُواْ نٜىٰ تَرٜىٰدَ دَبُّواْبِنْسُ دَ تٜىٰنْتُنَنْسُ دَيَوَ كَمَرْ ڢَارِ؞ سُو دَ رَاڧُمَنْسُ سُنْيِيَوَ يَدَّ بَذَاعَ عِيَ ڧِرْغَسُبَ؞ يَايِنْ دَ سُكَ شِغُواْ ڧَسَرْ، سُكَنْ لَلَتَرْدَ عِتَ؞

6مُتَنٜىٰنْ إِسْرَٰٓءِيلَ سُكَ تَلَوْثٜىٰ ڨُورَيْ دَ غَسْكٜىٰ أَ حَنُّنْ مِدِيَنَاوَا؞ سَيْ مُتَنٜىٰنْ إِسْرَٰٓءِيلَ سُكَيِ كُوكَا غَ يَهْوٜىٰهْ دُواْمِنْ نٜىٰمَنْ تَيْمَكُواْ؞

7سَعَدَّ مُتَنٜىٰنْ إِسْرَٰٓءِيلَ سُكَيِكُوكَا، سَبُواْدَ وُلَڧَنْثِنْ دَسُكٜىٰ شَا أَ حَنُّنْ مِدِيَنَاوَا،

8سَيْ يَهْوٜىٰهْ يَعَيْكَ مُسُ دَ أَنَّبِے؞ أَنَّبِنْ كُوَ يَثٜىٰ «إِنْجِ يَهْوٜىٰهْ اللَّهْ نَ إِسْرَٰٓءِيلَ، ‹نِے نَا ڢِتَرْدَكُو دَغَ مَصَرْ، ڧَسَرْ بَوْتَا؞

9نَا ثٜىٰثٜىٰكُ دَغَ حَنُّنْ مَصَرَاوَا دَ كُمَ دَغَ حَنُّنْ وَطَنْدَ سُكٜىٰيِ مُكُ دَنِّيَ عَثِكِنْ وَنَّنْ ڧَسَرْ؞ نَا كُواْرٜىٰسُ دَغَ غَبَنْكُ، نَا كُوَ بَاكُ ڧَسَرْسُ؞

10نَا كُمَ غَيَ مُكُ ثٜىٰوَ نِنٜىٰ يَهْوٜىٰهْ اللَّهْ نْكُ، بَذَاكُيِ سُجَّدَ غَ أَلُّواْلِنْ أَمُواْرِيَاوَنْ دَ كُكٜىٰ ظَوْنٜىٰ عَڧَسَرْسُبَ؞ عَمَّا بَكُيِ بِيَيَّ دَ مَغَنَاتَبَ؞› »

11سَعَنً سَيْ مَلاَىِٕكَنْ يَهْوٜىٰهْ يَذُواْ يَذَوْنَ أَغِنْدِنْ إِتَاثٜىٰ مَرَرْ بُوشٜىٰوَ نَ يُواْوَشْ مُتُمِنْ دَنْ‌غِنْ أَبِيٜىٰظٜىٰرْ عَڧَوْيٜىٰنْ عُواڢْرَ؞ أَ لُواْكَثِنَّنْ جِدْعَوْنَ طَنْ يُواْوَشْ يَنَ بُغُنْ أَلْكَمَ عَٻُواْيٜىٰ أَوُرِنْ مَڟٜىٰوَرْ یَیَنْ إِنَبِے، دُواْمِنْ كَدَ مِدِيَنَاوَا سُغَنْ شِ؞

12مَلاَىِٕكَنْ يَهْوٜىٰهْ يَبَيَّنَ غَرٜىٰشِ، يَثٜىٰ «كَيْ مَيْ ڧَرْڢِنْ ذُوثِيَا، يَهْوٜىٰهْ يَنَ تَرٜىٰدَكَيْ؞»

13سَيْ جِدْعَوْنَ يَثٜىٰ مَسَ «عَمَّا يَا مَيْغِرْمَ، عِدَنْ يَهْوٜىٰهْ يَنَ تَرٜىٰدَمُو، مٜىٰيَسَا وَطَنَّنْ أَبُبُوَ سُكَ سَامٜىٰمُ؟ إِنَا كُمَ دُكَنْ أَيُّكَنْ بَنْ مَامَاكِنْ دَ يَكٜىٰيِ أَدَا؟ إِنَا أَيُّكَنْ دَ كَاكَنِّنْمُ سُكَ ڢَطَا مَنَ ثٜىٰوَ ‹أَيْ يَهْوٜىٰهْ نٜىٰ يَڢِتَرْ دَمُو دَغَ ڧَسَرْ مَصَرْ›؟ يَنْذُ يَهْوٜىٰهْ يَيَاشٜىٰمُ، يَبَادَمُو أَ حَنُّنْ مِدِيَنَاوَا!»

14سَيْ يَهْوٜىٰهْ يَجُويَ يَثٜىٰ مَسَ «كَتَاشِ دَ دُكَنْ ڧَرْڢِنْكَ، كَثٜىٰثِ إِسْرَٰٓءِيلَ دَغَ حَنُّنْ مِدِيَنَاوَا؞ نِے كَيْنَ نَا عَيْكٜىٰكَ؞»

15جِدْعَوْنَ يَأَمْسَ يَثٜىٰ «يَا يَهْوٜىٰهْ ، تَيَيَا ذَنْ ثٜىٰثِ إِسْرَٰٓءِيلَ؟ غَاشِ كُوَ دَنْ‌غِنَ مَرَرْ ڧَرْڢِے نٜىٰ عَثِكِنْ ذُرِيَرْ مَنَسّٜىٰ، نِنٜىٰ كُمَ مَڢِے ڧَنْڧَنْتَ عَثِكِنْ غِدَنْمُ؞»

16يَهْوٜىٰهْ كُوَ يَأَمْسَ يَثٜىٰ «ذَاكَ عِيَ ثٜىٰتُوانْسُ غَمَا ذَنْ كَسَنْثٜىٰ تَرٜىٰدَكَيْ؞ حَڧِيڧَ ذَاكُثِ نَصَرَا عَكَنْ مِدِيَنَاوَا كَمَرْ سُو مُتُمْ طَيَنٜىٰ؞»

17جِدْعَوْنَ يَأَمْسَ يَثٜىٰ «عِدَنْ نَسَامِ ڢَضٍ جِنِ أَغَبَنْكَ، سَيْ كَنُونَ مِنِ عَلَمَرْ دَ ذَيْ تَبَّتَرْ مِنِ كَيْ يَهْوٜىٰهْ كَكٜىٰيِنْ وَنَّنْ مَغَنَ دَنِے؞

18إِنَ ضُواْڧُوانْكَ، كَدَ كَتَاشِ دَغَ نَنْ، سَيْ نَا كَٰوُاْ مَكَ هَدَايَ نَا مِيڧَ مَكَ؞» يَثٜىٰ مَسَ «ذَنْ جِرَا حَرْ كَا دَاوُاْ؞»

19سَيْ جِدْعَوْنَ يَتَڢِے غِدَا، يَيَنْكَ طَنْ عَكُيَ، يَدَڢَ؞ يَكُمَ طَوْكِ كِلُواْ غُواْمَ نَغَارِنْ حَڟِ، يَغَسَ غُرَاسَرْ مَرَرْ يِسْتِ دَشِ؞ يَسَا نَامَنْ عَݣُونْدُواْ، رُواْمُوانْ كُمَ يَظُبَ عَثِكِنْ تُكُنْيَ، يَذُواْ يَمِيڧَوَ مَلاَىِٕكَنْ يَهْوٜىٰهْ أَغِنْدِنْ إِتَاثٜىٰ مَرَرْ بُوشٜىٰوَ؞

20مَلاَىِٕكَنْ اللَّهْ يَعُمَرْثٜىٰشِ يَثٜىٰ «كَطَوْكِ نَامَنَّنْ دَ غُرَاسَرْنَنْ مَرَرْ يِسْتِ، كَسَا عَكَنْ دُوڟٜىٰنَّنْ مَيْ ڢَاطِ، سَعَنً كَظُبَ رُواْمُوانْ عَكَيْ؞» جِدْعَوْنَ كُوَ يَيِ حَكَنَنْ؞

21سَيْ مَلاَىِٕكَنْ يَهْوٜىٰهْ يَمِيڧَ كَنْ سَنْدَنْ دَيَكٜىٰ أَ حَنُّنْسَ، يَتَٻَ نَامَ دَ غُرَاسَرْنَنْ دَشِ؞ وُتَا تَڢِتُواْ دَغَ دُوڟٜىٰنْ تَڧُواْنٜىٰ نَامَنْ دَ غُرَاسَرْ؞ سَيْ مَلاَىِٕكَنْ يَهْوٜىٰهْ يَٻَثٜىٰ مَسَ؞

22سَعَدَّ جِدْعَوْنَ يَغَانٜىٰ ثٜىٰوَ لَلَّيْ يَغَ مَلاَىِٕكَنْ يَهْوٜىٰهْ نٜىٰ، سَيْيَثٜىٰ «وَيُّواْ! تَاوَتَاڧَارٜىٰ، يَا عُبَنْ‌غِجِ يَهْوٜىٰهْ! غَمَا نَاغَ مَلاَىِٕكَنْكَ عِدُواْ دَ عِدُواْ!»

23عَمَّا يَهْوٜىٰهْ يَثٜىٰ مَسَ «سَلَمَ أَغَرٜىٰكَ! كَدَ كَجِڟُواْرُواْ، بَذَاكَ مُتُبَ؞»

24سَيْ جِدْعَوْنَ يَغِنَ بَغَدٜىٰ غَ يَهْوٜىٰهْ أَوُرِنْ، يَكِرَا بَغَدٜىٰ دَ سُونَ «يَهْوٜىٰهْ سَلَمَ نٜىٰ؞» هَرْوَيَوْ بَغَدٜىٰنْ يأَنَانً عَ عُواڢْرَ وَنْدَ يَكٜىٰ نَدَنْ‌غِنْ أَبِيٜىٰظٜىٰرْ؞

25أَوَنَّنْ دَرٜىٰ يَهْوٜىٰهْ يَثٜىٰ وَ جِدْعَوْنَ «كَطَوْكِ بِجِمِ نَبِيُ دَغَ ثِكِنْ غَرْكٜىٰنْ بَابَنْكَ، مَيْ شٜىٰكَرَا بَݣَويْ؞ كَرُشٜىٰ بَغَدٜىٰنْ بَعَلْ نَبَابَنْكَ، كَكُمَ سَسَّارٜىٰ غُنْكِنَّنْ نَ أَشٜىٰرَ وَنْدَ يَكٜىٰ كُسَدَشِ؞

26سَيْ كَغِنَ إِرِنْ بَغَدٜىٰنْدَ يَدَاثٜىٰ دَ يَهْوٜىٰهْ اللَّهْ نْكَ عَكَنْ وَنَّنْ تُلِنْ ڧَسَا؞ سَعَنً كَطَوْكِ بِجِمِنْ، كَمِيڧَ شِ هَدَايَ تَڧُواْنَاوَا دَ إِتَاثٜىٰنْ غُنْكِ أَشٜىٰرَ وَنْدَ كَسَارٜىٰ؞»

27جِدْعَوْنَ يَطَوْكِ مُتُمْ غُواْمَ دَغَ ثِكِنْ بَايِنْسَ، يَيِ أَبِنْدَ يَهْوٜىٰهْ يَڢَطَا مَسَ؞ عَمَّا سَبُواْدَ يَنَ ڟُواْرُوانْ مُتَنٜىٰنْ غِدَنْسَ دَ كُمَ مُتَنٜىٰنْ غَرِنْ، بَيْيِ دَ رَانَبَ، سَيْ دَ دَرٜىٰ؞

28سَعَدَّ مُتَنٜىٰنْ غَرِنْ سُكَتَاشِ دَ سَڢٜىٰ، سَيْ سُكَ سَامِ أَنْرُشٜىٰ بَغَدٜىٰنْ بَعَلْ، عَكَ كُمَ سَارٜىٰ غُنْكِنْ أَشٜىٰرَ، كُمَ بِجِمِ نَبِيُ نَبَابَنْ جِدْعَوْنَ أَنْمِيڧَ هَدَايَ تَڧُواْنَاوَا دَشِ عَكَنْ بَغَدٜىٰنْ دَ عَكَ غِنَا؞

29سَيْ سُكَ تَمْبَيِ جُونَنْسُ «وَيَيِ وَنَّنْ؟» سَعَدَّ سُكَيِ بِنْثِكٜىٰ أَ حَنْكَلِ، سَيْ سُكَ تَرَرْ جِدْعَوْنَ طَنْ يُواْوَشْ نٜىٰ يَيِ؞

30سُكَثٜىٰ وَ يُواْوَشْ «كَڢِتُواْ مَنَ دَ طَنْكَ دُواْمِنْ مُكَشٜىٰ، غَمَا يَا رُشٜىٰ بَغَدٜىٰنْ بَعَلْ، يَكُمَ سَارٜىٰ غُنْكِنْ أَشٜىٰرَ وَنْدَ يَكٜىٰ كُسَدَشِ؞»

31عَمَّا يُواْوَشْ يَثٜىٰ وَدُكَنْ مُتَنٜىٰنْ دَ سُكَ ڢِتَ سُتَاسَرْ مَسَ «ذَاكُيِ ڢَطَ دُواْمِنْ بَعَلْ نٜىٰ؟ كُواْ كُوَ ذَاكُ ڟَيَ مَسَنٜىٰ؟ دُكْ وَنْدَ يَڟَيَ أَنَنْ يَنَ ڢَطَ دُواْمِنْ بَعَلْ، ذَاعَ كَشٜىٰشِ دَ سَڢٜىٰ؞ عِدَنْ بَعَلْ اللَّهْ نٜىٰ تُواْ، بَرِ يَيِ ڢَطَ دُواْمِنْ كَنْسَ؞ غَمَا بَغَدٜىٰنْسَ نٜىٰ عَكَ رُشٜىٰ؞»

32دَغَ وَنَّنْ رَانَ نٜىٰ، عَكَسَاوَ جِدْعَوْنَ سُونَ يٜىٰرُبَّعَلْ، غَمَا بَابَنْسَ يُواْوَشْ يَثٜىٰ «بَرِ بَعَلْ يَيِ ڢَطَ دُواْمِنْ كَنْسَ، غَمَا بَغَدٜىٰنْسَ نٜىٰ عَكَ رُشٜىٰ؞»

33سَيْ دُكَنْ مِدِيَنَاوَا دَ أَمَلٜىٰكَاوَا دَ كُمَ ڧَبِيلُنْ غَبَسْ سُكَ تَتَّارُ؞ سُكَ ڧٜىٰتَرٜىٰ كُواْغِنْ يُواْدَنْ، سُكَ كُمَ كَڢَ سَنْسَنِنْسُ أَ ݣُورِنْ يٜىٰظِرٜىٰيٜىٰلْ؞

34رُوحٌ يَهْوٜىٰهْ كُوَ يَسَوْكُواْوَ جِدْعَوْنَ، سَيْ يَبُوسَ ڧَهُواْ، مُتَنٜىٰنْ أَبِيٜىٰظٜىٰرْ كُمَ سُكَ تَتَّارُ سُكَبِيشِ؞

35يَكُمَ تُورَ یَنْ عَيْكَ ذُوَا كُواْعِنَ ثِكِنْ يَنْكِ بِيُ نَ مَنَسّٜىٰ، سَيْ مُتَنٜىٰنْ مَنَسّٜىٰ سُكَ تَتَّارُ سُكَبِيشِ؞ يَكُمَ تُورَ یَنْ عَيْكَ ذُوَا ذُرِيَرْ أَشٜىٰرْ دَ تَ ظٜىٰبُلُنْ دَ تَ نَڢْتَلِ، سُو كُمَ سُكَذُواْ سُكَ حَطَكَيْ تَرٜىٰ دَشِ؞

36سَيْ جِدْعَوْنَ يَثٜىٰ وَ اللَّهْ «عِدَنْ دَ غَسْكٜىٰ ذَاكَ ثٜىٰثِ مُتَنٜىٰنْ إِسْرَٰٓءِيلَ عَتَهَنُّونَ كَمَرْ يَدَّ كَڢَطَا،

37تُواْ، ذَنْ شِمْڢِطَا ڢَتَرْ تُنْكِيَ مَيْ يَوَنْ غَاشِ أَوُرِنْ دَ عَكٜىٰ بُغُنْ أَلْكَمَ؞ عِدَنْ سَاڢِيَ تَايِ، نَجٜىٰ نَغَ رَٻَ كَطَيْ عَكَنْ ڢَتَرْ نَنْ عَمَّا ڧَسَرْ تَكَسَنْثٜىٰ عَبُوشٜىٰ، سَعَنً ذَنْ سَنِ ثٜىٰوَ ذَاكَيِ أَمْڢَانِ دَنِے كَثٜىٰثِ مُتَنٜىٰنْ إِسْرَٰٓءِيلَ؞»

38حَكَ كُوَ يَكَسَنْثٜىٰ؞ دَ جِدْعَوْنَ يَتَاشِ دَ سَسَّڢٜىٰ، يَمَڟٜىٰ ڢَتَرْ، ضُوً رَٻَرْدَ يَظُبَ يَثِكَ ݣُونُواْ؞

39سَيْ جِدْعَوْنَ يَثٜىٰ وَ اللَّهْ «كَدَ كَيِ ڢُشِے دَنِے، بَرِ إِنْ ڧَارَ يِنْ مَغَنَ سَوْ طَيَ تَكْ؞ إِنَ ضُواْڧُوانْكَ، بَرِ إِنْ ڧَارَ يِنْ وَنِ ڠُوجِ كُمَ دَ ڢَتَرْ نَنْ؞ أَوَنَّنْ لُواْكَثِ كَسَا ڢَتَرْ تَبُوشٜىٰ، عَمَّا ڧَسَرْ تَجِڧٜىٰ دَ رَٻَ؞»

40عَثِكِنْ دَرٜىٰنْ اللَّهْ كُوَ يَيِ حَكَنَنْ؞ دَ سَاڢِيَ تَيِ، ڢَتَرْ نَنْ تَكَسَنْثٜىٰ عَبُوشٜىٰ، عَمَّا ڧَسَرْ تَجِڧٜىٰ دَ رَٻَ؞

← Chapter 5 Jump to: Chapter 7 →