Judges 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1مُتَنٜىٰنْ إِڢْرَيِمْ سُكَثٜىٰ وَ جِدْعَوْنَ «دُوانْمٜىٰ بَكَ كِرَامُ لُواْكَثِنْدَ كَتَڢِے يَاڧِ دَ مِدِيَنَاوَا بَ؟ مٜىٰيَسَا كَيِ مَنَ حَكَ؟» سُكَ ڟَاوَتَا مَسَ سُواْسَيْ؞

2عَمَّا يَثٜىٰ مُسُ «يَنْذُ، مٜىٰ نَايِ ڢِيٜىٰ دَكُو؟ أَيْ، يَنَ كَامَ دَ غِرْبِنْ یَیَنْ إِنَبِے؞ أَبِنْدَ كُو مُتَنٜىٰنْ إِڢْرَيِمْ كُكَ بَرِ دُواْمِنْ كَالَ يَڢِ دُكَنْ غِرْبِنْ یَیَنْ إِنَبِنْ دَنْ‌غِنْمُ أَبِيٜىٰظٜىٰرْ!

3غَاشِ، اللَّهْ يَبَادَ عُواْرٜىٰبْ دَ ظٜىٰيٜىٰبْ سَرَاكُنَنْ مَدْيَنَ أَ حَنُّنْكُ؞ مٜىٰنَيِ وَنْدَ يَڢِ نَاكُ؟» دَ يَيِ وَنَّنْ مَغَنَ، سَيْ سُكَ دَيْنَ ڢُشِے؞

4أَوَنَّنْ لُواْكَثِ، جِدْعَوْنَ تَرٜىٰدَ مُتَنٜىٰنْسَ طَرِے عُكُ، كُواْدَيَكٜىٰ سُنْ غَجِ، دُكْدَهَكَ سُكَيِ تَبِنْ أَبُواْكَنْ غَابَنْسُ حَرْ سُكَ إِسُواْ كُواْغِنْ يُواْدَنْ سُكَ ڧٜىٰتَرٜىٰشِ؞

5سَعَدَّ سُكَ كَيْ سُكُّواتْ، جِدْعَوْنَ يَثٜىٰ وَمُتَنٜىٰنْ غَرِنْ «إِنَ ضُواْڧُوانْكُ كُبَا مُتَنٜىٰنَ عَبِنْثِ، غَمَا سُنْ غَجِ؞ غَاشِ كُوَ حَرْ يَنْذُ إِنَ بِنْ ظٜىٰبَ دَ ظَلْمُنَّ، سَرَاكُنَنْ مَدْيَنَ؞»

6عَمَّا شُوغَبَنِّنْ سُكُّواتْ سُكَثٜىٰ «يَيَ ذَامُبَا سُواْجُواْجِنْكَ عَبِنْثِ؟ بَ كَارِغَا كَا كَامَ ظٜىٰبَ دَ ظَلْمُنَّ بَ تُكُنَ؞»

7سَيْ جِدْعَوْنَ يَثٜىٰ «تُواْ! سَعَدَّ يَهْوٜىٰهْ يَبَادَ ظٜىٰبَ دَ ظَلْمُنَّ أَ هَنُّونَ، ذَنْذُواْ إِنْيِ مُكُ دُوكَ دَ ڧَيُواْيِنْ دَاجِ؞»

8دَغَ ثَنْ جِدْعَوْنَ يَوُثٜىٰ ذُوَا ڢٜىٰنُوٜىٰلْ، يَضُواْڧِ مُتَنٜىٰنَّنْ كَمَرْ يَدَّ يَضُواْڧِ مُتَنٜىٰنْ سُكُّواتْ؞ مُتَنٜىٰنْ ڢٜىٰنُوٜىٰلْ سُكَ أَمْسَ مَسَ دَيْدَيْ يَدَّ مُتَنٜىٰنْ سُكُّواتْ سُكَ أَمْسَ مَسَ؞

9سَيْ يَثٜىٰ وَمُتَنٜىٰنْ ڢٜىٰنُوٜىٰلْ «سَعَدَّ نَدَاوُاْ ثِكِنْ نَصَرَا، ذَنْ رُشٜىٰ غِنِنَّنْ نَاكُ مَيْ ڟَيِ؞»

10ظٜىٰبَ دَ ظَلْمُنَّ كُوَ سُنَ غَرِنْ كَرْكُوارْ تَرٜىٰدَ سُواْجُواْجِنْسُ؞ دُكَنْ سُواْجُواْجِ نَڧَبِيلُنْ غَبَسْ، مُتُمْ وَجٜىٰنْ دُبُو غُواْمَشَا بِيَرْ كَوَيْ سُكَ رَغُ؞ سُواْجُواْجِ مَاسُ تَكُبَنْدَ عَكَ كَكَّشٜىٰ كُمَ دُبُو طَرِے طَيَ دَ عَشِرِنْ؞

11سَيْ جِدْعَوْنَ يَذَاغَيَ تَهَنْيَرْ دَ تَبِے تَغٜىٰڢٜىٰنْ دَاجِ، وَدَّ تَكٜىٰ غَبَسْ دَ نُواْبَ دَ يُواغْبٜىٰهَ، يَڢَاطَوَ سُواْجُواْجِنْ مَدْيَنَ دَ يَاڧِ تَيَدَّ بَسُيِ ڟَمَّنِبَ؞

12سَيْ سَرَاكُنَنَّنْ بِيُ ظٜىٰبَ دَ ظَلْمُنَّ نَ مَدْيَنَ سُكَ غُدُ، عَمَّا يَبِيسُ حَرْ يَكَامَسُ؞ وَنَّنْ يَسَا دُكَنْ سُواْجُواْجِنْ مَدْيَنَ سُكَ ضِكِثِے؞

13سَيْ جِدْعَوْنَ طَنْ يُواْوَشْ يَكُواْمَ دَغَ يَاڧِنْ عَتَهَنْيَرْ مَشِغِنْ هٜىٰرٜىٰسْ؞

14يَكَامَ وَنِ طَنْ سَوْرَيِ دَغَ سُكُّواتْ، يَيِ مَسَ تَمْبَيُواْيِ؞ طَنْ سَوْرَيِنْ كُوَ يَرُبُوتَ وَ جِدْعَوْنَ سُونَيٜىٰنْ شُوغَبَنِّنْ سُكُّواتْ، وَتُواْ دَتَّاوَنْ غَرِنْ؞ دُكَنْسُ مُتُمْ سَبَعِنْ دَ بَݣَويْ نٜىٰ؞

15سَيْ جِدْعَوْنَ يَتَڢِے وُرِنْ مُتَنٜىٰنْ سُكُّواتْ يَثٜىٰ مُسُ «تُواْ، غَ ظٜىٰبَ دَ ظَلْمُنَّ وَطَنْدَ كُكَيِ مِنِ بَعَ سَبُواْدَسُو، كُنَ ثٜىٰوَ ‹يَيَ ذَامُ بَ سُواْجُواْجِنْكَ مَاسُ غَاجِيَ عَبِنْثِ؟ بَكَارِغَا كَا كَامَ ظٜىٰبَ دَ ظَلْمُنَّ بَ؞› تُواْ؞ غَا سُو نَنْ!»

16سَيْ يَكَكَّامَ دَتَّاوَنْ غَرِنْ سُكُّواتْ، يَيِ مُسُ حُواْرُواْ دَ ڧَيُواْيِنْ دَاجِ؞

17جِدْعَوْنَ يَكُمَ رُشٜىٰ حَصُومِيَا تَاڢٜىٰنُوٜىٰلْ، يَكَكَّشٜىٰ مَذَنْ بِرْنِنْ؞

18سَيْ جِدْعَوْنَ يَتَمْبَيِ ظٜىٰبَ دَ ظَلْمُنَّ «وَنٜىٰ إِرِنْ مُتَنٜىٰنٜىٰ كُكَ كَشٜىٰ أَ تَبُوارْ؟» سُكَ أَمْسَ سُكَثٜىٰ «سُنْيِ كَمَ دَكَيْ، دُواْمِنْ كُواْوَنّٜىٰنْسُ كَمَرْ طَنْ سَرْكِينٜىٰ؞»

19جِدْعَوْنَ يَأَمْسَ يَثٜىٰ «سُو یَنْعُوَنَنٜىٰ، مَامَرْمُ طَيَ؞ نَا ضَنْڟٜىٰ مُكُ دَ سُونَنْ يَهْوٜىٰهْ مَيْ رَيْ دَبَدُواْمِنْ كُنْ كَشٜىٰسُبَ دَ بَذَنْ كَشٜىٰكُبَ؞»

20سَيْ يَثٜىٰ وَ يٜىٰتٜىٰرْ، طَنْسَ نَڢَرْكُواْ «كَتَاشِ كَكَشٜىٰسُ؞» عَمَّا سَوْرَيِنْ بَيْ ذَارٜىٰ تَكُواْبِنْسَبَ، غَمَا يَنَ جِنْ ڟُواْرُواْ دُواْمِنْ شِے يَرُواْ نٜىٰ؞

21سَيْ ظٜىٰبَ دَ ظَلْمُنَّ سُكَثٜىٰ وَ جِدْعَوْنَ «تَاشِ، كَذُواْ دَكَنْكَ كَكَشٜىٰمُ؞ غَمَا سَيْ مُتُمْ يَاكَيْ نَمِجِ سَعَنً ذَيْ يِ عَيْكِنْ نَمِجِ؞» سَيْ جِدْعَوْنَ يَتَاشِ يَكَشٜىٰسُ، يَكُمَ كُنْثٜىٰ كَايَنْ أَدُوانْ دَيَكٜىٰ أَوُيَنْ رَاڧُمَنْسُ؞

22بَايَنْ حَكَ، سَيْ مُتَنٜىٰنْ إِسْرَٰٓءِيلَ سُكَثٜىٰ وَ جِدْعَوْنَ «كَيِ مُلْكِنْمُ، كَيْ دَ یَیَنْكَ دَ جِيكُواْكِنْكَ، غَمَا كَاثٜىٰثٜىٰمُ دَغَ حَنُّنْ مَدْيَنَ؞»

23جِدْعَوْنَ يَأَمْسَ يَثٜىٰ «بَذَنْيِ مُلْكِنْكُبَ، طَانَ مَا بَذَيْ يِمُلْكِنْكُبَ؞ يَهْوٜىٰهْ نٜىٰ ذَيْ يِمُلْكِنْكُ؞»

24سَيْ يَثِيغَبَدَ ڢَطَا مُسُ ثٜىٰوَ «بَرِ إِنْضُواْڧٜىٰكُ أَبُ طَيَ، كُواْوَنّٜىٰنْكُ يَبَانِ یَنْ كُنّٜىٰنْدَ يَݣُوشٜىٰ أَوُرِنْ يَاڧِ؞» غَمَا مِدِيَنَاوَا سُنَسَا یَنْ كُنّٜىٰ نَظِينَارِيَ كَمَرْ يَدَّ سَوْرَنْ مُتَنٜىٰنْ غَبَسْ سُكٜىٰسَاوَ؞

25مُتَنٜىٰنْ سُكَ أَمْسَ سُكَثٜىٰ «ذَامُ بَاكَسُ دَ ڢَضٍ ثِكِ؞» نَنْ دَنَنْ سُكَ شِمْڢِطَا مَيَاڢِ، كُواْوَنّٜىٰنْسُ يَظُبَ یَنْ كُنّٜىٰنْ ظِينَارِيَرْدَ يَݣُوشٜىٰ أَوُرِنْ يَاڧِ؞

26نَوْيِنْ یَنْ كُنّٜىٰنْ ظِينَارِيَرْ دَ جِدْعَوْنَ يَكَرْٻَ يَكَيْ وَجٜىٰنْ كِلُواْ عَشِرِنْ، بَنْدَ كَايَنْ أَدُواْ دَ نَیَنْ وُيَ دَ رِيغُنَنْ جَرْ غَرُورَا وَطَنْدَ سَرَاكُنَنْ مِدِيَنَاوَا سُكٜىٰسَاوَ، بَنْدَ سَرْڧَرْ دَسُكٜىٰسَا أَوُيَنْ رَاڧُمَنْسُ؞

27جِدْعَوْنَ كُوَ يَيِ غُنْكِ دَ ظِينَارِيَرْ نَنْ، يَأَجِيٜىٰ أَغَرِنْ دَ عَكَ حَيْڢٜىٰشِ، وَتُواْ عُواڢْرَ؞ دُكَنْ مُتَنٜىٰنْ إِسْرَٰٓءِيلَ كُوَ سُكَيِ وَ يَهْوٜىٰهْ رَشِنْ أَمِنْثِ، سُكَيِ كَارُوَنْثِ تَوُرِنْيِ وَغُنْكِنَّنْ سُجَّدَ؞ وَنَّنْ يَذَمَ تَرْكُواْ غَ جِدْعَوْنَ دَ عِيَلِنْسَ؞

28تَهَكَ مُتَنٜىٰنْ إِسْرَٰٓءِيلَ سُكَثِ نَصَرَا عَكَنْ مِدِيَنَاوَا، بَسُ سَاكٜىٰ ڢَاطَوَ إِسْرَٰٓءِيلَ دَ يَاڧِبَ؞ ڧَسَرْ كُوَ تَسَامِ هُوتُ شٜىٰكَرَا أَرْبَعِنْ عَݣُونَكِنْ جِدْعَوْنَ؞

29جِدْعَوْنَ طَنْ يُواْوَشْ يَكُواْمَ غِدَنْسَ يَذَوْنَ؞

30يَنَ دَ یَیَ مَظَا سَبَعِنْ غَمَا يَنَدَ مَاتَادَيَوَ؞

31يَنَ كُمَ دَ مَثٜىٰنْ دَ يَأَجِيٜىٰ أَ شٜىٰكٜىٰمْ، وَدَّ تَحَيْڢَ مَسَ طَا، يَسَا مَسَ سُونَ أَبِمٜىٰلٜىٰكْ؞

32جِدْعَوْنَ طَنْ يُواْوَشْ يَمُتُ ثِكِنْ ڟُوڢَ سُواْسَيْ؞ عَكَ بِنّٜىٰشِ عَكَبَرِنْ بَابَنْسَ يُواْوَشْ عَ عُواڢْرَ، نَدَنْ‌غِنْ أَبِيٜىٰظٜىٰرْ؞

33بَادَ دَطٜىٰوَبَ بَايَنْ مُتُوَرْ جِدْعَوْنَ، سَيْ مُتَنٜىٰنْ إِسْرَٰٓءِيلَ سُكَسَاكٜىٰ كُواْمَاوَا غَ يِنْ رَشِنْ أَمِنْثِ غَ اللَّهْ ، سُكَ شِغَيِ وَ بَعَلْ سُجَّدَ؞ سُكَ مَيْدَ بَعَلْ نَيَرْجٜىٰجٜىٰنِيَ يَذَمَ اللَّهْ‌نْسُ؞

34سُكَ دَيْنَ بَوْتَاوَ يَهْوٜىٰهْ اللَّهْ نْسُ، وَنْدَ يَثٜىٰثٜىٰسُ دَغَ دُكَنْ أَبُواْكَنْ غَابَنْسُ وَطَنْدَ سُكٜىٰ كٜىٰوَيٜىٰ دَسُو؞

35بَسُ كُوَ نُونَاوَ عِيَلِنْ يٜىٰرُبَّعَلْ، وَتُواْ جِدْعَوْنَ أَلْحٜىٰرِبَ، سَبُواْدَ دُكَنْ أَلْحٜىٰرِنْدَ دَا يَيِ وَجَمَعَرْ إِسْرَٰٓءِيلَ؞

← Chapter 7 Jump to: Chapter 9 →