Judges 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1وَطَنَّنْ سُونٜىٰ أَلْعُمَّنْ دَ يَهْوٜىٰهْ يَبَرِ دُواْمِنْ يَڠُودَ مُتَنٜىٰنْ إِسْرَٰٓءِيلَ، وَطَنْدَ بَسُ تَٻَ سَنِنْ يَاڧِ أَ كَنْعَنَ بَ؞

2يَيِ حَكَنٜىٰ دُواْمِنْ يَكُواْيَ وَكُواْوَثٜىٰ ڟَارَرْ دَتَكٜىٰ تَاشِ تَیَیَنْ إِسْرَٰٓءِيلَ يَاڧِ، مُسَمَّنْ وَطَنْدَ دَا بَسُ سَنْ كُواْمٜىٰ غَمٜىٰدَ يَاڧِبَ؞

3وَطَنَّنْ دَ سُكَ ضَغٜىٰ عَثِكِنْ ڧَسَرْ سُونٜىٰ سَرَاكُنَ بِيَرْ نَ ڢِلِسْتِيَاوَا دَ دُكَنْ كَنْعَنِيَاوَا دَ سِدُواْنِيَاوَا دَ هِوِيَاوَنْ دَسُكٜىٰ ظَوْنٜىٰ أَ مَنْيَنْ تُدَّنْ لٜىٰبَنُوانْ، تُنْدَغَ بَبَّنْ تُدُنْ بَعَلْ هَرْمُوانْ حَرْ ذُوَا مَشِغِنْ يَنْكِنْ هَمَتْ؞

4عَكَ بَرْسُ دُواْمِنْ أَڠُودَ مُتَنٜىٰنْ إِسْرَٰٓءِيلَ أَغَنِ، كُواْ ذَاسُ كِيَايٜىٰ عُمَرْنَنْ يَهْوٜىٰهْ ، وَطَنْدَ يَبَا كَاكَنِّنْسُ تَبَاكِنْ مُوسَٰى؞

5سَبُواْدَ حَكَ مُتَنٜىٰنْ إِسْرَٰٓءِيلَ سُكَ ذَوْنَ تَرٜىٰدَ كَنْعَنِيَاوَا دَ هِتِّيَاوَا دَ أَمُواْرِيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا؞

6إِسْرَٰٓءِيلَاوَا سُكَ عَوْرِ یَیَنْسُ مَتَ، حَكَ سُو مَا سُكَ بَادَ یَیَنْسُ عَوْرٜىٰ غَ یَیَ مَظَا نَ إِسْرَٰٓءِيلَ، إِسْرَٰٓءِيلَاوَا كُوَ سُكَ بَوْتَاوَ أَلُّواْلِنْ ڧَبِيلُنَّنْ؞

7مُتَنٜىٰنْ إِسْرَٰٓءِيلَ كُوَ سُكَيِ أَبِنْدَ يَكٜىٰ مُوغُ أَعِدُوانْ يَهْوٜىٰهْ ، سُكَ مَنْتَادَ يَهْوٜىٰهْ اللَّهْ نْسُ، سُكَيِ وَ أَلُّواْلِنَّنْ بَعَلْ دَ عَشْتُواْرٜىٰتْ سُجَّدَ؞

8دُواْمِنْ حَكَ يَهْوٜىٰهْ يَيِ ڢُشِے دَ مُتَنٜىٰنْ إِسْرَٰٓءِيلَ سُواْسَيْ، يَبَاشٜىٰسُ أَ حَنُّنْ سَرْكِے كُشَنْ رِشَتَيِمْ نَ مٜىٰسُواْڢُواْتَمِيَ؞ مُتَنٜىٰنْ إِسْرَٰٓءِيلَ كُوَ سُكَ بَوْتَا مَسَ شٜىٰكَرَا تَݣُوسْ؞

9عَمَّا سَعَدَّ إِسْرَٰٓءِيلَاوَا سُكَيِ كُوكَا غَ يَهْوٜىٰهْ ، سَيْ يَهْوٜىٰهْ يَبَاسُ وَنْدَ ذَيْثٜىٰثٜىٰسُ، وَتُواْ عُواتْنِيٜىٰلْ، طَنْ كٜىٰنَظْ، ڧَنٜىٰنْ كَلٜىٰبْ؞

10رُوحٌ يَهْوٜىٰهْ يَسَوْكُواْ مَسَ، دُواْمِنْ يَذَمَ شُوغَبَنْدَ ذَيْ جَغُواْرَنْثِ إِسْرَٰٓءِيلَاوَا؞ عُواتْنِيٜىٰلْ يَجٜىٰ يَيِ يَاڧِ دَ سَرْكِے كُشَنْ رِشَتَيِمْ نَ مٜىٰسُواْڢُواْتَمِيَ، يَهْوٜىٰهْ كُوَ يَبَادَ سَرْكِنْ أَ حَنُّنْ عُواتْنِيٜىٰلْ، يَثِ نَصَرَا عَكَنْ سَرْكِنْ؞

11ڧَسَرْ كُوَ تَسَامِ هُوتُ شٜىٰكَرَا أَرْبَعِنْ، حَرْ سَيْ دَ عُواتْنِيٜىٰلْ طَنْ كٜىٰنَظْ يَمُتُ؞

12مُتَنٜىٰنْ إِسْرَٰٓءِيلَ كُمَ سُكَسَاكٜىٰيِنْ أَبِنْدَ يَكٜىٰ مُوغُ أَعِدُوانْ يَهْوٜىٰهْ ؞ سَيْ يَهْوٜىٰهْ يَسَا سَرْكِے عٜىٰغْلُوانْ نَ مُواْوَبْ يَيِ ڧَرْڢِے دُواْمِنْ يَيِ غَابَادَسُو، سَبُواْدَ سُنْيِ أَبِنْدَ يَكٜىٰ مُوغُ؞

13عٜىٰغْلُوانْ يَكِرَا أَمُّواْنَاوَا دَ أَمَلٜىٰكَاوَا سُهَطَكَيْ دَشِ، سَيْ يَجٜىٰ يَثِ إِسْرَٰٓءِيلَاوَا دَ يَاڧِ، يَمَلَّكِ بِرْنِنْ دَبِينُواْ، وَتُواْ يٜىٰرِكُواْ؞

14مُتَنٜىٰنْ إِسْرَٰٓءِيلَ سُكَ بَوْتَاوَ سَرْكِے عٜىٰغْلُوانْ نَ مُواْوَبْ شٜىٰكَرَا غُواْمَشَا تَݣُوسْ؞

15عَمَّا سَعَدَّ مُتَنٜىٰنْ إِسْرَٰٓءِيلَ سُكَيِ كُوكَا غَ يَهْوٜىٰهْ ، سَيْ يَهْوٜىٰهْ يَبَاسُ وَنْدَ ذَيْثٜىٰثٜىٰسُ، وَتُواْ عٜىٰهُدْ طَنْ غٜىٰرَ دَغَ ذُرِيَرْ بِلِيَامِنُ، شِيكُوَ مَيْ عَيْكِ دَ حَنُّنْ هَغُ نٜىٰ؞ مُتَنٜىٰنْ إِسْرَٰٓءِيلَ كُوَ سُكَ عَيْكَ وَ سَرْكِے عٜىٰغْلُوانْ نَ مُواْوَبْ دَ ݣَوْتَيْ تَهَنُّنْ عٜىٰهُدْ؞

16كَاڢِنْ يَتَاشِ، سَيْ عٜىٰهُدْ يَڧٜىٰرَ وَنِ تَكُواْبِے مَيْثِ غٜىٰڢٜىٰ بِيُ، ڟَوُانْسَ كُوَ يَا كَيْ ڧَڢَا طَيَ دَ رَبِے؞ سَيْ يَطَوْرَا تَكُواْبِنْ عَثِنْيَرْسَ تَدَمَ، يَرُڢٜىٰ دَ دُواْغُوَرْ رِغَرْسَ؞

17سَعَنً يَطَوْكِ ݣَوْتَنْ يَكَيْ وَ سَرْكِے عٜىٰغْلُوانْ نَ مُواْوَبْ؞ عٜىٰغْلُوانْ كُوَ مَيْ ڧِبَنٜىٰ سُواْسَيْ؞

18دَ عٜىٰهُدْ يَمِيڧَ مَسَ ݣَوْتَنْ، سَيْ يَسَلَّمِ مُتَنٜىٰنْ دَ سُكَ تَيَ شِ سُكَ طَوْكُواْ ݣَوْتَنْ؞

19عَمَّا عٜىٰهُدْ دَ كَنْسَ يَجُويَ وَجٜىٰنْ دُووَڟُنْ دَ عَكَ سَسَّڧَ نَكُسَدَ غِلْغَلْ، يَكُواْمَ وُرِنْ عٜىٰغْلُوانْ يَثٜىٰ «رَنْكَيَدَطٜىٰ! يَا سَرْكِے، إِنَدَ سَڧُواْ نَأَسِيرِ دُواْمِنْكَ؞» سَيْ سَرْكِے يَثٜىٰ مَسَ «يِشِضُ!» يَجُويَ غَ دَتَّاوَنْسَ يَثٜىٰ «كُبَامُ وُرِے!» دُكَنْسُ كُوَ سُكَ ڢِتَ سُكَ بَرْسُ؞

20عٜىٰهُدْ كُوَ يَجٜىٰ وُرِنْ سَرْكِنْ أَطَاكِنْسَ مَيْ سَنْيِ أَ رُڢِنْ غِدَنْ، عِنْدَ سَرْكِے يَنَ ظَوْنٜىٰ شِ كَطَيْ؞ سَيْ عٜىٰهُدْ يَثٜىٰ «إِنَدَ سَڧُواْ دَغَ وُرِنْ اللَّهْ ذُوَا غَرٜىٰكَ!» سَرْكِنْ كُوَ يَمِيڧٜىٰ ڟَيٜىٰ دَغَ عِنْدَ يَكٜىٰ ظَوْنٜىٰ؞

21سَيْ عٜىٰهُدْ يَسَا حَنُّنْ هَغُنْسَ، يَظَرُواْ تَكُواْبِنْدَ يَطَوْرَا أَوَجٜىٰنْ ثِنْيَرْسَ نَدَمَ، يَسُواْكِ سَرْكِے عَثِكِ؞

22تَكُواْبِنْ يَشِغَ دُكْ دَ ڧُواْتَرْ، كِڟٜىٰ يَرُڢٜىٰ ڧَرْڢٜىٰنْ تَكُواْبِنْ؞ عٜىٰهُدْ بَيْ ثِرٜىٰ تَكُواْبِنْ دَغَ ثِكِنْ سَرْكِنْبَ، كِڟٜىٰ كُمَ يَرُڢٜىٰشِ غَبَاطَيَ؞

23سَيْ عٜىٰهُدْ يَڢِتَ، يَرُرُّڢٜىٰ ڧُواْڢُواْڢِنْ طَاكِنْ يَكُكُّلّٜىٰسُ؞

24بَايَنْدَ يَتَڢِے دَتَّاوَنْ سُكَذُواْ سُكَ تَرَرْ دَ ڧُواْڢُواْڢِنْ طَاكِنْ سُنَ عَكُلّٜىٰ؞ سُكَيِ ڟَمَّنِ كُواْ سَرْكِے يَنَ بَايَنْ غِدَانٜىٰ؞

25سُكَيِ تَجِرَا حَرْ سُكَ غَجِ؞ دَ سُكَغَ دَيْ بَيْبُوطٜىٰ ڧُواْڢَرْبَ، سَيْ سُكَ طَوْكِ مَبُوطِ سُكَ بُوطٜىٰ؞ سَيْغَا عُبَنْ‌غِجِنْسُ عَݣُونْثٜىٰ عَڧَسَا غَاوَا؞

26سَعَدَّ سُكٜىٰ ڢَامَرْ جِرَا، عٜىٰهُدْ كُوَ يَا رِغَا يَا غُدُ، يَبِے تَ دُووَڟُنَّنْ دَ عَكَ سَسَّڧَ ذُوَا سٜىٰيِرَ؞

27دَ يَ إِسَ ثَنْ ثِكِنْ يَنْكِنْ تُدَّيْ نَ إِڢْرَيِمْ، يَبُوسَ ڧَهُوانْ كِرَا مُتَنٜىٰنْ إِسْرَٰٓءِيلَ ذُوَا يَاڧِ؞ سَعَنً يَشُوغَبَنْثٜىٰسُ سُكَ غَنْ‌غَرَ تَرٜىٰدَشِ دَغَ يَنْكِنْ تُدَّيْ؞

28يَثٜىٰ مُسُ «كُبِيُواْ نِے! غَمَا يَهْوٜىٰهْ يَا بَادَ أَبُواْكَنْ غَابَنْكُ مُواْوَبَاوَا أَ حَنُّنْكُ؞» سَيْ سُكَ غَنْ‌غَرَ تَرٜىٰ دَشِ، سُكَ ڨُوثٜىٰ وُرَارٜىٰنْ دَ مُواْوَبَاوَا سُكٜىٰبِے سُڧٜىٰتَرٜىٰ كُواْغِنْ يُواْدَنْ؞ بَسُبَرْ وَنِ يَڧٜىٰتَرٜىٰبَ؞

29أَوَنَّنْ لُواْكَثِ نٜىٰ، سُكَ كَكَّشٜىٰ سُواْجُواْجِنْ مُواْوَبْ مَڢِيَ عِيَ يَاڧِ، مُتُمْ وَجٜىٰنْ دُبُو غُواْمَ؞ بَابُوَنْدَ يَڟِيرَا؞

30أَ رَانَرْ نَنْ مُتَنٜىٰنْ إِسْرَٰٓءِيلَ سُكَثِ مُواْوَبَاوَا دَ يَاڧِ؞ ڧَسَرْ كُوَ تَسَامِ هُوتُ شٜىٰكَرَا تَمَٰنِنْ؞

31بَايَنْ عٜىٰهُدْ كُمَ، سَيْ شَمْغَرْ طَنْ أَنَتْ؞ شِمَا يَثٜىٰثِ مُتَنٜىٰنْ إِسْرَٰٓءِيلَ؞ يَكَشٜىٰ ڢِلِسْتِيَاوَا طَرِے شِدَ دَ ڧَرَمِنْ سَنْدَا نَكُواْرَرْ شَانُنْ نُواْمَ؞

← Chapter 2 Jump to: Chapter 4 →