Judges 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1أَوَنَّنْ رَانَ دٜىٰبُواْرَ دَ بَرَكْ طَنْ أَبِنُواْوَمْ سُكَ رٜىٰرَ وَنَّنْ وَاڧَا،

2«يَبُواْ يَتَبَّتَا غَ يَهْوٜىٰهْ! دَ شُوغَبَنِّ سُنْ طَوْكِ مَڟَيِنْسُ عَثِكِنْ إِسْرَٰٓءِيلَ، مُتَنٜىٰنْ إِسْرَٰٓءِيلَ سُكَ بَادَ كَنْسُ دَ يَرْدَرْ رَنْسُ؞

3«كُكَسَ كُنّٜىٰنْكُ، يَا كُو سَرَاكُنَ! كُجِ ڢَا، يَا كُو مَاسُ مُلْكِ! ذَنْ رٜىٰرَ وَاڧَا غَ يَهْوٜىٰهْ ، إِنْ رٜىٰرَ وَاڧَرْ يَبُواْ غَ يَهْوٜىٰهْ اللَّهْ نَ إِسْرَٰٓءِيلَ؞

4«يَا يَهْوٜىٰهْ ، سَعَدَّ كَبَرْ يَنْكِنْ سٜىٰيِرْ، دَ كَڢِتُواْ دَغَ يَنْكِنْ عٜىٰدُوامْ، ڧَسَا تَغِرْغِظَ، ضُوَ يَظُبُواْ دَغَ سَمَ، عِ، غِذَغِظَيْ سُكَ ظُبَرْدَ ضُوَ؞

5مَنْيَنْ تُدَّيْ سُكَ غِرْغِظَ دَ ذُوَانْ يَهْوٜىٰهْ نَ سِنَيْ، دَ ذُوَانْ يَهْوٜىٰهْ ، اللَّهْ نَ إِسْرَٰٓءِيلَ؞

6«أَ زَامَانِنْ شَمْغَرْ طَنْ أَنَتْ، عَݣُونَكِنْ يَيٜىٰلْ، أَنْدَيْنَ بِنْ هَنْيُواْيِ مَاسُ ݣَوْ، مَاسُ تَڢِيَ سُكَنْ شِغَ بِنْ ڧأَنَانً هَنْيُواْيِنْ دَاجِ؞

7غَرُضُوً إِسْرَٰٓءِيلَ سُكَ ذَمَ كُڢَيْ بَابُ مَاسُ نُواْمَ أَ ڢِيلِ، سَيْ لُواْكَثِنْ دَ نِے دٜىٰبُواْرَ نَتَاشِ، نَتَاشِ كَمَرْ مَامَا غَ إِسْرَٰٓءِيلَ؞

8دَ إِسْرَٰٓءِيلَاوَا سُكَ ذَاٻِ سَابَبِّنْ أَلُّواْلِ، سَيْغَا يَاڧِ عَڧُواْڢَرْ بِرْنِنْسُ؞ بَابُ كُمَ مَيْ غَرْكُوَ كُواْ مَاشِ، عَثِكِنْ مُتُمْ دُبُو أَرْبَعِنْ نَ إِسْرَٰٓءِيلَ؞

9ذُوثِيَاتَ تَنَ وَجٜىٰنْ شُوغَبَنِّنْ يَاڧِنْ إِسْرَٰٓءِيلَ، دَ مُتَنٜىٰ مَاسُ بَادَ كَنْسُ دَ يَرْدَرْ رَيْ؞ يَبُواْ يَتَبَّتَا غَ يَهْوٜىٰهْ!

10«دُكَنْكُ كُبَادَ لَابَرِنْ، كُو دَ كُكٜىٰ هَوَنْ ڢَرَرٜىٰنْ جَاكُنَ، كُو دَ كُكٜىٰ ظَوْنٜىٰ أَ شِمْڢِطُ مَاسُ ڟَادَ، كُو دَ دُواْلٜىٰ كُكٜىٰ تَڢِيَ دَ ڧَڢَا؞

11كُكَسَ كُنّٜىٰ! غَا مُرْيَرْ مَوَاڧَ عَبَاكِنْ رِجِيُواْيِ سُنَ بَادَ لَابَرِنْ نَصَرَرْ يَهْوٜىٰهْ ، دَ نَصَرَرْ مُتَنٜىٰنْسَ إِسْرَٰٓءِيلَ! «سَيْ مُتَنٜىٰنْ يَهْوٜىٰهْ سُكَ غَنْ‌غَرَ ذُوَا وُرِنْ ڧُواْڢُواْڢِنْ بِرْنِنْسُ سُكَثٜىٰ،

12‹كِتَاشِ، يَا كٜىٰ دٜىٰبُواْرَ، كِتَاشِ! كِتَاشِ! كِرٜىٰرَ وَاڧَا، كِتَاشِ؞ كَتَاشِ، يَا كَيْ بَرَكْ! كَامَ مَاسُ كَامَكَ، يَا طَنْ أَبِنُواْوَمْ؞›

13«سَعَنً مَاسُ أَمِنْثِنْ دَسُكَ ضَغٜىٰ سُكَ غَنْ‌غَرُواْ وُرِنْ شُوغَبَنِّنْسُ، مُتَنٜىٰنْ يَهْوٜىٰهْ سُكَ غَنْ‌غَرُواْ أَوُرِينَ أَشِرْيٜىٰ دُواْمِنْ يَاڧِ؞

14دَغَ إِڢْرَيِمْ سُكَ غَنْ‌غَرُواْ ذُوَا ݣُورِ، تَرٜىٰدَ ذُرِيَرْ بِلِيَامِنُ دَ مُتَنٜىٰنْتَ؞ دَغَ مَكِرْ شُوغَبَنِّنْ سُواْجُواْجِ سُكَ غَنْ‌غَرُواْ، مَنْيَنْ سُواْجُواْجِ سُكَذُواْ دَغَ ظٜىٰبُلُنْ؞

15شُوغَبَنِّنْ إِسَّكَرْ سُنَ تَرٜىٰدَ دٜىٰبُواْرَ، عِ، إِسَّكَرْ مَاسُ أَمِنْثِ سُنْ ذُواْ غَ بَرَكْ، أَغُجٜىٰ سُكَبِے بَايَنْسَ ذُوَا ثِكِنْ ݣُورِ؞ عَمَّا ذُرِيَرْ رَعُبَيْنُ تَ رَرَّبُ بَسُ يَنْكٜىٰ شَوَرَا سُذُوابَ؞

16دُوانْمٜىٰ سُكَ ڟَيَ دَغَ بَايَ تَرٜىٰدَ تُمَكِ؟ دُوانْ سُجِ بُوسَ نَكِرَنْ غَرْكُنَنْ نٜىٰ؟ عِ، ذُرِيَرْ رَعُبَيْنُ تَرَرَّبُ، بَسُ يَنْكٜىٰ شَوَرَا سُذُوابَ؞

17ذُرِيَرْ غَدْ تَڟَيَ أَغَبَشِنْ يُواْدَنْ؞ ذُرِيَرْ دَنْ كُمَ، دُوانْمٜىٰ تَڟَيَ دَ جِضَاغٜىٰنْ ضُوَ؟ ذُرِيَرْ أَشٜىٰرْ تَذَوْنَ عَبَاكِنْ تٜىٰكُ، سُنْ ذَوْنَ عَتَشَرْ جِضْغٍ ضُوَ؞

18مُتَنٜىٰنْ ظٜىٰبُلُنْ سُكَ سَدَوْكَرْ دَ رَنْسُ، حَكَمَا مُتَنٜىٰنْ نَڢْتَلِ أَ ڢِيلِنْ يَاڧِ؞

19«أَ تَعَنَكْ وَجٜىٰنْ رَاڢِنْ مٜىٰغِدُّواْ، سَرَاكُنَ سُكَذُواْ سُكَيِ يَاڧِ؞ سَرَاكُنَنْ كَنْعَنِيَاوَا سُكَيِ يَاڧِ، عَمَّا بَسُ ݣُوشِ أَظُرْڢَابَ؞

20دَغَ سَمَ، تَوْرَرِ سُنْيِ يَاڧِ، ثِكِنْ هَنْيُواْيِنْسُ أَسَرَرِنْ سَمَ، سُنْيِ يَاڧِ دَ سِسٜىٰرَ؞

21أَمْبَلِيَرْ ضُوً كِشُوانْ تَݣُوشٜىٰسُ، وَتُواْ ڟُواْهُوانْ كُواْغِنَّنْ نَ كِشُوانْ؞ «يَرَيْنَ، يِغَبَ، دَ ڧَرْڢِنْ ذُوثِيَا، يِغَبَ!

22«سَيْ دَوَكِنْ سِسٜىٰرَ سُنَ غُدُ، أَنَ جِنْ ڧَارَرْ تَاكَاوَرْ تَڢِنْ ڧَڢَرْسُ عَڧَسَا؞

23«مَلاَىِٕكَنْ يَهْوٜىٰهْ يَثٜىٰ، ‹كَلَعَنْتَ غَرِنْ مٜىٰرُواظْ، كَلَعَنْتَ مَذَوْنَنْتَ دَ ذَاڢِ؞ غَمَا بَسُ ذُواْ تَيْمَكُوانْ يَهْوٜىٰهْ بَ، بَسُ ذُواْ سُيَاڧِ مَاسُ غَابَادَشِيبَ؞›

24«مَڢِے أَلْبَرْكَثٜىٰ ثِكِنْ مَاتَا، يَيٜىٰلْ، مَاتَرْ هٜىٰبٜىٰرْ مُتُمِنْ كٜىٰنِ، وَدَّ تَڢِے كُواْوَ أَلْبَرْكَ ثِكِنْ مَاتَا مَاسُ ذَمَ عَتٜىٰنْتُنَ؞

25سِسٜىٰرَ يَضُواْڧِ ضُوً شَا، سَيْ تَبَاشِ مَدَرَ؞ ثِكِنْ ڨُورْيَ مَيْݣَوْ، تَكَٰوُاْ مَسَ كِنْدِرْمُواْ؞

26تَمِيڧَ حَنُّنْتَ تَطَوْكِ ڧُوسَرْ تٜىٰنْتِ، دَ دَامَنْتَ تَرِڧٜىٰ غُدُمَ، تَبُغِ سِسٜىٰرَ، تَڢَشٜىٰ كَنْسَ، تَهُودَ ڧَشِنْ كَنْسَ؞

27عَڧَڢَاڢُنْتَ نُمْڢَشِنْسَ يَڧَارٜىٰ، يَڢَاطِ ڧَسَا، أَوُرِنْ يَݣُونْتَ؞ عَڧَڢَاڢُنْتَ نُمْڢَشِنْسَ يَڧَارٜىٰ، أَوُرِنْ نٜىٰ يَڢَاطِ مَتَثّٜىٰ؞

28«مَامَرْ سِسٜىٰرَ تَا لٜىٰڧَ تَتَغَ تَا دُوبَ تَتَغَ تَيِ كُوكَا، تَثٜىٰ، ‹دُوانْمٜىٰ كٜىٰكٜىٰنْ دُواْكِنْسَ يَدَطٜىٰ بَيْ ذُوابَ؟ دُوانْمٜىٰ دَوَكِنْسَ بَسُ دَاوُاْ دَوُرِبَ؟›

29یَنْ مَاتَنْتَ مَڢِے حِكِمَ سُكَ أَمْسَ مَتَ، عِ، عِتَ دَكَنْتَ تَنَانَتَ ثٜىٰوَ

30‹سُنَ نٜىٰمَنْ كَايَنْ دَ ذَاسُ رَبَ، كَايَنْ دَ عَكَ ڨُوثٜىٰ عَيَاڧِنٜىٰ، يَارِنْيَ طَيَ كُواْ بِيُ دُواْمِنْ كُواْوَنٜىٰ سُواْجَ، رِيغُنَ مَاسُ أَدُواْ دُواْمِنْ سِسٜىٰرَ، كَايَنْ سَا وَمَاسُ ݣَوْ نَأَدُواْ كَايَنْ سَرَوْنِيَ دُواْمِنْ إِنْسَا؞›

31«يَا يَهْوٜىٰهْ! كَمَرْ سِسٜىٰرَ، بَرِ دُكَنْ مَاسُ غَابَنْكَ سُهَلَّكَ! عَمَّا بَرِ مَاسُ ڧَوْنَرْكَ سُحَصْكَكَ كَمَرْ ڢِتُواْوَرْ رَانَ!» بَايَنْ حَكَ ڧَسَرْ تَسَامِ هُوتُ شٜىٰكَرَا أَرْبَعِنْ؞

← Chapter 4 Jump to: Chapter 6 →