Judges 9

Hausa Arabic 2020 (أَتَّوْرَتْ دَ أَنَّبَاوَا)

1وَتَرَانَ أَبِمٜىٰلٜىٰكْ طَنْ يٜىٰرُبَّعَلْ، وَتُواْ جِدْعَوْنَ، يَتَڢِے شٜىٰكٜىٰمْ، عِنْدَ دَنْ‌غِنْ مَامَرْسَ سُكٜىٰ ذَمَ، يَثٜىٰ مُسُ،

2«إِنَ ضُواْڧُوانْكُ، كُيِ مَغَنَ دَ شُوغَبَنِّنْ شٜىٰكٜىٰمْ، كُثٜىٰ مُسُ، ‹مٜىٰ يَڢِ مُكُ ݣَوْ، عَثٜىٰ دُكَنْ یَیَنْ جِدْعَوْنَ غُدَا سَبَعِنْ طِنَّنْ سُيِ مُلْكِنْكُ، كُواْ كُوَ عَثٜىٰ مُتُمْ طَيَ يَيِ مُلْكِنْكُ؟› عَمَّا كُتُنَ ڢَا نِے نَامَنْكُ دَ جِنِنْكُ نٜىٰ؞»

3سَيْ یَنْعُوَنْ مَامَرْ أَبِمٜىٰلٜىٰكْ سُكَ ڢَطِ دُكَنْ مَغَنَرْ نَنْ غَ شُوغَبَنِّنْ شٜىٰكٜىٰمْ غَمٜىٰدَشِ؞ سَيْ ذُوثِيَارْ شُوغَبَنِّنْ تَكُواْمَ غَ أَبِمٜىٰلٜىٰكْ سُكَثٜىٰ «أَيْ، شِ طَنْعُوَنْمُ نٜىٰ؞»

4سُكَ بَاشِ أَظُرْڢَا سَبَعِنْ دَغَ ثِكِنْ غِدَنْ غُنْكِنَّنْ بَعَلْ نَيَرْجٜىٰجٜىٰنِيَ؞ دَ وَنَّنْ كُطِنْ أَبِمٜىٰلٜىٰكْ يَيِ هَيَرْ یَنْ إِسْكَ، سُو كُوَ سُكَبِيشِ؞

5يَتَڢِے غِدَنْ بَابَنْسَ عَ عُواڢْرَ؞ أَوُرِنْ يَكَكَّشٜىٰ یَنْعُوَنْسَ یَیَنْ جِدْعَوْنَ دُكَ، مَظَا سَبَعِنْ عَكَنْ وَنِ دُوڟٜىٰ؞ عَمَّا يُواْتَمْ أَوْتَنْ یَیَنْ جِدْعَوْنَ نٜىٰ كَطَيْ بَعَكَشٜىٰبَ غَمَا يَا غُدُ يَٻُيَ؞

6سَيْ دُكَنْ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ سُكَ تَتَّارُ وَجٜىٰنْ بَبَّنْ إِتَاثٜىٰنْ ڟَاڢِ أَ شٜىٰكٜىٰمْ، أَوُرِنْ نٜىٰ سُكَ نَطَ أَبِمٜىٰلٜىٰكْ سَرْكِے؞

7سَعَدَّ يُواْتَمْ يَجِ وَنَّنْ، سَيْ يَتَڢِے، يَڟَيَ عَكَنْ بَبَّنْ تُدُنْ غٜىٰرِظِمْ، يَيِ كِرَا دَ بَبَّرْ مُرْيَ يَثٜىٰ مُسُ «كُسَوْرَرَتَ، يَا كُو شُوغَبَنِّنْ شٜىٰكٜىٰمْ، دُواْمِنْ كُمَ اللَّهْ يَسَوْرَرٜىٰكُ؞

8«أَنَانً وَتَرَانَ عِتَتُوَ سُكَ تَتَّارُ دُواْمِنْ سُنَطَ وَكَنْسُ سَرْكِے؞ سَيْ سُكَثٜىٰ وَ إِتَاثٜىٰنْ ظَيْتُنْ، ‹كَيْ كَذُواْ كَذَمَ سَرْكِنْمُ؞›

9«عَمَّا إِتَاثٜىٰنْ ظَيْتُنْ يَأَمْسَ مُسُ يَثٜىٰ، ‹مَيْنَ يَنَ غِرْمَمَ أَلُّواْلِ دَ مُتَنٜىٰ؞ إِنْ دَيْنَ بَادَ مَيْ دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›

10«سَيْ عِتَتُوَنْ سُكَثٜىٰ وَ إِتَاثٜىٰنْ ٻَوْرٜىٰ، ‹كَيْ كَذُواْ كَذَمَ سَرْكِنْمُ؞›

11«عَمَّا إِتَاثٜىٰنْ ٻَوْرٜىٰ يَأَمْسَ مُسُ يَثٜىٰ، ‹یَیَنَ سُنَدَ ݣَوْ، سُنَدَ ذَاڧِ؞ إِنْ دَيْنَ بَادَ یَیَ دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›

12«سَيْ عِتَتُوَنْ سُكَثٜىٰ وَ إِتَاثٜىٰنْ إِنَبِے، ‹كَيْ كَذُواْ كَذَمَ سَرْكِنْمُ؞›

13«عَمَّا إِتَاثٜىٰنْ إِنَبِنْ يَأَمْسَ مُسُ يَثٜىٰ، ‹ضُوً إِنَبِنَ يَنَسَا أَلُّواْلِ دَ مُتَنٜىٰ ڢَضٍ ثِكِ؞ إِنْ دَيْنَ بَادَ ضُوً إِنَبِے دُواْمِنْ إِنْ تَڢِے إِنْيِ تَڢَامَ دَ عِتَتُوَ؟›

14«عَڧَرْشٜىٰ، سَيْ دُكَنْ عِتَتُوَنْ سُكَثٜىٰ وَ إِتَاثٜىٰنْ ڧَيَ نَدَاجِ، ‹كَيْ كَذُواْ كَذَمَ سَرْكِنْمُ؞›

15«إِتَاثٜىٰنْ ڧَيَ يَأَمْسَ مُسُ يَثٜىٰ، ‹عِدَنْ دَ غَسْكٜىٰ نٜىٰ كُكٜىٰسُواْ كُنَطَنِ سَرْكِنْكُ، سَيْ كُذُواْ كُذَوْنَ عَثِكِنْ إِنُوَتَ؞ عَمَّا عِدَنْ ڧَضْيَا كُكٜىٰيِ مِنِ، بَرِ وُتَا تَڢِتُواْ دَغَ رَسَّنْ إِتَاثٜىٰنْ ڧَيَ تَثِنْيٜىٰ عِتَتُوَنْ لٜىٰبَنُوانْ؞›

16«يَنْذُ، كُنْ تَبَّتَرْ كُنْيِ غَسْكِيَ كُمَ كُنْيِ دَيْدَيْ دَ كُكَ نَطَ أَبِمٜىٰلٜىٰكْ يَذَمَ سَرْكِنْكُ؟ كُنْيِ وَ يٜىٰرُبَّعَلْ دَ عِيَلِنْسَ كِرْكِ كٜىٰنَنْ؟ كُواْ وَنَّنْ شِينٜىٰ سَكَمَكُوانْ عَيْكِنْسَ؟

17كُتُنَ ڢَا بَابَنَ يَيِ يَاڧِ دُواْمِنْكُ؞ يَسَدَوْكَرْ دَ رَنْسَ دُواْمِنْ يَثٜىٰثٜىٰكُ دَغَ حَنُّنْ مِدِيَنَاوَا؞

18عَمَّا غَاشِ، يَوْ كُنْ جُويَا كُنَ غَابَادَ غِدَنْ بَابَنَ؞ كُكَ كَكَّشٜىٰ یَیَنْسَ مَظَا سَبَعِنْ عَكَنْ دُوڟٜىٰ طَيَ؞ كُكَ نَطَ طَنْسَ أَبِمٜىٰلٜىٰكْ وَدَّ مَاتَرْ دَ يَأَجِيٜىٰ ثٜىٰ تَحَيْڢٜىٰشِ يَذَمَ سَرْكِنْ شٜىٰكٜىٰمْ، دُواْمِنْ كَوَيْ شِے طَنْعُوَنْكُ نٜىٰ؞

19يَنْذُ، عِدَنْ أَبِنْدَ كُكَيِ وَ جِدْعَوْنَ دَ عِيَلِنْسَ دَيْدَيْنٜىٰ، تُواْ، سَيْ كُيِ ڢَضٍ ثِكِ تَرٜىٰدَ أَبِمٜىٰلٜىٰكْ، بَرِ شِيكُمَ يَيِ ڢَضٍ ثِكِ تَرٜىٰدَكُو؞

20عَمَّا عِدَنْ بَهَكَبَ، بَرِ وُتَا تَڢِتُواْ دَغَ ثِكِنْ أَبِمٜىٰلٜىٰكْ تَڧُواْنٜىٰ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ؞ بَرِ كُمَ وُتَا تَڢِتُواْ دَغَ ثِكِنْ شُوغَبَنِّنْ شٜىٰكٜىٰمْ دَ نَ بٜىٰتْ مِلُّواْ تَڧُواْنٜىٰ أَبِمٜىٰلٜىٰكْ!»

21سَعَنً يُواْتَمْ يَغُدُ يَتَڢِے يَذَوْنَ أَ بٜىٰيٜىٰرْ، غَمَا يَنَ ڟُواْرُوانْ طَنْعُوَنْسَ أَبِمٜىٰلٜىٰكْ؞

22أَبِمٜىٰلٜىٰكْ كُوَ يَيِ شٜىٰكَرَا عُكُ يَنَ مُلْكٍ مُتَنٜىٰنْ إِسْرَٰٓءِيلَ؞

23اللَّهْ كُمَ يَسَا ڧِيَيَّ تَتَاشِ ڟَكَانِنْ أَبِمٜىٰلٜىٰكْ دَ مُتَنٜىٰنْ شٜىٰكٜىٰمْ؞ شُوغَبَنِّنْ كُوَ سُكَ تَيَرْ مَسَ؞

24وَنَّنْ يَڢَرُ نٜىٰ دُواْمِنْ أَ رَامَ كَشٜىٰوَرْ یَیَ سَبَعِنْ نَ يٜىٰرُبَّعَلْ، كُمَ أَلْحَكِنْ جِنِنْسُ يَكَسَنْثٜىٰ عَكَنْ أَبِمٜىٰلٜىٰكْ دَ كُمَ عَكَنْ شُوغَبَنِّنْ شٜىٰكٜىٰمْ وَطَنْدَ سُكَ تَيْمَكٜىٰشِ يَكَشٜىٰ یَنْعُوَنْسَ؞

25شُوغَبَنِّنْ شٜىٰكٜىٰمْ، سَبُواْدَ سُنَ غَابَادَ أَبِمٜىٰلٜىٰكْ، سُكَسَا مُتَنٜىٰ سُيِ ݣُونْتُوانْ ٻَوْنَ عَثِكِنْ دُوَڟُو؞ سُكَ يِتَيِ وَدُكْ وَنْدَ يَبِے تَوَنَّنْ حَنْيَ ڢَشِ؞ عَكَ كُوَ ڢَطَا وَ أَبِمٜىٰلٜىٰكْ أَبِنْدَ يَكٜىٰ ڢَرُوَ؞

26سَيْ غَعَلْ طَنْ عٜىٰبٜىٰدْ يَذُواْ يَذَوْنَ أَ شٜىٰكٜىٰمْ تَرٜىٰدَ یَنْعُوَنْسَ؞ شُوغَبَنِّنْ شٜىٰكٜىٰمْ كُمَ سُكَ أَمِنْثٜىٰ دَشِ؞

27دُكَنْ مُتَنٜىٰنْ شٜىٰكٜىٰمْ كُوَ سُكَ تَڢِے غُواْنَكِنْسُ دُواْمِنْ غِرْبِے، سُكَ طٜىٰبُواْ یَیَنْ إِنَبِے، سُكَ مَڟٜىٰ ضُوً، سُكَيِ بِكِ أَغِدَنْ غُنْكِنْسُ؞ سُكَثِ سُكَشَا سُكَ ذَاغِ أَبِمٜىٰلٜىٰكْ؞

28غَعَلْ طَنْ عٜىٰبٜىٰدْ يَثٜىٰ «وَنٜىٰنٜىٰ أَبِمٜىٰلٜىٰكْ، حَرْ دَ مُو مُتَنٜىٰنْ شٜىٰكٜىٰمْ ذَامُ بَوْتَا مَسَ؟ بَشِے طَنْ يٜىٰرُبَّعَلْ بَنٜىٰ؟ بَكُمَ ظٜىٰبُلْ مَعَيْكَثِنْسَبَنٜىٰ؟ دُوانْمٜىٰ ذَامُ بَوْتَا مَسَ؟ كُيِ أَمِنْثِ غَ كَكَنْكُ هَمُوارْ تُوشٜىٰنْ ڧَبِيلَرْكُ!

29دَمَا عَثٜىٰنِنٜىٰ نَكٜىٰ شُوغَبَنْثِنْ وَطَنَّنْ مُتَنٜىٰ، أَيْ دَ نَكَوَرْدَ أَبِمٜىٰلٜىٰكْ! دَظَنْثٜىٰ مَسَ، ‹جٜىٰكَ، كَڧَارَ يَوَنْ سُواْجُواْجِنْكَ كَڢِتُواْ!› »

30دَ ظٜىٰبُلْ، شُوغَبَنْ بِرْنِنْ، يَجِ كَلْمُواْمِنْ دَسُكٜىٰ ڢِتُواْوَ دَغَ بَاكِنْ غَعَلْ طَنْ عٜىٰبٜىٰدْ، سَيْ يَثِكَ دَ ڢُشِے؞

31يَتُورَ یَنْ عَيْكَ ذُوَا أَبِمٜىٰلٜىٰكْ أَعَرُمَ يَثٜىٰ «غَاشِ ڢَا، غَعَلْ طَنْ عٜىٰبٜىٰدْ دَ یَنْعُوَنْسَ سُنْ ذُواْ شٜىٰكٜىٰمْ، كُمَ سُنَ ذُغَ بِرْنِنْ دُواْمِنْ سُتَيَرْ مَكَ؞

32يَنْذُ سَيْ كَتَاشِ عَثِكِنْ دَرٜىٰنَّنْ، كَيْ دَ مُتَنٜىٰنْكَ دَسُكٜىٰ تَرٜىٰدَكَيْ، كُذُواْ كُٻُيَ عَثِكِنْ ثِيَوَ أَ ڢِيلَيٜىٰ؞

33سَعَنً غُواْبٜىٰ دَ سَڢٜىٰ دَ ڢِتُواْوَرْ رَانَ، كَتَاشِ كَڢَاطَوَ بِرْنِنْ دَ يَاڧِ بَاڟَمَّنِ؞ لُواْكَثِنْ دَ غَعَلْ دَ مُتَنٜىٰنْسَ سُكَ ڢِتُواْ دُواْمِنْ سُيَاڧٜىٰكَ، سَيْ كَبُغٜىٰسُ يَدَّ كَاعِيَ!»

34سَيْ أَبِمٜىٰلٜىٰكْ دَ سُواْجُواْجِنْسَ سُكَتَاشِ دَ دَرٜىٰ، سُكَ ٻُيَ عَثِكِنْ ثِيَوَرْ ڢِيلَيٜىٰنْ شٜىٰكٜىٰمْ، سُكَ رَبَ كَنْسُ ڧُنْ‌غِيَ حُطُ؞

35غَعَلْ طَنْ عٜىٰبٜىٰدْ كُوَ يَڢِتُواْ يَڟَيَ عَڧُواْڢَرْ بِرْنِ دَيْدَيْ لُواْكَثِنْ دَ أَبِمٜىٰلٜىٰكْ دَ سُواْجُواْجِنْسَ سُكَتَاشِ دَغَ وُرَارٜىٰنْ ٻُيَنْسُ؞

36سَعَدَّ غَعَلْ يَغَنْسُ، سَيْيَثٜىٰ وَ ظٜىٰبُلْ «دُوبَ! غَا مُتَنٜىٰ سُنَ غَنْ‌غَرُواْوَ دَغَ كَنْ مَنْيَنْ تُدَّيْ!» سَيْ ظٜىٰبُلْ يَأَمْسَ مَسَ يَثٜىٰ «أَيْ! وَطَنَّنْ بَمُتَنٜىٰ بَنٜىٰ، إِنُوَ ثٜىٰ تَتُدَّيْ كَكٜىٰ غَنِ كَمَرْ مُتَنٜىٰ؞»

37غَعَلْ يَڧَارَ يِنْ مَغَنَ يَثٜىٰ «دُوبَ! أَݣَويْ مُتَنٜىٰنْ دَسُكٜىٰ غَنْ‌غَرُواْوَ دَغَ تُدَّيْ، غَا كُمَ ڧُنْ‌غِيَ طَيَ تَنَ ذُوَا تَهَنْيَرْ دَتَبِے دَغَ وَجٜىٰنْ إِتَاثٜىٰنْ ڟَاڢِ؞»

38سَيْ ظٜىٰبُلْ يَثٜىٰ مَسَ «يَنْذُ! إِنَا ثِكَاوَرْ مَغَنَرْكَ نَطَغَ كَيْ دَ كَثٜىٰ وَيْ، دُوانْمٜىٰ مُكٜىٰ بَوْتَاوَ وَنَّنْ مُتُمْ أَبِمٜىٰلٜىٰكْ؟ وَطَنَّنْ سُونٜىٰ مُتَنٜىٰنْدَ كَرٜىٰنَ؞ كَڢِتُواْ يَنْذُ كَيَاڧٜىٰسُ مَنَ!»

39غَعَلْ كُوَ يَيِ جَغُواْرَنْ مُتَنٜىٰنْ شٜىٰكٜىٰمْ، سُكَ ڢِتَ سُكَ يَاڧِ أَبِمٜىٰلٜىٰكْ؞

40غَعَلْ يَغُدُ، أَبِمٜىٰلٜىٰكْ كُوَ يَبِيشِ؞ عَكَيِ وَمُتَنٜىٰ دَيَوَ رَوْنِ سَعَدَّ سُكٜىٰ غُدُ ذُوَا بَاكِنْ ڧُواْڢَرْ بِرْنِنْ؞

41أَبِمٜىٰلٜىٰكْ يَذَوْنَ أَعَرُمَ؞ ظٜىٰبُلْ كُوَ يَكُواْرِ غَعَلْ دَ یَنْعُوَنْسَ دَغَ شٜىٰكٜىٰمْ، غَمَا بَايَسُواْ سُذَوْنَ تَرٜىٰدَسُوبَ؞

42وَشٜىٰغَرِ مُتَنٜىٰنْ شٜىٰكٜىٰمْ ذَاسُ ڢِتَ دَغَ بِرْنِ ذُوَا ڢِيلَيٜىٰ؞ سَيْ عَكَ ڢَطَا وَ أَبِمٜىٰلٜىٰكْ؞

43سَيْ يَطَوْكِ سُواْجُواْجِنْسَ، يَرَبَسُ ڧُنْ‌غِيَ عُكُ سُكَيِ ݣُونْتُوانْ ٻَوْنَ عَثِكِنْ ثِيَوَ أَ ڢِيلَيٜىٰ؞ دَ يَغَ مُتَنٜىٰ سُنَ ڢِتُواْوَ دَغَ ثِكِنْ بِرْنِنْ، سَيْ أَبِمٜىٰلٜىٰكْ يَڢِتُواْ دَغَ وُرِنْ ٻُيَ دُواْمِنْ يَكَكَّشٜىٰسُ؞

44أَبِمٜىٰلٜىٰكْ دَ مُتَنٜىٰنْسَ سُكَيِ سَوْرِ سُكَشَا غَبَنْسُ سُكَ تَرٜىٰ ڧُواْڢَرْ بِرْنِنْ؞ سَيْ ڧُنْ‌غِيُواْيِ بِيُ طِنَّنْ سُكَ ڢَاطَوَ مُتَنٜىٰنْ دَ يَاڧِ عَثِكِنْ ڢِيلَيٜىٰنْ، سُكَ كَكَّشٜىٰسُ دُكَ؞

45أَبِمٜىٰلٜىٰكْ كُوَ يَثِيغَبَدَ يَاڧِ دَ بِرْنِنْ دُكَنْ يِنِ؞ يَثِ بِرْنِنْ دَيَاڧِ، يَكَكَّشٜىٰ مُتَنٜىٰنْ؞ يَڧُواْنٜىٰ بِرْنِنْ، يَبَظَ مَسَ غِشِرِ كُواْعِنَ؞

46سَعَدَّ دُكَنْ شُوغَبَنِّنْ غِدَنْ غُنْكِ بَعَلْ نَيَرْجٜىٰجٜىٰنِيَ أَ شٜىٰكٜىٰمْ سُكَجِ لَابَرِنْ أَبِنْدَ يَڢَرُ، سَيْ سُكَ غُدُ سُكَ شِغَ وُرِنْ ٻُيَ نَغِدَنْ غُنْكِنْ؞

47عَكَ ڢَطَا وَ أَبِمٜىٰلٜىٰكْ ثٜىٰوَ دُكَنْ شُوغَبَنِّنْ شٜىٰكٜىٰمْ سُنْ تَتَّارُ أَوُرِے طَيَ؞

48سَيْ يَهَوْرَ ذُوَا بَبَّنْ تُدُنْ ظَلْمُوانْ تَرٜىٰدَ سُواْجُواْجِنْسَ؞ سَيْ يَطَوْكِ غَاتَرِ يَسَارٜىٰ رٜىٰشٜىٰنْ إِتَاثٜىٰ يَرِڧٜىٰ عَكَڢَطَ؞ يَڢَطَا وَسُواْجُواْجِنْسَ تَرٜىٰدَشِ سُيِ سَوْرِ سُيِ كَمَرْ يَدَّ شِے يَيِ؞

49سَيْ كُواْوَنٜىٰ مُتُمْ يَجٜىٰ يَسَارٜىٰ رٜىٰشٜىٰنْ إِتَاثٜىٰ؞ سَعَنً سُكَبِے أَبِمٜىٰلٜىٰكْ سُكَ تَارَ عِتَتُوَنْ أَجِكِنْ وُرِنْ ٻُيَ أَغِدَنْ غُنْكِنْ؞ سُكَسَا وُتَا عَكَنْ غِنِنْ تَرٜىٰدَ مُتَنٜىٰنْ عَثِكِ؞ دُكَنْ مُتَنٜىٰنْ دَ سُكَ تَارُ عَثِكِنْ وُرِنْ ٻُيَنَّنْ أَ شٜىٰكٜىٰمْ سُكَ مُتُ غَبَاطَيَ، وَجٜىٰنْ مُتُمْ دُبُو طَيَ مَظَا دَ مَاتَا؞

50سَيْ أَبِمٜىٰلٜىٰكْ يَتَڢِے ذُوَا تٜىٰبٜىٰظْ، يَكٜىٰوَيٜىٰ بِرْنِنْ دَ يَاڧِ يَكُمَثِ نَصَرَا عَكَنْتَ؞

51عَثِكِنْ بِرْنِ أَݣَويْ وَتَ حَصُومِيَا مَيْ ڧَرْڢِنْ غَسْكٜىٰ؞ سَيْ دُكَنْ مُتَنٜىٰنْ غَرِنْ مَظَا دَ مَاتَا حَرْ مَا دَ شُوغَبَنِّنْ، سُكَ غُدُ سُكَ شِغَ ثِكِ؞ سُكَ كُلّٜىٰ كَنْسُ عَثِكِ، سُكَ هَوْرَ كَنْ رُڢِنْ حَصُومِيَرْ؞

52أَبِمٜىٰلٜىٰكْ يَذُواْ وُرِنْ حَصُومِيَرْ، يَيِ يَاڧِ يَيِ ڧُواْڧَرِ يَشِغَ؞ يَذُواْ كُسَدَ ڧُواْڢَرْ دُواْمِنْ يَسَا وَحَصُومِيَرْ وُتَا؞

53عَمَّا وَتَ مَثٜىٰ تَجٜىٰڢِ أَبِمٜىٰلٜىٰكْ دَ طَنْ دُوڟٜىٰنْ نِڧَ عَكَيْ، ڧُواْڧُوانْ كَنْسَ يَڢَرْڢَشٜىٰ؞

54نَنْ دَ نَنْ أَبِمٜىٰلٜىٰكْ يَكِرَا سَوْرَيِ مَيْ رِڧٜىٰ مَسَ كَايَنْ يَاڧِنْسَ، يَعُمَرْثٜىٰشِ ثٜىٰوَ «كَظَارٜىٰ تَكُواْبِنْكَ كَكَشٜىٰنِ، دُواْمِنْ بَانَسُواْ عَثٜىٰ وَيْ مَثٜىٰ تَا كَشٜىٰنِ؞» سَيْ سَوْرَيِنْ يَسُواْكِ أَبِمٜىٰلٜىٰكْ، يَمُتُ؞

55دَ دُكَنْ مُتَنٜىٰنْ إِسْرَٰٓءِيلَ سُكَغَ أَبِمٜىٰلٜىٰكْ يَمُتُ، سَيْ كُواْوَ يَكُواْمَ غِدَنْسَ؞

56تَهَكَنٜىٰ اللَّهْ يَمَيَرْ وَ أَبِمٜىٰلٜىٰكْ مُغُنْتَارْ دَ يَيِ وَبَابَنْسَ دَ يَكَكَّشٜىٰ یَنْعُوَنْسَ مَظَا سَبَعِنْ؞

57حَكَكُمَ اللَّهْ يَسَا مُتَنٜىٰنْ شٜىٰكٜىٰمْ سُنْ شَا وَهَلَ سَبُواْدَ مُغُنْتَارْسُ، كَمَرْ يَدَّ يُواْتَمْ أَوْتَنْ جِدْعَوْنَ يَڢَطَا مُسُ لُواْكَثِنْ دَ يَيِ ڢُرْثِنْ لَعَنَ عَكَنْسُ؞

← Chapter 8 Jump to: Chapter 10 →