Judges 16

Hausa Arabic 2020 (أَتَّوْرَتْ دَ أَنَّبَاوَا)

← Chapter 15 Jump to: Chapter 17 →

1وَتَرَانَ كٜىٰنَنْ شَمْشُونَ يَتَڢِے غَاظَ بِرْنِنْ ڢِلِسْتِيَاوَا، عِنْدَ يَسَدُ دَ وَتَ كَارُوَ، يَكُمَ ݣُونَ دَ عِتَ؞

2لَابَرِنْ يَبَظُو أَ غَاظَ ثٜىٰوَ أَيْ، شَمْشُونَ يأَنَانً؞ سَيْ مُتَنٜىٰنْ غَاظَ سُكَ كٜىٰوَيٜىٰ وُرِنْ، سُكَيِ تَجِرَنْسَ دُكَنْ دَرٜىٰ عَبَاكِنْ ڧُواْڢَرْ بِرْنِنْ؞ سُكَيِ شِضُ دُكَنْ دَرٜىٰ سُنَثٜىٰ وَجُونَنْسُ «ذَامُ جِرَا حَرْ وَايٜىٰوَرْ غَرِ، سَعَنً ذَامُ كَشٜىٰشِ؞»

3عَمَّا شَمْشُونَ يَيِ بَرْثِنْسَ حَرْ ڟَكَرْ دَرٜىٰ كَوَيْ؞ سَعَنً يَتَاشِ يَجٜىٰ يَكَامَ ڧُواْڢُواْڢِنْ بِرْنِنْ يَجِجِّغَسُ، يَتُمْٻُكٜىٰ دُكَ دَ ڧُواْڢُواْڢِ بِيُنْ طِنْ دَ ڢِرَمْ نَاسُ، دُكْ دَ ڧَرَڢَنْ ڟَرٜىٰ ڧُواْڢُواْڢِنْ، يَطَوْكٜىٰسُ عَكَڢَطَرْسَ يَكَيْسُ كَنْ تُدُنْ دَيَكٜىٰ أَغَبَنْ هٜىٰبْرُوانْ؞

4بَايَنْ وَنَّنْ كُمَ، شَمْشُونَ يَڢَارَ سُوانْ وَتَ مَثٜىٰنْ دَ عَكٜىٰ كِرَنْتَ دٜىٰلِلَ، وَدَّ تَكٜىٰ ذَمَ أَ ݣُورِنْ سُواْرٜىٰكْ؞

5شُوغَبَنِّنْ ڢِلِسْتِيَاوَا سُكَ تَڢِے سُكَ سَامٜىٰتَ سُكَثٜىٰ مَتَ «كِلَلَّشِ شَمْشُونَ كُواْ ذَيْ ڢَطَا مِكِ دَلِيلِنْ إِرِنْ ڧَرْڢِنَّنْ نَاسَ دَ كُمَ يَدَّ ذَامُيِ مُشَا كَنْسَ، دُواْمِنْ مُطَوْرٜىٰشِ مُشَا ڧَرْڢِنْسَ؞ كُواْوَنّٜىٰنْمُ ذَيْبَاكِ أَظُرْڢَا دُبُو طَيَ دَ طَرِے طَيَ؞»

6سَيْ دٜىٰلِلَ تَثٜىٰ وَ شَمْشُونَ «إِنَ ضُواْڧُوانْكَ كَڢَطَا مِنِ أَسِيرِنْ دَلِيلِنْ بَبَّنْ ڧَرْڢِنَّنْ نَاكَ دَ كُمَ يَدَّ إِنْ أَنْطَوْرٜىٰكَ ذَاعَ عِيَ أَ شَا ڧَرْڢِنْكَ؞»

7شَمْشُونَ كُوَ يَثٜىٰ مَتَ «عِدَنْ أَنْطَوْرٜىٰنِ دَ سَابَبِّنْ إِغِيُواْيِنْ بَكَ غُدَا بَݣَويْ وَطَنْدَ بَسُ بُوشٜىٰبَ، ذَنْ رَسَ ڧَرْڢِينَ إِنْ ذَمَ كَمَرْ كُواْوَ؞»

8سَيْ شُوغَبَنِّنْ ڢِلِسْتِيَاوَنْ سُكَ كَٰوُاْوَ دٜىٰلِلَ سَابَبِّنْ إِغِيُواْيِنْ بَكَ وَطَنْدَ بَسُ بُوشٜىٰ بَ، تَا كُوَ طَوْرٜىٰشِ دَسُو؞

9دَا مَا سَعَدَّ تَطَوْرٜىٰ شِ، تَا سَا وَطَنْسُ مُتَنٜىٰ سُكَ ٻُواْيٜىٰ كَنْسُ سُنَ جِرَا أَوَنِ طَاكِ؞ سَيْ تَيِ إِيهُ تَثٜىٰ «شَمْشُونَ! غَا ڢِلِسْتِيَاوَا عَكَنْكَ؞» دَجِنْ حَكَ، سَيْ يَڟِنْڟِنْكٜىٰ إِغِيُواْيِنْ كَمَرْ ظَرٜىٰنْ دَ أَنْسَا مَسَ وُتَا؞ بَعَكُوَ سَنْ أَسِيرِنْ ڧَرْڢِنْسَبَ؞

10دٜىٰلِلَ تَثٜىٰ وَ شَمْشُونَ «كَنَيِ مِنِ بَعَ، بَكَڢَطَا مِنِ غَسْكِيَابَ؞ إِنَ ضُواْڧُوانْكَ، كَڢَطَا مِنِ يَدَّ ذَاعَ طَوْرٜىٰكَ؞»

11يَأَمْسَ مَتَ يَثٜىٰ «عِدَنْ أَنْطَوْرٜىٰنِ دَ سَابَبِّنْ إِغِيُواْيِنْ دَ بَعَتَٻَيِنْ أَمْڢَانِ دَسُو بَ، ذَنْ رَسَ ڧَرْڢِينَ إِنْ ذَمَ كَمَرْ كُواْوَ؞»

12سَيْ دٜىٰلِلَ تَطَوْكِ سَابَبِّنْ إِغِيُواْيِ تَطَوْرٜىٰشِ دَسُو، سَيْ تَيِ إِيهُ تَثٜىٰ «شَمْشُونَ! غَا ڢِلِسْتِيَاوَا عَكَنْكَ؞» دَا مَا سَعَدَّ تَطَوْرٜىٰشِ، تَا سَا وَطَنْسُ مُتَنٜىٰ سُكَ ٻُواْيٜىٰ كَنْسُ سُنَ جِرَا أَوَنِ طَاكِ؞ عَمَّا دَ جِنْ وَنَّنْ، سَيْ يَڟِنْڟِنْكٜىٰ إِغِيُواْيِنْ دَ عَكَ طَوْرٜىٰشِ دَسُو كَمَرْ ظَرٜىٰ نٜىٰ كَوَيْ؞

13دٜىٰلِلَ تَثٜىٰ وَ شَمْشُونَ «حَرْ يَنْذُ كَنَيِ مِنِ بَعَ، بَكَڢَطَا مِنِ غَسْكِيَابَ؞ كَڢَطَا مِنِ يَدَّ ذَاعَ طَوْرٜىٰكَ؞» سَيْ يَثٜىٰ مَتَ «عِدَنْ كِنْ سَاڧَ ڧُنْشِنْ غَاشِنْ كَيْنَ غُدَا بَݣَويْ حَطٜىٰ دَ ظَرٜىٰ، عَكَ طَوْرَ دَ أَبِنْ سَاڧَ، ذَنْ رَسَ ڧَرْڢِينَ، إِنْ ذَمَ كَمَرْ كُواْوَ؞»

14دٜىٰلِلَ تَا لَلَّشٜىٰشِ يَيِ بَرْثِ؞ سَعَدَّ يَكٜىٰ بَرْثِ سَيْ تَسَاڧَ ڧُنْشِنْ غَاشِنْ كَنْسَ غُدَا بَݣَويْ حَطٜىٰ دَ ظَرٜىٰ، تَا كُوَ طَوْرَ دَ أَبِنْ سَاڧَ؞ سَيْ تَثٜىٰ مَسَ «شَمْشُونَ! غَا ڢِلِسْتِيَاوَا عَكَنْكَ!» عَمَّا دَ جِنْ حَكَ، يَڢَرْكَ دَغَ بَرْثِ يَتُمْٻُكٜىٰ أَبِنْ سَاڧَ دُكْ دَ ظَرٜىٰنْ؞

15سَيْ دٜىٰلِلَ تَا ٻَاتَ ڢُسْكَ تَثٜىٰمَسَ «يَيَ ذَاكَثٜىٰ كَنَ ڧَوْنَتَ، سَعَدَّ بَاكَ سُواْنَ أَ ذُوثِيَارْكَ؟ سَوْ عُكُ كٜىٰنَنْ كَمَيْدَنِ أَبِنْ بَعَ! حَرْ يَنْذُ كَاڧِ كَڢَطَا مِنِ أَسِيرِنْ دَلِيلِنْ دَ كَنَدَ ڧَرْڢِے سُواْسَيْ؞»

16كُواْوَثٜىٰ رَانَ تَنَ تَڢِتِنَرْسَ دَ يَوَنْ مَغَنْ‌غَنُنْتَ، حَرْ مَا ڟَنَنِنْ مَڟِنْ دَ تَيِ مَسَ يَٻَاتَ مَسَ رَيْ ڨُورَيْ كَمَرْ ذَيْ مُتُ؞

17عَڧَرْشٜىٰ، شَمْشُونَ يَڢَطَا مَتَ أَسِيرِنْسَ دُكَ، يَثٜىٰ مَتَ «بَعَتَٻَيِ مِنِ أَسْكِبَ، غَمَا نِے نَظِرِتْ نٜىٰ، وَتُواْ كٜىٰٻَٻّٜىٰ غَ اللَّهْ ، تُنْدَغَ ثِكِنْ ثِكِنْ مَامَاتَ؞ عِدَنْ عَكَ أَسْكٜىٰ غَاشِنْ كَيْنَ، تُواْ، ذَنْ رَسَ ڧَرْڢِينَ، إِنْ ذَمَ كَمَرْ كُواْوَ؞»

18سَعَدَّ دٜىٰلِلَ تَغَانٜىٰ ثٜىٰوَ لَلَّيْ يَڢَطَا مَتَ عَيْنِحِنْ غَسْكِيَ، سَيْ تَعَيْكَ ذُوَاغَ شُوغَبَنِّنْ ڢِلِسْتِيَاوَا تَثٜىٰ مُسُ «كُذُواْ؞ أَوَنَّنْ كَرُواْ كَمْ يَڢَطَا مِنِ دُكَنْ عَيْنِحِنْ غَسْكِيَ؞» سَيْ شُوغَبَنِّنْ ڢِلِسْتِيَاوَنْ سُكَذُواْ وُرِنْتَ دَ كُطِنْ أَ حَنُّنْسُ؞

19دٜىٰلِلَ كُوَ تَلَلَّشٜىٰشِ، تَسَاشِ يَيِ بَرْثِ عَكَنْ ثِنْيُواْيِنْتَ، سَيْ تَكِرَا وَنِ مُتُمْ يَذُواْ يَ أَسْكٜىٰ ڧُنْشِنْ غَاشِنْسَ نَنْ بَݣَويْ؞ تَهَكَ تَڢَارَ شَنْ ڧَرْڢِنْسَ، حَرْ ڧَرْڢِنْ يَرَبُ دَشِ؞

20سَيْ تَيِ إِيهُ تَثٜىٰ «شَمْشُونَ! غَا ڢِلِسْتِيَاوَا عَكَنْكَ!» سَعَدَّ يَڢَرْكَ، يَنَ ڟَمَّنِ ذَيْتَاشِ دَ ڧَرْڢِے كَمَرْ يَدَّ يَسَابَا يِ؞ أَشٜىٰ بَيْ سَنِ بَ، يَهْوٜىٰهْ يَا رِغَا يَا رَبُ دَشِ؞

21سَيْ ڢِلِسْتِيَاوَنْ سُكَ كَامَ شِ، سُكَ ثِثِّرٜىٰ مَسَ ڨُويَرْ عِدَنُونْسَ؞ سُكَ كَيْ شِ بِرْنِنْ غَاظَ؞ عَكَ طَوْرٜىٰ شِ دَ سَرْڧُواْڧِنْ تَغُلَّ؞ سُكَسَاشِ يَيِ تَنِڧَ عَثِكِنْ كُرْكُكُ؞

22عَمَّا بَايَنْدَ عَكَيِ مَسَ أَسْكِ، غَاشِنْ كَنْسَ يَسَاكٜىٰ ڢَارَ ڟِرُواْوَ؞

23شُوغَبَنِّنْ ڢِلِسْتِيَاوَا كُوَ سُكَ تَتَّارُ دُواْمِنْ سُيِ بَبَّنْ بِكِ سُكُمَ مِيڧَ بَبَّرْ هَدَايَ غَ اللَّهْ‌نْسُ دَغُوانْ؞ سُكَثٜىٰ « اللَّهْ نْمُ يَبَادَ شَمْشُونَ أَبُواْكِنْ غَابَنْمُ أَ حَنُّنْمُ!»

24سَعَدَّ مُتَنٜىٰنْ سُكَغَ شَمْشُونَ، سَيْ سُكَ يَبِے اللَّهْ‌نْسُ سُنَ ثٜىٰوَ «أَبُواْكِنْ غَابَنْمُ، مَيْ كَكَّشٜىٰ مُتَنٜىٰنْمُ، مَيْ لَلَتَرْدَ ڧَسَرْمُ، اللَّهْ‌نْمُ يَبَامُشِ أَ حَنُّ!»

25دَا مَا دَسُكٜىٰ ثِكِنْ ڢَضٍ ثِكِ نَدَاطِنْ بِكِ، سَيْ مُتَنٜىٰنْ سُكَثٜىٰ «عَكَٰوُاْ شَمْشُونَ دُواْمِنْ يَيِ مَنَ وَسَ!» سَيْ عَكَ كَٰوُاْشِ دَغَ كُرْكُكُ يَيِ مُسُ وَسَ؞ سُكَسَا يَڟَيَ أَڟَكَانِنْ غِنْشِڧَيْ بِيُنْ دَسُكٜىٰ رِڧٜىٰ غِنِنْ؞

26شَمْشُونَ كُوَ يَثٜىٰ وَيَرُوانْ دَيَكٜىٰ جَغُواْرَنْسَ «بَرِ إِنْ تَٻَ غِنْشِڧَنْ دَسُكٜىٰ رِڧٜىٰ دَ وَنَّنْ غِدَا دُواْمِنْ إِنْ جِنْ‌غِنَ عَكَنْسُ؞»

27غِدَنْ كُوَ يَثِكَ دَ مُتَنٜىٰ مَڧِلْ، مَظَا دَ مَاتَا؞ دُكَنْ شُوغَبَنِّنْ ڢِلِسْتِيَاوَا سُنَانَنْ؞ أَݣَويْ كُمَ مَظَا دَ مَاتَا وَجٜىٰنْ دُبُو عُكُ دَسُكٜىٰ ظَوْنٜىٰ أَ رُڢِنْ غِدَنْ، سُنَ كَلُّوانْ شَمْشُونَ سَعَدَّ يَنَ مُسُ وَسَ؞

28سَيْ شَمْشُونَ يَيِ كِرَا غَ يَهْوٜىٰهْ يَثٜىٰ «يَا عُبَنْ‌غِجِ يَهْوٜىٰهْ ، بَرِ كَتُنَ دَنِے! إِنَ ضُواْڧُوانْكَ، يَا اللَّهْ ، كَسَاكٜىٰ بَانِ ڧَرْڢِے سَوْ طَيَنَّنْ كَوَيْ، دُواْمِنْ إِنْ رَامَ عَكَنْ ڢِلِسْتِيَاوَا سَبُواْدَ عِدُواْنَ بِيُ وَطَنْدَ سُكَ ثِثِّرٜىٰ مِنِ؞»

29شَمْشُونَ كُوَ يَبُوطٜىٰ حَنُّوَنْسَ يَسَا عَكَنْ غِنْشِڧَيْ بِيُنْ دَسُكٜىٰ ڟَكِيَرْ غِدَنْ، حَنُّنْ دَامَ عَكَنْ غِنْشِڧِ طَيَ، حَنُّنْ هَغُ كُمَ عَكَنْ طَيَنْ؞ سَعَنً يَجِنْ‌غِنَ عَكَنْسُ يَتُورَسُ دَ دُكَنْ ڧَرْڢِنْسَ؞

30يَثٜىٰ «بَرِ إِنْ مُتُ دَ ڢِلِسْتِيَاوَنْ!» يَتُورَ دَ إِيَاكَرْ ڧَرْڢِنْسَ، غِدَنْ كُوَ يَڢَاطِ عَكَنْ شُوغَبَنِّنْ دَ دُكَنْ مُتَنٜىٰنْ دَسُكٜىٰ ثِكِ؞ تَهَكَ مُتَنٜىٰنْ دَ شَمْشُونَ يَكَشٜىٰ أَ مُتُوَرْسَ سُكَڢِے وَطَنْدَ يَكَشٜىٰ أَ لُواْكَثِنْ دَ يَكٜىٰدَ رَيْ؞

31دَغَ بَايَ یَنْعُوَنْسَ دَ سَوْرَنْ دَنْ‌غِنْ عِيَلِنْسَ سُكَ غَنْ‌غَرُواْ سُكَ طَوْكِ غَاوَرْ جِكِنْسَ، سُكَ كُواْمَرْ دَشِ غِدَا؞ سُكَ بِنّٜىٰشِ عَكَبَرِنْ بَابَنْسَ مَنُواْوَ وَنْدَ يَكٜىٰ أَڟَكَانِنْ ذُواْرَ دَ عٜىٰشْتَوُالْ؞ شَمْشُونَ يَشُوغَبَنْثِ مُتَنٜىٰنْ إِسْرَٰٓءِيلَ شٜىٰكَرَا عَشِرِنْ؞

← Chapter 15 Jump to: Chapter 17 →