Luke 1 — Hausa Arabic 2020 (أَتَّوْرَتْ دَ أَنَّبَاوَا)

1مُتَنٜىٰ دَيَوَ سُنْيِ ڧُواْڧَرِ سُرُبُوتَ لَابَرِنْ أَبُبُوَنْ دَ سُكَ ڢَرُ أَڟَكَانِنْمُ؞

2سُنْ رُبُوتَ أَبِنَّنْ دَ مُكَجِ دَغَ بَاكِنْ وَطَنْدَ سُكَغَ وَطَنَّنْ أَبُبُوَ دَ عِدَنُونْسُ تُنْ ڢَرْكُواْ، سُكَ كُمَيِ شٜىٰلَرْ كَلْمَرْ اللَّهْ ؞

3سَبُواْدَ حَكَ، مَيْغِرْمَ تِيُواْڢِلُسْ، دَيَكٜىٰ نَبِنْثِكَ أَبُبُوَنَّنْ دُكَ أَهَنْكَلِ تُنْدَغَ ڢَرْكُوانْسُ، نَغَ يَيِݣَوْ إِنْ رُبُوتَ مَكَسُ بِيدَبِے،

4دُواْمِنْ كَسَنْ غَسْكِيَرْ أَبُبُوَنَّنْ كَمَرْ يَدَّ عَكَ كُواْيَ مَكَسُ؞

5أَ لُواْكَثِنْ دَ هِرُدُسْ يَكٜىٰ مُلْكٍ يَنْكِنْ يَهُودِيَ، أَݣَويْ وَنِ ڢِرِسْتِ مَيْ سُونَ زَكَرِيَّا نَڧُنْ‌غِيَرْ ڢِرِسْتُواْثِے نَغِدَنْ أَبِيَ؞ سُونَنْ عُوَرْغِدَنْسَ كُمَ أَلِسَبَتُ، عِتَ كُمَ تَڢِتُواْ دَغَ ذُرِيَرْ غِدَنْ هَٰرُونَ نٜىٰ؞

6دُكَنْسُ بِيُ، سُنْيِ ذَمَنْ أَدَلْثِے أَغَبَنْ اللَّهْ ، سُنْ كُمَبِے عُمَرْنَيْ دَ ڧَٰعِدُواْدِنْ عُبَنْ‌غِجِ دُكَ كَمَرْ يَدَّ يَثٜىٰ عَيِ؞

7عَمَّا بَاسُدَ یَیَ دُواْمِنْ أَلِسَبَتُ بَاتَحَيْڢُوَ، كُمَ زَكَرِيَّا دَ عِتَ دُكْ سُنْ ڟُوڢَ؞

8وَتَرَانَ، زَكَرِيَّا يَنَ عَيْكِنْسَ نَڢِرِسْتِ عَثِكِنْ هَيْكَلِ، بِسَغَ ڟَارِنْ دَ عَكَيِ نَڧُنْ‌غِيَ دُواْمِنْ حِدِمَ تَكُواْوَثٜىٰ رَانَ؞

9بِسَغَ أَلْعَادَا وَدَّ عَكَ كَڢَ دُوانْ ڢِرِسْتُواْثِے سُبِے، عَكَ ذَاٻٜىٰشِ تَوُرِنْ جٜىٰڢَ ڧُرِعَ دُواْمِنْ يَشِغَ ثِكِنْ هَيْكَلِنْ عُبَنْ‌غِجِ يَڧُواْنَ تُرَارٜىٰ مَيْ ڧَنْشِ؞ سَبُواْدَ حَكَ سَيْ يَشِغَ هَيْكَلِنْ،

10مُتَنٜىٰ كُمَ سُنَ وَجٜىٰ، سُنَ أَدُّعَ أَلُواْكَثِنْ دَيَكٜىٰ ڧُواْنَ تُرَارٜىٰ مَيْ ڧَنْشِ؞

11بَا لَابَرِ، سَيْغَا مَلاَىِٕكَنْ عُبَنْ‌غِجِ يَبَيَّنَ مَسَ، يَڟَيَ أَغٜىٰڢٜىٰنْ دَامَ نَبَغَدٜىٰ، عِنْدَ عَكٜىٰ ڧُواْنَ تُرَارٜىٰ؞

12دَ غَنِنْ مَلاَىِٕكَنْ، سَيْ غَابَنْ زَكَرِيَّا يَڢَاطِ، ڟُواْرُواْ كُمَ يَكَامَشِ؞

13عَمَّا مَلاَىِٕكَنْ يَثٜىٰ مَسَ «كَدَ كَجِڟُواْرُواْ، زَكَرِيَّا! اللَّهْ يَكَرْٻِ أَدُّعَرْكَ، كُمَ عُوَرْغِدَنْكَ أَلِسَبَتُ ذَاتَ حَيْڢَ مَكَ طَا؞ ذَاكَسَا مَسَ سُونَ يَحْيَى؞

14ذَاكَيِ ڢَضٍ ثِكِ دَ مُرْنَ سُواْسَيْ، مُتَنٜىٰ دَيَوَ كُمَ ذَاسُيِ ڢَضٍ ثِكِ؞

15يَرُواْنَّنْ ذَيْ ذَمَ بَبَّنْ مُتُمْ أَغَبَنْ عُبَنْ‌غِجِ ؞ بَذَيْشَا ضُوً إِنَبِے كُواْ وَنِ أَبُ مَيْسَا بُغُوَبَ؞ ذَاعَثِكَشِ دَ رُوحُ مَيْ ڟَرْكِے تُنْ كَاڢِنْ أَحَيْڢٜىٰشِ؞

16شِينٜىٰ ذَيْ دَاوُاْ دَ مُتَنٜىٰنْ إِسْرَٰٓءِيلَ دَيَوَ ذُوَا وُرِنْ عُبَنْ‌غِجِ اللَّهْ نْسُ؞

17ذَيْ وُثٜىٰ غَبَنْ عُبَنْ‌غِجِ ، يَكُمَيِ عَيْكِنْسَ دَ دُكَنْ ڧَرْڢِنْسَ دَ كُمَ ڧَرْڢِنْ ذُوثِيَا كَمَرْ أَنَّبِے إِلْيَاسُ؞ ذَيْ كَٰوُاْ ذَمَنْ لَاڢِيَ ڟَكَانِنْ إِيَايٜىٰ دَ یَیَنْسُ؞ ذَيْ جُويُواْ دَ مُتَنٜىٰ مَاسُ رَشِنْ بِيَيَّ سُذَمَ مُتَنٜىٰ مَاسُ أَدَلْثِے، تَهَكَ ذَيْ شِرْيَ وَ عُبَنْ‌غِجِ مُتَنٜىٰنْسَ؞»

18سَيْ زَكَرِيَّا يَثٜىٰ وَمَلاَىِٕكَنْ «يَيَ ذَنْسَنْ ثٜىٰوَ أَبِنَّنْ دَكَڢَطِ حَكَ ذَيْ كَسَنْثٜىٰ؟ غَانِ نَا ڟُوڢَ، عُوَرْغِدَانَ كُمَ تَنَ شٜىٰكَرُ مَاسُيَوَ؞»

19مَلاَىِٕكَنْ يَثٜىٰ «نِنٜىٰ جِبْرِيلُ دَيَكٜىٰ ڟَيٜىٰ أَغَبَنْ اللَّهْ ؞ اللَّهْ يَعَيْكُواْنِ إِنْ ذُواْ إِنْ ڢَطَا مَكَ وَنَّنْ لَابَرِ مَيْ دَاطِے؞

20عَمَّا غَاشِ كَا ڧِ كَيَرْدَ دَ سَڧُواْ وَنْدَ ذَاعَ ثِكَشِ أَلُواْكَثِنْسَ؞ سَبُواْدَ حَكَ، تُنْدَ كَڧِ كَيَرْدَ، بَذَاكَ ڧَارَ عِيَيِنْ مَغَنَبَ، سَيْ رَانَرْ دَ أَلْڧَوَرِنَّنْ يَا ثِكَ؞»

21مُتَنٜىٰ سُنْ ذَوْنَ سُنَ جِضَانْ ڢِتُواْوَرْ زَكَرِيَّا، سُنَ تَتُنَانِ كُواْ مٜىٰنٜىٰنٜىٰ يَسَا يَدَطٜىٰ حَكَ عَثِكِنْ هَيْكَلِنْ؞

22دَ يَڢِتُواْ بَيْ عِيَيِنْ مَغَنَ دَ بَاكِبَ، سَيْ سُنْ غَانٜىٰ ثٜىٰوَ يَغَ رُعُيَ عَثِكِنْ هَيْكَلِنْ؞ سَيْ يَدِنْ‌غَ يِمُسُ مَغَنَ دَ حَنُّ، عَمَّا بَيْ عِيَيِنْ مَغَنَ دَ بَاكِنْسَبَ؞

23دَ لُواْكَثِنْ حِدِمَرْسَ يَڧَارٜىٰ، سَيْ يَكُواْمَ غِدَا؞

24بَايَنْ یَنْ ݣُونَكِے، سَيْ عُوَرْغِدَنْسَ أَلِسَبَتُ تَيِثِكِ، سَيْ تَٻُواْيٜىٰ كَنْتَ حَرْ وَتَا بِيَرْ؞

25أَلِسَبَتُ تَثٜىٰ «عَڧَرْشٜىٰ عُبَنْ‌غِجِ يَجِ تَوْسَيِنَ، يَثِرٜىٰ مِنِ كُنْيَا عَثِكِنْ جَمَعَ؞»

26أَلِسَبَتُ تَنَ ثِكِنْ وَتَا شِدَ كٜىٰنَنْ دَ سَامُنْ ثِكِ، سَيْ اللَّهْ يَعَيْكِ مَلاَىِٕكَ جِبْرِيلُ ذُوَا وَنِ غَرِ عَثِكِنْ غَلِيلِ دَ عَكٜىٰ ثٜىٰدَشِ نَظَرٜىٰتْ؞

27يَعَيْكٜىٰشِ يَكَيْ سَڧُواْ وُرِنْ وَتَ يَارِنْيَرْ دَ عَكَيِ أَلْڧَوَرِ ذَاتَ عَوْرِ وَنِ مُتُمْ مَيْ سُونَ يُوسُڢَ دَغَ ذُرِيَرْ سَرْكِے دَاوُدَ؞ سُونَنْ يَارِنْيَرْ كُوَ مَرْيَمُ نٜىٰ؞

28دَ مَلاَىِٕكَنْ يَذُواْ وُرِنْتَ سَيْيَثٜىٰ «أَغَيْشٜىٰكِ! عُبَنْ‌غِجِ يَنَ تَرٜىٰدَكٜىٰ، كٜىٰ دَ كِكٜىٰ مَيْ سَامُنْ أَلْحٜىٰرِ!»

29دَ مَرْيَمُ تَجِ غَيْسُوَرْ نَنْ، سَيْ تَدَامُ ڨُورَيْ، تَنَ تُنَانِ كُواْ وَثّٜىٰ إِرِنْ غَيْسُوَا ثٜىٰ حَكَ؞

30سَيْ مَلاَىِٕكَنْ يَثٜىٰ مَتَ «كَدَ كِجِڟُواْرُواْ، مَرْيَمُ؞ غَمَا كِنْ سَامِ أَلْحٜىٰرِ أَغَبَنْ اللَّهْ ؞

31«غَاشِ ذَاكِيِ ثِكِ، ذَاكِ كُمَ حَيْڢِ طَا، ذَاكِ بَاشِ سُونَ عِيسَىٰ ؞

32ذَيْ ذَمَ بَبَّنْ مُتُمْ، كُمَ ذَاعَ ثٜىٰ دَشِ طَنْ مَڢِے طَوْكَكَ ؞ عُبَنْ‌غِجِ اللَّهْ ذَيْبَاشِ كُجٜىٰرَرْ مُلْكٍ كَكَنْسَ دَاوُدَ؞

33ذَيْ يِمُلْكٍ غِدَنْ يَعْڧُوبَ حَرْ أَبَدَا، مُلْكِنْسَ كُمَ بَذَيْ ڧَارٜىٰبَ!»

34مَرْيَمُ تَثٜىٰ وَمَلاَىِٕكَنْ «يَيَ وَنَّنْ ذَيْ ڢَرُ، تُنْدَيَكٜىٰ بَنْ تَٻَ سَنِنْ نَمِجِبَ؟»

35مَلاَىِٕكَنْ يَأَمْسَ يَثٜىٰ، « رُوحُ مَيْ ڟَرْكِے ذَيْ سَوْكُواْ عَكَنْكِ، إِيكُوانْ مَڢِے طَوْكَكَ كُمَ ذَيْ رُڢٜىٰكِ؞ سَبُواْدَ حَكَ يَرُواْنَّنْ دَ ذَاعَ حَيْڢَ، ذَاعَ ثٜىٰ دَشِ مَيْڟَرْكِے، طَنْ اللَّهْ ؞

36«غَاشِ أَلِسَبَتُ یَرْعُوَرْكِ، وَدَّ عَكٜىٰثٜىٰوَ بَذَاتَ حَيْڢُبَ، يَنْذُ طِنَّنْ، تَنَدَ ثِكِ وَتَا شِدَ، دُكْ دَ ڟُوڢَرْتَ؞

37أَيْ، بَا أَبِنْدَ ذَيْ غَغَرِ اللَّهْ يِ؞»

38مَرْيَمُ تَثٜىٰ «تُواْ، نِے بَيْوَرْ اللَّهْ ثٜىٰ، بَرِ يَذَمَ مِنِ كَمَرْ يَدَّ كَڢَطَا؞» سَيْ مَلاَىِٕكَنْ يَتَڢِے؞

39عَݣُونَكِنْنَنْ مَرْيَمُ تَايِشِرِ تَا تَڢِے دَ سَوْرِ ذُوَا وَنِ غَرِ ثِكِنْ تُدَّنْ يَنْكِنْ يَهُودِيَ؞

40تَا شِغَ غِدَنْ زَكَرِيَّا، تَغَيْ دَ أَلِسَبَتُ؞

41دَجِنْ غَيْسُوَرْ، سَيْ أَلِسَبَتُ تَجِ يَرُوانْ دَيَكٜىٰ ثِكِنْتَ يَيِ مُواْڟِ؞ عَكَ كُمَ ثِكَ أَلِسَبَتُ دَ رُوحُ مَيْ ڟَرْكِے ؞

42سَيْ تَطَغَ مُرْيَ دَ ڧَرْڢِے تَثٜىٰ «كٜىٰ مَيْ أَلْبَرْكَثٜىٰ عَثِكِنْ مَاتَا، يَرُواْنَّنْ نَثِكِنْكِ كُمَ مَيْ أَلْبَرْكَنٜىٰ!

43يَيَ وَنَّنْ أَلْحٜىٰرِ يَذُواْ كَيْنَ، حَرْ دَ مَامَرْ عُبَنْ‌غِجِنَ ذَاتَ ذُواْ وُرِينَ؟

44غَاشِ دَ نَجِ غَيْسُوَرْكِ، سَيْ جَرِرِنْ دَيَكٜىٰ ثِكِنَ يَيِ مُواْڟِ سُواْسَيْ سَبُواْدَ مُرْنَ؞

45مَيْ أَلْبَرْكَثٜىٰ كٜىٰ دَكِكَ غَسْكَتَ ثٜىٰوَ سَڧُواْنَّنْ دَ عُبَنْ‌غِجِ يَعَيْكَ مِكِ ذَيْ ذَمَ غَسْكِيَ!»

46مَرْيَمُ تَثٜىٰ، «ذُوثِيَاتَ تَنَ يَبُوانْ عُبَنْ‌غِجِ ؞

47رَيْنَ يَنَ مُرْنَ سَبُواْدَ اللَّهْ مَيْ ثٜىٰتُواْنَ،

48دُواْمِنْ يَتُنَ دَنِے، كُواْدَيَكٜىٰ نِے بَيْوَرْسَثٜىٰ وَدَّ بَكُواْمٜىٰبَ! دَغَ يَنْذُ دُكَنْ مُتَنٜىٰ ذَاسُثٜىٰ دَنِے مَيْ أَلْبَرْكَ،

49غَمَا اللَّهْ مَيْ إِيكُواْ يَيِ مِنِ مَنْيَنْ أَبُبُوَ؞ سُونَنْسَ مَيْ ڟَرْكِے نٜىٰ!

50دَغَ ڟَارَا ذُوَا ڟَارَا يَنَ جِنْ تَوْسَيِنْ وَطَنْدَ سُكٜىٰ ڟُواْرُوانْسَ؞

51دَ حَنُّنْسَ مَيْ ڧَرْڢِے يَعَيْكَتَ مَنْيَنْ أَبُبُوَ! يَوَاڟَرْدَ مَاسُ طَغَ كَيْ دَ دُكَنْ أَبِنْدَ سُكٜىٰ تَاڧَمَ دَشِ أَ ذُوثِيَارْسُ؞

52يَسَوْكَرْ دَ سَرَاكُنَ دَغَ مُلْكِنْسُ، يَطَوْكَكَ وَطَنْدَ بَكُواْمٜىٰبَ؞

53يَبَا مَاسُ يُنْوَ أَبُبُوَ مَاسُ ݣَوْ، يَسَلَّمِ مَاسُ أَرْزِڧِ حَنُّ وُاْڢِ؞

54يَتَيْمَكِ بَاوَنْسَ إِسْرَٰٓءِيلَ غَمَا يَا تُنَ يَنُونَ جِنْڧَيْ غَ مُتَنٜىٰنْسَ،

55بِسَغَ أَلْڧَوَرِنْسَ غَ كَاكَنِّنْمُ، غَ إِبْرَٰهِيمْ دَ ذُرِيَرْسَ حَرْ أَبَدَا!»

56مَرْيَمُ تَذَوْنَ دَ أَلِسَبَتُ كَمَرْ وَتَا عُكُ، سَعَنً تَكُواْمَ غِدَا؞

57دَ ݣُونَكِنْ حَيْڢُوَرْتَ سُكَ ثِكَ، سَيْ أَلِسَبَتُ تَحَيْڢِ طَا؞

58مَڨُوبْتَنْتَ دَ یَنْعُوَنْتَ سُكَيِ مُرْنَ سُواْسَيْ دَ سُكَجِ تَحَيْڢُ، سُكَ تَيَتَ ڢَضٍ ثِكِ سَبُواْدَ وَنَّنْ أَلْبَرْكَرْ دَ عُبَنْ‌غِجِ يَيِ مَتَ؞

59دَ يَرُوانْ يَثِكَ ݣُونَ تَݣُوسْ، سَيْ سُكَذُواْ دُواْمِنْ سُيِ مَسَ كَاثِيَ؞ دَا مَا سُنْسُواْ نٜىٰ سُسَا مَسَ سُونَنْ بَابَنْسَ زَكَرِيَّا،

60عَمَّا مَامَرْ يَرُوانْ تَثٜىٰ «أَعَ! ذَاعَثٜىٰ دَشِ يَحْيَى؞»

61سَيْ سُكَثٜىٰ «وَنٜىٰنٜىٰ أَدَنْ‌غِنْكُ مَيْ وَنَّنْ سُونَ؟»

62سَيْ سُكَ تَمْبَيِ بَابَنْ يَرُوانْ دَ حَنُّ يَڢَطَا سُونَنْ دَ ذَاعَ كِرَا يَرُوانْ دَشِ؞

63سَيْ يَسَا عَكَٰوُاْ مَسَ أَلُّواْ، سَيْ يَرُبُوتَ «سُونَنْسَ يَحْيَى نٜىٰ؞» سَيْ دُكَنْ مُتَنٜىٰنْ دَسُكٜىٰ وُرِنْ سُكَيِ مَامَاكِ!

64نَنْ تَكٜىٰ زَكَرِيَّا يَسَامِ بَاكِنْ مَغَنَ كُمَ، يَڢَارَ يَبُوانْ اللَّهْ ؞

65ڟُواْرُواْ يَكَامَ دُكَنْ مَڨُوبْتَنْسُ؞ مُتَنٜىٰ سُكَ بَادَ لَابَرِنْ أَبِنَّنْدَ يَڢَرُ عَكُواْعِنَ عَيَنْكِنْ تُدَّنْ يَهُودِيَ؞

66دُكَ وَنْدَ يَجِ وَنَّنْ لَابَرِنْ، سَيْ يَيِ تَتُنَانِ، يَنَ ثٜىٰوَ «مٜىٰ يَرُواْنَّنْ ذَيْ ذَمَ؟» دُواْمِنْ أَنْ‌غَانٜىٰ ثٜىٰوَ حَنُّنْ عُبَنْ‌غِجِ يَنَ تَرٜىٰدَشِ؞

67أَنَانً سَيْ رُوحُ مَيْ ڟَرْكِے يَثِكَ زَكَرِيَّا، بَابَنْ يَحْيَى، سَيْ يَيِ أَنَّبْثِ ثٜىٰوَ

68«أَلْبَرْكَ تَا تَبَّتَا غَ عُبَنْ‌غِجِ ، اللَّهْ نَ إِسْرَٰٓءِيلَ! يَذُواْ يَتَيْمَكِ مُتَنٜىٰنْسَ، يَكُمَ ڢَنْشٜىٰسُ؞

69يَتَادَ مَيْ ثٜىٰتُواْ مَيْ إِيكُواْ دُواْمِنْمُ دَغَ غِدَنْ بَاوَنْسَ دَاوُدَ،

70كَمَرْ يَدَّ يَيِ أَلْڧَوَرِ تُنْ تُنِ تَبَاكِنْ أَنَّبَاوَنْسَ مَاسُ ڟَرْكِے ثٜىٰوَ

71ذَيْثٜىٰثٜىٰمُ دَغَ حَنُّنْ مَاسُ غَابَادَمُو، دَ دُكَنْ وَطَنْدَ بَاسَسُوانْ غَنِنْمُ؞

72تَهَكَ يَنُونَ وَكَاكَنِّنْمُ جِنْڧَيْ، تَوُرِنْ تُنَ دَ يَرْجٜىٰجٜىٰنِيَرْسَ مَيْ ڟَرْكِے،

73ضَنْڟُوَارْ دَيَيِ وَبَابَنْمُ إِبْرَٰهِيمْ،

74ثٜىٰوَ ذَيْثٜىٰثٜىٰمُ دَغَ حَنُّنْ مَاسُ غَابَادَمُو، دُواْمِنْ مُبَوْتَا مَسَ بَا ڟُواْرُواْ،

75مُكَسَنْثٜىٰ دَ ڟَرْكِے مُيِ أَيُّكَ مَاسُ أَدَلْثِے أَغَبَنْ اللَّهْ دُكَنْ ݣُونَكِنْمُ؞

76«كَيْ كُمَ طَنْ يَرُواْنَّنْ، ذَاعَ ثٜىٰ دَكَيْ أَنَّبِے نَ اللَّهْ مَڢِے طَوْكَكَ ؞ ذَاكَ رِغَا عُبَنْ‌غِجِ ذُوَا، دُواْمِنْ كَشِرْيَ مَسَ حَنْيَ،

77دُواْمِنْ كَسَنَرْ وَمُتَنٜىٰنْسَ ثٜىٰتُواْ تَوُرِنْ يَاڢٜىٰوَرْ ذُنُبَنْسُ؞

78تَوُرِنْ يَوَنْ جِنْڧَنَّنْ نَ اللَّهْ نْمُ، حَصْكٜىٰنَّنْ نَثٜىٰتُواْ ذَيْ ٻُلُّواْ دَغَ سَمَ يَحَصْكَكَامُ،

79يَحَصْكَكَا مَاسُ ذَمَ أَدُهُ، دَ مَاسُ ذَمَ عَ إِنُوَرْ مُتُوَ، يَبِے دَمُو أَ حَنْيَرْ سَلَمَ؞»

80سَيْ يَحْيَى يَيِ غِرْمَ، يَيِ ڧَرْڢِے عَثِكِنْ رُوحَنِيَ؞ يَيِ ذَمَنْسَ أَدَاجِ سَيْ لُواْكَثِنْدَ يَڢِتُواْ دُواْمِنْ يِنْ وَعَظِ غَ مُتَنٜىٰنْ إِسْرَٰٓءِيلَ؞