Luke 2

Hausa Arabic 2020 (أَتَّوْرَتْ دَ أَنَّبَاوَا)

1عَݣُونَكِنْنَنْ، كَيْسَرْ أَوْغُسْتُسْ يَبَادَ عُمَرْنِ عَڧِرْغَ دُكَنْ مُتَنٜىٰنْ دَسُكٜىٰ عَڧَرْڧَشِنْ مُلْكٍ رُواْمَ؞

2وَنَّنْ شِينٜىٰ ڧِرْغَ تَڢَرْكُواْ وَدَّ عَكَيِ لُواْكَثِنْ دَ كِرِنِيُسْ يَكٜىٰ مُلْكٍ ڧَسَرْ سُورِيَ؞

3دُكَنْ مُتَنٜىٰ سُكَ كُواْمَ غَرُرُوَنْسُ دُواْمِنْ عَڧِرْغَسُ؞

4يُوسُڢَ مَا يَبَرْ غَرِنْ نَظَرٜىٰتْ عَثِكِنْ غَلِيلِ يَجٜىٰ غَرِنْ بَيْتَلَحْمِ عَيَنْكِنْ يَهُودِيَ، وَتُواْ غَرِنْ دَ عَكَ حَيْڢِ سَرْكِے دَاوُدَ كٜىٰنَنْ؞ يُوسُڢَ يَجٜىٰ ثَنْ دُواْمِنْ شِ دَغَ دَنْ‌غِنْ دَاوُدَ نٜىٰ؞

5يَتَڢِے تَرٜىٰدَ مَرْيَمُ دَ عَكَيِ أَلْڧَوَرِ ذَيْ عَوْرَ، دُواْمِنْ عَڧِرْغَسُ تَرٜىٰ؞ لُواْكَثِنَّنْ كُوَ تَنَدَ ثِكِ؞

6دَ سُنَ ثَنْ بَيْتَلَحْمِ، سَيْ ݣُونَكِنْ حَيْڢُوَرْتَ سُكَيِ؞

7تَا حَيْڢِ طَنْتَ نَڢَارِ، تَا رُڢٜىٰشِ دَ ذَنٜىٰنْ غُواْيُواْ، تَكُمَ ݣُونْتَرْ دَشِ أَعَبِنْدَ عَكٜىٰبَادَبُّواْبِے عَبِنْثِ عَثِكِ، دُواْمِنْ بَسُ سَامِ طَاكِ أَ مَسَوْكِبَ؞

8أَوَنَّنْ غٜىٰڢٜىٰنْ ڧَسَرْ كُوَ، أَݣَويْ وَطَنْسُ مَكِيَايَ سُنَ ݣُونَ أَڢِيلِ، سُنَ لُورَ دَ دَبُّواْبِنْسُ دَ دَرٜىٰ؞

9بَا لَابَرِ سَيْغَا مَلاَىِٕكَنْ عُبَنْ‌غِجِ يَبَيَّنَ غَرٜىٰسُ، كُمَ طَوْكَكَرْ اللَّهْ تَحَصْكَكَسُ؞ سَيْ سُكَجِڟُواْرُواْ سُواْسَيْ؞

10عَمَّا مَلاَىِٕكَنْ يَثٜىٰمُسُ «كَدَ كُجِڟُواْرُواْ! غَمَا نَا ذُواْ مُكُ دَ لَابَرِ مَيْ دَاطِے، وَنْدَ ذَيْسَا دُكَنْ مُتَنٜىٰ سُيِ ڢَضٍ ثِكِ سُواْسَيْ؞

11عَيَوْ طِنَّنْ، عَثِكِنْ غَرِنْ دَاوُدَ، أَنْحَيْڢَ مُكُ مَيْ ثٜىٰتُواْ، أَلْمَسِيحُ عُبَنْ‌غِجِ!

12وَنَّنْ نٜىٰ ذَيْ ذَمَ مُكُ عَلَمَ، ذَاكُ سَامُ أَنَّطٜىٰ جَرِرِ دَ ذَنٜىٰ، أَنْكُمَ ݣُونْتَرْ دَشِ أَعَبِنْدَ عَكٜىٰبَادَبُّواْبِے عَبِنْثِ عَثِكِ؞»

13بَا لَابَرِ سَيْغَا ڧُنْ‌غِيَرْ مَلاَىِٕكُ دَغَ سَمَ سُنْ بَيَّنَ تَرٜىٰدَ مَلاَىِٕكَ نَڢَارِنْ، سُنَ يَبُوانْ اللَّهْ سُنَ ثٜىٰوَ

14«طَوْكَكَ غَ اللَّهْ عَثَنْ ثِكِنْ سَمَ! عَدُونِيَا بَرِ سَلَمَ تَكَسَنْثٜىٰ تَرٜىٰدَ وَطَنْدَ اللَّهْ يَكٜىٰ جِنْ دَاطِنْسُ!»

15دَ مَلاَىِٕكُنْ سُكَ رَبُ دَسُو سُكَ كُواْمَ سَمَ، سَيْ مَكِيَايَنْ سُكَثٜىٰ وَجُونَنْسُ «بَرِ مُجٜىٰ بَيْتَلَحْمِ مُغَ أَبِنَّنْ دَيَڢَرُ دَ عُبَنْ‌غِجِ يَغَيَ مَنَ؞»

16سَيْ سُكَ تَڢِے دَسَوْرِ، سُكَغَ مَرْيَمُ دَ يُوسُڢَ، سُكَ كُمَ غَا يَرُوانْ يَنَ ݣُونْثٜىٰ أَعَبِنْدَ عَكٜىٰبَادَبُّواْبِے عَبِنْثِ عَثِكِ؞

17دَ مَكِيَايَنْ سُكَ غَنْشِ سَيْ سُكَ بَادَ لَابَرِنْ أَبِنْدَ مَلاَىِٕكَنْ يَڢَطَا مُسُ عَكَنْ يَرُوانْ؞

18دُكَنْ مُتَنٜىٰنْ دَ سُكَجِ وَنَّنْ لَابَرِ، سَيْ سُكَيِ تَرِڧٜىٰ بَاكِ سُنَ مَامَاكِنْ أَبِنْدَ مَكِيَايَنَّنْ سُكَثٜىٰ؞

19مَرْيَمُ كُوَ تَرِڧٜىٰ دُكَنْ وَطَنَّنْ أَبُبُوَ، تَنَ تُنَانِنْسُ أَ ذُوثِيَارْتَ؞

20مَكِيَايَنْ كُمَ سُكَ كُواْمَ، سُنَ تَيِنْ وَاڧُواْڧِنْ يَبُوانْ اللَّهْ ، سَبُواْدَ دُكَنْ أَبِنْدَ سُكَجِ سُكَ كُمَ غَنِ؞ كُواْمٜىٰ يَڢَرُ كُوَ كَمَرْ دَيْ يَدَّ مَلاَىِٕكَنْ يَڢَطَا مُسُ؞

21دَ يَرُوانْ يَيِ ݣُونَ تَݣُوسْ، سَيْ عَكَيِ مَسَ كَاثِيَ، عَكَ كُمَ بَاشِ سُونَ عِيسَىٰ ، سُونَنْ دَ مَلاَىِٕكَ يَبَايَرْ تُنْ كَاڢِنْ عَيِ ثِكِنْسَ؞

22دَ لُواْكَثِ يَكَيْ دَ مَرْيَمُ دَ يُوسُڢَ ذَاسُيِ أَبِنْدَ كُواْيَرْوَرْ مُوسَٰى تَثٜىٰ عَيِ دُوانْ ڟَبْتَثٜىٰوَ سَيْ سُكَ طَوْكِ عِيسَىٰ ذُوَا عُرُوشَلِيمَ دُواْمِنْ سُمِيڧَشِ غَ عُبَنْ‌غِجِ ؞

23حَكَ يَكٜىٰ أَرُبُوثٜىٰ أَ كُواْيَرْوَرْ عُبَنْ‌غِجِ «دُكْ طَا نَڢَارِ وَنْدَ عَكَ حَيْڢَ، ذَاعَ كٜىٰٻٜىٰشِ دَ ڟَرْكِے غَ عُبَنْ‌غِجِ ؞»

24سُكَ كُمَيِ هَدَايَ كَمَرْ يَدَّ كُواْيَرْوَرْ عُبَنْ‌غِجِ تَڢَطَا ثٜىٰوَ «كُرْثِيُواْيِ بِيُ كُواْ یَنْ تَتَّبَرُ بِيُنٜىٰ ذَاعَ يَنْكَ؞»

25تُواْ، أَوَنَّنْ لُواْكَثِ أَݣَويْ وَنِ مُتُمِنْ دَيَكٜىٰ ذَمَ أَ عُرُوشَلِيمَ دَ عَكٜىٰثٜىٰ دَشِ سِمٜىٰيُوانْ؞ شِے مُتُمْ مَيْ أَدَلْثِنٜىٰ، مَيْ بَوْتَرْ اللَّهْ ، كُمَ يَنَ جِضَانْ رَانَرْ دَ ذَاعَ ثٜىٰثِ إِسْرَٰٓءِيلَ؞ رُوحُ مَيْ ڟَرْكِے كُوَ يَنَ تَرٜىٰدَشِ؞

26رُوحُ مَيْ ڟَرْكِے يَڢَطَا مَسَ ثٜىٰوَ بَذَيْ مُتُبَ سَيْ يَغَ أَلْمَسِيحُنْ دَ عُبَنْ‌غِجِ يَيِ أَلْڧَوَرِ ذَيْ عَيْكُواْ؞

27دَ رُوحُ يَنَ إِظَشِ سَيْ يَشِغَ هَيْكَلِنْ أَ لُواْكَثِنْ دَ إِيَايٜىٰنْ سُكَ كَٰوُاْ عِيسَىٰ هَيْكَلِ دُواْمِنْ سُيِ كَمَرْ يَدَّ كُواْيَرْوَرْ مُوسَٰى تَثٜىٰ عَيِ،

28سَيْ سِمٜىٰيُوانْ يَكَرْٻِ يَرُوانْ أَهَنُّنْسَ يَيِ وَ اللَّهْ غُواْدِيَ يَثٜىٰ،

29«يَنْذُ، يَا عُبَنْ‌غِجِ ، كَسَلَّمِ بَاوَنْكَ لَاڢِيَ، كَمَرْ يَدَّ كَيِ أَلْڧَوَرِ،

30غَمَا عِدَنُونَ سُنْ‌غَ ثٜىٰتُوانْكَ،

31ثٜىٰتُوانْدَ كَشِرْيَ أَغَبَنْ دُكَنْ مُتَنٜىٰ،

32حَصْكٜىٰنْ دَ ذَيْ بَيَّنَكَ غَ وَطَنْدَ بَا يَهُودَاوَا بَ، يَكُمَ كَٰوُاْ طَوْكَكَ غَ مُتَنٜىٰنْكَ إِسْرَٰٓءِيلَ؞»

33بَابَنْ يَرُوانْ دَ مَامَرْسَ سُكَ رِڧٜىٰ بَاكِ، سُنَ مَامَاكِنْ أَبُبُوَنَّنْ دَ سِمٜىٰيُوانْ يَڢَطَا عَكَنْسَ؞

34سِمٜىٰيُوانْ يَسَا مُسُ أَلْبَرْكَ، يَثٜىٰ وَ مَرْيَمُ مَامَرْ يَرُوانْ «اللَّهْ يَاذَاٻِ يَرُواْنَّنْ دُواْمِنْ يَذَمَ دَلِيلِنْ ڢَاطُوَرْ وَطَنْسُ دَ تَاشِنْ وَطَنْسُ دَيَوَ عَثِكِنْ إِسْرَٰٓءِيلَ؞ ذَيْ ذَمَ عَلَمَ دَغَ وُرِنْ اللَّهْ وَدَّ مُتَنٜىٰ دَيَوَ بَذَاسُ سُواْبَ؞

35تَهَكَ أَسِيرِنْ ظُكَاتَنْسُ ذَيْ تُواْنُ؞ أَبِنَّنْ كُوَ ذَيْ يِمِكِ ذَاڢِ كَمَرْ تَكُواْبِے نٜىٰ يَسُواْكِ ذُوثِيَارْكِ؞»

36أَݣَويْ وَتَ ڟُواْهُوَرْ أَنَّبِيَ مَيْ سُونَ هَنَّةُ، یَرْ ڢَنُوٜىٰلْ نَظُرِيَرْ أَشٜىٰرْ؞ تَايِ ذَمَنْ عَوْرٜىٰ نَشٜىٰكَرَا بَݣَويْ نٜىٰ كَوَيْ،

37سَيْ مِجِنْتَ يَمُتُ؞ يَنْذُ شٜىٰكَرُنْتَ تَمَٰنِنْ دَ حُطُ نٜىٰ؞ بَاتَبَرِنْ هَيْكَلِ، تَنَيِ وَ اللَّهْ سُجَّدَ دَرٜىٰ دَ رَانَ أَوُرِنْ، تَنَ أَدُّعَ دَ أَظُمِ؞

38دَيْدَيْ وَنَّنْ لُواْكَثِ، سَيْ تَشِغُواْ، تَنَيِ وَ اللَّهْ غُواْدِيَ، تَكُمَيِ مَغَنَ غَمٜىٰدَ يَرُواْنَّنْ غَ دُكَنْ وَطَنْدَ سُكٜىٰ جِضَانْ اللَّهْ يَبَا عُرُوشَلِيمَ یَنْثِ؞

39دَ يُوسُڢَ دَ مَرْيَمُ سُكَ غَمَيِنْ دُكَنْ أَبُبُوَنْ دَ كُواْيَرْوَرْ عُبَنْ‌غِجِ تَثٜىٰ عَيِ، سَيْ سُكَ كُواْمَ غَرِنْسُ نَظَرٜىٰتْ أَ غَلِيلِ؞

40يَرُوانْ يَيِ غِرْمَ، يَكُمَيِ ڧَرْڢِے، يَنَ ثِكٜىٰ دَ حِكِمَ؞ أَلْحٜىٰرِنْ اللَّهْ كُمَ يَنَ تَرٜىٰدَشِ؞

41كُواْوَثٜىٰ شٜىٰكَرَا إِيَايٜىٰنْ عِيسَىٰ سُكَنْجٜىٰ عُرُوشَلِيمَ دُوانْ بِكٍ ڧٜىٰتَرٜىٰوَ؞

42دَ عِيسَىٰ يَثِكَ شٜىٰكَرَا غُواْمَشَا بِيُ دَ حَيْڢُوَ، سَيْ سُكَجٜىٰ بِكٍ كَمَرْ يَدَّ سُكَ سَابَا؞

43دَ بِكٍ يَڧَارٜىٰ، سُكَ كَامَ حَنْيَ دُواْمِنْ سُكُواْمَ غِدَا، عَمَّا عِيسَىٰ ، طَنْ يَرُواْنَّنْ، يَڟَيَ عَبَايَ أَ عُرُوشَلِيمَ، بَ دَ سَنِنْ إِيَايٜىٰنْسَبَ؞

44سُو كُمَ سُنَ ڟَمَّنِ يَنَ ثِكِنْ جَمَعَ، سَبُواْدَ حَكَ سُكَيِ تَتَڢِيَ حَرْ يِنِ غُدَا؞ سَعَنً سُكَ ڢَارَ نٜىٰمَنْسَ ثِكِنْ یَنْعُوَنْسُ دَ كُمَ أَبُواْكَنْسُ،

45عَمَّا بَسُغَنْ شِيبَ؞ سَبُواْدَ حَكَ سُكَ كُواْمَ عُرُوشَلِيمَ دُواْمِنْ سُنٜىٰمٜىٰشِ عَثَنْ؞

46أَ رَانَ تَ عُكُ سُكَ سَامٜىٰشِ يَنَ ذَمَ عَثِكِنْ هَيْكَلِ تَرٜىٰدَ مَلَمَيْ؞ يَنَ جِنْسُ، يَنَ كُمَيِ مُسُ تَمْبَيُواْيِ؞

47دُكَنْ وَطَنْدَ سُكَجِيشِ، سُكَ رِڧٜىٰ بَاكِ، سُنَ مَامَاكِنْ غَانٜىٰوَرْسَ دَ يَدَّ يَكٜىٰ بَادَ أَمْسُواْشِ؞

48إِيَايٜىٰنْسَ كُمَ سُكَيِ مَامَاكِنْ غَنِنْسَ أَنَنْ؞ سَيْ مَامَرْسَ تَثٜىٰمَسَ «طَانَ، دُوانْمٜىٰ كَيِ مَنَ حَكَ؟ نِے دَ بَابَنْكَ مُنْ دَامُ سُواْسَيْ دَ بَمُغَنْكَبَ؞»

49يَأَمْسَ مُسُ يَثٜىٰ «دُوانْمٜىٰ كُكٜىٰ نٜىٰمَنَ؟ بَكُسَنِ ثٜىٰوَ يَا كَمَاتَ إِنْكَسَنْثٜىٰ أَغِدَنْ عُبَانَ بَ؟»

50عَمَّا بَسُ غَانٜىٰ كُواْ مٜىٰنٜىٰنٜىٰ يَكٜىٰ نُڢِ دَ مَغَنَرْسَ نَنْبَ؞

51سَيْ يَتَاشِ يَبِيسُ، سُكَ كُواْمَ نَظَرٜىٰتْ تَرٜىٰ، عِنْدَ يَدِنْ‌غَ بِيَيَّ غَ إِيَايٜىٰنْسَ؞ مَامَرْسَ كُمَ تَرِڧٜىٰ دُكَنْ وَطَنَّنْ أَبُبُوَ تَنَ تُنَانِنْسُ أَ ذُوثِيَارْتَ؞

52عِيسَىٰ يَيِ تَڧَارُوَ دَ حِكِمَ دَ ڟَيِ، يَكُمَ سَامِ ڢَضٍ جِنِ أَغَبَنْ اللَّهْ دَ كُمَ أَغَبَنْ مُتَنٜىٰ؞

← Chapter 1 Jump to: Chapter 3 →