Luke 24 — Hausa Arabic 2020 (أَتَّوْرَتْ دَ أَنَّبَاوَا)

5ثِكٜىٰدَ ڟُواْرُواْ، مَاتَانْ سُكَ سُنْكُيَرْدَ كَنْسُ عَڧَسَا؞ مُتَنٜىٰنْ سُكَثٜىٰمُسُ «دُوانْمٜىٰ كُكٜىٰ نٜىٰمَنْ مَيْ رَيْ ثِكِنْ وَطَنْدَ سُكَ مُتُ؟

6بَايَ نَنْ، يَتَاشِ؞ كُتُنَ دَ أَبِنْدَ يَغَيَ مُكُ تُنْ يَنَ غَلِيلِ؞

7يَثٜىٰ، ‹لَلَّيْ نٜىٰ عَبَادَ طَنْ مُتُمْ أَهَنُّنْ مُتَنٜىٰ مَاسُ ذُنُوبِ، أَغِثِّيٜىٰشِ، أَ رَانَ تَ عُكُ كُمَ يَتَاشِ؞› »

8سَيْ مَتَنْ سُكَ تُنَ دَ مَغَنَرْسَ؞

9دَسُكَ دَاوُاْ دَغَ كَبَرِنْ، سَيْ سُكَ ڢَطَا وَشَا طَيَنَّنْ دَ سَوْرَنْ مُتَنٜىٰ دُكَنْ وَطَنَّنْ أَبُبُوَ؞

10مَاتَنْ دَ سُكَ غَيَ وَمَنْظَنِّنْ وَطَنَّنْ أَبُبُوَ كُوَ سُونٜىٰ مَرْيَمُ دَغَ مَغَدَلَ دَ يُواْوَنَ دَ مَرْيَمُ مَامَرْ يَعْڧُوبَ دَ وَطَنْسُ مَاتَنْ دَسُكٜىٰ تَرٜىٰدَسُو؞

11عَمَّا مَنْذَنِّےنْ سُكَ طَوْكِ مَغَنَرْ مَاتَنَّنْ وَنِ ذَنْثٜىٰنْ بَنْظَنٜىٰ كَوَيْ، دُواْمِنْ حَكَ بَسُ غَسْكَتَبَ؞

12عَمَّا بِتْرُسْ يَتَاشِ وُڢْ! يَجٜىٰ وُرِنْ كَبَرِنْ دَغُدُ؞ يَسُنْكُيَ، يَلٜىٰڧَ ثِكِ، يَغَ يَدِنْ لِيلِنْ عَ أَجِيٜىٰ أَغٜىٰڢٜىٰ طَيَ؞ سَيْ يَكُواْمَ غِدَا يَنَ مَامَاكِنْ أَبِنْدَ يَڢَرُ؞

13أَوَنَّنْ رَانَرْ كُمَ بِيُ دَغَ ثِكِنْ مَاسُبِنْ عِيسَىٰ سُنَ تَڢِيَ ذَاسُجٜىٰ وَنِ ڧَوْيٜىٰنْدَ عَكٜىٰثٜىٰ دَشِ إِمَوُسْ، وَنْدَ نِيسَنْسَ دَغَ عُرُوشَلِيمَ يَكَيْ مِصَالِنْ كِلُواْمِتَ غُواْمَشَا طَيَ؞

14سُنَ تَطِ دَ جُونَ عَكَنْ دُكَنْ أَبُبُوَنْ دَ سُكَ ڢَرُ؞

15سُنَ ثِكِنْ تَطِ سُنَ تَتَّوْنَ كٜىٰنَنْ، سَيْ عِيسَىٰ دَ كَنْسَ يَجَا كُسَ يَنَ تَڢِيَ دَسُو؞

16عَمَّا أَنْرُڢٜىٰ مُسُ عِدَنُونْسُ، حَرْ بَسُغَانٜىٰ شِيبَ؞

17سَيْ يَثٜىٰمُسُ «وَنٜىٰ تَطِ كُكٜىٰيِ حَكَ دَ جُونَ كُنَ تَڢِيَ؟» سَيْ سُكَ ڟَيَ ثِكْ، ڢُسْكُواْكِنْسُ عَٻَثٜىٰ؞

18طَيَ دَغَ ثِكِنْسُ، مَيْ سُونَ كِلِيُواْبَسْ، يَأَمْسَ مَسَ يَثٜىٰ «أَشٜىٰ، كَيْ كَطَيْنٜىٰ بَڧُواْ أَ عُرُوشَلِيمَ دَ بَكَسَنْ أَبُبُوَنْ دَ سُكَ ڢَرُ عَكْوَانَ ݣُونَنَّنْبَ؟»

19سَيْ يَثٜىٰ مُسُ «وَطَنّٜىٰ أَبُبُوَ؟» سُكَثٜىٰ مَسَ «أَبُبُوَنْدَ سُكَ ڢَرُ دَ عِيسَىٰ بَنَظَرٜىٰتْ؞ شِے كُوَ أَنَّبِنٜىٰ مَيْ إِيكُواْ ثِكِنْ أَيُّكَ دَ مَغَنَ أَغَبَنْ اللَّهْ دَ دُكَنْ مُتَنٜىٰ،

20وَنْدَ كُمَ مَنْيَنْ ڢِرِسْتُواْثِے دَ شُوغَبَنِّنْمُ سُكَ بَادَشِ عَيِ مَسَ حُكُنْثِنْ مُتُوَ، سُكَ كُوَ غِثِّيٜىٰشِ؞

21دَا مُنَسَا ذُوثِيَا ثٜىٰوَ شِينٜىٰ ذَيْ ڢَنْشِ إِسْرَٰٓءِيلَ! غَاشِ، يَوْ ݣُونَ عُكُ كٜىٰنَنْ تُنْدَ وَنَّنْ أَبِنْ يَڢَرُ؞

22بَنْدَ حَكَمَا وَطَنْسُ مَاتَا عَثِكِنْمُ سُنْبَامُ مَامَاكِ؞ غَمَا سُنْجٜىٰ كَبَرِنْ دَ سَسَّڢٜىٰ،

23عَمَّا بَسُسَامِ جِكِنْسَبَ؞ سَيْ سُكَ دَاوُاْ سُكَثٜىٰ أَنْيِمُسُ رُعُيَ، سُنْ‌غَ مَلاَىِٕكُ وَطَنْدَ سُكَثٜىٰ يَنَدَ رَيْ؞

24وَطَنْسُ عَثِكِنْمُ مَا سُكَجٜىٰ كَبَرِنْ سُكَ كُمَ سَامِ أَبِنَّنْ كَمَرْ دَيْ يَدَّ مَاتَنْ سُكَ ڢَطَا، عَمَّا شِے طِنْ بَسُ غَنْشِيبَ؞»

25سَيْ عِيسَىٰ يَثٜىٰمُسُ «حَبَ، كُو مَرَسَ تُنَانِ، بَاكُ دَ سَوْرِنْ غَسْكَتَاوَا غَمٜىٰدَ أَبِنْدَ أَنَّبَاوَا سُكَ ڢَطَا!

26أَشٜىٰ، بَدُواْلٜىٰنٜىٰ أَلْمَسِيحُ يَشَا وَطَنَّنْ وَهَلُواْلِبَ، يَكُمَ شِغَ طَوْكَكَرْسَ؟»

27سَيْ يَبَيَّنَ مُسُ دُكْ أَبِنْدَ رُبُوتَثِّيَرْ مَغَنَرْ اللَّهْ سُنْ ڢَطَا عَكَنْسَ دَغَ كُواْيَرْوَرْ مُوسَٰى حَرْ ذُوَا لِتَّتَّڢَنْ أَنَّبَاوَا دُكَ؞

28دَ سُكَيِ كُسَدَ ڧَوْيٜىٰنْدَ ذَاسُ، سَيْ عِيسَىٰ يَيِ كَمَرْ ذَيْ وُثٜىٰ،

29عَمَّا سُكَ مَاڟَ مَسَ سُكَثٜىٰ «ذَوْنَ دَمُو، أَيْ، يَمَّ تَيِ، غَا رَانَ دُكْ تَڢَاطِ؞» سَيْ يَبِيسُ يَسَوْكَ أَوُرِنْسُ؞

30دَ سُكَ ذَوْنَ ذَاسُثِ عَبِنْثِ، سَيْ يَطَوْكِ غُرَاسَ يَيِ غُواْدِيَ، يَكَكَّرْيَ يَبَاسُ؞

31نَنْ دَ نَنْ سَيْ عِدَنُونْسُ سُكَ بُوطٜىٰ، سُكَ كُمَ غَانٜىٰشِ؞ عَمَّا سَيْ يَٻَثٜىٰمُسُ؞

32سُكَثٜىٰ وَجُونَ «أَشٜىٰ، ذُوثِيَارْمُ بَتَڧُونَبَ لُواْكَثِنْ دَيَكٜىٰ مَغَنَ دَمُو أَهَنْيَ، يَنَ بَيَّنَ مَنَ رُبُوتَثِّيَرْ مَغَنَرْ اللَّهْ ؟»

33سُكَتَاشِ نَنْ دَنَنْ سُكَ كُواْمَ عُرُوشَلِيمَ؞ سُكَ سَامِ شَا طَيَنْ تَرٜىٰدَ وَطَنْسُ مُتَنٜىٰ،

34سُنَ ثٜىٰوَ «أَيْ، عُبَنْ‌غِجِ يَتَاشِ دَغَسْكٜىٰ! حَرْ مَا يَبَيَّنَ غَ بِتْرُسْ!»

35سَعَنً سُو بِيُنْ كُمَ سُكَ بَادَ لَابَرِنْ أَبِنْدَ يَڢَرُ أَ حَنْيَ دَ كُمَ يَدَّ سُكَ غَانٜىٰشِ سَعَدَّ يَكٜىٰ كَكَّرْيَ غُرَاسَ؞

36تُنْ سُنَ مَغَنَ غَمٜىٰدَ وَنَّنْ، سَيْ كَوَيْ غَ عِيسَىٰ دَكَنْسَ أَڟَيٜىٰ أَڟَكِيَرْسُ، يَثٜىٰمُسُ «سَلَمَ أَغَرٜىٰكُ!»

37ڟُواْرُواْ يَكَامَسُ سُنَ ضَوَرْ جِكِے، سُنَ ڟَمَّنِ ڢَتَلْوَثٜىٰ سُكٜىٰ غَنِ؞

38سَيْ يَثٜىٰ مُسُ «دُوانْمٜىٰ كُكَجِڟُواْرُواْ حَكَ، كُكٜىٰ كُمَ شَكَّ أَ ذُوثِيَارْكُ؟

39كُدُوبَ حَنُّوَنَ دَ ڧَڢَاڢُنَ كُغَنِ، أَيْ، نِنٜىٰ دَكَيْنَ؞ كُتَٻَنِ، كُجِ، دُوانْ ڢَتَلْوَ بَاتَدَ نَامَ دَ ڧَشِ، يَدَّ كُكٜىٰ غَنِ نَكٜىٰ دَسُو؞»

40دَ يَڢَطِ حَكَ، سَيْ يَنُونَ مُسُ حَنُّوَنْسَ دَ ڧَڢَاڢُنْسَ؞

41تُنْ سُنَدَ سَوْرَنْ شَكَّ سَبُواْدَ يَوَنْ ڢَضٍ ثِكِ دَ مَامَاكِ، سَيْيَثٜىٰمُسُ «كُنَدَ عَبِنْثِ أَنَنْ كُوَ؟»

42سُكَبَاشِ ڟُواْكَرْ غَسَشّٜىٰنْ كِيڢِ؞

43يَكَرْٻَ يَثِ، سُو كُمَ سُنَ كَلُّوانْسَ؞

44سَيْ يَثٜىٰمُسُ «وَطَنَّنْ سُونٜىٰ أَبُبُوَنْدَ نَيِ مَغَنَ عَكَيْ تُنْ إِنَ تَرٜىٰدَكُو ثٜىٰوَ دُواْلٜىٰنٜىٰ عَثِكَ دُكْ أَبِنْدَ عَكَ رُبُوتَ عَكَيْنَ عَثِكِنْ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا دَ كُمَ زَبُورَا؞»

45سَيْ يَبُوطٜىٰ حَنْكَلِنْسُ سُكَ غَانٜىٰ دَ رُبُوتَثِّيَرْ مَغَنَرْ اللَّهْ ،

46يَكُمَ ثٜىٰمُسُ «حَكَ عَكَ رُبُوتَ ثٜىٰوَ دُواْلٜىٰنٜىٰ أَلْمَسِيحُ يَشَا وُيَ، أَ رَانَ تَ عُكُ كُمَ يَتَاشِ دَغَ مَتَتُّو؞

47كُمَ أَ سُونَنْسَ ذَاعَيِ وَدُكَنْ أَلْعُمَّنْ دُونِيَا وَعَظِنْ تُوبَ دَ يَاڢٜىٰوَرْ ذُنُبَيْ؞ ذَاعَكُوَ ڢَارَ دَغَ عُرُوشَلِيمَ؞

48كُونٜىٰ شَيْدُنْ وَطَنَّنْ أَبُبُوَ؞

49غَاشِ، نِے ذَنْ عَيْكُواْ مُكُ دَ أَبِنْدَ عُبَانَ يَيِ أَلْڧَوَرِ؞ عَمَّا كُجِرَا عَبِرْنِ تُكُنَ، سَيْ أَنْبَاكُ إِيكُواْ دَغَ سَمَ؞»

50سَيْ يَڢِتَرْ دَسُو ذُوَا بَايَنْ بِرْنِ، سُكَ كَيْ حَرْ بٜىٰتَنِ؞ أَوُرِنْ يَطَغَ حَنُّوَنْسَ يَسَا مُسُ أَلْبَرْكَ؞

51يَنَ ثِكِنْ سَا مُسُ أَلْبَرْكَ كٜىٰنَنْ، سَيْ يَرَبُ دَسُو، عَكَ كُمَ طَوْكٜىٰشِ ذُوَا سَمَ؞

52سُو كُوَ سُكَيِ مَسَ سُجَّدَ، سُكَ كُواْمَ عُرُوشَلِيمَ ثِكٜىٰ دَ ڢَضٍ ثِكِ سُواْسَيْ؞

53كُواْ يَوْشٜىٰ كُمَ سُنَ ثِكِنْ هَيْكَلِ سُنَ يَبُوانْ اللَّهْ ؞