Luke 22 — Hausa Arabic 2020 (أَتَّوْرَتْ دَ أَنَّبَاوَا)

1تُواْ، لُواْكَثِنْ بِكٍ غُرَاسَرْ مَرَرْ يِسْتِنْ دَ عَكٜىٰثٜىٰ دَشِ «بِكٍ ڧٜىٰتَرٜىٰوَ» يَيِكُسَ؞

2سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَيِ تَنٜىٰمَنْ يَدَّ ذَاسُ كَشٜىٰ عِيسَىٰ ؞ سُنْ نٜىٰمَ سُيِ حَكَ عَٻُواْيٜىٰ غَمَا سُنَ جِنْ ڟُواْرُوانْ مُتَنٜىٰ؞

3سَيْ شَيْطَنْ يَشِغَ ثِكِنْ ذُوثِيَارْ يَهُودَ وَنْدَ عَكٜىٰثٜىٰ دَشِ إِسْكَرِيُواْتِ، طَيَ دَغَ ثِكِنْ أَلْمَجِرَيْ شَا بِيُنَّنْ؞

4سَيْ يَجٜىٰ يَيِ مَغَنَ دَ مَنْيَنْ ڢِرِسْتُواْثِے دَ شُوغَبَنِّنْ مَاسُ غَادِنْ هَيْكَلِ عَكَنْ يَدَّ ذَيْبَادَ عِيسَىٰ غَرٜىٰسُ؞

5سُكَيِ مُرْنَ سُواْسَيْ، سُكَ شِرْيَ عَكَنْ ذَاسُ بِيَشِ كُطِ؞

6يَهُودَ كُوَ يَيَرْدَ دَ حَكَ، يَڢَارَ نٜىٰمَنْ حَنْيَرْ دَ ذَيْبَادَ عِيسَىٰ غَرٜىٰسُ بَادَ سَنِنْ مُتَنٜىٰبَ؞

7دَ رَانَرْ بِكٍ غُرَاسَرْ مَرَرْ يِسْتِ تَكٜىٰوَيُواْ، وَتُواْ رَانَرْ دَ ذَاعَ يَنْكَ طَنْ ضَغُواْ نَبِكٍ ڧٜىٰتَرٜىٰوَ،

8عِيسَىٰ يَعَيْكِ بِتْرُسْ دَ يَحْيَى يَثٜىٰمُسُ «كُجٜىٰ كُشِرْيَ مَنَ عَبِنْثِنْ ڧٜىٰتَرٜىٰوَ مُثِ؞»

9سُكَ تَمْبَيٜىٰشِ سُكَثٜىٰ «إِنَا كَكٜىٰسُواْ مُجٜىٰ مُشِرْيَشِ؟»

10يَثٜىٰ مُسُ «دَكُنْ شِغَ ثِكِنْ غَرِ، ذَاكُ سَدُ دَ وَنِ مُتُمْ رِڧٜىٰ دَ تُلُنْ ضُوَ؞ كُبِيشِ ذُوَا غِدَنْ دَ ذَيْ شِغَ؞

11كُثٜىٰ وَمَيْغِدَنْ، ‹مَلَمْ نٜىٰ يَعَيْكٜىٰمُ مُثٜىٰ مَكَ «إِنَا طَاكِنْ دَنِے دَ أَلْمَجِرَيْنَ ذَامُثِ عَبِنْثِنْ ڧٜىٰتَرٜىٰوَ؟» ›

12ذَيْ نُونَ مُكُ وَنِ بَبَّنْ طَاكِنْ سَمَ أَشِرْيٜىٰ؞ أَ نَنْ ذَاكُ شِرْيَ مَنَ كُواْمٜىٰ؞»

13سَيْ سُكَ تَڢِے، سُكَ كُمَ سَامِ كُواْمٜىٰ دَيْدَيْ كَمَرْ يَدَّ عِيسَىٰ يَڢَطَا مُسُ، سُكَ كُمَ شِرْيَ عَبِنْثِنْ بِكٍ ڧٜىٰتَرٜىٰوَ؞

14دَ لُواْكَثِ يَيِ، سَيْ عِيسَىٰ يَذَوْنَ تَرٜىٰدَ مَنْذَنِّےنْسَ دُوانْ ثِنْ عَبِنْثِ؞

15سَيْ يَثٜىٰ مُسُ «نَيِ مَرْمَرِ إِنْثِ وَنَّنْ بِكٍ ڧٜىٰتَرٜىٰوَ تَرٜىٰدَكُو كَاڢِنْ إِنْشَا وَهَلَ!

16إِنَ دَيْ غَيَ مُكُ، بَذَنْ ڧَارَ ثِنْ بِكِنَّنْبَ، سَيْ مَعَنَرْسَ تَثِكَ أَمُلْكٍ اللَّهْ ؞»

17سَيْ يَطَوْكِ ݣُوڢْ، يَيِ غُواْدِيَ غَ اللَّهْ ، يَثٜىٰ «كُكَرْٻَ كُرَرَّبَ ڟَكَانِنْكُ؞

18إِنَ غَيَ مُكُ ثٜىٰوَ دَغَ يَنْذُ بَذَنْ ڧَارَ شَنْ وَنَّنْ ضُوً إِنَبِبَ سَيْ مُلْكٍ اللَّهْ يَا ذُواْ؞»

19سَيْ يَطَوْكِ غُرَاسَ، يَيِ غُواْدِيَ غَ اللَّهْ ، يَكَكَّرْيَشِ، يَكُمَبَاسُ، يَنَ ثٜىٰوَ «وَنَّنْ جِكِينَ نٜىٰ وَنْدَ ذَاعَ بَايَرْ دُواْمِنْكُ؞ كُدِنْ‌غَ يِنْ حَكَ دُوانْ تُنَاوَا دَنِے؞»

20حَكَكُمَ، بَايَنْ جِيبِنْ، يَطَوْكِ ݣُوڢْ، يَثٜىٰ «وَنَّنْ ݣُوڢْ نَسَابُوَرْ يَرْجٜىٰجٜىٰنِيَثٜىٰ وَدَّ عَكَ تَبَّتَرْ دَ جِنِنَ وَنْدَ ذَاعَ ظُبَرْ دُواْمِنْكُ؞

21عَمَّا غَاشِ وَنْدَ ذَيْ بَاشٜىٰنِ يَنَثِ تَرٜىٰدَنِ!

22طَنْ مُتُمْ ذَيْ مُتُ كَمَرْ يَدَّ عَكَ شِرْيَ، عَمَّا كَيْتُوانْ مُتُمِنْدَ يَبَادَشِ!»

23سَيْ أَلْمَجِرَنْ سُكَ ڢَارَ تَمْبَيَرْ جُونَ كُواْ وَنٜىٰنٜىٰ عَثِكِنْسُ ذَيْ يِهَكَ؞

24سَيْ غَرْدَمَ تَتَاشِ عَثِكِنْ أَلْمَجِرَنْ عَكَنْ وَنٜىٰنٜىٰ عَثِكِنْسُ ذَيْ ذَمَ بَبَّ؞

25عِيسَىٰ يَثٜىٰمُسُ «سَرَاكُنَنْ مُتَنٜىٰنْدَ بَسُ سَنْ اللَّهْ بَ سُكَنْ نُونَ وَمُتَنٜىٰنْسُ إِيكُواْ، كُمَ شُوغَبَنِّنْسُ سُكَنْثٜىٰ دَكَنْسُ ‹مَاسُ تَيْمَكُوانْ مُتَنٜىٰ؞›

26عَمَّا كَدَ يَذَمَ حَكَ أَڟَكَانِنْكُ؞ أَ مَيْمَكُوانْ حَكَ، بَرِ بَبَّ عَثِكِنْكُ يَذَمَ كَمَرْ ڧَرَمِ، شُوغَبَا كُمَ يَذَمَ كَمَرْ بَاوَ؞

27وَنٜىٰنٜىٰ يَڢِ غِرْمَ، شِے وَنْدَ يَذَوْنَ يَنَثِ نٜىٰ، كُواْ كُمَ شِے دَيَكٜىٰ كَيْ مَاسُ عَبِنْثِ؟ أَيْ، وَنْدَ يَذَوْنَ يَنَثِ نٜىٰ؞ عَمَّا غَاشِ إِنَ عَثِكِنْكُ كَمَرْ مَيْكَيْ عَبِنْثِنٜىٰ؞

28«كُو نٜىٰ كُكَ ڟَيَ دَ أَمِنْثِ تَرٜىٰدَنِ أَدُكْ ڠُوجٜىٰ ڠُوجٜىٰنْدَ نَشَا؞

29كَمَرْ دَيْ يَدَّ عُبَانَ يَبَانِ إِيكُواْ إِنْيِ مُلْكِ، حَكَ نَكٜىٰ بَاكُ،

30دُواْمِنْ كُثِ كُشَا عَتٜىٰبُرِنَ عَثَنْ ثِكِنْ مُلْكِنَ؞ كُمَ ذَاكُ ذَوْنَ عَكُجٜىٰرُنْ مُلْكِ، كُيِ مُلْكٍ ذُرِيَ غُواْمَشَا بِيُنَّنْ نَ إِسْرَٰٓءِيلَ؞

31«بِتْرُسْ، بِتْرُسْ! كَجِ نَنْ! شَيْطَنْ يَنٜىٰمِ إِظْنِ يَڠُودَكُو دُكَ، يَتَنْكَطٜىٰكُ كَمَرْ يَدَّ عَكٜىٰ تَنْكَطٜىٰ أَلْكَمَ دَغَ دُوسَ؞

32عَمَّا نَيِ مَكَ أَدُّعَ، بِتْرُسْ، كَدَ بَنْ‌غَسْكِيَرْكَ تَكَاسَ؞ بَايَنْدَ كَجُويُواْ وُرِينَ، كَڧَرْڢَڢَ یَنْعُوَنْكَ؞»

33بِتْرُسْ يَأَمْسَ يَثٜىٰ « عُبَنْ‌غِجِ ، إِنَ أَشِرْيٜىٰ إِنْجٜىٰ حَرْ مَا كُرْكُكُ تَرٜىٰدَكَيْ؞ إِنْ مَا مُتُوَاثٜىٰ، مُمُتُ تَرٜىٰ!»

34عِيسَىٰ يَثٜىٰ «إِنَ غَيَ مَكَ، بِتْرُسْ، كَاڢِنْ ظَكَرَ يَيِثَارَ أَدَرٜىٰنْ يَوْ، ذَاكَثٜىٰ بَكَسَنْ نِبَ سَوْ عُكُ!»

35سَيْ عِيسَىٰ يَتَمْبَيِ أَلْمَجِرَنْسَ يَثٜىٰ «أَ لُواْكَثِنْدَ نَ عَيْكٜىٰكُ بَا كُطِ، بَا عَبِنْثِ، بَا تَاكَلْمَ، كُنْ رَسَ وَنِ أَبُ نٜىٰ؟» سُكَثٜىٰ «أَعَ!»

36يَثٜىٰ مُسُ «عَمَّا يَنْذُ، دُكْ وَنْدَ يَكٜىٰدَ كُطِ كُواْ عَبِنْثِ، يَطَوْكَ يَرِڧٜىٰ، كُمَ دُكْ وَنْدَ بَاشِدَ تَكُواْبِے، يَسَيَرْ دَ رِغَرْسَ يَسَيَ؞

37غَمَا إِنَ غَيَ مُكُ، ثٜىٰوَ وَنَّنْ رُبُوتَثِّيَرْ مَغَنَرْ اللَّهْ دَ تَثٜىٰ ‹أَنْ حَطَشِ ثِكِنْ مَاسُ ذُنُوبِ،› دُواْلٜىٰنٜىٰ تَثِكَ عَكَيْنَ؞ عِ، أَبِنْدَ عَكَ رُبُوتَ عَكَيْنَ يَنَ كَنْ ثِكَاوَا؞»

38أَلْمَجِرَنْ سُكَثٜىٰ مَسَ «مَيْغِرْمَ، غَا تَكُواْبِے غُدَا بِيُ أَنَنْ؞» عِيسَىٰ يَثٜىٰ «يَ إِسَ؞»

39عِيسَىٰ يَبَرْ بِرْنِنْ، يَهَوْ تُدُنْ عِتَتُوَنْ ظَيْتُنْ كَمَرْ يَدَّ يَسَابَا؞ أَلْمَجِرَنْسَ كُوَ سُكَبِيشِ؞

40دَ يَكَيْ وُرِنْ، سَيْيَثٜىٰمُسُ «كُيِ أَدُّعَ ڢَا، دُواْمِنْ كَدَ كُڢَاطَ ثِكِنْ جَرَّبَ؞»

41سَيْ يَثِيغَبَ يَيِ طَنْ نِيسَ دَسُو، مِصَالِنْ نِيسَنْ جِڢَ، سَيْ يَدُرْڧُسَ يَيِ أَدُّعَ؞

42يَثٜىٰ «عُبَا، إِنْ كَا يَرْدَ كَطَوْكٜىٰ مِنِ وَنَّنْ ݣُوڢْ نَوَهَلَ؞ عَمَّا بَ نُڢِينَبَ، سَيْدَيْ نُڢِنْكَ ذَاعَ بِے؞»

43سَيْغَا مَلاَىِٕكَ دَغَ سَمَ يَبَيَّنَ غَرٜىٰشِ يَنَ ڧَرْڢَڢَشِ؞

44يَنَ ثِكِنْ عَذَابَ مَيْ ڟَنَنِ، سَيْ يَڧَارَ نَاثٜىٰوَ ثِكِنْ أَدُّعَرْ، حَرْ ظُڢَ تَنَ سَوْكَ مَسَ كَمَرْ جِنِ؞

45دَ عِيسَىٰ يَتَاشِ دَغَ أَدُّعَ، سَيْ يَكُواْمَ وُرِنْدَ أَلْمَجِرَنْ سُكٜىٰ، يَسَامٜىٰسُ سُنَ بَرْثِ سَبُواْدَ بَڧِنْ ثِكِ؞

46يَثٜىٰمُسُ «دُوانْمٜىٰ كُكٜىٰ بَرْثِ؟ كُتَاشِ، كُيِ أَدُّعَ دُواْمِنْ كَدَ كُڢَاطَ ثِكِنْ جَرَّبَ؞»

47بَيْ مَا رُڢٜىٰ بَاكِبَ، سَيْغَا تَارُوانْ مُتَنٜىٰ سُكَذُواْ؞ يَهُودَ، طَيَ دَغَ ثِكِنْ شَا بِيُنْ نٜىٰ، يَكَٰوُاْسُ؞ سَيْ يَغُسَ كُسَدَ عِيسَىٰ دُواْمِنْ يَسُمْبَثٜىٰشِ؞

48عَمَّا عِيسَىٰ يَثٜىٰ «يَهُودَ، أَشٜىٰ دَسُمْبَنٜىٰ ذَاكَ بَادَ طَنْ مُتُمْ؟»

49دَ أَلْمَجِرَنْ دَسُكٜىٰ تَرٜىٰدَ عِيسَىٰ سُكَغَ حَكَ، سُكَ تَمْبَيٜىٰشِ سُكَثٜىٰ «مَيْغِرْمَ، مُيِ أَمْڢَانِ دَ تَكُواْبِنْ نٜىٰ؟»

50سَيْ طَيَنْسُ يَسَارِ بَاوَنْ بَبَّنْ ڢِرِسْتِ، يَيَنْكٜىٰ كُنّٜىٰنْسَ نَدَمَ؞

51عَمَّا عِيسَىٰ يَثٜىٰ مُسُ «كُبَرِ؞» سَيْ يَتَٻَ كُنّٜىٰنْ مُتُمِنْ دَ عَكَسَارَ يَوَرْكَرْ دَشِ؞

52سَيْ عِيسَىٰ يَثٜىٰ وَمَنْيَنْ ڢِرِسْتُواْثِے دَ شُوغَبَنِّنْ مَاسُ غَادِنْ هَيْكَلِ دَ شُوغَبَنِّنْ جَمَعَ، وَطَنْدَ سُكَذُواْ دُواْمِنْ سُكَامَشِ «كُنْڢِتُواْ دَ تَكُبَ دَ سَنْدُنَ كُكَامَنِ سَيْكَثٜىٰ طَنْ ڢَشِ؟

53كُلُّمْ إِنَ تَرٜىٰدَكُو أَ هَيْكَلِ، بَكُكَامَ نِبَ؞ عَمَّا وَنَّنْ نٜىٰ لُواْكَثِنْكُ دَ نَ إِيكُوانْ دُهُ؞»

54سُكَ كَامَ عِيسَىٰ سُكَ تَڢِے دَشِ، سُكَ كَيْشِ غِدَنْ بَبَّنْ ڢِرِسْتِ؞ بِتْرُسْ يَدِنْ‌غَ بِنْسُ دَغَ نٜىٰسَ نٜىٰسَ؞

55دَسُكَ هُورَ وُتَا أَڢِيلِنْ غِدَنْ سُكَ ظَظْذَوْنَ، بِتْرُسْ مَا يَذَوْنَ عَثِكِنْسُ؞

56دَ طَيَ دَغَ ثِكِنْ یَنْ مَاتَانْدَ سُكٜىٰ عَيْكِ أَغِدَنْ تَغَنْشِ ظَوْنٜىٰ كُسَدَ وُتَرْ، تَكَڢَ مَسَ عِدُواْ تَثٜىٰ «أَيْ، وَنَّنْ مُتُمِنْ مَا يَنَ تَرٜىٰدَ عِيسَىٰ!»

57عَمَّا بِتْرُسْ يَيِ مُسُو يَثٜىٰ «كٜىٰ! نِے بَنْسَنْشِيبَ!»

58بَايَنْ طَنْ لُواْكَثِ كَطَنْ، وَنِ مُتُمْ يَغَانٜىٰ بِتْرُسْ، يَثٜىٰ «لَلَّيْ، كَيْمَا طَيَنْسُنٜىٰ!» عَمَّا بِتْرُسْ يَنَاثٜىٰ دَ ثٜىٰوَ «كَيْ! بَنِ بَنٜىٰ!»

59بَايَنْ كَمَرْ أَوَ طَيَ سَيْ وَنِ مُتُمْ يَثٜىٰ «بَاشَكَّ مُتُمِنَّنْ مَا يَنَ تَرٜىٰ دَشِ، غَمَا شِے مُتُمِنْ غَلِيلِ نٜىٰ؞»

60عَمَّا بِتْرُسْ يَثٜىٰ «حَبَ! بَنْ مَا سَنْ أَبِنْدَ كَكٜىٰ ڢَطَا بَ!» تُنْ بَيْ رُڢٜىٰ بَاكِبَ، سَيْ ظَكَرَ يَيِثَارَ؞

61عُبَنْ‌غِجِ كُمَ يَجُويَ يَدُوبِے بِتْرُسْ؞ سَعَنً بِتْرُسْ يَتُنَ يَدَّ عُبَنْ‌غِجِ يَثٜىٰمَسَ «كَاڢِنْ ظَكَرَ يَيِثَارَ أَدَرٜىٰنْ يَوْ، ذَاكَثٜىٰ بَكَسَنِّبَ سَوْ عُكُ؞»

62سَيْ يَڢِتَ وَجٜىٰ، يَڢَشٜىٰ دَ كُوكَا مَيْ ذَاڢِ؞

63سَيْ وَطَنْدَ سُكٜىٰ غَادِنْ عِيسَىٰ سُكَيِ مَسَ بَعَ سُكَ كُمَيِ مَسَ دُوكَ؞

64سُكَ طَوْرٜىٰ مَسَ إِدَانُو سُنَ تَمْبَيَرْسَ «يِ أَنَّبْثِ، وَيَمَرٜىٰكَ!»

65سُكَ كُمَيِتَيِ مَسَ وَطَنْسُ مَغَنْ‌غَنُنْ رٜىٰنِ؞

66دَغَرِ يَوَايٜىٰ، سَيْ شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَتَارُ، سُكَكَيْ عِيسَىٰ غَبَنْ مَجَلِسَرْسُ؞

67سُكَثٜىٰ «ڢَطَا مَنَ، كَيْنٜىٰ أَلْمَسِيحُ ؟» سَيْ يَأَمْسَ يَثٜىٰ «كُواْ نَغَيَ مُكُ بَذَاكُ غَسْكَتَبَ،

68عِدَنْ كُمَ نَيِمُكُ تَمْبَيَ بَذَاكُ بَانِ أَمْسَبَ؞

69عَمَّا دَغَ يَنْذُ، طَنْ مُتُمْ ذَيْذَوْنَ أَهَنُّنْ دَامَ نَ اللَّهْ مَيْ إِيكُواْ ؞»

70سَيْ دُكَنْسُ سُكَثٜىٰ «أَشٜىٰ، كَيْ طِنَّنْ طَنْ اللَّهْ نٜىٰ؟» يَأَمْسَ يَثٜىٰ «كُنْ ڢَطَا، نِنٜىٰ؞»

71سَيْ سُكَثٜىٰ «وَثٜىٰ شَيْدَثٜىٰ كُمَ مُكٜىٰ نٜىٰمَ؟ أَيْ، مُو دَ كَنْمُ مُنْجِ أَبِنْدَ يَثٜىٰ دَبَاكِنْسَ!»