Luke 20

Hausa Arabic 2020 (أَتَّوْرَتْ دَ أَنَّبَاوَا)

1وَتَرَانَ عِيسَىٰ يَشِغَ هَيْكَلِ يَنَ كُواْيَرْوَا، يَنَ كُمَ وَعَظِنْ لَابَرِ مَيْ دَاطِے غَ مُتَنٜىٰ، سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى تَرٜىٰدَ شُوغَبَنِّنْ جَمَعَ سُكَذُواْ

2سُكَثٜىٰمَسَ «غَيَ مَنَ إِظْنِنْ دَ كَكٜىٰ دَشِ دَ كَكٜىٰيِنْ وَطَنَّنْ أَبُبُوَ؞ وَيَبَاكَ إِظْنِنْ؟»

3عِيسَىٰ يَأَمْسَ مُسُ يَثٜىٰ «نِے مَا ذَنْيِ مُكُ وَتَ تَمْبَيَ؞ كُغَيَ مِنِ،

4إِظْنِنْ دَ يَحْيَى يَيِ بَڢْتِسْمَ دَشِ، اللَّهْ نٜىٰ يَبَاشِ، كُواْ كُوَ مُتُمْ؟»

5سَيْ سُكَ تَتَّوْنَ أَ جُونَنْسُ، سُنَ ثٜىٰوَ «عِدَنْ مُنْ ثٜىٰ، ‹دَغَ وُرِنْ اللَّهْ يَا ذُواْ،› ذَيْثٜىٰ، ‹دُوانْمٜىٰ بَكُ غَسْكَتَ شِيبَ؟›

6إِنْكُمَ مُكَثٜىٰ، ‹دَغَ مُتُمْ نٜىٰ،› يَوَنْ مُتَنٜىٰنَّنْ ذَاسُ جٜىٰجّٜىٰڢٜىٰمُ دَ دُوَڟُو، دُواْمِنْ كُواْوَ يَيَرْدَ ثٜىٰوَ يَحْيَى أَنَّبِنٜىٰ؞»

7دُواْمِنْ حَكَ سُكَثٜىٰ مَسَ «بَمُسَنْ عِنْدَ يَڢِتُواْبَ؞»

8سَيْ عِيسَىٰ يَثٜىٰمُسُ «نِے مَا بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ وَطَنَّنْ أَبُبُوَبَ؞»

9سَيْ عِيسَىٰ يَغَيَ وَمُتَنٜىٰ وَنَّنْ مِصَالِ يَثٜىٰ «أَنْ تَٻَيِنْ وَنِ مُتُمِنْ دَ يَيِ غُواْنَرْ إِنَبِے، سَيْ يَبَادَ هَيَرْتَ غَ وَطَنْسُ مَنُواْمَ، سَعَنً يَتَڢِے وَتَ ڧَسَا، يَكُمَ دَطٜىٰ عَثَنْ؞

10دَ لُواْكَثِنْ غِرْبِنْ إِنَبِنْ يَيِ، سَيْ يَعَيْكِ وَنِ بَاوَنْسَ يَجٜىٰ وُرِنْ وَطَنَّنْ دَ سُكَ كَرْٻِ هَيَرْ غُواْنَرْ، يَكَرْٻُواْ مَسَ وَطَنْسُ یَیَنْ إِنَبِے دَغَ غُواْنَرْ؞ عَمَّا یَنْ هَيَرْ سُكَيِ مَسَ دُوكَ، سُكَ سَلَّمٜىٰشِ حَنُّ وُاْڢِ؞

11سَيْ مُتُمِنَّنْ يَسَاكٜىٰ عَيْكِ وَنِ بَاوَ، عَمَّا وَطَنَّنْ یَنْ هَيَرْ سُكَيِ مَسَ دُوكَ شِيمَا، سُكَ كُمَ وُلَڧَنْتَشِ سُكَ سَلَّمٜىٰشِ حَنُّ وُاْڢِ؞

12هَرْوَيَوْ مُتُمِنْ يَعَيْكِ وَنِ بَاوَ نَعُكُ، شِيكُمَ سُكَيِ مَسَ ثِيوُاْ، سُكَجٜىٰڢَشِ وَجٜىٰ؞

13سَعَنً مُتُمِنَّنْ مَيْ غُواْنَرْ إِنَبِنْ يَثٜىٰ، ‹يَنْذُ مٜىٰ ذَنْيِ؟ ذَنْ عَيْكِ طَانَ وَنْدَ نَكٜىٰ ڧَوْنَ، نَسَنْ لَلَّيْ ذَاسُ بَاشِ غِرْمَ!›

14عَمَّا دَ یَنْ هَيَرْ سُكَ غَنْشِ، سُكَثٜىٰ وَجُونَ، ‹أَهَ! غَا وَنْدَ ذَيْثِ غَادُوانْ غُواْنَرْ، بَرِ مُكَشٜىٰشِ، دُوانْ غَادُوانْسَ يَذَمَ نَامُ!›

15سَيْ سُكَ وُرْغَشِ عَبَايَنْ كَتَنْ‌غَ، سُكَ كَشٜىٰشِ؞ «تُواْ، مٜىٰكُكٜىٰ ڟَمَّنِ مَيْ غُواْنَرْ نَنْ ذَيْ يِدَ یَنْ هَيَرْ نَنْ؟

16ذَيْذُواْ يَهَلَّكَ یَنْ هَيَرْ نَنْ، يَبَا وَطَنْسُ هَيَرْ غُواْنَرْ؞» دَمُتَنٜىٰ سُكَجِ حَكَ سُكَثٜىٰ « اللَّهْ يَسَوَّڧٜىٰ!»

17عَمَّا عِيسَىٰ يَدُوبٜىٰسُ يَثٜىٰ «مٜىٰنٜىٰنٜىٰ نُڢِنْ وَنَّنْ أَيَ عَثِكِنْ رُبُوتَثِّيَرْ مَغَنَرْ اللَّهْ ؟ « ‹دُوڟٜىٰنْ دَ مَاسُ غِنِ سُكَڧِ، شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ!› »

18«دُكْ وَنْدَ يَڢَاطِ عَكَنْ وَنَّنْ دُوڟٜىٰنْ، ذَيْ هَلَّكَ، كُمَ عِدَنْ دُوڟٜىٰنَّنْ يَڢَاطِ عَكَنْ وَنِ، ذَيْ نِڧَشِ يَذَمَ كَمَرْ غَارِ؞»

19أَ نَنْ نٜىٰ مَلَمً كُواْيَرْوَرْ مُوسَٰى دَ مَنْيَنْ ڢِرِسْتُواْثِے سُكَسُواْ سُكَامَ عِيسَىٰ ، دُواْمِنْ سُنْ غَانٜىٰ ثٜىٰوَ يَيِ وَنَّنْ مِصَالِ عَكَنْسُ نٜىٰ، عَمَّا سُنْجِڟُواْرُوانْ مُتَنٜىٰ؞

20سَيْ سُكَ نٜىٰمِ حَنْيَ، سُكَبِيَ وَطَنْسُ مُتَنٜىٰ سُيِ كَمَرْ سُو مَاسُ كِرْكِنٜىٰ؞ سُكَ عَيْكٜىٰسُنٜىٰ سُسَاوَ عِيسَىٰ تَرْكُواْ دَ إِرِنْ تَمْبَيُواْيِنْ دَ ذَاسُيِ مَسَ دَ نُڢِنْ سُبَادَشِ غَ إِيكُواْ دَ كُمَ حُكُنْثِنْ مَيْمُلْكِ؞

21وَطَنْدَ عَكَ عَيْكَ كُوَ سُكَ تَمْبَيِ عِيسَىٰ ، سُكَثٜىٰ «مَلَمْ، مُنْ سَنِ ثٜىٰوَ مَغَنَرْكَ دَ كُواْيَرْوَرْكَ غَسْكِيَانٜىٰ، مُنْ كُمَ سَنِ بَاكَ نُونَ بَمْبَنْثِ، كُمَ كَنَ كُواْيَرْ دَ حَنْيَرْ اللَّهْ ثِكِنْ غَسْكِيَ؞

22تُواْ، كَنَ غَنِ دَيْدَيْنٜىٰ مُبِيَ وَكَيْسَرْ هَرَاجِ، كُواْ أَعَ؟»

23عَمَّا عِيسَىٰ يَغَانٜىٰ وَيُوانْسُ، سَيْيَثٜىٰمُسُ

24«نُونَ مِنِ دِنَرِ؞ حُواْتُوانْ وَ دَ سُونَنْ وَنٜىٰنٜىٰ عَكَنْسَ؟» سُكَ أَمْسَ «نَكَيْسَرْ نٜىٰ؞»

25سَيْ يَثٜىٰ «تُواْ، سَيْ كُبَا كَيْسَرْ أَبِنْدَ يَكٜىٰ نَكَيْسَرْ، كُكُمَبَا اللَّهْ أَبِنْدَ يَكٜىٰ نَ اللَّهْ ؞»

26أَ نَنْ كُمَ سُكَ كَاسَ كَامَشِ دَ مَغَنَ أَغَبَنْ مُتَنٜىٰ؞ سَيْ سُكَيِ شِضُ سُنَ مَامَاكِنْ وَنَّنْ أَمْسَرْدَ يَبَاسُ؞

27سَيْغَا وَطَنْسُ سَدُوكِيَاوَا، وَطَنْدَ سُكٜىٰثٜىٰوَ وَيْ بَابُ تَاشِنْ مَتَتُّو، سُنْ ذُواْ وُرِنْ عِيسَىٰ ، سُكَثٜىٰ

28«مَلَمْ، مُوسَٰى يَرُبُوتَ مَنَ وَنَّنْ عُمَرْنِ ثٜىٰوَ ‹عِدَنْ مُتُمْ يَمُتُ يَبَرْ مَاتَرْسَ بَا یَیَ، يَا كَمَاتَ طَنْعُوَنْسَ يَ عَوْرٜىٰتَ دُواْمِنْ يَسَامُواْ مَسَ یَیَ؞›

29تُواْ، أَنْتَٻَ يِنْ وَطَنْسُ مُتَنٜىٰ سُو بَݣَويْ، دُكْ یَنْعُوَنْ جُونَ؞ بَبَّنْ يَيِ عَوْرٜىٰ يَمُتُ بَا يَرُواْ؞

30نَبِيُنْ يَ عَوْرِ مَاتَرْ، يَمُتُ بَا يَرُواْ؞

31نَعُكُنْ مَا حَكَ؞ سَيْ يَذَمَ دُكَنْسُ بَݣَويْ طِنْ سُنْ عَوْرِ مَثٜىٰنَّنْ، عَمَّا سَيْ سُكَ مُتُ بَابُ یَیَ؞

32عَڧَرْشٜىٰ كُمَ، عِتَ مَثٜىٰنْ تَمُتُ؞

33تُواْ، عَتَاشِنْ مَتَتُّو، مَاتَرْ وَ ذَاتَ ذَمَ؟ غَمَا دُكْ بَݣَويْ طِنْ سُنْ عَوْرٜىٰتَ؞»

34عِيسَىٰ يَثٜىٰمُسُ «أَ زَامَانِنَّنْ مَظَا سُنَ عَوْرٜىٰ، أَنَ كُمَ بَادَ مَاتَا غَ عَوْرٜىٰ؞

35عَمَّا وَطَنْدَ ذَاسُ ثَنْثَنْثِ تَاشِ دَغَ مَتَتُّو سُكُمَ ذَوْنَ أَظَامَانِ مَيْ ذُوَا بَذَاسُيِ عَوْرٜىٰبَ، بَذَاعَ كُمَ عَوْرَرْ دَسُوبَ؞

36غَمَا بَايَ يِوُوَ سُسَاكٜىٰ مُتُوَ سَبُواْدَ ذَاسُذَمَ كَمَرْ مَلاَىِٕكُ؞ ذَاسُ كُوَ ذَمَ یَیَنْ اللَّهْ كٜىٰنَنْ سَبُواْدَ سُنْ تَاشِ دَغَ مَتَتُّو؞

37أَيْ، مُوسَٰى يَكُمَ نُونَ أَڢِيلِ ثٜىٰوَ وَطَنْدَ سُكَ مُتُ ذَاسُ تَاشِ؞ أَ لَابَرِنْ ڧَرَمِنْ إِتَاثٜىٰنْدَ يَثِ وُتَا، يَيِ مَغَنَ عَكَنْ عُبَنْ‌غِجِ ثٜىٰوَ ‹شِينٜىٰ اللَّهْ نَ إِبْرَٰهِيمْ، اللَّهْ نَ إِسْحَٰڧَ دَ كُمَ اللَّهْ نَ يَعْڧُوبَ›؞

38شِے بَ اللَّهْ نَمَتَتُّو بَنٜىٰ، عَمَّا نَمَاسُ رَيْ؞ وَنَّنْ يَنُونَ ثٜىٰوَ أَغَرٜىٰشِ كُواْوَ مَيْ رَيْنٜىٰ؞»

39سَيْ وَطَنْسُ مَلَمً كُواْيَرْوَرْ مُوسَٰى سُكَيِ مَغَنَ سُكَثٜىٰ «مَلَمْ كَا ڢَطَا دَيْدَيْ!»

40دَغَ نَنْ كُمَ بَسُيِ ڧَرْڢِنْ حَلِ سُڧَارَ تَمْبَيَرْسَ وَنِ أَبُبَ؞

41عِيسَىٰ يَتَمْبَيٜىٰسُ يَثٜىٰ «يَيَ ذَاعَ ثٜىٰ أَلْمَسِيحُ طَنْ دَاوُدَ نٜىٰ؟

42دَاوُدَ دَكَنْسَ يَثٜىٰ أَلِتَّڢِنْ زَبُورَا، « ‹ عُبَنْ‌غِجِ يَثٜىٰ وَ عُبَنْ‌غِجِنَ ، «ذَوْنَ أَهَنُّنْ دَامَنَ،

43سَيْ نَسَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞» › »

44«دَاوُدَ يَثٜىٰ دَ أَلْمَسِيحُ ‹ عُبَنْ‌غِجِ ؞› تُواْ، يَيَ كُمَ ذَاعَ ثٜىٰ دَشِ طَنْ دَاوُدَ؟»

45عِيسَىٰ يَغَيَ وَ أَلْمَجِرَنْسَ أَغَبَنْ مُتَنٜىٰ ثٜىٰوَ

46«كُيِ حَنْكَلِ دَ مَلَمً كُواْيَرْوَرْ مُوسَٰى، سُو مَاسُسُوانْ سَا مَنْيَنْ رِيغُنَ سُنَ يَٰوُاْ، مَاسُسُواْ أَغَيْشٜىٰسُ عَكَاسُوَ، مَاسُ سُواْ عَبَاسُ وُرَارٜىٰنْ ذَمَ مَاسُ دَرَجَ أَ مَجَمِعُ دَ وُرَارٜىٰنْ ذَمَ مَاسُ ݣَوْ أَوُرِنْ بِكِ؞

47سُونٜىٰ مَاسُثِنْ كَايَنْ مَاتَانْدَ مَذَنْسُ سُكَ مُتُ، سَعَنً سُيِ دُواْغُوَرْ أَدُّعَ دُوانْ أَغَنْسُ؞ أَيْ، سُو ذَاسُشَا حُكُنْثِ مَڢِے ڟَنَنِ؞»

← Chapter 19 Jump to: Chapter 21 →