Luke 10

Hausa Arabic 2020 (أَتَّوْرَتْ دَ أَنَّبَاوَا)

1بَايَنْ حَكَ، عُبَنْ‌غِجِ يَكُمَ ذَاٻِ وَطَنْسُ مُتُمْ سَبَعِنْ دَ بِيُ، يَعَيْكٜىٰسُ بِيُ بِيُ سُيِ غَبَ ذُوَا غَرُرُوَ دَ وُرَارٜىٰنْ دَشِ كَنْسَ يَشِرْيَ ذَيْجٜىٰ؞

2سَيْ يَثٜىٰ مُسُ «غِرْبِنْ يَنَدَ يَوَ، عَمَّا مَاسُ عَيْكِنْ كَطَنْ نٜىٰ؞ سَبُواْدَ حَكَ كُضُواْڧِ مَيْ غُواْنَرْ يَعَيْكُواْ دَ مَاسُ عَيْكِ سُيِ مَسَ غِرْبِے؞

3سَيْ كُتَڢِے؞ غَاشِ، إِنَ عَيْكَنْكُ كَمَرْ تُمَكِ ثِكِنْ ݣَرْكٜىٰتَيْ؞

4كَدَ كُطَوْكِ كُطِ، كُواْ جَكَ، كُواْ تَاكَلْمَ؞ كَدَ كُيِ دُواْغُوَرْ غَيْسُوَا عَكَنْ حَنْيَ؞

5دُكْ غِدَنْ دَ كُكَ شِغَ، كُڢَارَ ثٜىٰوَ ‹سَلَمَرْكُ مُتَنٜىٰنْ غِدَا!›

6عِدَنْ أَݣَويْ طَنْ سَلَمَ أَغِدَنْ، تُواْ، بَرِ غَيْسُوَرْكُ تَسَلَمَ تَكَسَنْثٜىٰ تَرٜىٰ دَشِ؞ إِنْ كُوَ بَابُ، سَيْ غَيْسُوَرْكُ تَسَلَمَ تَكُواْمُواْ مُكُ؞

7كُذَوْنَ أَوَنَّنْ غِدَا، كُثِ كُشَا دُكْ إِرِنْ أَبِنْدَ عَكَ بَاكُ، دُواْمِنْ يَا كَمَاتَ عَبِيَ وَ مَيْيِنْ عَيْكِ حَكِّنْسَ؞ كَدَ كُبِے غِدَا غِدَا؞

8دُكْ غَرِنْ دَ كُكَ شِغَ، إِنْ أَنْكَرْٻٜىٰكُ، كُثِ دُكْ إِرِنْ أَبِنْدَ عَكَ كَٰوُاْ مُكُ؞

9كُوَرْكَرْدَ مَرَسَ لَاڢِيَ دَسُكٜىٰ أَغَرِنْ، كُكُمَ ڢَطَا وَمُتَنٜىٰنْ ثٜىٰوَ ‹مُلْكٍ اللَّهْ يَاذُواْ كُسَدَكُو؞›

10عَمَّا دُكْ غَرِنْ دَ كُكَ شِغَ، عَكَڧِ كَرْٻَرْكُ، كُبِے تِيتِ تِيتِ، كُنَ ثٜىٰوَ

11‹كُواْ ڧُورَرْ غَرِنْكُ دَ تَمَنّٜىٰ مَنَ عَڧَڢَاڢُ مَا، مُنْ كَكَّٻٜىٰ مُكُ؞ عَمَّا كُسَنِ ثٜىٰوَ مُلْكٍ اللَّهْ يَاذُواْ كُسَدَكُو!›

12إِنَ دَيْ غَيَ مُكُ، أَ رَانَرْ ڧَرْشٜىٰ، ذَاعَ ڢِے جِنْ تَوْسَيِنْ سُواْدُوامْ ڢِيٜىٰدَ وَنَّنْ غَرِ؞

13«كَيْتُوانْكِ، كُواْرَسِنْ! كَيْتُوانْكِ، بٜىٰڟَيْدَ! غَمَا دَ أَيُّكَنْ بَنْ مَامَاكِ دَ عَكَيِ عَثِكِنْكُ نٜىٰ عَكَيِ أَ تَيَ دَ سِدُوانْ دَ سُنْ تُوبَ تُنْ تُنِ، سُنْسَا ڟُمُّواْكِ، سُنْ ذَوْنَ، سُنَ ظُبَ وَكَنْسُ تُواْكَ؞

14أَ رَانَرْ شَرِيعَ، ذَاعَ ڢِے جِنْ تَوْسَيِنْ تَيَ دَ سِدُوانْ ڢِيٜىٰ دَكُو؞

15كٜىٰ كُمَ كَڢَرْنَهُمْ! كِنَ ڟَمَّنِ طَوْكَكَاكِ ذَاعَيِ ذُوَا سَمَ نٜىٰ؟ عَ إِنَا! ڧَسْڧَنْتَرْ دَكٜىٰ ذَاعَيِ حَرْ ذُوَا وُرِنْ ذَمَنْ مَتَتُّو!

16«دُكْ وَنْدَ يَجِيكُ، نِنٜىٰ يَجِ؞ دُكْ وَنْدَ كُمَ يَڧِكُ، نِنٜىٰ يَڧِ؞ دُكْ وَنْدَ يَڧِنِ كُوَ، يَڧِ وَنْدَ يَعَيْكُواْ نِنٜىٰ؞»

17مُتُمْ سَبَعِنْ دَ بِيُنَّنْ سُكَ دَاوُاْ دَ مُرْنَ، سُكَثٜىٰ « عُبَنْ‌غِجِ ، حَرْ أَلْجَنُ مَا سُنَ جِنْمُ عِدَنْ مُنْ عُمَرْثٜىٰسُ ثِكِنْ سُونَنْكَ!»

18عِيسَىٰ يَأَمْسَ مُسُ يَثٜىٰ «نَغَ شَيْطَنْ يَڢَاطُواْ دَغَ سَمَ كَمَرْ وَلْڧِيَ؞

19كُجِ نَنْ! نَبَاكُ إِيكُوانْ دَ ذَاكُ تَاكَ مَثِيظَيْ دَ كُنَمَيْ، كُكُمَ شَا كَنْ دُكَنْ إِيكُوانْ مَاسُ غَابَا، بَابُ كُمَ أَبِنْدَ ذَيْ ڢَرُ دَكُو؞

20دُكْدَهَكَ كَدَ كُيِ مُرْنَ دُوانْ أَلْجَنُ سُنْجِيكُ، كُيِ مُرْنَ دَيْ دُواْمِنْ أَنْرُبُوتَ سُونَيٜىٰنْكُ أَ سَمَ؞»

21أَوَنَّنْ لُواْكَثِ، عِيسَىٰ ثِكٜىٰ دَ ڢَضٍ ثِكِ تَوُرِنْ رُوحُ مَيْ ڟَرْكِے ، يَثٜىٰ، «نَا غُواْدٜىٰ مَكَ، يَا عُبَا، عُبَنْ‌غِجِنْ سَمَ دَ دُونِيَا، دُواْمِنْ كَا ٻُواْيٜىٰ وَطَنَّنْ أَبُبُوَ غَ مَاسُ حِكِمَ دَ مَاسُ عِلِمِ، كَكُمَ بَيَّنَسُ غَ یَنْ يَارَا؞ حَكَنٜىٰ يَا عُبَا، غَمَا وَنَّنْ شِينٜىٰ أَبِنْدَ يَيِمَكَ ݣَوْ؞

22«عُبَانَ يَبَانِ دُكَنْ أَبُ؞ بَاوَنْدَ يَسَنْ كُواْ وَنٜىٰنٜىٰ طَنْ سَيْدَيْ عُبَنْ كَطَيْ، كُواْ كُمَ يَسَنْ كُواْ وَنٜىٰنٜىٰ عُبَنْ سَيْدَيْ شِ طَنْ دَ كُمَ وَنْدَ طَنْ يَسُواْ يَبَيَّنَ مَسَ؞»

23سَيْ يَجُويَ وُرِنْ أَلْمَجِرَنْ، يَثٜىٰمُسُ عَٻُواْيٜىٰ «كُو مَاسُ أَلْبَرْكَنٜىٰ دَ وَطَنَّنْ أَبُبُوَ سُكَ ڢَرُ أَعِدَنُونْكُ!

24إِنَ غَيَ مُكُ، أَنَّبَاوَا دَ سَرَاكُنَ دَيَوَ سُنْسُواْ سُغَ أَبِنَّنْ دَ كُكٜىٰ غَنِ عَمَّا بَسُسَامِ دَامَبَ؞ سُنْسُواْ سُجِ أَبِنْدَ كُكٜىٰجِ عَمَّا بَسُجِبَ!»

25سَيْغَا وَنِ مَلَمِنْ كُواْيَرْوَرْ مُوسَٰى يَمِيڧٜىٰ ڟَيٜىٰ دُواْمِنْ يَڠُودَ عِيسَىٰ ؞ يَتَمْبَيٜىٰشِ يَثٜىٰ «مَلَمْ، مٜىٰ ذَنْيِ دُوانْ إِنْ‌غَاجِ رَيْ نَهَرْ أَبَدَا؟»

26عِيسَىٰ يَأَمْسَ مَسَ يَثٜىٰ «مٜىٰ كُواْيَرْوَرْ مُوسَٰى تَثٜىٰ؟ يَيَ كُمَ كَكٜىٰ ڢَسَّرْتَتَ؟»

27مُتُمِنْ يَثٜىٰ «أَنْثٜىٰ، ‹كَڧَوْنَثِ عُبَنْ‌غِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ ڧَرْڢِنْكَ دَ كُمَ دُكَنْ حَنْكَلِنْكَ؞ كَكُمَ ڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ›؞»

28عِيسَىٰ يَثٜىٰ مَسَ «كَا ڢَطَا دَيْدَيْ؞ تُواْ، كَيِ حَكَ، ذَاكَ رَايُ؞»

29عَمَّا مَلَمِنْ كُواْيَرْوَرْ يَسُواْ يَنُونَ ثٜىٰوَ بَاشِ دَ لَيْڢِے؞ سَبُواْدَ حَكَ سَيْ يَتَمْبَيِ عِيسَىٰ يَثٜىٰ «شِنْ، وَنٜىٰنٜىٰ مَڨُوبْثِنَ؟»

30عِيسَىٰ يَأَمْسَ مَسَ يَثٜىٰ «أَنْ تَٻَيِنْ وَنِ مُتُمْ وَنْدَ يَتَاشِ دَغَ عُرُوشَلِيمَ يَنَ غَنْ‌غَرَ ذُوَا يٜىٰرِكُواْ؞ سَيْ يَهَطُ دَ یَنْ ڢَشِ، سُكَ ڨُوثٜىٰ مَسَ كَايَنْسَ، سُكَيِ مَسَ مُوغُنْ دُوكَ، سُكَ بَرْ شِ أَوُرِنْ بَاكِنْ رَيْ دَ مُتُوَ؞

31أَنَانً سَيْغَاشِ وَنِ ڢِرِسْتِ يَبِيُواْ كَنْ وَنَّنْ حَنْيَ؞ دَ يَغَ مُتُمِنَّنْ عَݣُونْثٜىٰ، سَيْ يَبِے تَغٜىٰڢٜىٰ يَوُثٜىٰ أَبِنْسَ؞

32حَكَمَا وَنِ مُتُمِنْ ذُرِيَرْ لَوِ دَ يَذُواْ وُرِنْ يَغَنْشِ عَݣُونْثٜىٰ، شِے مَا يَبِے تَغٜىٰڢٜىٰ، يَوُثٜىٰ أَبِنْسَ؞

33أَنَانً دَيْ، سَيْ حَنْيَ تَكَٰوُاْ وَنِ مُتُمِنْ سَمَرِيَ عِنْدَ يَكٜىٰ؞ دَ يَغَ مُتُمِنَّنْ، سَيْ تَوْسَيِ يَكَامَ شِ؞

34يَجٜىٰ وُرِنْسَ، يَظُبَ مَيْدَ ضُوً إِنَبِے أَ مِيكِنْسَ، سَعَنً يَطَطَّوْرٜىٰسُ؞ يَطَوْكٜىٰشِ يَسَا عَكَنْ جَاكِنْسَ يَكَيْشِ وَنِ مَسَوْكِ، يَيِ جِنْيَرْسَ؞

35وَشٜىٰغَرِ، سَيْ يَطَوْكِ يَوَنْ كُطِنْ دَ لٜىٰبُرَ ذَيْسَامُ عَكْوَانَ بِيُ يَبَا مَيْ مَسَوْكِنْ، يَثٜىٰ، ‹كَلُورَ مِنِ دَ وَنَّنْ مُتُمْ، عِدَنْ نَدَاوُاْ، ذَنْ بِيَاكَ دُكْ أَبِنْدَ كَكَشٜىٰ عَكَنْسَ بَايَنْ وَنَّنْ؞› »

36عَڧَرْشٜىٰ سَيْ عِيسَىٰ يَتَمْبَيِ مَلَمِنْ كُواْيَرْوَرْ نَنْ يَثٜىٰ «أَغَنِنْكَ وَنٜىٰنٜىٰ عَثِكِنْ مُتَنٜىٰنَّنْ عُكُ يَنُونَ حَلِنْ مَڨُوبْثِ غَ مُتُمِنَّنْدَ يَڢَاطَ أَهَنُّنْ یَنْ ڢَشِ؟»

37مَلَمِنْ كُواْيَرْوَا يَثٜىٰ «وَنَّنْدَ يَجِ تَوْسَيِنْسَ؞» عِيسَىٰ يَثٜىٰ مَسَ «سَيْ كَيْ مَا كَتَڢِے كَيِ حَكَ؞»

38عِيسَىٰ دَ أَلْمَجِرَنْسَ سُنَ ثِكِنْ تَڢِيَ كٜىٰنَنْ، سَيْ يَكَيْ وَنِ ڧَوْيٜىٰ عِنْدَ وَتَ مَثٜىٰ مَيْ سُونَ مَرْتَ تَكَرْٻٜىٰشِ أَغِدَنْتَ؞

39عِتَ مَرْتَ تَنَدَ یَرْعُوَ مَيْ سُونَ مَرْيَمُ، وَدَّ تَذَوْنَ كُرْكُسَدَ عُبَنْ‌غِجِ تَنَجِنْ مَغَنَرْسَ؞

40مَرْتَ كُوَ عَيْكِنْ عَبِنْثِ يَطَوْكٜىٰ مَتَ حَنْكَلِ، سَيْ تَجٜىٰ وُرِنْ عِيسَىٰ تَثٜىٰ « عُبَنْ‌غِجِ ، بَكَدَامُ دَ يَدَّ یَرْعُوَتَ تَبَرْ مِنِ يِنْ عَبِنْثِ نِے كَطَيْبَ؟ ڢَطَا مَتَ تَذُواْ تَتَيْمَكٜىٰنِ مَنَ؞»

41عَمَّا عُبَنْ‌غِجِ يَأَمْسَ مَتَ يَثٜىٰ «مَرْتَ، مَرْتَ، حَنْكَلِنْكِ يَتَاشِ، كِنْ كُمَ دَامُ عَكَنْ أَبُبُوَ دَيَوَ؞

42عَمَّا أَبُ طَيَ تَكْ عَكٜىٰ بُڧَاتَ؞ مَرْيَمُ تَا رِغَا تَا ذَاٻِ أَبُ مَيْݣَوْ، وَنْدَ بَذَاعَ عِيَ كَرْٻٜىٰ مَتَبَ؞»

← Chapter 9 Jump to: Chapter 11 →