Luke 23 — Hausa Arabic 2020 (أَتَّوْرَتْ دَ أَنَّبَاوَا)

1سَيْ دُكَنْ تَارُوانْ مَجَلِسَ سُكَتَاشِ سُكَكَيْ عِيسَىٰ غَبَنْ بِلَتُسْ؞

2سَيْ سُكَ ڢَارَ زَرْغِنْسَ سُنَ ثٜىٰوَ «مُنْ سَامِ وَنَّنْ يَنَ رِكِتَرْدَ مُتَنٜىٰنْمُ، يَنَ ثٜىٰمُسُ وَيْ كَدَ سُبِيَ وَكَيْسَرْ هَرَاجِ؞ يَنَ كُمَ ثٜىٰوَ وَيْ شِينٜىٰ أَلْمَسِيحُ سَرْكِے؞»

3سَيْ بِلَتُسْ يَتَمْبَيٜىٰشِ يَثٜىٰ «كَيْنٜىٰ سَرْكِنْ يَهُودَاوَا؟» عِيسَىٰ يَثٜىٰ «كَا ڢَطِ حَكَ؞»

4سَيْ بِلَتُسْ يَثٜىٰ وَمَنْيَنْ ڢِرِسْتُواْثِے دَ جَمَعَ «نِے كَمْ، بَنْ سَامِ مُتُمِنَّنْ دَ وَنِ لَيْڢِے بَ؞»

5سَيْ سُكَ ڢَارَ مَاڟَ مَسَ لَمْبَ سُنَ ثٜىٰوَ «دَ كُواْيَرْوَرْسَ نٜىٰ يَكٜىٰ تَادَ حَنْكَلِنْ مُتَنٜىٰ أَدُكَنْ يَنْكِنْ يَهُودِيَ؞ يَڢَارَ تُنْدَغَ غَلِيلِ، يَنْذُ كُمَ حَرْ نَنْ وُرِنْ؞»

6دَ بِلَتُسْ يَجِ حَكَ، سَيْ يَيِ تَمْبَيَ يَثٜىٰ «شِ مُتُمِنْ غَلِيلِ نٜىٰ؟»

7دَ يَجِ ثٜىٰوَ عِيسَىٰ يَڢِتُواْ دَغَ سَاشٜىٰنْدَ هِرُدُسْ يَكٜىٰ مُلْكِ نٜىٰ، سَيْ يَعَيْكَ دَ عِيسَىٰ ذُوَا وُرِنْ هِرُدُسْ، غَمَا أَ لُواْكَثِنْ هِرُدُسْ مَا يَنَ عُرُوشَلِيمَ؞

8هِرُدُسْ يَيِمُرْنَ سُواْسَيْ دَ غَنِنْ عِيسَىٰ، غَمَا تُنْدَا مَا يَنَ مَرْمَرِ يَغَنْشِ، غَمَا يَا رِغَا يَاجِ لَابَرِنْسَ يَنَ كُمَ ڢَتَ يَغَ وَنِ أَبِنْ مَامَاكِنْدَ عِيسَىٰ ذَيْ يِ؞

9سَيْ هِرُدُسْ يَيِمَسَ تَمْبَيُواْيِ مَاسُيَوَ، عَمَّا عِيسَىٰ بَيْثٜىٰ كُواْمٜىٰبَ؞

10سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَذُواْ غَبَ سُكَ كَٰوُاْ زَرْغِ مَاسُ ڧَرْڢِے عَكَنْ عِيسَىٰ ؞

11هِرُدُسْ دَ سُواْجُواْجِنْسَ سُكَيِمَسَ رٜىٰنِنْ وَيُواْ، سُكَيِمَسَ بَعَ، سَعَنً سُكَسَا مَسَ بَبَّرْ رِغَا، سُكَ مَيْدَشِ وُرِنْ بِلَتُسْ؞

12أَ رَانَرْ نَنْ نٜىٰ هِرُدُسْ دَ بِلَتُسْ سُكَ ذَمَ أَبُواْكَنْ جُونَ، دُوانْ تُنْدَا بَاسَسُواْ سُغَ جُونَ؞

13بِلَتُسْ يَتَارَ مَنْيَنْ ڢِرِسْتُواْثِے دَ شُوغَبَنِّنْ جَمَعَ دَ مُتَنٜىٰ دُكَ،

14يَثٜىٰمُسُ «كُنْ كَٰوُاْ مِنِ وَنَّنْ مُتُمْ، وَيْ يَنَ رِكِتَرْدَ مُتَنٜىٰ؞ يَنْذُ نَبِنْثِكٜىٰشِ أَغَبَنْكُ، بَنْ سَامٜىٰشِ دَ وَنِ لَيْڢِنْدَ كُكَ كَٰوُاْ عَكَنْسَبَ؞

15حَكَ مَا هِرُدُسْ؞ شِيَسَا يَدَاوُاْ دَشِ نَنْ وُرِنْمُ؞ بَا أَبِنْدَ مُتُمِنَّنْ يَيِ دَ يَ إِسَ عَكَشٜىٰشِ؞

16سَبُواْدَ حَكَ ذَنْيِ مَسَ بُلَلَ إِنْ سَكٜىٰشِ؞»

17عَكُواْوَنٜىٰ بِكٍ ڧٜىٰتَرٜىٰوَ كُوَ بِلَتُسْ يَكَنْ سَكِ مُتُمْ طَيَ دَغَ كُرْكُكُ، وَنْدَ مُتَنٜىٰ سُكَ ضُواْڧَا؞

18عَمَّا دُكْ سُكَيِ إِيهُ غَبَاطَيَ سُكَثٜىٰ «عَيِ غَبَ دَشِ، أَ سَكِ مَنَ بَرَبَّسْ!»

19دَا مَا أَنْسَاشِ بَرَبَّسْ عَكُرْكُكُ سَبُواْدَ لَيْڢِنْ تَاشِنْ حَنْكَلِنْدَ يَجَٰوُاْ أَغَرِنْ، حَرْ عَكَ كَشٜىٰ مُتُمْ؞

20سَيْ بِلَتُسْ يَسَاكٜىٰيِ مُسُ مَغَنَ، غَمَا يَنَ سُواْ يَسَكِ عِيسَىٰ ؞

21عَمَّا سَيْ إِيهُ سُكٜىٰ تَيِ، سُنَ ثٜىٰوَ «أَغِثِّيٜىٰشِ! أَغِثِّيٜىٰشِ!»

22بِلَتُسْ يَسَاكٜىٰ ثٜىٰمُسُ سَوْ نَعُكُ «دُوانْمٜىٰ؟ وَنٜىٰ لَيْڢِے نٜىٰ مُتُمِنَّنْ يَيِ؟ نِے دَيْ بَنْ سَامٜىٰشِ دَ وَنِ لَيْڢِنْدَ يَ إِسَ عَكَشٜىٰشِيبَ؞ ذَنْسَا عَيِ مَسَ بُلَلَ، أَ سَكٜىٰشِ؞»

23عَمَّا سُكَ ڟَيَ دَمْ! سُنَ مَاڟَ مَسَ لَمْبَ، ثٜىٰوَ سَيْ أَنْكَشٜىٰشِ؞ عَڧَرْشٜىٰ دَيْ سُكَثِ نَصَرَا؞

24بِلَتُسْ كُوَ يَيَنْكٜىٰ شَرِيعَرْ دَسُكٜىٰسُواْ؞

25يَسَكِ مُتُمِنْ دَ سُكَثٜىٰ أَ سَكٜىٰ وَتُواْ، وَنَّنْ دَ عَكَجٜىٰڢَ عَكُرْكُكُ عَكَنْ لَيْڢِنْ تَادَ حَنْكَلِ دَ كُمَ كِسَنْكَيْ؞ عَمَّا بِلَتُسْ يَبَادَ عِيسَىٰ غَرٜىٰسُ سُيِمَسَ أَبِنْدَ سُكٜىٰسُواْ؞

26دَ سُواْجُواْجِ سُنَ تَڢِيَ دَ عِيسَىٰ، سَيْ سُكَ سَدُ دَ وَنِنْدَ عَكٜىٰثٜىٰ دَشِ سِيمَنْ، مُتُمِنْ سَيِرِنْ، يَنَ ذُوَا دَغَ ڧَوْيٜىٰ؞ سُكَ ثَڢْكٜىٰشِ، سُكَسَا مَسَ غِثِّيٜىٰ يَطَوْكَ يَبِے عِيسَىٰ عَبَايَ؞

27مُتَنٜىٰ دَيَوَ سُواْسَيْ سُكَيِ تَبِنْسَ، عَثِكِنْسُ كُوَ حَرْ دَ وَطَنْسُ مَاتَنْدَ سُكٜىٰ كُوكَا سُنَ إِيهُ دُواْمِنْسَ؞

28عَمَّا عِيسَىٰ يَجُويَ وُرِنْسُ يَثٜىٰ «مَاتَنْ عُرُوشَلِيمَ! كَدَ كُيِ كُوكَا سَبُواْدَنِ، كُيِكُوكَا دُواْمِنْ كَنْكُ دَ یَیَنْكُ؞

29غَمَا لُواْكَثِ يَنَ ذُوَا دَ مُتَنٜىٰ ذَاسُثٜىٰ، ‹أَبِنْ ڢَضٍ ثِكِنٜىٰ غَ مَاتَنْدَ بَسُتَٻَ حَيْڢُوَبَ، وَطَنْدَ بَاسَ حَيْڢُوَ، وَطَنْدَ كُمَ بَسُغُواْيِ يَارَابَ؞›

30أَوَنَّنْ لُواْكَثِنٜىٰ، « ‹مُتَنٜىٰ ذَاسُثٜىٰ وَدُوَڟُو «كُڢَاطُواْ عَكَنْمُ!» ذَاسُ كُمَثٜىٰ وَتُدَّيْ «كُرُڢٜىٰمُ!» › »

31«عِدَنْ ڢَا سُنَيِنْ إِرِنْ وَطَنَّنْ غَ طَنْيٜىٰنْ إِتَاثٜىٰ، يَيَ كٜىٰنَنْ ذَيْ ذَمَ إِنْ يَبُوشٜىٰ؟»

32عَكَكُمَ كَيْ وَطَنْسُ مُتُمْ بِيُ مَاسُ لَيْڢِے دُوانْ عَكَشٜىٰسُ تَرٜىٰدَ عِيسَىٰ ؞

33دَسُكَ كَيْ وُرِنْ دَ عَكٜىٰثٜىٰ دَشِ «ڧُواْڧُوانْ كَيْ»، سُكَ غِثِّيٜىٰشِ أَوُرِنْ تَرٜىٰدَ مَاسُ لَيْڢِنَّنْ، طَيَ أَدَمَنْسَ، طَيَ كُمَ أَ هَغُنْسَ؞

34سَيْ عِيسَىٰ يَثٜىٰ «عُبَا، بَرِ كَغَاڢَرْتَا مُسُ، غَمَا بَسُ سَنْ أَبِنْدَ سُكٜىٰيِبَ؞» سُكَ رَرَّبَ وَجُونَ رِيغُنَنْسَ تَوُرِنْ جٜىٰڢَ ڧُرِعَ؞

35مُتَنٜىٰ سُكَ ڟَيَ سُنَ كَلُّواْ؞ شُوغَبَنِّنْ كُمَ سُكَيِمَسَ بَعَ، سُنَ ثٜىٰوَ «يَثٜىٰثِ وَطَنْسُ، تُواْ، يَثٜىٰثِ كَنْسَ مَنَ، إِنْ شِينٜىٰ أَلْمَسِيحُ نْ دَ اللَّهْ يَذَاٻَا!»

36سُواْجُواْجِنْ مَا سُكَيِمَسَ بَعَ تَوُرِنْ ذُوَا وُرِنْسَ سُنَ مِيڧَ مَسَ ضُوً ڟَامِ دَغَ یَیَنْ إِنَبِے؞

37سُنَ كُمَ ثٜىٰوَ «إِنْ كَيْنٜىٰ سَرْكِنْ يَهُودَاوَا، تُواْ، ثٜىٰثِ كَنْكَ مَنَ!»

38سَمَ دَشِ كُمَ عَكَيِ وَنِ رُبُوتُو ثٜىٰوَ «وَنَّنْ شِينٜىٰ سَرْكِنْ يَهُودَاوَا؞»

39طَيَ دَغَ ثِكِنْ مَاسُ لَيْڢِنْدَ عَكَ غِثِّيٜىٰ يَيِمَسَ مَغَنَرْ رٜىٰنِ، يَثٜىٰ «شِنْ، إِنْثٜىٰ كَيْ طِنَّنْ نٜىٰ أَلْمَسِيحُ ؟ تُواْ، كَثٜىٰثِ كَنْكَ، كَكُمَ ثٜىٰثٜىٰمُ مَنَ!»

40عَمَّا طَيَنْ يَڟَاوَتَا وَوَنْثَنْ يَثٜىٰ «بَاكَ مَا ڟُواْرُوانْ اللَّهْ ؟ كَيْ دَكَا سَامِ حُكُنْثِ دَيْدَيْ دَشِ؟

41مُو كَمْ دَيْدَيْ عَكَيِ مَنَ، دُواْمِنْ مُنَ سَامُنْ لَادَنْ أَبِنْدَ مُكَيِنٜىٰ؞ عَمَّا شِے ڢَا، وَنٜىٰ لَيْڢِے يَيِ؟»

42يَكُمَثٜىٰ «يَا عِيسَىٰ ، كَتُنَ دَنِے سَعَدَّ كَشِغَ مُلْكِنْكَ!»

43عِيسَىٰ يَثٜىٰ مَسَ «حَڧِيڧَ إِنَ غَيَ مَكَ، يَوْ طِنَّنْ ذَاكَ ذَوْنَ تَرٜىٰدَنِ أَ ڢِرْدَوْسِ؞»

44وَجٜىٰنْ ڟَكَرْ رَانَ، دُهُ يَرُڢٜىٰ دُكَنْ ڧَسَرْ حَرْ ذُوَا ڧَرْڢٜىٰ عُكُ نَيَمَّ؞

45رَانَ تَدَيْنَ حَصْكٜىٰ؞ لَبُلٜىٰنْ دَيَكٜىٰ ثِكِنْ هَيْكَلِ كُمَ يَيَاغٜىٰ كَشِ بِيُ؞

46سَيْ عِيسَىٰ يَطَغَ مُرْيَ دَ ڧَرْڢِے يَثٜىٰ «عُبَا! عَثِكِنْ حَنُّوَنْكَ نَكٜىٰ بَادَ رُوحُنَ؞» دَ يَڢَطِ حَكَ، سَيْ يَجَا نُمْڢَشِنْسَ نَڧَرْشٜىٰ يَمُتُ؞

47دَ سُواْجَنْ رُواْمَ وَنْدَ يَكٜىٰ وُرِنْ يَغَ أَبِنْدَ يَڢَرُ، سَيْ يَيَبِے اللَّهْ يَنَ ثٜىٰوَ «لَلَّيْ، وَنَّنْ مُتُمْ مَرَرْ لَيْڢِے نٜىٰ!»

48دَ مُتَنٜىٰنْ دَ سُكَ تَارُ أَنَنْ دُوانْ شَنْ كَلُّواْ سُكَغَ أَبِنْدَ يَڢَرُ، سَيْ دُكَنْسُ سُكَ كُواْمَ غِدَا سُنَ بُغُنْ ڧِرْجِنْسُ ثِكِنْ بَڧِنْ ثِكِ؞

49دُكْ مُتَنٜىٰنْ دَ سُكَ سَنْ عِيسَىٰ دَ كُمَ مَاتَنْدَ سُكَبِيُواْ شِ تُنْدَغَ يَنْكِنْ غَلِيلِ، سُكَ ڟَيَ دَنِيسَ سُنَ كَلُّواْ؞

50أَݣَويْ وَنِ مُتُمْ مَيْ سُونَ يُوسُڢَ، وَنْدَ شِے دَغَ وَنِ غَرِنْ أَرِمَتِيَ عَثِكِنْ يَنْكِنْ يَهُودَ؞ شِے وَنِ مُتُمِنْ كِرْكِنٜىٰ، مَيْ أَدَلْثِے كُمَ؞ يَنَ مَرْمَرِنْ مُلْكٍ اللَّهْ يَذُواْ؞ شِے كُمَ طَيَنٜىٰ دَغَ ثِكِنْ یَنْ مَجَلِسَ نَ يَهُودَاوَا، عَمَّا بَيْ يَرْدَدَسُو عَكَنْ أَبِنْدَ سُكَ شِرْيَ سُكَ كُمَيِبَ؞

52سَيْ يَجٜىٰ وُرِنْ بِلَتُسْ دُواْمِنْ يَضُواْڧَا عَبَاشِ جِكِنْ عِيسَىٰ ؞

53سَيْ يَسَوْكُواْ دَ جِكِنْ، يَنَنَّطٜىٰشِ عَثِكِنْ يَدِنْ لِيلِنْ، يَسَاشِ أَوَنِ كَبَرِنْدَ عَكَحَڧَ أَجِكِنْ دُوڟٜىٰ، وَنْدَ بَعَتَٻَسَا كُواْوَ عَثِكِيبَ؞

54رَانَرْ شِرِ ثٜىٰ كُوَ، يَضَغٜىٰ كَطَنْ أَ شِغَ رَانَرْ هُوتُ تَمَكُواْ؞

55مَاتَنْدَ سُكَبِے عِيسَىٰ دَغَ غَلِيلِ سُكَ تَڢِے تَرٜىٰدَ يُوسُڢَ دُواْمِنْ سُغَ عِنْدَ كَبَرِنْ يَكٜىٰ دَكُمَ يَدَّ عَكَسَا جِكِنْ عِيسَىٰ؞

56سَعَنً سُكَ كُواْمَ غِدَا، سُكَ شِرْيَ تُرَارٜىٰ دَ مَنْ شَڢَاوَا؞ رَانَرْ هُوتُ تَمَكُواْ كُوَ، سُكَ هُوتَ كَمَرْ يَدَّ كُواْيَرْوَرْ مُوسَٰى تَعُمَرْتَ؞