Luke 9

Hausa Arabic 2020 (أَتَّوْرَتْ دَ أَنَّبَاوَا)

1أَنَانً سَيْ عِيسَىٰ يَكِرَا شَا بِيُنَّنْ وُرِے طَيَ، يَبَاسُ إِيكُواْ دَ كُمَ إِظْنِ عَكَنْ دُكَنْ أَلْجَنُ، سُكُمَ وَرْكَرْدَ ثُوتُتُّكَ؞

2يَكُمَ عَيْكٜىٰسُ سُجٜىٰ سُيِ وَعَظِنْ مُلْكٍ اللَّهْ ، سُكُمَ وَرْكَرْدَ مَرَسَ لَاڢِيَ؞

3يَثٜىٰ مُسُ «كَدَ كُطَوْكِ كُواْمٜىٰ دُواْمِنْ تَڢِيَرْكُ، كَدَ مَا كُرِڧٜىٰ سَنْدَا، كُواْ جَكَ، كُواْ عَبِنْثِ، كُواْ كُطِ، كُواْ كُمَ كُطَوْكِ رِيغُنَ بِيُ؞

4دُكْ غِدَنْ دَ عَكَ كَرْٻٜىٰكُ، كُذَوْنَ أَنَنْ سَيْ لُواْكَثِنْ دَ ذَاكُ بَرْ غَرِنْ؞

5دُكْ عِنْدَ عَكَڧِ كَرْٻَرْكُ، إِنْ ذَاكُ بَرْ غَرِنْ سَيْ كُكَكَّٻٜىٰ ڧُورَرْ ڧَڢَاڢُنْكُ دُواْمِنْ يَذَمَ شَيْدَ عَكَنْسُ؞»

6سَيْ سُكَتَاشِ سُكَ ظَظْذَاغَ ڧَوْيُكَ سُنَ وَعَظِنْ لَابَرِ مَيْ دَاطِے، سُنَ وَرْكَرْدَ مَرَسَ لَاڢِيَ عَكُواْعِنَ؞

7سَعَدَّ هِرُدُسْ مَيْ مُلْكٍ غَلِيلِ يَجِ لَابَرِنْ دُكَنْ أَبُبُوَنَّنْ دَسُكٜىٰ ڢَرُوَ، سَيْ يَدَامُ سُواْسَيْ، دُواْمِنْ وَطَنْسُ مُتَنٜىٰ سُنَ ثٜىٰوَ أَنْتَادَ يَحْيَى مَيْ بَڢْتِسْمَ نٜىٰ دَغَ مَتَتُّو؞

8وَطَنْسُ كُمَ سُنَ ثٜىٰوَ أَنَّبِے إِلْيَاسُ نٜىٰ يَسَاكٜىٰ بَيَّنَ؞ وَطَنْسُ كُمَ هَرْوَيَوْ، سُنَ ثٜىٰوَ طَيَ دَغَ ثِكِنْ أَنَّبَاوَا نَدَا نٜىٰ يَتَاشِ؞

9سَيْ هِرُدُسْ يَثٜىٰ «يَحْيَى دَيْ نَسَا عَكَ ثِرٜىٰ مَسَ كَيْ؞ تُواْ، وَنٜىٰنٜىٰ وَنَّنْ وَنْدَ نَكٜىٰ جِنْ أَبُبُوَنَّنْ عَكَنْسَ؟» سَيْ يَيِ تَڧُواْڧَرِ يَغَ عِيسَىٰ ؞

10دَ مَنْذَنِّےنْ سُكَ دَاوُاْ، سَيْ سُكَ ڢَطَا وَ عِيسَىٰ دُكَنْ أَبِنْدَ سُكَيِ؞ سَيْ يَطَوْكٜىٰسُ سُو كَطَيْ سُكَ تَڢِے وَنِ غَرِنْ دَ عَكٜىٰثٜىٰ دَشِ بٜىٰڟَيْدَ؞

11دَ مُتَنٜىٰ سُكَجِ يَنَ ثَنْ، سَيْ سُكَبِيشِ؞ يَكُوَ يِمُسُ مَرَبَ، يَيِ مُسُ مَغَنَ عَكَنْ مُلْكٍ اللَّهْ ، يَكُمَ وَرْكَرْدَ دُكَنْ مَاسُ بُڧَاتَ أَوَرْكَرْ دَسُو؞

12دَ رَانَ تَكُسَنْ ڢَاطُوَ، سَيْ شَا بِيُنْ سُكَذُواْ وُرِنْسَ سُكَثٜىٰ «كَسَلَّمِ مُتَنٜىٰ سُشِغَ ڧَوْيُكَ دَ كَرْكَرَ دُواْمِنْ سُنٜىٰمِ عَبِنْثِ دَ وُرِنْ ݣُونَ، دُوانْ عِنْدَ مُكٜىٰ بَا مُتَنٜىٰ؞»

13عَمَّا عِيسَىٰ يَثٜىٰ مُسُ «كُو، كُبَاسُ وَنِ أَبُ سُثِ مَنَ؞» سَيْ سُكَثٜىٰ مَسَ «دُكْ أَبِنْدَ مُكٜىٰ دَشِ أَنَنْ بَيْ وُثٜىٰ غُرَاسَ بِيَرْ دَ كِيڢِ بِيُبَ؞ سَيْ دَيْ إِنْ ذَامُجٜىٰ مُسَيَ وَدُكَنْ جَمَعَرْ نَنْ عَبِنْثِ؞»

14غَمَا مَظَا كَطَيْ سُنْ كَيْ وَجٜىٰنْ دُبُو بِيَرْ؞ عِيسَىٰ يَثٜىٰ وَ أَلْمَجِرَنْسَ «كُغَيَ وَمُتَنٜىٰنْ سُظَظْذَوْنَ عَڧُنْ‌غِيُواْيِ حَمْسِنْ حَمْسِنْ؞»

15سَيْ أَلْمَجِرَنْ سُكَبِے عُمَرْنِنْ سُكَسَا دُكَنْ مُتَنٜىٰ سُكَ ظَظْذَوْنَ؞

16سَيْ عِيسَىٰ يَطَوْكِ غُرَاسَ بِيَرْ دَ كِيڢِ بِيُ طِنَّنْ، يَطَغَ كَنْسَ سَمَ يَيِ وَ اللَّهْ غُواْدِيَ، سَعَنً يَكَكَّرْيَسُ، يَبَا أَلْمَجِرَنْسَ سُرَرَّبَا وَمُتَنٜىٰنْ؞

17دُكَ كُوَ سُكَثِ سُكَ ڧُواْشِ؞ أَلْمَجِرَنْ سُكَ ݣُوشٜىٰ سَوْرَنْدَ يَرَغُ حَرْ سُكَ ثِكَ ݣُونْدُنَ غُواْمَشَا بِيُ؞

18وَتَرَانَ عِيسَىٰ يَنَ أَدُّعَ شِ كَطَيْ، أَلْمَجِرَنْسَ كُمَ سُكَذُواْ وُرِنْسَ؞ سَيْ يَتَمْبَيٜىٰسُ يَثٜىٰ «وَ مُتَنٜىٰ سُكٜىٰثٜىٰ دَنِے؟»

19أَلْمَجِرَنْسَ سُكَثٜىٰ مَسَ «وَطَنْسُ سُنَ ثٜىٰوَ كَيْنٜىٰ يَحْيَى مَيْ بَڢْتِسْمَ، وَطَنْسُ كُمَ سُنَ ثٜىٰوَ كَيْنٜىٰ أَنَّبِے إِلْيَاسُ؞ هَرْوَيَوْ وَطَنْسُ سُنَ ثٜىٰوَ طَيَ دَغَ ثِكِنْ أَنَّبَاوَنْ دَا نٜىٰ يَتَاشِ؞»

20سَيْ عِيسَىٰ يَثٜىٰ مُسُ «عَمَّا كُو ڢَا، وَنٜىٰنٜىٰنِے أَغَنِنْكُ؟» بِتْرُسْ يَأَمْسَ يَثٜىٰ «كَيْنٜىٰ أَلْمَسِيحُ نَ اللَّهْ ؞»

21سَيْ عِيسَىٰ يَجَا مُسُ كُنّٜىٰ سُواْسَيْ كَدَ سُغَيَ وَكُواْوَ وَنَّنْ مَغَنَ؞

22يَسَاكٜىٰ غَيَ مُسُ ثٜىٰوَ «لَلَّيْ نٜىٰ طَنْ مُتُمْ يَشَا وُيَ إِرِ إِرِ، شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُڧِيشِ، حَرْ عَكَشٜىٰشِ، عَمَّا رَانَ تَ عُكُ عَتَاشٜىٰشِ كُمَ؞»

23سَيْيَثٜىٰ وَدُكَنْسُ «دُكْ مَيْسُواْ يَبِينِ، سَيْيَڧِ كَنْسَ، يَطَوْكِ غِثِّيٜىٰنْسَ كُواْوَثٜىٰ رَانَ، يَبِينِ؞

24غَمَا دُكْ وَنْدَ يَكٜىٰسُواْ يَثٜىٰثِ رَنْسَ، ذَيْ رَسَشِ؞ عَمَّا دُكْ وَنْدَ يَرَسَ رَنْسَ سَبُواْدَنِ، ذَيْثٜىٰثٜىٰشِ؞

25وَنٜىٰ أَمْڢَانِ نٜىٰ مُتُمْ ذَيْسَامُ، إِنْ يَسَامِ دُونِيَا دُكَ عَكَنْ هَسَرَرْ رَنْسَ كُواْ عَبَاكِنْ رَنْسَ؟

26غَمَا دُكْ وَنْدَ يَكٜىٰ جِنْ كُنْيَاتَادَ كُمَ كُنْيَرْ مَغَنَاتَ، طَنْ مُتُمْ مَا ذَيْجِے كُنْيَرْسَ لُواْكَثِنْ دَ ذَيْذُواْ عَثِكِنْ طَوْكَكَرْسَ دَ كُمَ طَوْكَكَرْ عُبَنْسَ دَ تَمَلاَىِٕكُ مَاسُ ڟَرْكِے؞

27حَڧِيڧَ إِنَ غَيَ مُكُ، أَݣَويْ وَطَنْسُ أَنَنْ ڟَيٜىٰ دَ بَذَاسُ مُتُبَ سَيْ سُنْ غَا مُلْكٍ اللَّهْ ؞»

28بَايَنْ كَمَرْ ݣُونَ تَݣُوسْ دَ يِنْ وَنَّنْ مَغَنَ، سَيْ عِيسَىٰ يَطَوْكِ بِتْرُسْ دَ يَحْيَى دَ كُمَ يَعْڧُوبَ، سُكَ هَوْ كَنْ تُدُ تَرٜىٰ دُواْمِنْ سُيِ أَدُّعَ؞

29يَنَ ثِكِنْ أَدُّعَ، سَيْ ڢُسْكَرْسَ تَثَنْجَ كَمَنِّ، رِيغُنَنْسَ كُمَ سُكَيِ ڢَرِ ڢَتْ، حَرْ سُنَ كَشٜىٰ عِدُواْ؞

30بَا لَابَرِ سَيْغَا وَطَنْسُ مُتُمْ بِيُ سُنَ مَغَنَ دَشِ، وَتُواْ، أَنَّبِے مُوسَٰى نٜىٰ دَ أَنَّبِے إِلْيَاسُ؞

31سُنْ بَيَّنَ دَ طَوْكَكَ، سُنَ مَغَنَ دَ عِيسَىٰ عَكَنْ يَدَّ ذَيْثِكَ نُڢِنْ اللَّهْ تَمُتُوَرْ دَ ذَيْ يِ أَ عُرُوشَلِيمَ؞

32بِتْرُسْ تَرٜىٰدَ أَبُواْكَنْ تَڢِيَرْسَ كُوَ سُنَ بَرْثِ؞ دَ سُكَ ڢَرْكَ سَيْ سُكَغَ طَوْكَكَرْ عِيسَىٰ دَ كُمَ مُتُمْ بِيُنَّنْ دَسُكٜىٰ ڟَيٜىٰ تَرٜىٰ دَشِ؞

33دَ مُتَنٜىٰنَّنْ ذَاسُبَرْ عِيسَىٰ كٜىٰنَنْ، سَيْ بِتْرُسْ يَثٜىٰ مَسَ «مَيْغِرْمَ، يَيِݣَوْ دَمُكٜىٰ أَنَنْ! بَرِ مُيِ بُكُّواْكِ عُكُ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞» بَيْ مَا سَنْ أَبِنْدَ يَكٜىٰ ڢَطَابَ؞

34بَيْ رُڢٜىٰ بَاكِبَ سَيْغَا غِرْغِجٜىٰ يَرُڢٜىٰسُ؞ دَ غِرْغِجٜىٰنْ يَرُڢٜىٰسُ، سَيْ أَلْمَجِرَنْ سُكَجِڟُواْرُواْ؞

35سَيْ مُرْيَ تَڢِتُواْ دَغَ ثِكِنْ غِرْغِجٜىٰنْ تَنَ ثٜىٰوَ «وَنَّنْ طَانَ نٜىٰ وَنْدَ نَذَاٻَا؞ كُسَوْرَرٜىٰشِ!»

36دَ مُرْيَرْ تَيِ شِضُ، سَيْ عَكَغَ عِيسَىٰ شِ كَطَيْ؞ أَلْمَجِرَنْ كُوَ سُكَيِ شِضُ دَ بَاكِنْسُ؞ عَݣُونَكِنْنَنْ كُوَ بَسُ ڢَطَا وَكُواْوَ أَبِنْدَ سُكَ غَنِبَ؞

37وَشٜىٰغَرِ سَعَدَّ عِيسَىٰ دَ أَلْمَجِرَنَّنْ غُدَا عُكُ سُكَ سَوْكَ دَغَ كَنْ تُدُنْ، سَيْغَا وَنِ بَبَّنْ تَارُواْ يَا ذُواْ يَسَامٜىٰشِ؞

38سَيْ وَنِ دَغَ تَارُوانْ يَيِ كِرَا دَ ڧَرْڢِے يَثٜىٰ «مَلَمْ! إِنَ ضُواْڧُوانْكَ كَجِ تَوْسَيِنْ طَنَّنْ نَوَ، شِينٜىٰ كَطَيْ نَكٜىٰ دَشِ!

39غَاشِ، وَنِ رُوحُ يَكَنْ هَوْ شِ، يَكَنْسَاشِ يَيِ إِيهُ كَوَيْ بَادَلِيلِ؞ رُوحٌ كُمَ يَكَنْ بُغٜىٰشِ، جِكِنْسَ يَنَ ضَوَ، حَرْ بَاكِنْسَ يَيِ كُمْڢَ؞ بَايَ بَرِنْسَ سَيْ يَيِ مَسَ ثِيوُاْ سُواْسَيْ؞

40تُواْ، نَضُواْڧِ أَلْمَجِرَنْكَ سُڢِتَرْ دَشِ، عَمَّا بَسُ عِيَبَ؞»

41سَيْ عِيسَىٰ يَأَمْسَ، يَثٜىٰ «كُو مُتَنٜىٰنْ ڟَارَرْ نَنْ مَرَسَ بَنْ‌غَسْكِيَ، مَاسُ مُغُنْتَا! حَرْ ذُوَا يَوْشٜىٰ ذَنْ ذَوْنَ دَكُو إِنَ جِمْرٜىٰ مُكُ؟ كَٰوُاْ يَرُوانْكَ أَنَنْ؞»

42يَرُوانْ يَنَ ذُوَا كٜىٰنَنْ سَيْ أَلْجَنِنْ يَطَغَشِ يَبُغَ عَڧَسَا، جِكِنْسَ يَڢَارَ ضَوَ؞ عَمَّا عِيسَىٰ يَڟَاوَتَا وَڧَظَامِنْ رُوحٌ يَوَرْكَرْدَ يَرُوانْ يَمَيْدَشِ غَ بَابَنْسَ؞

43دُكَنْ مُتَنٜىٰنْ دَسُكٜىٰ وُرِنْ سُكَ كَامَ بَاكِ سُنَ مَامَاكِنْ إِيكُوانْ اللَّهْ ؞ مُتَنٜىٰ سُنَ ثِكِنْ مَامَاكِنْ أَبُبُوَنْ دَ عِيسَىٰ يَكٜىٰيِ، سَيْيَثٜىٰ وَ أَلْمَجِرَنْسَ،

44«كُكَسَ كُنّٜىٰ غَ أَبِنْدَ ذَنْ ڢَطَا مُكُ! ذَاعَ بَادَ طَنْ مُتُمْ غَ حَنُّنْ مُتَنٜىٰ؞»

45عَمَّا أَلْمَجِرَنْ بَسُ غَانٜىٰ أَبِنْدَ يَكٜىٰ نُڢِ دَ وَنَّنْ مَغَنَبَ، أَنْٻُواْيٜىٰ مُسُ عِتَ نٜىٰ دُواْمِنْ كَدَ سُغَانٜىٰ؞ سُو كُمَ سُكَجِڟُواْرُواْ سُتَمْبَيٜىٰشِ غَمٜىٰدَ وَنَّنْ مَغَنَ؞

46سَيْ مُسُو يَتَاشِ أَڟَكَانِنْ أَلْمَجِرَنْ عَكَنْ كُواْ وَنٜىٰنٜىٰ عَثِكِنْسُ يَڢِ غِرْمَ؞

47عِيسَىٰ يَغَانٜىٰ تُنَانِنْسُ، سَيْ يَطَوْكِ وَنِ طَنْ ڧَرَمِنْ يَرُواْ، يَسَا شِ يَڟَيَ كُسَدَشِ،

48يَثٜىٰ مُسُ «دُكْ وَنْدَ يَكَرْٻِ وَنَّنْ طَنْ يَرُواْ سَبُواْدَنِ، يَكَرْٻٜىٰنِنٜىٰ، كُمَ دُكْ وَنْدَ يَكَرْٻٜىٰنِ، يَكَرْٻِ وَنْدَ يَعَيْكُواْ نِنٜىٰ؞ دُواْمِنْ وَنْدَ يَڢِ ڧَنْڧَنْتَ عَثِكِنْكُ دُكَ، شِينٜىٰ يَڢِ غِرْمَ؞»

49سَيْ يَحْيَى يَثٜىٰ «مَيْغِرْمَ، مُنْ غَا وَنِ يَنَ ڢِتَرْدَ أَلْجَنُ عَثِكِنْ سُونَنْكَ، مُكَ هَنَشِ، دُوانْ بَايَ بِنْمُ؞»

50عِيسَىٰ يَأَمْسَ، يَثٜىٰ «كَدَ كُهَنَشِ، أَيْ، دُكْ وَنْدَ بَايَ غَابَادَكُو، نَاكُ نٜىٰ؞»

51دَ لُواْكَثِ يَيِكُسَدَ عِيسَىٰ ذَيْ كُواْمَ ذُوَا سَمَ، سَيْ يَسَا كَيْ ذُوَا عُرُوشَلِيمَ؞

52سَيْ يَعَيْكِ یَنْ عَيْكَ سُيِ غَبَ، سُو كُوَ سُكَجٜىٰ ثِكِنْ وَنِ ڧَوْيٜىٰ نَ سَمَرِيَ، دُواْمِنْ سُشِشِرْيَ مَسَ أَبُبُوَ؞

53عَمَّا مُتَنٜىٰنْ ڧَوْيٜىٰنْ سُكَڧِ سُكَرْٻٜىٰشِ، دُواْمِنْ يَسَا كَيْ ذُوَا عُرُوشَلِيمَ؞

54دَ أَلْمَجِرَنْسَ يَعْڧُوبَ دَ يَحْيَى سُكَغَ حَكَ، سَيْ سُكَثٜىٰ « عُبَنْ‌غِجِ ، كَنَ سُواْ مُ عُمَرْثِ وُتَا يَسَوْكَ دَغَ سَمَ يَثِنْيٜىٰسُ؟»

55عَمَّا عِيسَىٰ يَجُويَ، يَڟَاوَتَا مُسُ؞

56سَيْ سُكَجٜىٰ وَنِ ڧَوْيٜىٰ؞

57دَ سُنَ كَنْ حَنْيَ، سَيْ وَنِ مُتُمْ يَثٜىٰ وَ عِيسَىٰ «ذَنْبِيكَ دُكْ عِنْدَ ذَاكَ؞»

58عِيسَىٰ يَأَمْسَمَسَ يَثٜىٰ «كَرْنُكَنْ دَاجِ سُنَدَ رَامُكَنْسُ، ڟُنْڟَيٜىٰ كُمَ سُنَدَ وُرِنْ ݣُونَنْسُ، عَمَّا طَنْ مُتُمْ بَاشِ دَ وُرِنْ ݣُونَ؞»

59يَكُمَثٜىٰ وَوَنِ «بِينِ؞» عَمَّا مُتُمِنَّنْ يَثٜىٰ «مَيْغِرْمَ، بَرِ إِنْجٜىٰ إِنْبِنّٜىٰ بَابَنَ تُكُنَ؞»

60عِيسَىٰ يَأَمْسَ مَسَ يَثٜىٰ «بَرِ وَطَنْدَ سُكَ مُتُ سُبِنّٜىٰ یَنْعُوَنْسُ مَتَتُّو؞ عَمَّا كَيْ، كَجٜىٰ كَيِ شٜىٰلَرْ مُلْكٍ اللَّهْ ؞»

61وَنِ مُتُمْ كُمَ يَثٜىٰ «نِے ذَنْبِيكَ، مَيْغِرْمَ، عَمَّا كَبَرْنِ إِنْجٜىٰ إِنْيِ بَنْݣُونَ دَ مُتَنٜىٰنْ غِدَانَ تُكُنَ؞»

62عِيسَىٰ يَثٜىٰمَسَ «دُكْ وَنْدَ يَڢَارَ نُواْمَ دَ كٜىٰكٜىٰنْ نُواْمَ، يَنَ كُمَ دُوبَنْ بَايَ، بَيْ دَاثٜىٰ دَ مُلْكٍ اللَّهْ بَ؞»

← Chapter 8 Jump to: Chapter 10 →