1 Chronicles 25

Ilonggo (Maayong Balita nga Biblia (2012))

← Chapter 24 Jump to: Chapter 26 →

1Si Haring David kag ang mga pangulo sang mga Levita nagpili sang masunod nga mga kabarangayan sa pagdumala sang mga panimbahon. Sila amo sanday Asaf, Heman, kag Jeduton. Kinahanglan iwali nila ang mga mensahe sang Dios nga ginaupdan sang lanton sang mga arpa kag mga platilyos. Amo ini ang lista sang mga tawo nga ginpili sa pagdumala sang pagsimba, suno sa ila mga bulohaton:

2Ang apat ka mga anak ni Asaf nga amo sanday Zacur, Jose, Netanias, kag Asarela. Ginadumalahan sila ni Asaf, nga nagwali sang mensahe sang Dios kon magsugo ang hari.

3Ang anom ka mga anak ni Jeduton nga amo sanday Gedalias, Zeri, Jesaias, Simei, Hasabias, kag Matatias. Sa pagdumala sang ila amay nagwali sila sang mensahe sang Dios nga ginaupdan sang lanton sang mga arpa, kag nagkanta sila sa pagdayaw kag pagpasalamat sa Ginoo.

4Ang katorse ka mga anak ni Heman amo sanday Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbecasa, Malloti, Hotir, kag Mahaziot.

5Ginhatagan sang Dios si Heman, ang propeta sang hari, sing katorse ka mga anak nga lalaki kag tatlo ka mga anak nga babayi, suno sa iya ginsaad, sa paghatag sing gahom sa kay Heman.

6Tanan sang iya mga anak nga lalaki nagtukar sing mga platilyos kag mga arpa sa idalom sang pagdumala sang ila amay sa panimbahon sa Templo. Sanday Asaf, Jeduton, kag Heman yara sa idalom sang pagmando sang hari.

7Ini tanan nga mga tawo kag ang ila kapareho nga mga Levita mga nahanas nga mga musikero. Mga 288 sila tanan.

8Sa paghibalo sang ila naiguan nga mga katungdanan nagpagabutgabot sila, pamatan-on ukon tigulang, mga sampaton ukon nagatuon pa lang.

← Chapter 24 Jump to: Chapter 26 →