1 Chronicles 7

Ilonggo (Maayong Balita nga Biblia (2012))

← Chapter 6 Jump to: Chapter 8 →

1Si Isacar may apat ka mga anak nga amo sanday Tola, Pua, Jasub, kag Simron.

2Si Tola may anom ka mga anak nga amo sanday Uzi, Refaya, Jeriel, Jamai, Ibsam, kag Semuel. Ini sila mga pangulo sang mga panimalay sang kabarangayan ni Tola, kag isganan sila nga mga soldado. Sang panahon ni Haring David ang kadamuon sang ila mga kaliwat 22,600.

3Si Uzi may isa ka anak nga si Izrahias. Si Izrahias may apat ka mga anak nga amo sanday Micael, Obadias, Joel, kag Isias. Tanan sila mga pangulo sang ila mga panimalay.

4May madamo sila nga mga asawa kag mga kabataan sa bagay nga ang ila mga kaliwat may 36,000 ka mga soldado.

5Ang listahan sang tanan nga mga panimalay sang tribo ni Isacar may 87,000 ka mga lalaki nga makaentra sa pagkahangaway.

6Si Benjamin may tatlo ka mga anak nga amo sanday Bela, Bequer, kag Jediael.

7Si Bela may lima ka mga anak nga amo sanday Esbon, Uzi, Uziel, Jerimot, kag Iri. Sila mga pangulo sang mga panimalay sa kabarangayan kag tanan sila isganan nga mga soldado. Ang ila mga kaliwat nagalakip sang 22,034 ka mga lalaki nga sarang makaentra sa pagkahangaway.

8Si Bequer may siyam ka mga anak nga amo sanday Zemira, Joas, Eliezer, Elioenai, Omri, Jerimot, Abias, Anatot, kag Alemet.

9Ang listahan sang ila mga kaliwat suno sa ila mga panimalay nagalakip sang 20,200 ka mga lalaki nga sarang makaentra sa pagkahangaway.

10Si Jediael may isa ka anak nga si Bilhan, kag si Bilhan may pito ka mga anak nga amo sanday Jehus, Benjamin, Ehud, Kenaana, Zetan, Tarsis, kag Ahisahar.

11Ini sila mga pangulo sang mga panimalay sa kabarangayan kag sila tanan isganan nga mga soldado. Ang ila mga kaliwat nagalakip sang 17,200 ka mga lalaki nga sarang makaentra sa pagkahangaway.

12Si Supim kag si Hupim katapo man sini nga tribo. Si Dan may isa ka anak nga si Husim.

13Si Neftali may apat ka mga anak nga amo sanday Jazeel, Guni, Heser, kag Sallum. Ini sila mga kaliwat ni Bilha.

14Sa iya babayi nga Aramnon, si Manases may duha ka mga anak nga amo sanday Asriel kag Maquir. Si Maquir amo ang amay ni Galaad.

15Ginpaasaw-an ni Maquir si Hupim kag si Supim. Ang ngalan sang iya utod nga babayi amo si Maaca. Ang ikaduha nga anak ni Maquir amo si Zelofehad, kag wala sia sing mga anak nga lalaki, kundi mga babayi lamang.

16Si Maaca nga asawa ni Maquir, may duha ka mga bata nga ila ginhingalanan kay Perez kag Seres. Si Perez may duha ka mga anak nga amo sanday Ulam kag Requem,

17kag si Ulam may anak nga si Bedan. Ini sila tanan mga kaliwat ni Galaad, anak ni Maquir kag apo ni Manases.

18Ang utod nga babayi ni Galaad nga si Hamolequet may tatlo ka mga anak nga amo sanday Ishod, Abieser, kag Mala.

19Si Semida may apat ka mga anak nga amo sanday Ahian, Siquem, Likhi, kag Aniam.

20Amo ini ang mga kaliwat ni Efraim: Sutela, Bered, Tahat, Elada, Tahat,

21Zabad kag Sutela. Si Efraim may duha pa gid ka mga anak nga amo sanday Ezer kag Elad, nga ginpatay sang nagtinguha sila sa pagkawat sang mga baka sang mga tumandok nga mga pumoluyo sang Gat.

22Ang ila amay nga si Efraim naglalaw para sa ila sa sulod sang madamo nga mga inadlaw, kag ang iya mga kaparientehan nag-abot sa paglipay sa iya.

23Dayon nagpakighirop sia liwat sa iya asawa kag nagbusong sia kag nagbata sing lalaki. Ginhingalanan niya sia kay Berias, tungod sang kagamo nga nag-abot sa ila panimalay.

24Si Efraim may isa ka anak nga babayi nga si Seera. Sia ang nagpasad sang mga banwa sang Naibabaw kag Naubos nga Bet-horon, kag sang Uzen-seera.

25Si Efraim may isa man ka anak nga si Repa, nga ang iya mga kaliwat amo sanday Resef, Tela, Tahan,

26Ladan, Amiud, Elisama,

27Nun, kag Josue.

28Ang kadutaan nga ila nabaton kag gin-estaran nagalakip sang Betel kag sang mga kabanwahanan sa palibot sini, tubtob sa sidlangan pakadto sa Naaran, kag tubtob sa nakatundan pakadto sa Gezer kag sang mga kabanwahanan sa palibot sini. Nagalakip man ini sang mga siudad sang Sequem kag Aya, kag sang mga kabanwahanan sa palibot nila.

29Ang mga kaliwat ni Manases naggahom sang mga siudad sang Bet-san, Taanak, Megido, kag Dor, kag sang mga kabanwahanan sa palibot nila. Amo ini ang mga lugar sa diin nag-estar ang mga kaliwat ni Jose nga anak ni Jacob.

30Amo ini ang mga kaliwat ni Aser. May apat sia ka mga anak nga amo sanday Imna, Isva, Isvi, Berias, kag isa ka anak nga babayi nga si Sera.

31Si Berias may duha ka mga anak nga amo sanday Heber kag Malquiel. Si Malquiel amo ang nagpasad sang siudad sang Birzavit.

32Si Heber may tatlo ka mga anak nga amo sanday Jaflet, Semer, Hotam, kag isa ka anak nga babayi, nga si Siua.

33Si Jaflet may tatlo man ka mga anak nga amo sanday Pasac, Bimhal, kag Asvat.

34Ang iya utod nga si Semer may tatlo ka mga anak nga amo sanday Roga, Jehuba, kag Aram.

35Ang iya utod nga si Hotam may apat ka mga anak nga amo sanday Zofa, Imna, Seles, kag Amal.

36Ang mga kaliwat ni Zofa amo sanday Siua, Harnefer, Sual, Beri, Imra,

37Beser, Hod, Sama, Silsa, Itran, kag Beera.

38Ang mga kaliwat ni Jeter amo sanday Jefone, Pispa, kag Ara,

39kag ang mga kaliwat ni Ulla amo sanday Arah, Haniel, kag Rezia.

40Ini sila tanan mga kaliwat ni Aser. Mga pangulo sila sang mga panimalay, isganan nga mga soldado sa inaway, kag bantog nga mga pangulo. May 26,000 sila ka mga lalaki nga sarang makaentra sa inaway.

← Chapter 6 Jump to: Chapter 8 →