bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Nehemiah 11
Nehemiah 11
Ilonggo (Maayong Balita nga Biblia (2012))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Ang mga pangulo nag-estar sa Jerusalem, kag ang iban nga mga tawo nagpagabutgabot sa pagpili sing isa ka pamilya sa tagsa ka napulo ka pamilya sa pagkadto kag pag-estar sa balaan nga siudad sang Jerusalem, samtang ang iban magaestar sa iban nga mga siudad kag mga banwa.
2
Ang mga tawo nagdayaw sang mga nagbulontad sa pag-estar sa Jerusalem.
3
Sa iban nga mga banwa kag mga siudad ang mga tawo sang Israel, ang mga pari, mga Levita, mga manug-obra sa Templo, kag ang mga kaliwat sang mga ulipon ni Solomon nag-estar sa ila mga banwa, sa ila kaugalingon nga duta. Ang masunod amo ang lista sang kinilala nga mga pumoluyo sang probinsya sang Juda nga nag-estar sa Jerusalem:
4
Ang mga katapo sang tribo ni Juda: Si Ataya nga anak ni Uzias kag apo ni Zacarias. Ang iban niya nga mga katigulangan nagalakip kanday Amarias, Sefatias, kag Mahalalel, mga kaliwat ni Perez nga anak ni Juda.
5
Si Maasias nga anak ni Baruc kag apo ni Colhose. Ang iban niya nga mga katigulangan nagalakip kanday Hasaya, Adaya, Joiarib, kag Zacarias, mga kaliwat ni Sela nga anak ni Juda.
6
Sa mga kaliwat ni Perez, 468 ka isganan nga mga tawo ang nag-estar sa Jerusalem.
7
Ang mga katapo sang tribo ni Benjamin: Si Sallu nga anak ni Mesullam kag apo ni Joed. Ang iban niya nga mga katigulangan nagalakip kanday Pedaya, Kolaya, Maasias, Itiel, kag Jesaias.
8
Si Gabai kag si Sallai, malapit nga mga pariente ni Sallu. Sa kabilogan, 928 ka mga Benjaminhon ang nag-estar sa Jerusalem.
9
Si Joel nga anak ni Sicri amo ang ila pangulo, kag si Juda nga anak ni Hasenua amo ang ikaduha nga opisyal sa siudad.
10
Ang mga pari: Si Jedaya nga anak ni Joiarib kag si Jaquin.
11
Si Seraya nga anak ni Helkias kag apo ni Mesullam. Ang iya mga katigulangan nagalakip kanday Sadoc, Meraiot, kag Ahitub nga amo ang Pinakamataas nga Pari.
12
Sa kabilogan, 822 ka mga katapo sini nga barangay ang nag-alagad sa Templo. Si Adaya nga anak ni Jeroham kag apo ni Pelalias. Ang iya mga katigulangan nagalakip kanday Amzi, Zacarias, Pasur, kag Malquias.
13
Sa kabilogan, 242 ka mga katapo sini nga barangay ang mga pangulo sang mga panimalay. Si Amasai nga anak ni Azarel kag apo ni Azai. Ang iya mga katigulangan nagalakip kay Mesillemot kag kay Imer.
14
May 128 ka mga katapo sini nga barangay nga isganan nga mga soldado. Ang ila pangulo amo si Sabdiel, katapo sang kinilala nga panimalay.
15
Ang mga Levita: Si Semaya nga anak ni Hasub kag apo ni Azrikam. Ang iya mga katigulangan nagalakip kay Hasabias kag kay Buni.
16
Si Sabetai kag si Jozabad, mga kinilala nga mga Levita nga nagadumala sang hilikuton sa gwa sang Templo.
17
Si Matanias nga anak ni Mica kag apo ni Zabdi, kaliwat ni Asaf. Ginpangulohan niya ang mga manugkanta sa Templo sa pagkanta sang pangamuyo sa pagpasalamat. Si Bacbukias amo ang nagbulig kay Matanias. Si Abda nga anak ni Samua kag apo ni Galal, kaliwat ni Jeduton.
18
Sa kabilogan, 284 ka mga Levita ang nag-estar sa balaan nga siudad sang Jerusalem.
19
Ang mga gwardya sa Templo: Si Akub, si Talmon, kag ang ila mga pariente nga 172 tanan.
20
Ang iban nga mga tawo sang Israel kag ang nabilin nga mga pari kag mga Levita nag-estar sa ila kaugalingon nga ginpanubli nga duta sa iban nga mga siudad kag mga banwa sang Juda.
21
Ang mga manug-obra sa Templo nag-estar sa bahin sang Jerusalem nga ginatawag Ofel, kag nag-obra sila sa idalom sang pagdumala ni Ziha kag ni Gispa.
22
Ang nagdumala sa mga Levita nga nag-estar sa Jerusalem amo si Uzi nga anak ni Bani kag apo ni Hasabias. Ang iya mga katigulangan naglakip kay Matanias kag kay Mica, kag sia katapo sang barangay ni Asaf, ang barangay nga may katungdanan sa musika sa mga panimbahon sa Templo.
23
May sugo ang hari kon sin-o ang magapangulo sang musika sa Templo kada adlaw.
24
Si Petahias nga anak ni Mesezabel sang barangay ni Zera kag sang tribo ni Juda, amo ang nagapangatubang para sa mga tawo sang Israel sa korte sang Persia.
25
Ang madamo sang mga tawo nag-estar sa mga banwa nga malapit sa ila palangumhan. Ang tribo ni Juda nag-estar sa Siudad sang Kiryat-arba, sa Dibon, kag Jecabseel, kag sa mga barangay nga malapit sa sini nga mga siudad.
26
Nag-estar man sila sa mga siudad sang Jesua, Molada, Betpelet, kag
27
Hasar-sual, kag sa Beerseba kag sa mga barangay sa palibot sini.
28
Nag-estar sila sa siudad sang Ziklag, sa Mecona kag sa mga barangay sini,
29
sa Enrimon, sa Zora, sa Harmut,
30
sa Zanoa, sa Adulam, kag sa mga barangay malapit sa sini nga mga banwa. Nag-estar sila sa Lakis kag sa malapit nga mga kaumhan, kag sa Aseka kag sa mga barangay sini. Gani ang mga tawo sang Juda nag-estar sa kadutaan sa gintung-an sang Beerseba sa bagatnan kag sang Kapatagan sang Hinom sa aminhan.
31
Ang tribo ni Benjamin nag-estar sa Geba, Mikmas, Ay, Betel, kag sa malapit nga mga barangay,
32
Anatot, Nob, Ananias,
33
Hasor, Rama, Gitaim,
34
Hadid, Zeboim, Neballat,
35
Lod, kag Ono, kag sa Patag sang mga Panday.
36
Ang iban nga mga grupo sang mga Levita nga nag-estar sa kadutaan sang Juda ginpaestar upod sa mga tawo sang tribo ni Benjamin.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13