Nehemiah 12

Ilonggo (Maayong Balita nga Biblia (2012))

← Chapter 11 Jump to: Chapter 13 →

1Ang masunod amo ang lista sang mga pari kag mga Levita nga nagbalik halin sa pagkabihag upod kay Zorobabel nga anak ni Sealtiel, kag upod sa Pinakamataas nga Pari nga si Josue:

2Ang mga pari: Seraya, Jeremias, Esdras, Amarias, Malluc, Hatus, Secanias, Rehum, Meremot, Iddo, Ginetoi, Abias, Miamin, Maadias, Bilga, Semaya, Joiarib, Jedaya, Sallu, Amok, Helkias, kag Jedaya. Ini nga mga tawo mga pangulo sang ila tanan kapareho nga mga pari sa mga adlaw ni Josue.

8Ang mga Levita: Ang masunod amo ang nagdumala sang pagkanta sang mga kalantahon sa pagpasalamat: Jesua, Binui, Kadmiel, Serebias, Juda kag Matanias.

9Ang masunod amo ang grupo sang manugkanta sang sabat nga mga kanta: Bacbukias, Uno, kag ang kapareho nila nga mga Levita.

10Si Josue amay ni Joiaquim; si Joiaquim amay ni Eliasib; si Eliasib amay ni Joiada;

11si Joiada amay ni Jonatan; kag si Jonatan amay ni Jadua.

12Sang si Joiaquim amo ang Pinakamataas nga Pari, ang masunod amo ang mga pangulo sang mga kabarangayan sang mga pari: Meraya Seraya Hananias Jeremias Mesullam Esdras Johanan Amarias Jonatan Maluki Jose Sebanias Adna Harim Helcai Meraiot Zacarias Iddo Mesullam Gineton Sicri Abias … Miniamin Piltai Moadias Samua Bilga Jonatan Semaya Matinai Joiarib Uzi Jedaya Kallai Sallai Eber Amok Hasabias Helkias Netanel Jedaya

22May lista sang mga pangulo sang mga panimalay sang mga Levita kag sang mga panimalay sang mga pari sang panahon sang masunod nga Pinakamataas nga mga Pari: Eliasib, Joiada, Johanan, kag Jadua. Ini nga lista natapos sang si Dario amo ang hari sang Persia.

23Ang mga pangulo sang mga panimalay nga Levita ginlista sa opisyal nga mga listahan tubtob sang panahon ni Johanan nga apo ni Eliasib.

24Gingrupo ang mga Levita sa idalom sang pagdumala nanday Hasabias, Serebias kag si Jesua nga anak ni Kadmiel kag sang ila mga kaupdanan. Ang duha ka mga grupo sa isa ka tion nagasabtanay nga nagadayaw kag nagapasalamat sa Dios suno sa mga gintudlo ni Haring David, ang tawo sang Dios.

25Ang mga gwardya sa Templo amo ang gintugyanan sa pagbantay sang mga bodega sa tupad sang mga pwerta pakadto sa Templo. Ini amo ang masunod: Matanias, Bacbukias, Abadias, Mesullam, Talmon, kag Akub.

26Ini nga mga tawo nagkabuhi sang panahon ni Joiaquim nga anak ni Josue kag apo ni Josadac, kag sa panahon ni Nehemias nga gobernador, kag sa panahon ni Esdras nga pari kag manunodlo sang Kasugoan.

27Sang paghalad sang pader sang Jerusalem, ang mga Levita gindala sa Jerusalem gikan sa ila mga ginaestaran bisan diin agod ang tagsatagsa sa ila makabuylog sa pagsaulog sang paghalad nga may mga kanta sang pagpasalamat kag may musika sang mga platilyos kag mga arpa.

28Ang mga panimalay nga Levita nga mga manugkanta nagtipon gikan sa lugar sa diin sila nagaestar sa palibot sang Jerusalem, kag gikan sa mga banwa sa palibot sang Netofa,

29kag gikan sa Bet-gilgal, Geba, kag Azmavet.

30Ang mga pari kag ang mga Levita naghimo sing bulohaton sa pagpaninlo sang ila kaugalingon, sang mga tawo, sang mga pwerta, kag sang pader sang siudad.

31Gintipon ko ang mga pangulo sang Juda sa ibabaw sang pader kag gintugyan ko sa ila ang pagdumala sang duha ka dalagku nga mga grupo sa paglakat palibot sa siudad nga nagapasalamat sa Dios. Ang nahauna nga grupo naglakat pa tuo sa ibabaw sang pader pakadto sa Pwerta sang Ipot.

32Si Hosaya kag ang katunga nga mga pangulo sang Juda nagsunod sa mga manugkanta.

33Ang madason nga nagsunod amo ang mga pari nga nagpatunog sang mga trumpeta. Sila amo sanday Azarias, Esdras, Mesullam, Juda, Benjamin, Semaya, kag Jeremias. Ang madason amo si Zacarias nga anak ni Jonatan kag apo ni Semaya. Ang iya mga katigulangan nagalakip kanday Matanias, Micaya, kag Zacur, sang barangay ni Asaf.

36Ang nagasunod sa iya amo ang iban nga mga katapo sang iya barangay nga amo sanday Semaya, Azarel, Milalai, Gilalai, Maai, Netanel, Juda, kag Hanani. Ini sila tanan may gindala nga ginpatunog nga mga galamiton nga kaangay sang gintukaran ni Haring David, ang tawo sang Dios. Si Esdras nga manunodlo sang kasugoan amo ang nagapanguna sa ila sa prosesyon.

37Sa Pwerta sang Tuboran nagsaka sila sa hagdanan nga nagapadulong sa Siudad ni David, nga nagaagi sa palasyo ni David, kag pabalik sa pader sa Pwerta sang Tubig sa sidlangan nga bahin sang siudad.

38Ang isa ka grupo sadtong nagpasalamat naglakat pakadto sa wala sa ibabaw sang pader, kag nagsunod ako upod sa katunga sang mga tawo. Naglakat kami nga nagaagi sa Tore sang mga Horno pakadto sa Malapad nga Pader,

39kag halin didto naglakat kami nga nagaagi sa Pwerta sang Efraim, Pwerta sang Jesana, Pwerta sang Isda, sa Tore sang Hananel, kag sa Tore sang Isa ka Gatos, pakadto sa Pwerta sang Karnero. Nagdulog kami sa Pwerta sang Gwardya.

40Gani ang duha ka mga grupo nga nagapasalamat sa Dios nakalambot sa lugar sang Templo. Wala labot sang mga pangulo nga nagaupod sa akon,

41ang akon grupo nagalakip sini nga mga pari nga nagapatunog sang ila mga trumpeta: sanday Eliaquim, Maaseya, Miniamin, Micaya, Elioenai, Zacarias, kag Hananias,

42kag ang mga manugkanta nga nagsunod nga ginpangulohan ni Jezrahias amo sanday Maaseya, Semaya, Eleazar, Uzi, Jehohanan, Malquias, Elam kag Ezer. Nagkanta sila sing tudo gid.

43Sadto nga adlaw madamo nga mga halad ang gindulot, kag ang mga tawo puno sang kalipay, tungod kay ang Dios ang naghatag sa ila sing daku nga kalipay. Ang mga babayi kag mga kabataan nagbuylog sa pagsaulog, kag ang kagahod nila mabatian sa malayo nga mga lugar.

44Sa sadto nga panahon may mga tawo nga ginbutang sa pagdumala sang mga bodega nga ginataguan sang nahauna nga patubas kada tuig, sang ikapulo, kag sang iban nga mga amot para sa Templo. Ini nga mga tawo amo ang may katungdanan sa pagtipon gikan sa kaumhan nga malapit sa nagkalainlain nga mga siudad sang mga amot nga ginasiling sang Kasugoan para sa mga pari kag mga Levita. Ang tanan nga mga tawo sang Juda nalipay sa mga pari kag mga Levita,

45tungod kay gintuman nila ang mga bulohaton sa pagpaninlo kag ang iban pa nga mga tulomanon nga ginsugo sang Dios. Ang mga musikero kag mga gwardya sang Templo nagtuman sang ila mga katungdanan suno sa mga pagsulondan nga ginhimo ni Haring David kag sang iya anak nga si Solomon.

46Halin sang panahon ni Haring David kag sang musikero nga si Asaf sang una nga panahon, ang mga musikero nagpangulo sang mga kanta sa pagdayaw kag pagpasalamat sa Dios.

47Sa panahon ni Zorobabel kag sa panahon man ni Nehemias ang tanan nga mga tawo sang Israel naghatag sing mga dulot kada adlaw para sa pagsakdag sang mga musikero kag mga gwardya sang Templo. Ang mga tawo naghatag sing balaan nga dulot sa mga Levita, kag ang mga Levita naghatag sang bahin para sa mga pari.

← Chapter 11 Jump to: Chapter 13 →