bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 10
Romans 10
ibibio
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Nditọete, se ido udọñ esịd mmi ye akam a-mbọññọ nnọ Abasi mbaña nditọ Isred ado yak ammọ ekpekap ebọ edinyañña.
2
Sia mmekeme aditie ntiense mbaña ammọ nte ke ammọ enie udọñ enọ Abasi, ado udọñ ammọ isañake ikeene ifiọk.
3
Sia ammọ miikidiọọñọke adinenido Abasi ndin eyem adinie usʌñ ake ammọ, ammọ ikisuuhọ iwuod inọ adinenido Abasi.
4
Krais ado utịd afịd ibed nọ ato do adinenido aba anọ afịd awo se inịm ke akpanikọ.
5
Moses awed ami abaña usʌñ adinenido a-asañake ke ibed: “Awo a-anamma mme ñkpọ ami ayaadu uwem akeene ammọ.”
6
Ado adinenido atooho ke mbuọdidem abo ntom: “Kuubo ke esịd mfo, ‘Anie adidọọk ika abio ubọọñ Abasi?’ ” (a-adooho, adikiben Krais nsuho ndi)
7
“me, ‘Anie aditịkke idʌk ke ntọtəñọ itie?’ ” (a-adooho, adibenne Krais nsio ke ñkpa).
8
Ado nso-o ke anye atañ? “Ikọ ukpere fiin; asịne ke inua mfo mme ke esịd mfo,” ado ado, ikọ mbuọdidem a-ñnyịn ikwọrọke ibaña:
9
Ate adieke afo atañña ke inua mfo abo ke, “Yisọs ado Abọọñ” ndin anyʌñ anịm ke esịd mfo ate ke Abasi amaanam anye ased ke ñkpa, afo ayaanie adinyaaña.
10
Sia ado ke esịd mfo ke afo anịm ke akpanikọ ndin anie unen, ñko ato ke inua mfo, afo ayaara mbuọdidem ndin anie adinyaaña.
11
Nte ikọ Abasi atañña, “Awo keed ake adodo a-anịmme Yisọs ke akpanikọ idiikịtte asuenne.”
12
Sia ukpəhọde ibaaha ke ufọọd mme Yuu ye mme Yentaid–ukem Abọọñ ado ado Abọọñ afịd awo a-adiọññọ afịd mbon awo se ikood anye ayọhọ-ayọhọ.
13
Sia, “Afịd awo se ikood anyịñ Abọọñ eyaebọkkọ.”
14
Die, ndin ke ammọ ediikan ikood anye a-ammọ miinịmme ke akpanikọ? Ndin, die ke ammọ ediikan inịm anye a-ammọ mmiikoppo ñkpọ ibaña? Ndin die ke ammọ ediikop ke mmibaagha awo se ikwuọọrọ ikọ Abasi inọ ammọ?
15
Ndin die ke edikwọrọ ke mmibọhọke edọdọñ ammọ? Kpa naña emaekewet, “Ikpad mbon ado e-edatta nti etob edi ayaiya die!”
16
Ado idooho afịd nditọ Isred ekeenyịmme eti etob ami. Sia Aisaya abo, “Abọọñ, mme anie awo ekeenịm etob ñnyịn ke akpanikọ?”
17
Ke ntodo, mbuọdidem ato ke adikop etop, ndin adikop etop ami ato ikọ Krais.
18
Ado ami mbịp, nte ammọ ikikoppo? Ke akpanikọ, ammọ emaekop: “Uyo ammọ amaawuọ adʌk afịd ederimbod, ikọ ammọ ñko awuọ utịd ederimbod.
19
Ñko mmaana mbịp: Nte ikinwañake Isred? Akpa, Moses abo, “Ami ñyaanam ndufo esịn anyen ebaña mbon a-mmiidoññoke idịd; ami ñyaanam ndufo ediọọk esịd ebaña idịd e-mmiinieeghe ifiọk.”
20
Ndin Aisaya atañ uko-uko, “Mbon i-ikidiiñyemme emaeñkịt, Ami mmaayaara idem mmi nnọ mbon a-mmiikibịppe ñkpọ imbaña miin.”
21
Ado ke atuuhọ Isred anye abo, “Ke afịd usen ami mmesio ubọk mmi ñnyan nnọ mbon nsọñiwuod ye mbon ukpọtiọ.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16