bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 6
Romans 6
ibibio
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
1
Nso-o ke ñnyịn idiitañ, ndin? Nte ana ñnyịn ikaiso inam idiọọkñkpọ nọ ato do mfọn atọt?
2
Idooho ntodo! Die ke ñnyịn i-imaikikpañña inọ ndiọiñkpọ ñnyịn idi ikaiso isịne kpa ke idiọọkñkpọ ado aba?
3
Nte ñnyịn idiọọñọke ke afịd a-ñnyịn i-imaikinaa uduọkmmọọñ ke Krais Yisọs imaina uduọkmmọọñ ñko idʌk ke ñkpa amọ?
4
Emaibuuk ñnyịn ñko ye anye ato uduọkmmọọñ ke ñkpa nọ ato do, naña ekenam Krais aset ke ñkpa ato ke ubọọñ Ete amọ, ñnyịn ñko ana inyʌñ idu ufa uwem.
5
Akpedo ñnyịn imidiana mme anye ntom ke ñkpa amọ, ñnyịn ñko idiitreke adidiana mme anye ke adised ke ñkpa amọ.
6
Sia ñnyịn imidiọọñọ ke emaekọñ akaan uduod ñnyịn ke krọs ye anye nọ idiọọkñkpọ abʌkidem aboiyo afep, mbaak ñnyịn ikuuka iso ido ifʌn inọ idiọọkñkpọ.
7
Sia awo keed ake adodo a-amaakekpa, abọkkọ idiọọkñkpọ.
8
Do ndin adieke ñnyịn ikikpaaha mme Krais, ñnyịn iminịm ke ñnyịn ñko iyaidu uwem mme anye.
9
Sia ñnyịn imidiọọñọ ite ke emaenam Krais aset ke ñkpa, anye ikemeke adikpa aba; ñkpa ikarake anye aba.
10
Ñkpa a-anye akekpaaha, anye akekpa anọ idiọọkñkpọ afịd awo akañ keed; ado uwem a-anye aduuho, anye adu anọ Abasi.
11
Kpa ke ukem usʌñ ado, ibat idem ndufo nte ke emaekpa enọ idiọọkñkpọ ado idu uwem enọ Abasi ke Krais Yisọs.
12
Ndin ikuuyak idiọọkñkpọ akara ikpọkidem ndufo mbaak ndufo idinam ndiọi udọñ amọ.
13
Ikuuyaak itie ntekeed ke idem ndufo inọọ idiọọkñkpọ, nte ñkpọutom ibak; utu ke ndo iyaak idem ndufo inọ Abasi, nte mbon e-emaekesio ke ñkpa isịn ke uwem; ke ntodo iyaak afịd idem ndufo inọ anye nte ñkpọutom unenido.
14
Sia idiọọkñkpọ idiidooho eteufọk ndufo aba, sia ndufo ibaaha ke idak ibed, ado eba ke idak mfọn.
15
Nso-o ndin? Ana ñnyịn inam idiọọkñkpọ sia ñnyịn mmiibaaha ke idak ibed ado ke idak mfọn? Iyoo!
16
Nte ndufo idiọọñọke ke emayaak idem ndufo enọ awo nte mme akop uyo ifʌn, ndufo edo ifʌn enọ awo ake ndufo ekoppo uyo amọ–me ndufo edo ifʌn enọ idiọọkñkpọ, a-adatta aka ñkpa, me ñkopuyo, a-adatta aka adinenido?
17
Ado mmekọọm Abasi nte ke akpesʌk ado a-ndufo ekesidooho ifʌn enọ idiọọkñkpọ, ndufo emaenam se ekikpeep ndufo ke afịd esịd ndin anye akappa ado usʌñ nkobuyo ndufo idahami.
18
Emaisio ndufo ke abʌkidem idiọọkñkpọ ndin edido ifʌn enọ adinenido.
19
Ami ntañ ami nte uwọdñkpọ nto eduuwem usen ke usen nte awo sia ndufo emenie mmemidem abʌkidem nte awo. Kpa naña ndufo ekesịyaak idem ndufo nte ifʌn enọọ se mmiikisanake ye uwak-uwak ndiọiñkpọ, idahami ekappa edo ifʌn enọ adinenido a-adatta aka adisana uwem.
20
Idaha a-ndufo ekedooho ifʌn enọ ndiọiñkpọ, ndufo ikisịnekke ke idak ukara nnen-nnen ido.
21
Nso-o ufọn ndin ke ndufo ekeebọọ ke ini ado eto mme ñkpọ i-imʌmmọ ndufo buud idahami? Mme ñkpọ ado edat ekaa ñkpa!
22
Ado idahami emaesio ndufo ke idiọọkñkpọ, ndufo enyʌñ eforo ifʌn ake Abasi, mme ntiñkpọ a-andufo ebọọhọ adat ndufo aka adisana ido, ndin utịb ado nsi-nsi uwem.
23
Sia utịp idiọọkñkpọ ado ñkpa, ado enọ Abasi ado nsi-nsi uwem ke Krais Yisọs Abọọñ ñnyịn.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
All chapters:
1
2
3
4
5
6
7
8
9
10
11
12
13
14
15
16