bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Romans 11
Romans 11
ibibio
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Ami mbịp ndin mbo: Ado nte Abasi amaasịn ikọt amọ? Idooho ntodo! Ami ndo awo Isred ke idem mmi, nto ubon Ebraham, atooho ke ekpək Benyamin.
2
Abasi ikisịnne ikọt amọ a-anye ammaketo adiọọñọ. Ado nte ndufo afo idiọọñọke se ikọ Abasi abo ke itie ñwed keed abaña Edaiya, naña anye aketọt mme ndiọiñkpọ Isred anọ Abasi ate:
3
“Abọọñ, ammọ ewood mme brọfed enyʌñ ebiad mme itie uwa mfo, ami ikpọọñ ndiinsʌhọ, ndin ammọ esʌk eyem usʌñ adiñwot miin.
4
Ndin nso-o ikido ibọọrọ Abasi akenọọhọ anye? Ami mmenịm nnọ idem mmi tọsịn awo itiaba e-miitọọñọke edọñ inọ abasi Baad.”
5
Kpa ntodo, ke ini ami aba usatusʌhọ e-emekke ato ke mfọn.
6
Ndin adieke atooho ke mfọn, itooho aba ke utom; akpedo ntodo mfọn ikpidooho aba mfọn.
7
Nso-o ndin? Ami nditọ Isred ekenekke eyem ado ammọ ikinieehe, sʌk mme andimek ke atu ammọ ekeenie, ado mbon ako emaesọọñ esịd,
8
kpa naña ekewet “Abasi amaanọ Sịbidịd ekandịk idap, anyen a-ammikiikanna ikịt ñkpọ ye utọñ a-ammikiikanna ikop ikọ, tutu asịm nte mfịn.”
9
Ndin Defid abo: “Yak usọrọ ndia ammọ akappa afia ye mfịnne, ado ñkpọiduọ ye ufen anọ ammọ.
10
Yak anyen ammọ abre tutu ammọ ikana ikịt ñkpọ, edem ammọ ñko anyʌñ akọbọ ke nsi-nsi.”
11
Mmaana mbịp: Nte ammọ eketuak ukod eduọññọ mbaak idikan idakka ida aba? Idooho ntodo! Ado ke nnamndue ammọ, adinyaaña amadiisịm mme Yentaid nọ Isred ekop idiọọkesịd.
12
Ado adieke nnamndue ammọ adooho uwak mfọn imọ anọ ederimbod, ntakudua ammọ ado ekandịk adidiọñ inie anọ mme Yentaid, die ke mme edidiọñ ammọ adikpon ke ini ediiben mme Yuu ukeed isịn ke atu!
13
Ami ntañ ikọ ami inọ ndufo Yentaid. Akpasʌkado nte ami ndooho isʌñutom nnọ mme Yentaid, ami mmekpono ubiọñ utom mmi
14
akemido ke uto usʌñ ake adodo mmekeme inam ikọd ñnyịn efịbe mme Yentaid, ma ñkan ñnyaña usʌk mme Yuu.
15
Sia akpedo edisịn ammọ ado adinam edidiana keed amana aba, nso-o ndin ke edinyịmme ammọ adido ikan uwem atooho ke ñkpa?
16
Adieke ñkañ keed usʌñ-uyo a-anuaka adinọ nte akpa mfịd asanake, ndin afịd itu ado edisana; adieke adʌñ adooho edisana, ñkọk ñko ayaado edisana.
17
Adieke usʌk mme ñkọk emaekebʌññọ ewuọ, ndin afo, ñkọm afo ado ọdif a-akọttọ ke akai ikọd, ekpukpịkke eben edian ke atu mme ñkọk mbon ñko afo awuana idahami ke udeme ndʌp uwem a-atooho eti adʌñ ọdif,
18
ikiinam nte ndufo emifọn ekan mme ñkọk añko. Adieke enamma ntodo, ikere ntom ise: Ndufo idooho unwam inọ adʌñ ado, ado adʌñ akap inwam ndufo.
19
Ndin afo adubo, “Ekekpook ñkọk esioño ma emben miin edian.”
20
Yak ibo ke ado ntodo. Ado ekekpịkke ammọ esioño ke ntak unana mbuọdidem, ndin afo ada ke mbuọdidem. Ke ndodo kuuwọtidem ado nie uteñe.
21
Sia adieke Abasi mmiikifeene inọ mme ñkọk eto, anye iduufeene fiin ñko.
22
Kere ndin baña mfọn ye nsọñido Abasi: Nsọñido anọ mbon e-emaekeduọññọ, ado mfọnido unọ fiin, afo akpeakap akaiso amʌm mfọnido amọ akama. Mmiidooho ntodo eyaukpịkke fiin ñko esio.
23
Ndin adieke ammọ miikaaha iso ke unana adinịm ke akpanikọ, eyaeben ammọ edian, sia Abasi akeme adiben ammọ mmanandian.
24
Adieke ekukpịkkeke fiin esio ke uduud eto ọdif afai, ndin uben fiin edian ke eti uduud eto ọdif, didie ndin ke mbon ami, mme ata ñkọk ake eti abod ami, ke emaetịmme ididian ammọ ke eto ọdif, mmiidiidianake mfọn-mfọn!
25
Ñyeeme ndufo edo mme anana ifiọk ke ata ndịbe ñkpọ ami, nditọete, mbaak ndufo ediikko ediduak idem ndufo: Nsọñiwuod nditọ Isred idooho ke nsi-nsi adikpeene tutu afịd ibad mbon mme Yentaid edʌk edi.
26
Ndin ke utọ usʌñ ami eyaenyaaña afịd Isred, naña ewed: “Andinyaaña adiito ke Sayọn idi; anye ayaawọññọ unana edidiọọñọ Abasi asio ke ufọk Yekọb.
27
Ndin ami ado edioomo Mmi mme ammọ ke mmaaben idiọọkñkpọ ammọ mfep.”
28
Ke ekeneeke eti etob, mme Yuu edoñño mme asua ke ntak mme Yentaid, ado ke ntak a-Abasi akeamekke ammọ, ema ammọ ke ntak ikpọ nsọbom ammọ,
29
sia awo ikemekke adiisọọk mme enọ Abasi mme ikood amọ mfep.
30
Kpa naña ndufo ke ini ako ekesọññọ iwuod mme Abasi ado emebọ mbọm ke ntak ntịdutọñ ammọ idahami,
31
ntodo ammọ, ke ntak mbọm a-Abasi inọọhọ ndufo, eyetịt utọñ idahami, ma ammọ ebọ mbọm Abasi.
32
Sia Abasi abọp afịd awo asịn ke ntịdutọñ nọ ato do anye anie mbọm anọ afịd ammọ.
33
O, ntọtəñọ inie, aniọñ mme ifiọk Abasi! Die ke ekan adiduuñọ usʌñ ubiire ikpe amọ, mme usʌñ amọ akan se ekeme idiọọñọ.
34
“Anie awo adiọọñọ akikere Abọọñ? Anie awo ado adinọ anye item?
35
Anie akenaanam anọ Abasi ñkpọ, nọ Abasi adinọ anye usieene?”
36
Sia ato ke anye, aboiyo ke anye, afịd ñkpọ abañña, ndin afịd ñkpọ anie anye. Enọ anye ubọọñ ke nsi-nsi! Amen.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16